教育王國

標題: 兩歲半幼童放學返來滿面傷痕，學校與校車隱瞞實情，玩＂ [打印本頁]

作者: Heely 時間: 13-10-31 23:34 標題: 兩歲半幼童放學返來滿面傷痕，學校與校車隱瞞實情，玩＂

兩歲半幼童放學返來滿面傷痕，學校與校車隱瞞實情，玩＂踢波＂推卸責任！！！
兩歲半的Ethan就讀於BoxHill International Kindergarten ,10月28日中午12點40分，Ethan乘搭校車返到屋企，爸爸發現他左臉血紅一片，布滿傷痕，校車保姆立即解釋話'不關佢事，上校車之前已有傷'。爸爸即刻打電話到學校追問事件，被告知學校正在開會，之後才能答覆。30分鐘之后學校來電說'對此事不知情，Ethan上車前並未受傷'。Ethan受此重傷時一定會大聲哭叫，而他返學期間一直在學校或校車，去洗手間都有人陪同，校車亦有司機和保姆，不可能沒有人聽到他的哭聲！
此類事件已是自Ethan入讀BoxHill之后第四次發生，但每一次學校都話未見佢受傷，每一次都話吾知情。第三次受傷時本人已跟學校投訴請老師留意此事，但時隔兩星期左右慘劇再次發生，今次係最嚴重！最深的一條傷痕位於下眼皮，險及眼球!
打架、跌倒、碰撞都可能致傷，這些對於小朋友來講是很常見的意外，但學校與校車一再隱瞞實情、企圖推卸責任，實在令人懷疑!難道這中間有什麼不可告人的秘密?!還是學校面子大過責任?!一句'不知道'就可以不了了之！如此教學，誰敢再將子女交給學校?!

鑒於學校、校車在明知Ethan年幼吾識表達的情況下刻意隱瞞實情和推御責任的態度，本人万般無奈之下唯有以此途徑向廣大民眾求助，以求公議!向學校施壓！還我一個真相!!!我會堅--持--到--底！！！替Ethan討--回--公--道！！！

作者: DevilPig 時間: 13-10-31 23:38 標題: 引用：兩歲半幼童放學返來滿面傷痕，學校與校車隱

原帖由 Heely 於 13-10-31 發表
兩歲半幼童放學返來滿面傷痕，學校與校車隱瞞實情，玩＂踢波＂推卸責任！！！
兩歲半的Ethan就讀於BoxHill ...

已經發生四次，快D轉校，可憐小孩唔知係咪係學校比人虐待，小孩可以講返件事嗎？

作者: sissy0531 時間: 13-10-31 23:39

嘩好傷！樓主有無即刻幫仔仔退學！？簡直太過分！

作者: vip1114 時間: 13-10-31 23:42 標題: 回覆：Heely 的帖子

邊間boxhill?

作者: Manny 時間: 13-10-31 23:43 標題: 回覆：Heely 的帖子

睇傷勢似比人抓喎

作者: Tzekiumommy 時間: 13-10-31 23:43

提示: 作者被禁止或刪除內容自動屏蔽

作者: prettyporky 時間: 13-10-31 23:47 標題: 回覆：兩歲半幼童放學返來滿面傷痕，學校與校車隱瞞實情，玩＂

報警啦！仲同學校客氣？！

作者: MAMAFUNG 時間: 13-10-31 23:47

本帖最後由 MAMAFUNG 於 13-10-31 23:53 編輯

小朋友受傷都好明顯, 仲不只一次, 學校實在不可推卸責任, 去教育處投訴啦!
報警, 等警察查! 呢排好多新聞都有老師打學生啦!

