教育王國

標題: 請問救恩轉咗校長後... [打印本頁]
作者: poodlema    時間: 13-10-7 10:40     標題: 請問救恩轉咗校長後...

學校有無好咗或差咗? 因聽閒老師都換晒? 仲係咪咁有愛心? THX!
作者: HowardJeannie    時間: 13-10-8 18:50

本帖最後由 HowardJeannie 於 13-10-9 10:21 編輯

我兩位小朋友都係救恩依家讀緊K1,K2,應該可以解答你的疑慮！

1.救恩今年冇換校長，現任文園長由2011 年開始到職,已經經歷3

個學年。

在這段日子她積極培養小朋友閱讀興趣，推行親子閱讀，不時舉行

研討會使家長加深對小朋友在校情況，推行主題教學，令小朋友從

中探討，很多新舊家長也稱讚文園長思想開明，對幼兒教育有遠

見，肯接受新思維！

2.我想你收錯料啦！今年同去年只有3位老師離開，佔唔到全部教

  師1/10,我諗亦屬好正常啫，反而今年增加左老師，計埋支援老

  師有31位，而其他老師都係做左好耐！

3. 至於好左定差左，因為我小朋友讀果時已經係文園長,所以冇得

同以前比較，我個人覺得救恩係一間充滿愛的學校，

園長每日早上都會在門口迎接小朋友，同每位小朋友打招呼，去年

大仔K1開左學一星期，園長已經記得佢個名，呢個我

係好深刻的，小朋友好開心返學，救恩是好着重親子關係同家校合

作的，在星期日會有家長班提供左好多育兒資訊比家長，當年我未

決定讀邉間學校前，就係經朋友介绍返家長班，令我真正認識到救

恩嘅學生,家長，知道學校充滿熱誠教學，高透明度，最好係學校

積極與家長溝通，所以決定比小朋友入讀。

4.咁當然每間學校都有支持與不支持者

我作為過來人，我比d 貼士大家，想客觀些看清楚想知間學校好唔

好，除了開放日果日之外，可以平日放學時在附近留意一下小朋友

的言行舉止，係咪開心滿面就知㗎啦！我當年就係日日去睇小朋友

上下課情形






作者: tattc    時間: 13-10-9 08:11

回復 poodlema 的帖子

園長加入咗救恩已經係第3個年度，加入的第一年已經改動咗好多嘢，經過咗第一年之後，係有一半做咗10年嘅老師走咗，原因我就唔多講，可以自己諗下你個老闆點對你，你先會走人....講真愛心就真係睇唔到，記性亦唔多好，又唔接受人意見，不過呢啲係園長嘅問題，只係辛苦咗老師....學校老師係好好，對小朋友好細心，好有愛心，小朋友都好鍾意返學呢樣先最重要。
作者: poodlema    時間: 13-10-9 10:36

回復 HowardJeannie 的帖子

唔該你O既回覆呀! 想問下老師會唔會打來屋企講下小朋友情況架?
作者: poodlema    時間: 13-10-9 10:36

回復 tattc 的帖子

唔該你O既回覆呀! 想問下老師會唔會打來屋企講下小朋友情況架?
作者: poodlema    時間: 13-10-9 10:37

回復 tattc 的帖子

另外亦想問下轉咗校長, 課程上有無深咗或功課多咗?
作者: HowardJeannie    時間: 13-10-9 11:05

本帖最後由 HowardJeannie 於 13-10-9 11:15 編輯

回復 poodlema 的帖子

老師會電話聯絡家長,而平時接送小朋友亦會與老師了解在學情況(當

然係幾分鐘啦,唔好阻礙老師工作嘛)

一年會有2個家長日接見家長,K1開學初期會有"園長茶敍"讓家長更

了解學校,一般係10位家長所以可以問得好詳細,我剛剛在星期一便去

了茶敍,因為我係FTM 平時好多時接送小朋友同返學校做家長義工,

所以都算睇到"真實一面"

