教育王國
標題: 升了中學後常打機 [打印本頁]
作者: Kenpleple 時間: 13-7-24 23:45 標題: 升了中學後常打機
我仔自從升中學日日掛住打機,又無心讀書好担心話佢又唔聽点算好而家升中2,好彩是band1尾中學,又無家長比實際意見点好?現在佢既時期好反抗!我又要返工(本人是單親家庭)平日是婆婆照顧佢我放工佢又打機!!!!
作者: Alphonse 時間: 13-7-25 10:50
提示: 作者被禁止或刪除 內容自動屏蔽
作者: 黃巴士 時間: 13-7-25 11:51
有否參加校內課外活動?? 男生多精力過剩, 放學後, 運動打波最好充塞他們時間.
作者: irispjy 時間: 13-7-25 14:15
回復 Kenpleple 的帖子
我個女都系咁日打夜打,一要温習就要閙,真煩!你同佢講道理,佢又好似明白咁,反正就系批評接受,態度照舊!
作者: Alphonse 時間: 13-7-25 15:16
提示: 作者被禁止或刪除 內容自動屏蔽
作者: 黃巴士 時間: 13-7-25 16:19
Alphonse 發表於 13-7-25 15:16
如果唔怕佢顧住打波唔讀書的話,這也是個好辦法,當然除左做功課及考試前温習之外,平日最好唔好逼得太緊 ...
如果是因為打波而打到唔讀書, 似乎是小朋友沒節制, 分不到事情輕重. 家長可適時講解.
ANYWAY, 我仍然堅持我囝閒日不可打機, 暑假可除外&放鬆些..
作者: Kenpleple 時間: 13-8-6 22:27
方法用盡了,但一樣冇變
作者: piagetmum1 時間: 13-8-6 23:37
贊成培養其他興趣,起碼有均衡發展。
作者: piagetmum1 時間: 13-8-6 23:45
打機要升級都考技術,孩子不服氣要挑戰自己,在男生世界中這樣的行為不鼓勵但可理解,最可悲的是有些男生不挑戰白己,乾脆用錢買武器升級,這樣連挑戰困難的心沒有,情況真是每况愈下。
作者: pswongg 時間: 13-8-7 07:51
不能控制的話 都盡量唔好打太多暴力的遊戲
作者: Meikin 時間: 13-8-7 12:02
本帖最後由 Meikin 於 13-8-7 12:02 編輯
回想我們當年都曾經對打機愛不釋手, 只是當年電腦和手機不普及, 限制了我們慾望罷了. 以我所見, 而家十個有九個細佬都是機迷, 男仔鍾意打機, 女仔鐘意whatsapp, 睇片.......除非你可以杜絕他們用電腦, 用手機, 否則只能跟他們約法三章, 定下規條, 加上日提夜哦, 持之而恒, 表明立場, 假以時日(起碼2年), 情況應該會有好轉.
作者: PINKAVA 時間: 13-8-7 20:23
我會set password 用脑等我回家開機
作者: KCWO 時間: 13-8-7 23:44
我女曾經沉迷打机和whatapps,多次提醒都不理我,後來我不管她,任由她的成績下滑,後考試成績一出,大倒退,當天放學回家她立即把手机交給我,回復正軌,專心讀書。現在”哦”她,她都不敢駁咀。
作者: yonnie_tam 時間: 13-8-8 11:47
回復 Kenpleple 的帖子
一齊set 目標吧 溫左書就比打機:)
作者: kk6076 時間: 13-9-17 16:29
亞仔都係成日掛住看whatsapp, 打機不在話下, 現唯有做功課時叫他打手機離身, 做完才可掂. 另打機盡量只可在假日, 現所有對策都是見招拆招, 最慘要看他不高興的樣子.... 嗚嗚!!!
作者: bigfoothk 時間: 13-9-17 17:49
提示: 作者被禁止或刪除 內容自動屏蔽
作者: greenblee 時間: 13-9-17 18:29 標題: 回覆:升了中學後常打機
我個囝都係,今年重讀中二。我都好煩架
作者: joyful_family 時間: 13-9-17 18:34
唔好比錢買遊戲
我隔離屋既鄰居直情整走d鍵盤咁
個仔叫乜都無用
約法三章例如玩既時數 唔得只能夠斷零用
作者: ay9566 時間: 13-9-17 21:33
回復 Kenpleple 的帖子
其實上到中學真係比較難聽MAMA話.....