作者: BALL_B116 時間: 13-10-31 23:49 標題: 回覆：Heely 的帖子

提示: 作者被禁止或刪除內容自動屏蔽

作者: epsonprinter 時間: 13-10-31 23:51 標題: 回覆：兩歲半幼童放學返來滿面傷痕，學校與校車隱瞞實情，玩＂

提示: 作者被禁止或刪除內容自動屏蔽

作者: Micheleyau 時間: 13-10-31 23:51 標題: 回覆：兩歲半幼童放學返來滿面傷痕，學校與校車隱瞞實情，玩＂

有冇問過小朋友係點整到？

作者: Micheleyau 時間: 13-10-31 23:53 標題: 回覆：兩歲半幼童放學返來滿面傷痕，學校與校車隱瞞實情，玩＂

4次！我諗我第一次見到已經唔會再番，仲要驗傷同埋一定要一個交代，不能不了了之！

作者: Heely 時間: 13-10-31 23:53

華景山莊

作者: breadbb 時間: 13-10-31 23:54 標題: 回覆：兩歲半幼童放學返來滿面傷痕，學校與校車隱瞞實情，玩＂

請問邊間分校？我都有聽過boxhill有呢d情況！真係心都痛埋，唔識佢都心痛何況爸爸媽媽！其實我覺得報警無咩用，如果只係讀緊n 不如退學啦！

作者: tkwc9 時間: 13-10-31 23:56

提示: 作者被禁止或刪除內容自動屏蔽

作者: Heely 時間: 13-10-31 23:58

已報警，已通知教育局和防虐會，今日才發貼是想等學校交待，直到今日學校的答復依舊是不知情，實在心灰意冷，才發貼以警醒大家。
Ethan當日已退學

作者: akmiit 時間: 13-11-1 00:01

omg!!! must voice out. cannot let this kind of things happen again!!!

作者: Heely 時間: 13-11-1 00:03

最令人傷心的就是Ethan吾識講，每次問佢點樣受傷，佢都吾開心，又講吾出。一幫大人欺負一個兩歲半的小朋友吾識講！

作者: tc080628 時間: 13-11-1 00:07 標題: 回覆：兩歲半幼童放學返來滿面傷痕，學校與校車隱瞞實情，玩＂

可憐的Ethan，樓主，一定要搞大佢，殺一警百，最好call埋蘋果日報幫手

作者: epsonprinter 時間: 13-11-1 00:12 標題: 引用：請問邊間分校？我都有聽過boxhill有呢d情況

提示: 作者被禁止或刪除內容自動屏蔽

作者: Micheleyau 時間: 13-11-1 00:12 標題: 回覆：兩歲半幼童放學返來滿面傷痕，學校與校車隱瞞實情，玩＂

旁人看到都心痛和氣忿，更何況父母！！

作者: Arashi_nam 時間: 13-11-1 00:15

好傷吓喎!!互相推卸真係🔥都嚟!自己一個係吾會造成厘D傷，換轉係自己小朋友真係心都痛埋，Ethan回家未能表達曾發生何事??

反應如何？學校方面就此作吧??我唸要正式出封信要求校方必須有一個交代，能否繼續讀反而係其次，就算是小朋友之間既偶然打交都一定有大人睇到，四次都無人見到?那所有係厘間學校讀書既小朋友安全都成疑。

作者: 濼晴 時間: 13-11-1 00:15 標題: 回覆：Heely 的帖子

報埋上報紙傳媒壓力一定得

作者: Luluyen906 時間: 13-11-1 00:17 標題: 回覆：兩歲半幼童放學返來滿面傷痕，學校與校車隱瞞實情，玩＂

嘩！推上報紙，一定要間學校交代。

作者: Hannah630 時間: 13-11-1 00:23

提示: 作者被禁止或刪除內容自動屏蔽

作者: katiehorace 時間: 13-11-1 00:24 標題: 回覆：兩歲半幼童放學返來滿面傷痕，學校與校車隱瞞實情，玩＂

可能小朋友已經受到心靈傷害

作者: cloudwingwing 時間: 13-11-1 00:31 標題: 引用：最令人傷心的就是Ethan吾識講，每次問佢點

原帖由 Heely 於 13-11-01 發表
最令人傷心的就是Ethan吾識講，每次問佢點樣受傷，佢都吾開心，又講吾出。一幫大人欺負一個兩歲半的小朋友 ...

2.5歲的小朋友根本未識表達，學校絕對有責任保護小朋友。我小朋友眼角腫左少少，係屋企已經係咁，唔關學校事，班主任當日已經即刻打黎問我知唔知。

作者: oio1014 時間: 13-11-1 00:37 標題: 回覆：兩歲半幼童放學返來滿面傷痕，學校與校車隱瞞實情，玩＂

華景分校?? 新校黎喎，校方會驚搞大件事影響校譽!!!!

樓主，小朋友似被抓傷，係指甲痕。

你帶小朋友去醫院，睇醫生先，寫証明係點樣弄傷，之後會有用。

另外，小孩有抗拒返學嗎？

作者: Arashi_nam 時間: 13-11-1 00:51

小朋友D指甲有咁勁?!

要打交打到好犀利先可造成，但如果打到咁勁一定有人睇到，嘗試聯絡其他同班既小朋友問下。

作者: terry_andriy 時間: 13-11-1 00:54 標題: 回覆：兩歲半幼童放學返來滿面傷痕，學校與校車隱瞞實情，玩＂

提示: 作者被禁止或刪除內容自動屏蔽

作者: fablee 時間: 13-11-1 01:08

係指甲痕，我個女乾燥性皮膚，查少左保濕，如果指甲又啱啱冇剪，佢覺得痕，不斷撈都會有，但就冇樓主咁深....建議都係去搵一搵兒科醫生確認係乜事先...