其實學校都算照顧周到ka,禽日就收到通告,學校舉行了"照顧者工作

坊"{免費的}比工人姐姐,婆婆,嫲嫲



希望呢d資料令你多些了解

作者: joeyhui622    時間: 13-10-9 14:05

HowardJeannie, 您好! 請問面試K1問D咩? 因我很心儀這間, 所以今年也幫小囡報了, 能Share吓嗎?
作者: tattc    時間: 13-10-9 14:41     標題: 引用：回復+tattc+的帖子 另外亦想問下轉咗校長,

原帖由 poodlema 於 13-10-09 發表
回復 tattc 的帖子

另外亦想問下轉咗校長, 課程上有無深咗或功課多咗?
因為我日日都返學校接送，要知返學都知，所以無咩打嚟，功課無深到，反而仲淺咗，但多咗好多親子功課，成日要影相做功課，小朋友可以學到廣泛嘅知識，但學術上偏淺，學校非常重視閱讀，我個仔都係返咗救恩之後愛上睇書...我之前都成日返學校幫手做親子陪讀，學校培養閱讀呢part做得好好，又有一個大型圖書館，可以上去借書卑小朋友睇，啲書非常新。但小朋友之後要升讀傳統小學可能會要多啲時間適應，因為小朋友返救恩實在太開心，又無咩抄寫，寫字真係唔夠人快。



作者: HowardJeannie    時間: 13-10-10 10:59

本帖最後由 HowardJeannie 於 13-10-10 20:17 編輯

平心而論，其實一間學校轉換了領導層，想必會有一番改革以迎合

現今幼兒教育所需，我們家長們對幼稚園寄予一定期望!希望將中西文化

的優點融合在本地的幼兒教育.

而呢個改變或會對老師,家長,學生帶來衝擊，這可能加重工作量或大

家有不同的步伐，理念,所以在這改變下有老師選擇離開並無可厚

非!!而作為家長面對轉變期應積極配合學校,令小朋友盡快適應.達到

雙贏局面

大家想下,我們在職場上如果以往工作都是HEA 慣,如果有一日突然

新上司要全部改變以往不合時而的做法,要積極面對新思維,改進,那

總有人選擇離開.但作為改革者往往要努力破除以往舊有做法,面對重

重困難,因我以往都曽做"改革者",更明白箇中滋味

而我亦從跨越兩屈的家長口中得知,自從文園長上任後,無論在學術上

及學校設施上確實推行很大改革,例如在語文上,教學模式上,閱讀

藝術培養及父母參予的程度都改變了.

正如今年我去聽小女兒K1 的簡介會就已經同去年大仔的K1 略有不

同,感覺上除了加強左以往的"硬件"更加入新原素,作為兩位子女都

係救恩的媽媽,是很開心見到呢個轉變,因為我體會學校教學目標明

確窂固基礎後再逐漸加入原素,我想效果一年比一年好的,以往救恩

在BK 是低調一族,因在學的家長很少回應提問,但由兒子(12/13)到

(13/14)女兒那年1500人報名爭取百多名的學額,到今年早在幾個月

已經有媽媽在BK討論,又或有朋友鄰居頻頻査問面試內容,便知道這

幾年的變化



作者: HowardJeannie    時間: 13-10-10 16:01

本帖最後由 HowardJeannie 於 13-10-10 20:33 編輯
poodlema 發表於 13-10-9 10:37


另外亦想問下轉咗校長, 課程上有無深咗或功課多咗?


如果你問課程深左或淺左?

呢個問題很主觀,因大家對學術有不同要求。
但我亦聽過有家長說K3 英文故事書跟二年級一樣

好似今年K2 開始推行"Guided Reading Programme"

會將一班同學仔因應程度分開3個level,從而給予不同的圖書.

而我親身經歷2年硏究港島幼稚園來說,有些學校K1毎天要寫一頁

紙,或讀高一級程度課本.