你愈[哦], 佢愈唔聽! 你可以TRY下幫佢PLAN PLAN時間表, 又可以要佢返補習班等佢無咁多時間係屋企
作者: ppchan168 時間: 13-9-18 15:29
我教你一招。你同距講:你一生就只剩下需要讀呢五年書(F.2-F.6), 你讀好距,入到大學,之後就唔駛讀書啦,因為大學好馬夫,唔讀書都可以畢業(絕對冇誇張)。如果你入唔到大學,那就更加唔駛讀啦。至於打機,讀完呢五年后,你想點打都得,打到80歲都冇人阻你。而且,越后出的game越好玩。你自己執生啦。
作者: ppchan168 時間: 13-9-18 15:37
補充一句,各位家長,唔好同d遊戲斗,冇得斗!本人作為一個過來人,曾經花一年時間,每天8小時,專心打一個遊戲(叫帝國時代,Age of empire),同吸毒冇乜分別。當時已經出來自己做小生意,每天收工都是員工催促才罷休。所以,打機的細路,同啪丸仔冇乜分別。一定要馬上處理,否則報廢!
作者: olkan 時間: 13-9-18 21:43
約法三章唔work的,在暑假裏的表現已反映了,一開學就收機,講到明放假先可以玩。成績差連放假都冇得玩。
作者: er88 時間: 13-9-21 07:35 標題: 引用:我教你一招。你同距講:你一生就只剩下需要
原帖由 ppchan168 於 13-09-18 發表
我教你一招。你同距講:你一生就只剩下需要讀呢五年書(F.2-F.6), 你讀好距,入到大學,之後就唔駛讀書啦, ...
Good !好招數!不過我建議實行“梁生“的“辣招“,星期一至星期四吾比打,星期五放學先比打,如果學業退步的話,星期一至星期七都吾得打!
作者: ww292 時間: 13-9-22 22:36
埃!現在的小朋友真難教,鬧佢又怕佢睇唔開,控制唔到,除非唔使返工。
作者: Sasaalan 時間: 13-9-24 12:20
回復 ww292 的帖子
我同你一樣心態, 唔敢鬧....但又唔想縱, 有時火遮眼都係機關槍....慢慢摸索吧....
作者: 黃巴士 時間: 13-9-24 12:51
本帖最後由 黃巴士 於 13-9-24 12:52 編輯
回復 er88 的帖子
小學至中二現時都是這樣實行. 長假期除外.
作者: ecec1122 時間: 13-9-25 11:20
小學生都機不離手.
作者: grace_xian 時間: 13-9-26 08:27 標題: 引用:Quote:原帖由+ppchan168+於+13-09-18+發表
原帖由 er88 於 13-09-21 發表
Good !好招數!不過我建議實行“梁生“的“辣招“,星期一至星期四吾比打,星期五放學先比打,如果學業退步 ...
我一直都係咁做,但現在好驚升到中一唔受我控制
作者: Jackieson 時間: 13-9-26 09:42
grace_xian 發表於 13-9-26 08:27
我一直都係咁做,但現在好驚升到中一唔受我控制
堅持呀! 易放難收, 特別上到中學, 唔好鬆懈, 否則一放就難收, 控制唔到就有排頭痛 ...
作者: bigfoothk 時間: 13-9-26 17:10
提示: 作者被禁止或刪除 內容自動屏蔽
作者: wudy 時間: 13-9-29 23:36
我個仔中六喇都係咁,話又唔聽,重嫌你煩。都唔知可點做。最近重鎖埋房門,叫佢唔準鎖佢話之你。做父母真心痛。一日同你都冇二句說話。
作者: IRON 時間: 13-10-2 10:38
我仔間學校有合約, 家長, 仔, 學校各KEEP一份, 閒日不可打機, 假日同父母商議好填落去(我仔填假日一粒鐘, 長假期兩粒鐘/每日)
中秋日放學我同仔講可以輕鬆下打下機啦, 佢即話媽咪, 今日閒日喎.......
作者: mesmerising 時間: 13-10-3 03:51
我囝升咗中學,比較忙,反而少打機。
作者: renewdanny 時間: 13-10-5 16:39
本帖最後由 renewdanny 於 13-10-5 16:41 編輯
Set password, 鬧佢,收機,傾過,基本咩都試過,但一直被家中太太破壞晒,太太係超級慈母,佢同我講左句,你甘樣封鎖佢,佢傻起上黎跳樓死左,到時你會得到d 咩野,到時兩公婆係咩都冇呀,我聽完冇聲出。無力了,只有等個仔自己醒。
作者: 黃巴士 時間: 13-10-6 01:20
renewdanny 發表於 13-10-5 16:39
Set password, 鬧佢,收機,傾過,基本咩都試過,但一直被家中太太破壞晒,太太係超級慈母,佢同我講左句 ...