作者: cani09 時間: 13-11-1 01:25

學校一句唔知便推卸責任真的很過份, (就算真的不知也可幫忙追查)
多謝樓主勇敢挺身而出, 讓大眾知道他的惡行
希望ETHAN 到新學校會忘記些事, 快樂上學去!

作者: monkeydiary 時間: 13-11-1 07:03 標題: 引用：可憐的Ethan，樓主，一定要搞大佢，殺一警

原帖由 tc080628 於 13-11-01 發表
可憐的Ethan，樓主，一定要搞大佢，殺一警百，最好call埋蘋果日報幫手

Agree,講真連唔識小朋友的家長都睇唔過眼，何況你係佢父母，呢啖氣你吞得落嗎？一定要搞大件事

作者: tinlingyuetka 時間: 13-11-1 07:32

D老師唔係有責任睇住小朋友的咩, 連點發生都唔知道????睇黎個老師有極不可推御的責任......

作者: worldcat 時間: 13-11-1 07:33

正如樓主話齊、小朋友一次半次㧓傷唔大問題、小朋友唔識就力。但學校無可能一句唔知就算。

宜家9成學校大堂都有cctv、報警一查好易知。

作者: annayu 時間: 13-11-1 07:40 標題: 引用：兩歲半幼童放學返來滿面傷痕，學校與校車隱

原帖由 Heely 於 13-10-31 發表
兩歲半幼童放學返來滿面傷痕，學校與校車隱瞞實情，玩＂踢波＂推卸責任！！！
兩歲半的Ethan就讀於BoxHill ...

報警驗傷！！
投訴教育署及寫信給傳㖼！
這樣置心朋友不顧的學校，不讀也罷。

作者: chunheimama 時間: 13-11-1 07:49

fablee 發表於 13-11-1 01:08
係指甲痕，我個女乾燥性皮膚，查少左保濕，如果指甲又啱啱冇剪，佢覺得痕，不斷撈都會有，但就冇樓主咁深.. ...

我個都試過, 但冇咁深.

作者: vivianthony 時間: 13-11-1 07:54

原來咁大件事!! 怪不得我當日下午四點左右上去辦退學手續時見到有警察要見校長啦!!!
支持樓主講番件事出來! 真係好心痛同好激心!
我都聽聞B班有個小朋友成日抓人, 老師都唔加緊留意, 可惡!!
我個女10月插班讀C班, 一樣唔掂, 返咗幾日學, 有日我親自接放學, 先發現佢尿尿咗! 條校裙濕哂, 但冇老師知!! 其實我個女一早介咗片, 出街都唔駛著學習褲, 識得講要WEE WEE. 我接受小朋友會有意外尿濕, 但接受唔到冇人發現佢尿尿咗!! 事後問番老師先知佢原來唔肯用學校個厠所, 每次TOILET TIME都冇去WEE WEE. 咁老師點處理呢? 係乜都冇做!! 我覺得佢唔肯去, 你之後就要更加ALERT呢個小朋友會唔會急, 要問住佢想唔想再去, 但好明顯冇囉!!
本身我個女已經唔係咁適應返學, 老師都好似冇乜方法幫佢適應, ONLY由得佢衰喊, 跟住我冇帶佢返學成個禮拜, 學校都冇打來問下點解, 最後退學算了!!
所以見到呢單嘢, 我都忍唔住要SHARE我的EXPERIENCE!! 但原來我果D已經算小事.....

作者: Shirleyng428 時間: 13-11-1 07:57 標題: 回覆：兩歲半幼童放學返來滿面傷痕，學校與校車隱瞞實情，玩＂

似抓傷，推上報！

作者: desmond100104 時間: 13-11-1 08:00

回復 vivianthony 的帖子

嘩, 真係好唔得呀
就算搞唔掂叫小朋友去廁所 , 最少佢濕左都同佢換啦
呢間學校係咪學費貴果隻? 佢地一啲都唔關心小朋友

作者: vivianthony 時間: 13-11-1 08:20

$4800/month

作者: monkeydiary 時間: 13-11-1 08:23 標題: 引用：原來咁大件事!!+怪不得我當日下午四點左右

原帖由 vivianthony 於 13-11-01 發表
原來咁大件事!! 怪不得我當日下午四點左右上去辦退學手續時見到有警察要見校長啦!!!
支持樓主講番件事出來! ...