作為家長的我說真的,3歲小朋友好多小手指亦未夠力,而我們硬要他們每天寫

字,就令他們反感,好多小朋友只喜歡看圖畫不喜歡認字,如果學校

有要求時,父母便會有壓力從而毎天都係講"點解你唔明,禽日教完

今日又唔識!同學仔已經識晒啦!!,甘只會破壞親子關係


咁當然如果小朋友手仔夠力而又對寫字有興趣，正如我大仔在N班時很喜歡寫字


咁我自己買些3角筆比佢練習寫字


在我來說,幼稚園這3年是小朋友正式踏入學校的初生階段,他們有

如白紙,我希望在學校是着重品德培育,自理能力,正確的價值觀,學

懂"愛"是最重要,是一生受用的,比學識更重要,我地都做過學生,知

道呢個係馬拉松,未來十幾年的路好長呢...在現階段我會先培育小

朋友學習興趣,如果佢每日都慣左睇書,將來就自然愛上學習,甘當

然爸爸媽媽一齊陪伴啦.

個人覺得,如果對學術方面真的有所要求的,而小朋友亦屬專注力

強的話,可以在外面因應需要而施教


作者: tattc    時間: 13-10-10 16:05     標題: 引用：+本帖最後由+HowardJeannie+於+13-10-10+14

原帖由 HowardJeannie 於 13-10-10 發表
本帖最後由 HowardJeannie 於 13-10-10 14:02 編輯

平心而論，其實一間學校轉換了領導層，想必會有一番 ...
可以咁講...救恩一直嘅理念都係以關愛，愉快去教導每一個學生，對學習有困難都係用包容嘅心去對待，家長一直都感謝救恩學校，其實從校長，園長加入之後，整間學校已經變得有所不同，比較以前進取咗好多，小學部亦講明有學習障礙者一律不作考慮.....我明白學校無呢類資源配合，但對於學校唔再包包容呢批學生，感到好可惜...



作者: GCG    時間: 13-10-10 17:31

本帖最後由 GCG 於 13-10-10 17:35 編輯

兩位都分析好好, 而且覺有道理。另我了解埋學校背景同進程, 請問佢地英文和普通話時間又怎樣分配?
作者: HowardJeannie    時間: 13-10-10 21:20

回復 joeyhui622 的帖子

Joey,剛剛過去兩年形式都是差不多
大約6位小朋友一組由家長陪同，小朋友自由玩玩具，然後老師會個別問小朋友問題，而問題都是一般認知問題，例如

名字，顏色，男仔/女仔，跟著老師講故事，唱歌，從而睇小朋友表現
作者: joeyhui622    時間: 13-10-10 23:59

回復 HowardJeannie 的帖子

HowardJeannie, thanks for your reply!
作者: tattc    時間: 13-10-11 00:12     標題: 引用：+本帖最後由+GCG+於+13-10-10+17:35+編輯+\

原帖由 GCG 於 13-10-10 發表
本帖最後由 GCG 於 13-10-10 17:35 編輯

兩位都分析好好, 而且覺有道理。另我了解埋學校背景同進程, 請 ...
學校正常課程中，每日都會有大約25分鐘上外語，安排一日英文一日普通話，全部都會由native teacher 教但我覺得學校較為重視英語....亦提供不同資源去配合英語課程，反而普通話就無。



作者: lin051051    時間: 13-10-12 23:25     標題: 回覆：請問救恩轉咗校長後...

救恩現在是名校吔！
考左先la..

考到你先有選擇權



作者: des_tests    時間: 13-10-14 21:29

回復 lin051051 的帖子

下呢間都算名校，那麼中西區間間都可以係名校了

作者: lin051051    時間: 13-10-14 22:30     標題: 引用：回復+lin051051+的帖子 下呢間都算名校，

原帖由 des_tests 於 13-10-14 發表
回復 lin051051 的帖子

下呢間都算名校，那麼中西區間間都可以係名校了
唔知啊！見報紙寫係名校…
我都覺奇怪………



作者: 小小山    時間: 13-10-15 10:06

比BK 吹得多, 成左名校(因為半龍)  
作者: tam_bb    時間: 13-10-15 10:30     標題: 引用：比BK+吹得多,+成左名校(因為半龍)++