打機沉迷都會跳樓啦!!
有些事, 如果是對, 是要互相共識&堅持. 一下子很難脫離的話, 起碼都要有一個共識. 否則大家都多爭駁.
作者: yingyee 時間: 13-10-7 00:37
bigfoothk 發表於 13-9-26 17:10
己鎖機了,現只有電話功能,聽音樂,茶字典,有改進才開鎖
可否教我如何鎖機?唔該!
作者: bigfoothk 時間: 13-10-7 10:05
提示: 作者被禁止或刪除 內容自動屏蔽
作者: yingyee 時間: 13-10-7 11:35
Thanks,主要是想鎖智能手機,好似你咁。
作者: DeReMe 時間: 13-10-7 22:15
回復 renewdanny 的帖子
你或許要先令太太明白成癮的害處, 可先找社工或有關之專業人士了解再商討如何幫你的小朋友。
作者: KKKK 時間: 13-10-11 09:47 標題: 回覆:升了中學後常打機
請上google 打minecraft addiction, 如果小朋友打minecraft, 小心成癮,請參考網上addiction 的例子,小朋友有入沒出。做父母要幫他們脱癮,請社工輔導,請小心此遊戲。最好不要開始。
作者: 黃巴士 時間: 13-10-11 12:21
KKKK 發表於 13-10-11 09:47
請上google 打minecraft addiction, 如果小朋友打minecraft, 小心成癮,請參考網上addiction 的例子,小朋 ...
我囝中一時朋友仔介紹玩此GAME. 今年暑假一大班同學仔一齊ONLINE玩, 玩到瘋癲.
開學後, 他停了. 但現在平時唔打, 都會上YOUTUBE睇其他人打.
家長真要小心看管他們節制. 此GAME流行成"瘋".
作者: YuYuMother 時間: 13-10-11 12:36 標題: 引用:Quote:KKKK+發表於+13-10-11+09:47+請上goo
原帖由 黃巴士 於 13-10-11 發表
我囝中一時朋友仔介紹玩此GAME. 今年暑假一大班同學仔一齊ONLINE玩, 玩到瘋癲.
開學後, 他停了. ...
同意。我仔同學介紹佢玩,之後就沈迷。佢自己無手機,都係用屋企ipad玩。
最初我地以為係普通遊戲dl左比佢放假玩,點知佢越黎越沈迷,一有時間就叫我地比佢玩。我地見唔對路,delete左個game等佢無得玩。不過佢仲有心癮架,有時都會上youtube睇。比我地發現當然禁止用機啦,之後好好多啦,真係好彩cut得快。
不過有時都無得避,佢落公園玩都有朋友仔帶住部機玩,佢無得玩咪走埋去睇人玩囉。唯有時時提住佢打機既害處啦。
作者: KKKK 時間: 13-10-11 16:06 標題: 回覆:升了中學後常打機
因此game可multi players叫不同地方的人on line 打,而且不断更新,不會gameover, 所以可一直打下去,不吃、不眠、不返学,最慘出埋手机版,要小心!
外國巳開始注意成癮问題,不要信孩子的定力!
作者: Kenpleple 時間: 13-11-10 12:54
我仔已上癮点算?現在鎖機但佢每天比佢玩一陣(因將快測驗),但假期會玩到傻,唔比佢玩又怕佢跟人去網吧重驚~~
作者: skkeung 時間: 13-11-10 22:17 標題: 引用:我仔自從升中學日日掛住打機,又無心讀書好
原帖由 Kenpleple 於 13-07-24 發表
我仔自從升中學日日掛住打機,又無心讀書好担心話佢又唔聽点算好而家升中2,好彩是band1尾中學,又無家長比 ...
唔明打機唔讀書同band 1尾有什麼關係!
作者: skkeung 時間: 13-11-10 22:19 標題: 引用:+本帖最後由+renewdanny+於+13-10-5+16:41+
原帖由 renewdanny 於 13-10-05 發表
本帖最後由 renewdanny 於 13-10-5 16:41 編輯
Set password, 鬧佢,收機,傾過,基本咩都試過,但一直 ...
無奈!好難做!
作者: dobbybabie 時間: 13-11-10 23:21 標題: 引用:Quote:原帖由+Kenpleple+於+13-07-24+發表
原帖由 skkeung 於 13-11-10 發表
唔明打機唔讀書同band 1尾有什麼關係!