嘩!間學校咁樣唔得喎，我女讀緊一間唔出名的普通學校，有一次佢係學校屙左bubu,學校係同佢換過晒套衫，洗埋校服比番我地，仲要我打去揾班主任，一問就講得出發生咩事喎。

作者: japoton 時間: 13-11-1 08:45

Heely 發表於 13-10-31 23:34
兩歲半幼童放學返來滿面傷痕，學校與校車隱瞞實情，玩＂踢波＂推卸責任！！！
兩歲半的Ethan就讀於BoxHill ...

簡直不可以容忍,一定要學校有個明確交代,小朋友保護唔到自已,我地做家長一定悍衛我們的家人,支持你,如果報警學校受壓會不會好點

作者: lovefive 時間: 13-11-1 08:48 標題: 回覆：兩歲半幼童放學返來滿面傷痕，學校與校車隱瞞實情，玩＂

去蘋果日報報料啦，可能間學校有問題，揭佢衰野都好架！

作者: big1985cow 時間: 13-11-1 09:14 標題: 回覆：兩歲半幼童放學返來滿面傷痕，學校與校車隱瞞實情，玩＂

其實小朋友喺呢個年紀EQ尚未成熟，拍打推撞時有發生。但學校和保母車嘅回應確實不負責任，作為教育和照顧小朋友的機構，就算家長不追問也應查究。不過報警也不能解決問題，難道要警戒甚至控告"真兇"? 贊成向傳媒透露給學校壓力使他們正視問題

作者: Yanomi 時間: 13-11-1 10:00 標題: 回覆：兩歲半幼童放學返來滿面傷痕，學校與校車隱瞞實情，玩＂

已經吾系第一次,報警啦,好就表面傷,身體裡面有冇事睇吾到,再吾系下次真系吾知傷邊到,傷到眼睛好大件事,學校吾跟進再隱瞞就教育局,媽媽快處理

作者: Heely 時間: 13-11-1 10:01

vivianthony 發表於 13-11-1 07:54
原來咁大件事!! 怪不得我當日下午四點左右上去辦退學手續時見到有警察要見校長啦!!!
支持樓主講番件事出來! ...

EThan也是Koala C班，受傷當日我地已去學校追問責任，也有要求睇學校CCTV,但學校以不識操作為由拒絕我地查看，直到后來警方到場才查看了小童放學上校車的片段，看不出也看不清有何異常。學校只有四處監控，都是無關痛癢的地方，根本看不見學童，課室、洗手間都無監控，校車也無監控，所以搵吾到證據！但令我奇怪的是到現在為止都未見Ethan嘅班主任，也未有來電問候或解釋！Ethan今年7月開始在BoxHill(都係華景）讀暑期班，那時只有兩歲一個月，中間未間斷過一直升讀N班至事故發生，暑期班時比我感覺好好，后來升左N班後開始不停地有些小問題：1、尿濕褲子（佢一歲已戒片，而且識講大小便，暑期班時都未有過尿濕褲子），老師叫我幫佢帶尿片，我當心疑心佢地有冇准時帶佢去洗手間，如果有准時一個鐘去一次，我敢以母親名譽擔保佢吾會尿濕條褲!所以我堅持吾幫佢帶尿片（如果用左尿片重新戒片好辛苦嘎!）2、手冊填寫不准時。大家都知學生手冊老師日日會填寫，但佢果班是幾日填一次，每次填寫時補返之前幾日未填的叫家長簽名，所以好多消息我地係過左才知道。3、派返來的資料錯漏。一次手冊派錯，一次未派圖書卻再三催促我交圖書，一次派返來一本厚厚的文件要求家長填寫並於21日上交，但可笑的是果本文件是21日中午放學才派返來!4、小朋友放學返來塊面沾滿已干的鼻涕！經投訴后才稍有改善。
今日學校interview，學校昨日來電＂安慰＂，但也只是一堆廢話，未有交代，我想是佢地可能係吾想我地去攪局，心痛啊!作為一間學校竟然不知道自己的責任在哪裡!!!一味地維護自己的聲譽而不顧小朋友死活!!!