原帖由 小小山 於 13-10-15 發表
比BK 吹得多, 成左名校(因為半龍)
請問大約幾多%可以升上小學部？



作者: 小小山    時間: 13-10-15 11:20

幼稚園180學生, 50個上小學(佔小學一半學額, 係私立小學)
作者: tam_bb    時間: 13-10-15 11:22     標題: 引用：幼稚園180學生,+50個上小學(佔小學一半學額

原帖由 小小山 於 13-10-15 發表
幼稚園180學生, 50個上小學(佔小學一半學額, 係私立小學)
Oh.... %好低吓⋯⋯thx for your info~



作者: 小小山    時間: 13-10-15 11:25

都唔算低, 如果係想讀救恩小學, 機會比其他考入來的小朋友高.
作者: tam_bb    時間: 13-10-15 11:26     標題: 引用：都唔算低,+如果係想讀救恩小學,+機會比其他

原帖由 小小山 於 13-10-15 發表
都唔算低, 如果係想讀救恩小學, 機會比其他考入來的小朋友高.
咁又係~ 謝謝



作者: Jobobo11    時間: 13-10-15 21:27

本帖最後由 Jobobo11 於 13-10-15 21:53 編輯
小小山 發表於 [url=tel:13-10-15 10]13-10-15 10[/url]:06
比BK 吹得多, 成左名校(因為半龍)

如果吹得多就成左名校甘神奇?!我見樓主去年都有聽簡介會,那小朋友應該有考面試,可以分享一下嗎?

今年朋友兒子讀K3,同埋9X位小朋友考50個小學位,總好過外面學生2800人考50位mouth:" />
作者: Jobobo11    時間: 13-10-15 21:46

本帖最後由 Jobobo11 於 13-10-19 23:18 編輯
des_tests 發表於 13-10-14 21:29
回復 lin051051 的帖子

下呢間都算名校，那麼中西區間間都可以係名校了

我囝囝今年考K1,家住中區,雖然我唔係bhf ,但救恩亦係心儀之一,依你意見中西區又有邊間名校呢???

而朋友個小朋友舊年在救恩畢業,考入左spcc wow!!朋友仲講其他同學仔都考得唔錯,有st paul boy,英華,蔡繼有,聖心,比起前幾年真係勁左wow,我睇反其他中西區kg都冇甘好成績,除左搬左去cwb 的聖公會
作者: poodlema    時間: 13-10-16 14:43

回復 Jobobo11 的帖子

咁想多口請問你朋友或佢地D同學接駁小一有無問題? THX!
作者: Jobobo11    時間: 13-10-16 18:44

本帖最後由 Jobobo11 於 13-10-16 21:24 編輯

回復 poodlema 的帖子

我朋友講，早幾年救恩係“淺校“，連上救恩小學都比外面學生差好遠！追到傻！但呢幾年chur 好多！積極進取左好多，同收生都唔同要求，變左銜接好多，但講真，考得上神級ge媽媽都落唔少苦功，一定在外面再補啦，不過，佢講呢幾年因為出名左同好多人有哥哥姐姐在小學讀緊，所以d 弟妹想借kg 上小學易d，今年港島又多幾間冇學卷，所以越來越多人考！競爭好大呀！
作者: tattc    時間: 13-10-21 09:38     標題: 引用：Quote:原帖由+小小山+於+13-10-15+發表比BK

原帖由 tam_bb 於 13-10-15 發表
請問大約幾多%可以升上小學部？
No la... 舊年最後得30人升讀，而今年開始救幼都要面試先可以升上救小



作者: tattc    時間: 13-10-21 09:54     標題: 回覆：請問救恩轉咗校長後...

救恩當然唔係名校，不過校長嘅目標係想做名校....出名咗咁多，我諗全因為有港同創校校長加入，大家都知港同做得好好，所以大家都會對救恩有所期望...我自己覺得學術上真係淺，功課亦都好少，注重閱讀同思考，另外考到名校果啲，大部份都係家長自己谷啲小朋友...