可能樓主的意思係band1尾容易啲讀
作者: zooweemama 時間: 13-11-11 00:08
本帖最後由 zooweemama 於 13-11-11 00:34 編輯
回復 Kenpleple 的帖子
沉迷打機大約指每天花去2到4小時以上吧!長假期還會更多,如超過8小時以上,並且不願讀書、或不集中精神溫習!
沉迷打機如軟性毒品或迷上賭博,亦有人說過等於小朋友沉迷色情網站一樣,是慢性自殘他的心。注意,頗多沉迷打機的,也牽上沉迷色情網站。如樓上所說,一旦迷上了打機,大人也控制不了,別說小孩了。基本極之麻煩,可以打定輸數,即是說別太有期望。
除了樓上各位所說,以下一些方法可以分享一下如何對治沉迷,雖然未必幫上忙,這些建議比較適合中毒較深的孩子(能自制或能受制,又有打機習慣算不上沉迷):
1)統計分析他每天花在打機的時間。包括假日和長假期。
2)得到數據後,跟他分析如果不再沉迷打機,省下的時間可做什麼有益的事,和得到什麼好處?
3)上網上找尋、準備一些沉迷打機所產生的案件,如傷人、命案、或自殘、自殺。等他有一點反思的時候給他。或等他跟妳有良好對話的時候,再引導出要他看一兩遍。
4)跟他說這是人生一個關口,所有中學(主要是男生)都要經過。越早刻服,將來越易成就,越有好日子過(包括天天打機沒人鵝)。引導他自省去衝開這關口。
5)動之以情,例如將來要他供養,要他照顧。說明單親家庭已有的缺陷,道路比完整家庭難走。妳一個人還要工作十分大壓力,再沒太大心力去管教他學業,希望他原諒。
6)由5而引申出來,妳可跟誇張點跟他說:好運的話他可中四五醒覺發奮努力還可上二流大學。最好運(如中六合彩頭奬)馬上省悟發奮圖強,可進一流大學。不過,正常地他可能衝不開這關口,人生就十分苦,最壞情況就如第3點所例舉的。可用激將法,如跟他說大部份人(如95%)也過不了這關,整個中學都沉迷打機,結果十分慘烈。
7)寫信給他,同時電郵、whapapps、sms給他,說明你對他的擔憂和沉迷打機的缺失和壞影響。可分2、3封信。
8)馬上以身作則,建立良好習慣。如家庭不打機,甚至不看電視。有更多時間溝通,或一起閱讀如看小說。(假設一下子要他讀書有難度)
9)積善之家必有餘興,多行善積德,對子女迷途知返,據說十分有較。(反正幫助別人也令自己開心,聽也無妨。)
10)最後自己想想也和多跟同住父母一起硏究,去並有心理準備去接受和消化最壞的情況,然後平常心處理,別太激動。
先說這些,有空再把一些經驗分享。
作者: zooweemama 時間: 13-11-11 00:15
最後,但願妳孩子和所有孩子,也免除沉迷玩遊戲機而引發的苦!孩子今天能刻服更大的迷惑,明天就有更強的心力去完成更偉大的成就!我們跟孩子一起努力吧!
作者: skkeung 時間: 13-11-11 06:59 標題: 回覆:升了中學後常打機
試吓揾社工!
作者: fion6406 時間: 13-11-11 13:45
skkeung 發表於 13-11-11 06:59
試吓揾社工!
其實關於「打機成癮」這問題,你們有沒有人真的找社工傾過?
我試過問學校社工這問題,他們的答案,我用簡單比如:「打機」即是發燒,發燒是「病徵」,並不是「病」本身,只把注意力放在退燒、食哪種退燒藥..etc 並不會醫好個病,亦唔會退到燒。「病」是:缺乏自信心、缺乏家人關懷、父母對孩子學業有不切實際期望沒有好好欣賞他們其他優點, etc....他們舉個例子,有同學,他老師把一個大project 交他負責,籌備那project 那兩個月裡,他沒有打過機,後來他也說原來兩個月唔打機係無問題的。
我覺得好好安排他們感興趣又能力能及的活動,關心他們的需要,就唔怕成癢吧。
作者: skkeung 時間: 13-11-11 14:09 標題: 回覆:升了中學後常打機
社工也有很多種!社區裏會有些攪介打機!主要用行為治療方法!
歡迎光臨 教育王國 (/) |
Powered by Discuz! X1.5 |