作者: cycream 時間: 13-11-1 10:02 標題: 回覆：兩歲半幼童放學返來滿面傷痕，學校與校車隱瞞實情，玩＂

我仔上年在n班係調景嶺分校亦兩次被同一小朋友抓傷臉，第二次有一條由眼至嘴嘅血痕，但未至樓主小朋友咁傷。呢個抓人既小朋友亦唔係只抓我個仔。我仔仔因此而返學日日喊唔肯入學校，而係處理整件事上我地對學校好不滿，最後我地亦因此而退學。我當時只好當自己唔好彩，估唔到華景新校又發生同類事件。感覺上當時既班主任唔夠經驗，但班上全是细b, 又每個月都收剛足兩歲既插班生，學生越來越多，老師又睇唔住，咪發生咁既事囉。追追究學校係一件事，最希望樓主小朋友快d好返，唔好好似我仔有陰影怕咗返學。

作者: yamin 時間: 13-11-1 10:03 標題: 引用：Quote:原帖由+vivianthony+於+13-11-01+發

原帖由 monkeydiary 於 13-11-01 發表
嘩!間學校咁樣唔得喎，我女讀緊一間唔出名的普通學校，有一次佢係學校屙左bubu,學校係同佢換過晒套衫，洗埋 ...

小朋友似被抓傷。這學校的老師太不盡責，就算真的不關學校事，可能在校車發生，但學校有責任去了解、調查，急家長所急，確保不再有同類事件發生。退學是正確的決定。我小朋友讀緊大埔英藝N班，有次班主任打電話俾我話，呀仔玩玩具時𠝹親少少塊面。呀仔放學回家，個傷口細到我幾乎睇唔到。呢間學校以負面新聞多見稱，但我的經歷係老師們，學校護士都細心盡責照顧小朋友，有耐性教導學習、說話、企係度wee wee。班主任會躺在仔身邊氹他訓覺，也幫他戒掉啜奶樽訓覺的習慣。她們不會嫌我仔係細仔，坐唔定，講BB話，是我意料之外，我感到恩恵。有時覺得小朋友返學遇到好老師與否，同我地返工遇到好老闆與否，都係一樣，睇你好唔好彩。

作者: Heely 時間: 13-11-1 10:12

當日已同警方去瑪嘉烈驗傷，但醫生都吾肯定係麼也傷，仲話驗傷尼件事應該係警方做而不是醫生做，我真係好無語啊!!!

作者: bb女女 時間: 13-11-1 10:25

有冇問小朋友痛ma，有冇帶看醫生

作者: K722 時間: 13-11-1 10:31

回復 Heely 的帖子

公道D講, 醫生又唔知成件事點發生, 最多都係講出某D可能性架o者, 要追查原因始終都要由警察做

作者: 碟碟 時間: 13-11-1 10:36

揾記者, 用傳媒壓力要佢比番個交代, 本來小朋友打架,推撞或自己跌倒都好平常, 但傷勢如此嚴重, 而且係一而再, 再而三咁發生,學校同學車都若無其事, 互相推卸實在令人髮指

明白同學中可能會有侵略性較强既小朋友, 老師可能一時無留意, 但發生左咁多次都無處理, 實在不能接受

作者: happyshopaholic 時間: 13-11-1 10:38

學校簡直系離譜,小朋友年紀細,一定系老師,學校責任!

作者: minirat 時間: 13-11-1 10:52

Ethan好慘，睇到都心痛！
學校好離譜wor。小朋友受傷在所難免，最可怕是學校推卸責任！
是我一定追究到底，同埋唔會再比他返學
安全最重要！

作者: miaomama 時間: 13-11-1 10:54

作者: minirat 時間: 13-11-1 10:54

tc080628 發表於 13-11-1 00:07
可憐的Ethan，樓主，一定要搞大佢，殺一警百，最好call埋蘋果日報幫手

借用媒體逼學校交代都是一個方法
反正學校不仁，我地不義！

作者: wawa~~ 時間: 13-11-1 10:55

學費都唔平架喎,想不到會這樣,是否同學仔做的,但四次了,老師都沒好好睇住,學校有責任

作者: wawa~~ 時間: 13-11-1 11:04

vivianthony 發表於 13-11-1 07:54
原來咁大件事!! 怪不得我當日下午四點左右上去辦退學手續時見到有警察要見校長啦!!!
支持樓主講番件事出來! ...

學費唔平架喎,真係貴嘢唔一定好,但我女兒讀公屋內的幼稚園,些老師好有愛心,仲好關心小朋友,學費又平,真係有底食夾大件的感覺

作者: wawa~~ 時間: 13-11-1 11:06

vivianthony 發表於 13-11-1 08:20
$4800/month

還要沒學劵的,是嗎?

作者: JoJo 時間: 13-11-1 11:11

回復 Heely 的帖子

Ethan 好傷呀. 仲要第四次發生, 真的不能接受.

希望學校能有一個滿意的交待及答覆.

願 Ethan 早日康復. 我係有點心佢心靈方面會否有陰影?