作者: isolg_ying    時間: 13-10-21 10:28     標題: 回覆：tattc 的帖子

正常黎講蒙特梭利教學係唔會谷的，佢只會引導小朋友自然發展，target唔係學術方面，如果多功課多教育，就變左有違蒙特嘅精神



作者: fionapangcp    時間: 13-10-21 16:09     標題: 回覆：isolg_ying 的帖子

救恩應該唔係蒙梭學校吧？



作者: tattc    時間: 13-10-21 17:16     標題: 引用：正常黎講蒙特梭利教學係唔會谷的，佢只會引

原帖由 isolg_ying 於 13-10-21 發表
正常黎講蒙特梭利教學係唔會谷的，佢只會引導小朋友自然發展，target唔係學術方面，如果多功課多教育，就變 ...
救恩都唔係蒙特梭利，只不過係活動教學...



作者: isolg_ying    時間: 13-10-21 19:04     標題: 回覆：tattc 的帖子

你地講緊邊間救恩？



作者: tattc    時間: 13-10-21 22:06     標題: 引用：你地講緊邊間救恩？ +

原帖由 isolg_ying 於 13-10-21 發表
你地講緊邊間救恩？
西營盤高街救恩



作者: isolg_ying    時間: 13-10-21 22:47     標題: 回覆：tattc 的帖子

我以為講緊黃大仙。。。



作者: Jobobo11    時間: 13-10-21 23:38

本帖最後由 Jobobo11 於 13-10-22 00:07 編輯
tattc 發表於 13-10-21 09:54
救恩當然唔係名校，不過校長嘅目標係想做名....出名咗咁多，我諗全因為有港同創校校長加入，大家都知港同 ...

今年救小2800報喎！！得45個位超額60倍！如果咁都唔算就冇話可說了！呢幾年就算讀聖公會好多都揀入救小，大家可以睇返聖公園網址！呢d 资資料冇得呃人！其實全香港想考入名校都一定自己谷架啦，就算我個fd 小朋友讀出名深的高主教都要外補！不過大家心中都有一把尺，係唔係名校自己知，冇謂拗！我認為收左先講啦！我in 2/11 隨緣啦！

我其實未入讀救恩幼稚園，只係今年打算考同識朋友係度讀緊，見到唔係事實d 野為他人抱不平啫！


講真，聽你講去年收得30位原校幼稚園生，就梗有媽媽唔開心嘅！但如果因為學校冇收返自己小朋友入小一而遷怒學校，抹煞人地的多年努力我覺得唔係咁應該囉！


更唔好係令到其他媽媽誤信左呢d 錯誤資料，防礙其他媽媽正確選擇就唔好啦！如果我心念歪d ,應該要說多謝，因為咁樣可能小左競爭對手！但我做唔到囉！






p.s朋友的小朋友去年考入名小學，佢講去年學校好多家長知發生咩事.佢就算依家都好感恩學校的品格培育，令到小朋友一生受用！




我只是講出我所知的事實，不喜勿插！





作者: tattc    時間: 13-10-22 00:09     標題: 引用：+本帖最後由+Jobobo11+於+13-10-21+23:41+

本帖最後由 tattc 於 13-10-22 01:02 編輯
原帖由 Jobobo11 於 13-10-21 發表
本帖最後由 Jobobo11 於 13-10-22 00:07 編輯

你有冇睇前面架，我一直都係好中肯，老師教得好好，小朋友都返得好開心，我個仔都係返咗救恩先培養咗閱讀嘅習慣，呢樣係我最欣賞，另外我只係將學校嘅教學模式講卑大家知，我無抹黑學校，我亦無諗過要卑我個仔讀名校，所以我真係唔覺救恩係名校，我話卑大家知得30人升到，係卑心理準備大家，唔好以為讀咗救幼就容易啲升小學，抹殺咗人哋咁多年努力嘅係園長....唔係我，唔通係我叫果十幾位老師走，我一直都好支持學校，所有家長義工嘅活動我都參與，所以我諗我點都會比你清楚學校！
而且人都會有優點同缺點，唔通會有一間學校係完美嘅咩！我只係分析當中嘅好與壞，適唔適自己果小朋友讀，呢樣就要交返卑家長自己分析，無最好嘅學校，只有最適合嘅學校...如果你只係果啲為咗想讀名校嘅家長，我諗呢到都唔係好啱你！