作者: smallb2011 時間: 13-11-1 11:13

最好先了解小朋友為何會被抓傷，看過ETHAN的相後......其實也有可能是自己抓傷自己的，因為我仔都試過多次這樣抓傷自己，都係眼,鼻位有血痕，佢作感冒鼻"痕"或唔知咩事好痕就會自己抓面，樓主都睇下ETHAN手指甲長唔長。(過來人經驗分享，不喜勿插)

作者: vivianthony 時間: 13-11-1 11:23

當然冇學券啦!!
原來係同班同學! 我其實好唔滿意個班主任MS RONNIE, 我覺得佢好冇愛心, 好多嘢都濶佬懶理, 乜都俾哂個ASSISTANT MS SARA做, 我見MS SARA都算勤力, 但真係兼顧唔到咁多細路. 校長成日話會有新老師, 但遲遲未見人影.....
十月第一日返學個奇境已經有D嚇親我, 同一班同一時間有8個新插班的小朋友, 個個喊哂, 但當時班房只得兩個老師, 跟本搞唔掂, 學校人手唔夠, 新返學果D故然慘, 對舊學生也不公平, 因為佢哋只可自己坐埋一邊自己玩, 老師根本唔得閒理佢哋, 因為忙住要氹番喊緊果D小朋友.....

作者: Chirley 時間: 13-11-1 11:41

tc080628 發表於 13-11-1 00:07
可憐的Ethan，樓主，一定要搞大佢，殺一警百，最好call埋蘋果日報幫手

雖然我都同意一定要搞清楚,
但你小心『一定要搞大佢』呢句說話,
想當初我就係因為私穩資料而留下類似一句既話,
就俾個家長癲左咁係到勁鬧...

作者: dbchu 時間: 13-11-1 12:29 標題: 引用：當然冇學券啦!!原來係同班同學!+我其實好唔

原帖由 vivianthony 於 13-11-01 發表
當然冇學券啦!!
原來係同班同學! 我其實好唔滿意個班主任MS RONNIE, 我覺得佢好冇愛心, 好多嘢都濶佬懶理, ...

點解你又見到8個新生喊？又見到老師只係安慰新生？唔係一放底小朋友就要走？

作者: Chirley 時間: 13-11-1 13:04

睇到我都心痛呀, 一次已不能忍受...
小朋友唔識表達清楚, 做家長更要睇緊少少..
我寧可間學校係普通一間村校,
都唔願俾個小朋友搞到咁!!
明顯呢間學校D職員唔多明,
教幼稚園無愛心係唔得!!!

作者: Heely 時間: 13-11-1 13:49

其實我真係吾想搞大件事，對於我除左煩無半點好處，但學校左一句吾知右一句吾知真係讓人噴火!!!我小朋友交比你地發生咩嘢事居然無知?!好驚Wow！難道我地家長費盡心機送個仔到學校你地由得佢自生自滅?!

作者: dbchu 時間: 13-11-1 13:56 標題: 回覆：兩歲半幼童放學返來滿面傷痕，學校與校車隱瞞實情，玩＂

Heely...我好明白你仔仔受傷身為

作者: dbchu 時間: 13-11-1 13:57 標題: 回覆：兩歲半幼童放學返來滿面傷痕，學校與校車隱瞞實情，玩＂

母親真好心痛

作者: Heely 時間: 13-11-1 13:57

smallb2011 發表於 13-11-1 11:13
最好先了解小朋友為何會被抓傷，看過ETHAN的相後......其實也有可能是自己抓傷自己的，因為我仔都試過多次 ...

今次係第四次發生尼種事，第一次我都懷疑佢自己傷，就特登剪左佢手指甲，之后日日都會檢查佢手指甲，第二次、第三次均是在佢剪完指甲第二日受傷，無可能係自己抓傷，今次更加吾會係佢自己，他並無抓自己的嚐好，而且今次是多處傷，無可能自己甘大力抓甘多傷出來。

作者: worldcat 時間: 13-11-1 14:04

回復 Heely 的帖子

支持妳查出真相。
小朋友自己整親又好、俾其他小朋友整親都好。呢啲大家都控制唔到、我明白老師都無可能每分每秒睇住一個小朋友。但學校又責任解釋原因、同埋做一啲action plan. 無可能一句唔知或唔關我事就算。

作者: Toeyyipbb 時間: 13-11-1 14:52

心都痛埋

作者: 是是但但 時間: 13-11-1 15:14

好陰功....退學係明智之選...
可能係其他小朋友抓傷, 但老C / 校車司機﹑保母 , 點會唔知, 咁抓法好痛啦,小朋友一定會叫喎!

作者: csr 時間: 13-11-1 15:43 標題: 回覆：兩歲半幼童放學返來滿面傷痕，學校與校車隱瞞實情，玩＂

似被同學仔抓傷，學校不負責任，退學係明智之選。

作者: clpchu 時間: 13-11-1 16:36

搞錯呀~我睇到都好嬲呀~打到傷又唔理.去廁所又唔理.佢想點呀?

作者: Chirley 時間: 13-11-1 17:09

Heely 發表於 13-11-1 13:49
其實我真係吾想搞大件事，對於我除左煩無半點好處，但學校左一句吾知右一句吾知真係讓人噴火!!!我小朋友交 ...

你放心, 作為家長, 相信無一個人會認為你係搵野黎搞, 或有心搞大件事,
自己既小朋友, 無理由會唔錫佢、唔幫佢還公道咖...
等待你既UPDATE, 相信好多人都想知...

作者: marwai_1030 時間: 13-11-1 17:12 標題: 回覆：兩歲半幼童放學返來滿面傷痕，學校與校車隱瞞實情，玩＂

睇到Ethan既相，我都唔信傷口係由指甲造成。老師係有責任盡快將事情通知家長，唔係扮唔知算數! 支持樓主為BB取回公道

作者: picture 時間: 13-11-1 17:21 標題: 引用：睇傷勢似比人抓喎 +

原帖由 Manny 於 13-10-31 發表
睇傷勢似比人抓喎

Think so.

He must be bullied by another kid.

The wounds look like those from nails.

作者: picture 時間: 13-11-1 17:21 標題: 引用：睇到Ethan既相，我都唔信傷口係由指甲造成

原帖由 marwai_1030 於 13-11-01 發表
睇到Ethan既相，我都唔信傷口係由指甲造成。老師係有責任盡快將事情通知家長，唔係扮唔知算數! 支持樓主為B ...

This.school should be out of business!!!

作者: healthy_baby 時間: 13-11-1 17:48

見到好心痛, 支持你同追究校方

作者: confidence 時間: 13-11-1 18:10 標題: 引用：其實我真係吾想搞大件事，對於我除左煩無半

原帖由 Heely 於 13-11-01 發表
其實我真係吾想搞大件事，對於我除左煩無半點好處，但學校左一句吾知右一句吾知真係讓人噴火!!!我小朋友交 ...

比着我都噴火啦……乜都話唔知……大佬我交個仔比你架！！人人都可以唔知，但校長唔可以話唔知lor………

作者: cscsmlkyh 時間: 13-11-1 18:17

Omg, how can it be? The school is totally irresponsible! It is just not acceptable. I will ask for help from education bureau or police

作者: wedding.2010 時間: 13-11-1 18:34 標題: 回覆：兩歲半幼童放學返來滿面傷痕，學校與校車隱瞞實情，玩＂

希望小朋友快啲好番

作者: Heely 時間: 13-11-1 19:53

多謝各位的關心和支持!!!自此事發生后，本人一直悲憤不平！但也是保持了萬分冷靜來處理這件事，一開始本人是中意尼間學校、相信尼間學校才選擇了它，完全想吾到會如此讓人失望!受傷果日當我第一眼見到Ethan那一刻真是好心痛好火滾，我的第一想法係報警、通知傳媒、有幾大搞幾大！但最終還是冷靜下來一步一步處理，多次與學校交涉，想比機會學校去處理這件事，不想因為自己的衝動而錯怪任何一個人！時至今日，我想我已經比足機會佢地，希望佢地可以早點比我個交代，完結這件事。我好累、好累，主要是來自心理上嘅，每一日我都會拿相機記錄Ethan的傷，每一次影相時我的心就好似被刀划過一樣.....好在有甘多人嘅支持我才可以堅持去追討尼件事！謝謝大家！聽日我地會再去學校，今次會同防虐會一齊去，希望會有結果。一有新消息我會即刻話比各位知！謝謝你地嘅支持!本人甚是感激!

作者: dd0412 時間: 13-11-1 19:59 標題: 回覆：兩歲半幼童放學返來滿面傷痕，學校與校車隱瞞實情，玩＂

希望Ethan快d好返，爸爸媽咪都要加油呀！

作者: Heely 時間: 13-11-1 20:01

Ethan傷口已好左好多，精神無大碍，只是佢眼皮果度可能會留下些許傷疤。

作者: daniello 時間: 13-11-1 20:58 標題: 回覆：兩歲半幼童放學返來滿面傷痕，學校與校車隱瞞實情，玩＂

吾單止Ethan小朋友一個係咁，我囡囡讀B班，9月尾嘅時候都試過連續三日放學，面上有損傷，頭兩日雖然吾算嚴重，老師亦有來電交待及應承會多加留意對方小孩嘅行為（因為我囡囡會表達比我知係同一人），點知第二日放學「一條L抓痕括住隻眼」，嘩！肉痛到我呢！打比老師，佢夠膽死話對方已經帶咗手套！吹水咩，有咩可能要人地帶手套上堂，打咗手套都咁（吾帶咪入肉）？之後當然上去揾校長投訴，講完一輪咪承諾吾會有下次囉！唉.....