作者: Jobobo11    時間: 13-10-22 21:29

本帖最後由 Jobobo11 於 13-10-23 11:23 編輯

回復 tattc

我就係睇左你之前d post ,見到你講新園長黎左唔好，令到d 舊先生走一半，又講係個新園長唔好！呢d 係你之前的節錄“
講真愛心就真係睇唔到，記性亦唔多好，又唔接受人意見，不過呢啲係園長嘅問題“  咁好清楚你講個園長唔好啦，我作為今年考k1的媽媽梗係覺得有問題啦！但我又見另一讀緊的媽媽howardjeannie唔同你咁講！
所以即刻問返朋友（包括去年畢業即同你小朋友同屆的2位媽媽，今年讀緊的3位K2,1位K1的媽媽）事實真相，所以我知道的未必比你小！因為你的資料係3年前的k1,2年前的k2,1年前的k3 課程資料,反而我知道係依家人地讀緊的資料，應該會update d,同埋有咁多媽媽的意見我諗點都中肯過1位囉，至小佢冇一位講園長唔好囉，最多同我講要有心理準備要做好多親子功課，只不過人地唔上黎bk 講啫！
而我得到的答案係去年畢業的媽媽一聽到我咁講就話流傳有一位媽媽因小朋友學習問題對園長好不滿，佢講雖然佢小朋友讀上午班，都知道那位讀下午班媽媽四周同其他媽媽散播園長唔好，但講真新園長入黎時小朋友先剛上k2 ,如果真係覺得新的教學理念同自己不同，又或者同以前d 先生好fd,比我一定會轉校！因為園長係管理成間幼稚園，如果我咁唔認同一定唔會繼續讀落去，何苦呢！學校都多的是！同埋講真如果個園長照你講咁差，咁應該係全部先生走晒啦，幼師搵工一定唔難！咁即係一半認同一半唔認同啦！
我朋友講3年前救恩係冇正統的英文堂,更加唔係咩主題教學，試問大家聽到呢d 資料會唔會比小朋友入去讀，我地依家做家長一般都係好有要求的，如果唔係洗乜上bk 收料，咁學校變係迎合社會大勢，家長好認真架，如果學校唔好一定唔比小朋友讀，何況留強汰弱我地平時做野都知啦，而且當年個一半老師係辭職定係另有原因，我地外人真係唔清楚，而睇返短短3年都算係有d 成績吖，親子功課亦唔係得救恩多，好多都好多，我自己的想法係，唔係交個小朋友比學校就靠晒佢地，而自己就咩都唔理！其實呢個年代做家長的真係要多d 參予，年代唔同嘛，一切都會進步，仲停留係我讀幼稚園就慘啦，唔係到時到候交學費，接放學就得！
到小朋友出現問題就一面倒歸咎學校，要人特別遷就某位，我地要清楚知道學校係群體生活的，要互相體諒同尊重，不可只顧個人利益而要别人順從接納個人主觀意見，人地唔順從就話人地不接納意見，就好似有點兒那個！其實公平d 問返，如果一班20幾人，個個媽媽都要求遷就自己小朋友，咁管理者應該點做？
其實我只是路人，亦未知會唔會考到救恩，我諗園長亦唔會見到我為佢抱不平而收我小朋友，但有時我真係唔想我知道事實真相而任由人因個人恩怨而講人地做得唔好!又或者許多媽媽真係會相信某人的一面之詞而放棄，咁就唔好啦！
同埋我想澄清你的資料，救恩小學全部都係得90幾個位，就算你地個屆都有30位留比救幼，其實已經佔左1/3,相較起外面幾千人爭60個位，已經有優勢!
至於救小受唔受歡迎，大家可以去小一選校度睇下！
同埋其實我冇話追求名校，在我心中，如果教學理念唔同幾名校都冇用！！