私人傳訊回覆引用

圖片附件: myphoto.jpg (13-11-1 20:58, 52.13 KB) / 下載次數 22
/forum.php?mod=attachment&aid=MTY1MDR8Mzg4MTE3MTZ8MTcxNjcyODYxOHww

作者: confidence 時間: 13-11-1 21:10 標題: 回覆：daniello 的帖子

Oh……no………學校點都要交代！不是個别case!!!

作者: meowymeowy 時間: 13-11-1 21:18 標題: 回覆：兩歲半幼童放學返來滿面傷痕，學校與校車隱瞞實情，玩＂

好離譜wor... 睇見都心痛...

作者: vip1114 時間: 13-11-1 21:23 標題: 回覆：meowymeowy 的帖子

其實係咪要傷人的家長正視其小朋友的行為呢！佢個小朋友成日傷人喎！

作者: Jellybear999 時間: 13-11-1 21:28

提示: 作者被禁止或刪除內容自動屏蔽

作者: chunheimama 時間: 13-11-1 21:36

Heely 發表於 13-11-1 13:57
今次係第四次發生尼種事，第一次我都懷疑佢自己傷，就特登剪左佢手指甲，之后日日都會檢查佢手指甲，第二次 ...

看到此, 覺得樓主是一個很明白事理的人, 看見小朋友傷得咁深和咁多次, 學校冇理由冇加注意, 我覺得學校必須交代. 和確保園內小朋友的安全.

作者: chunheimama 時間: 13-11-1 21:41

daniello 發表於 13-11-1 20:58
吾單止Ethan小朋友一個係咁，我囡囡讀B班，9月尾嘅時候都試過連續三日放學，面上有損傷，頭兩日雖然吾算嚴 ...

点解間學校咁疏忽, 是否人手嚴重不足呢, 好彩囡囡能講出事情的眞相咋.

作者: FATSHIT 時間: 13-11-1 22:37

間學校好變太呀，change the school as soon as possible

作者: vivianthony 時間: 13-11-1 22:39

回復 dbchu 的帖子

因為係同一時間返學, 大家都係相差幾分鐘, 跟住家長在課室門口又唔捨得走, 咁咪睇住佢哋個個在門口喊, 老師好唔得閒囉....

作者: tinlingyuetka 時間: 13-11-1 22:39

回復 Heely 的帖子

嘩,近五千銀的學費服務資素咁差? 我覺得可能有多收小朋友, 個比例上唔會跟足教育署, 所以老師好忙, 唔得閒理小朋友大小二便, 或鼻涕呀盛.......... 轉校係岩的!!!!!!!!!!

作者: Heely 時間: 13-11-1 22:49

Wow！原來有甘多人受傷！這說明學校管理好有問題！雖然國際學校學生無拘無束，但老師都應教小朋友區分對錯，做錯事就應該教佢更正。點可以任由小朋友曰曰打架傷害他人呢?今次Ethan險些傷到眼球，萬一再有小朋友傷得更深點算？尤其係女仔，留下疤痕就吾好啦!吾知學校老師究竟有沒有留心睇小朋友！

作者: 23102009 時間: 13-11-1 23:58 標題: 引用：兩歲半幼童放學返來滿面傷痕，學校與校車隱

原帖由 Heely 於 13-10-31 發表
兩歲半幼童放學返來滿面傷痕，學校與校車隱瞞實情，玩＂踢波＂推卸責任！！！
兩歲半的Ethan就讀於BoxHill ...

嘩, 好離譜喎, 我覺得抓人嗰個應該"被退學"先啱喎。

作者: mylovelychild 時間: 13-11-2 00:08

樓主，支持你，避免更多小孩遭受傷害，應該查明真相。我今日去完華景box hill面試，唔算多人，但是老師做事疏忽，十分失望。

作者: Arashi_nam 時間: 13-11-2 01:21

離曬譜!!!

原來吾係個別事件，厘D學校正係識收

，D愛心

同責任心去在邊?就算吾讀都吾會覺可惜，大校又如何。

歡迎光臨教育王國 (/)