最後當然申報利益啦，我未讀救恩，亦唔識園長，更加唔識呢位前家長，只不過平時中意不平則鳴

作者: snowli    時間: 13-10-22 23:48     標題: 回覆：Jobobo11 的帖子

今年K1 幼兒班應該唔止90人，上下午一共有6班。每班都廿幾人以上，而小學亦說明會給50個位幼稚園優先。所以上小學比率不高，不過總比沒有小學back up 的好。



作者: Jobobo11    時間: 13-10-22 23:56

回復 snowli 的帖子

我講係救恩小學大概90幾個位，幼兒班上午班一班28位，下午校會小d
作者: snowli    時間: 13-10-23 07:56     標題: 回覆：Jobobo11 的帖子

唔好意思，誤會左添。不過幼稚園冇左全日班，咁半日班人數多左。咁就多左機會入幼稚園同小學。有機會總好過冇機會，當然都要睇返邊一間岩自己小朋友。
祝各位今年考k1小朋友如願！



作者: tattc    時間: 13-10-23 08:26     標題: 引用：+本帖最後由+Jobobo11+於+13-10-23+00:09+

原帖由 Jobobo11 於 13-10-22 發表
本帖最後由 Jobobo11 於 13-10-23 00:09 編輯

回復 tattc
公道自在人心...我唔會好似你咁，大家喺EK都係分享下意見，唔知點解你要咁激動，或者你同園長有啲關係....見你都係新手



作者: tattc    時間: 13-10-23 09:00     標題: 引用：Quote:原帖由+Jobobo11+於+13-10-22+發表本

本帖最後由 tattc 於 13-10-23 09:13 編輯
原帖由 tattc 於 13-10-23 發表
公道自在人心...我唔會好似你咁，大家喺EK都係分享下意見，唔知點解你要咁激動，或者你同園長有啲關係.... ...

其實睇睇下，你最唔高興都係我話園長，見你咁鍾意鬧人，又唔接受人意見，會唔會你就係園長呢

不過你唔使再覆啦，我無咁嘅閒情，日日同你討論救恩，亦唔會上嚟睇，最初都係Howard pm我叫我上嚟講下救恩，如果唔係我都唔會上嚟睇「談幼稚園」...園長！！！

作者: tam_bb    時間: 13-10-23 09:14     標題: 回覆：請問救恩轉咗校長後...

咁其實救恩適合邊類小朋友？活潑好動／文靜愛看書？



作者: tam_bb    時間: 13-11-13 06:32     標題: 引用：今年K1+幼兒班應該唔止90人，上下午一共有6

原帖由 snowli 於 13-10-22 發表
今年K1 幼兒班應該唔止90人，上下午一共有6班。每班都廿幾人以上，而小學亦說明會給50個位幼稚園優先。所以 ...
請問k1 total有幾多個位？



作者: mba34567    時間: 13-11-13 10:07

180, 90 am, 90 pm
作者: angelaaki    時間: 13-12-31 14:47

http://www.chsc.hk/kindergarten/
我在幼稚園概覽見高班約有120個，如果有50個位給自己的幼稚園生都算是不錯的比例，當然唔及民X有85%或者真幼/培X有100%。如果自己孩子考到全龍都唔洗煩...
救恩以有學劵的學校都算唔錯，但升上小學真的好少，只可以說好過沒有。
作者: sindywongyansin    時間: 14-1-5 10:43     標題: 回覆：tattc 的帖子

請問是否每天都有英文及普通話課程？
如要銜接小學是否一定要出去外救勁補才可以在小學跟得上？
小女今年有offer,我15/16當中，因讀繄的村校程度較深，升小絕對無問題，但無學卷及小學backup! 希望可以聽取更多關於此校資料！







歡迎光臨 教育王國 (/) Powered by Discuz! X1.5