教育王國
標題: 應去或留?請俾點意見... [打印本頁]
作者: 雪~bb 時間: 14-5-23 00:04 標題: 應去或留?請俾點意見...
情況如下:
仔,現讀區內一線小一,校舍新,設備齊,派位好,硬件冇得彈.
第1次試前係我跟功課,每日做到10點,
超慢,喊,字樣衰,日日要鬧.
成積差,跟唔上,唔明白,級名次最尾果堆.食慾減少.
之後,
日日去補習最少3小時,放學直踩到7點後,
唔合作唔放走,字體有改善,速度有改善.
冇時間玩,唔開心,冇心機, 失去活力變得較陰沈.冇左笑容.
不再跟我分享學校生活, 問佢返學開心嗎?
佢會面冇表情答我"開心"
我話補完習回家可玩一陣就答"我好攰冇心機玩"
最近第2考試成積出左成積冇進步,級名次尾10.
我知咁落去唔係辦法,諗緊轉校,
咁既成積,去唔到2線,只可以去D"派到家長都會喊"果D,
我搵到間係有愛心的, 學術淺D,中學派位冇咁好,
不過包容性強, 學生少,會因應學生能力去教.
我15/16, 唔敢亂黎,
有D人話再睇多年可能會變好,唔好轉,讀埋小2唔得小3先再轉.因轉左返唔到轉頭!
咁既生活,睇到個仔唔開心,我又覺得好肉赤! 但轉又好驚行錯步.
有D人又話如果再浸多年, 小一教既吸收唔到,小2如果唔進步,
咪等於兩年空白?! 咁小3轉左校都好難追返兩年喎?
心亂,俾D意見我啦,THX
作者: PandaVV 時間: 14-5-23 01:29 標題: 引用：情況如下:仔,現讀區內一線小一,校舍新,設備
原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.
Talk with your kid and listen to him.
Do not just concern on the result,
pay more attention to your kid thinking.
作者: Shangrila 時間: 14-5-23 04:53 標題: 回覆：應去或留?請俾點意見...
老實講，如果係我，遇到咁嘅情況，我會毫不猶豫幫小朋友轉校。
當然父母都應該先了解小朋友想法，攪清楚究竟係邊到出咗問題，但其實你現在都觀察到佢嘅情況，好明顯，係壞嘅影響多過好嘅影響。
根本佢依家已完全失去學習興趣，甚至影響到情緒，胃口，我睇你講到佢咁嘅情況，我會建議你同學校社工傾吓，或帶佢見吓心理醫生。（唔係講笑，係真心覺得你要處理，小朋友唔識講，表達唔到負面情緒，先會喺飲食失調等地方反映出嚟)
老實講，我唔知小朋友讀邊間名校，但小一學生，根本同幼稚園無咩大分別，六歲人仔，每晚做功課到10點？大人恐怕都支持唔住，何況小朋友？呢間學校嘅功課量，我不敢恭維。而如果唔係學校問題，而係小朋友有學習困難嘅問題，繼續落去更加係一種折磨。
咁細個小朋友，小肌肉都仲未發展得好好，但努力寫好嘅字可能已被擦完又擦，本來可以休息玩樂嘅時間，換來只係老師幾個剔、一個「甲」、或者一個貼紙同幾個印仔。（其實老師做晒呢堆嘢，唔使三分鐘。)而呢本作業簿，媽媽你到學期結束，新學年開始之前，可能就已經丟咗。最後小朋友得到最多嘅，應該係挫敗感。
其實學校硬件再好，都不及軟件重要，硬件好但在裡面活得不開心，有意思嗎？派位好，得罪講句，如果小朋友多數包尾，派得再好都無你份。
至於軟件，其實你小朋友咁嘅情況，學校老師有咩嘢反應？如果無理，咁其實軟件都係麻麻。另外，佢同其他小朋友相處又怎樣？呢啲都有可能係影響佢學習嘅因素。
俾我揀，我會寧願小朋友過得開心，在二線學校排中間，三線學校排前頭，都唔會想佢學得不開心，成績又成日在下游，面對師長嘅責難，而失去自信。(自信係容易失去，又好難揾得番嘅嘢)成績再差嘅小學，都會有人派到band1中學，只係比例上嘅分別。萬一你小朋友喺三線學校都仍然喺下游，呢一類學校，通常反而俾到學生同家長嘅支援會較多。
唔好信大啲會好啲嘅理論，要到時好啲，首要條件係1.佢有動力令自已更好(例如佢遇到一個佢好喜歡，又錫佢嘅老師，令佢天天返學都好開心)呢個真係可遇不可求。
作者: Shangrila 時間: 14-5-23 05:01 標題: 回覆：應去或留?請俾點意見...
諗返你點解要呢個小朋友，你希望佢點樣過生活？究竟邊樣最重要唔可以失去？咁你會知道應該點決定。
作者: MrBeast 時間: 14-5-23 06:18
如果你知道如何改善的方法和有信心在summer 追返，和跟到二三年班的課程，就留在原校，otherwise 我諗我會轉，當然當事人的意願也要consider.
作者: longlokma 時間: 14-5-23 06:29 標題: 引用：老實講，如果係我，遇到咁嘅情況，我會毫不
原帖由 Shangrila 於 14-05-23 發表
老實講，如果係我，遇到咁嘅情況，我會毫不猶豫幫小朋友轉校。
當然父母都應該先了解小朋友想法，攪清楚究 ...
作者: CALVEN 時間: 14-5-23 07:43
轉,
睇到都心痛,
作者: atirw 時間: 14-5-23 08:12 標題: 回覆：應去或留
Usually students rank bottom in famous school will rank top in 2nd school. That's why the school give y offer. Go ahead.
作者: hkparent 時間: 14-5-23 08:43 標題: 引用：情況如下:仔,現讀區內一線小一,校舍新,設備
原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.
作者: nieualma 時間: 14-5-23 08:59
本帖最後由 nieualma 於 14-5-23 12:50 編輯
完全同意Shangrila 的講法, 應該轉
作者: wongay123123 時間: 14-5-23 09:22
小朋友開心先最緊要呀! 如果決定轉校要先了解下小朋友想不想, 同小朋友傾下先, 可能他未必想架
作者: hadwinboy 時間: 14-5-23 09:27 標題: 回覆：應去或留?請俾點意見...
一個6歲小朋友，竟然連玩都冇力(非生病時), 你還顧慮什麼呢
作者: Yanamami 時間: 14-5-23 09:32
本帖最後由 Yanamami 於 14-5-23 09:40 編輯
Shangrila 發表於 14-5-23 04:53 
老實講，如果係我，遇到咁嘅情況，我會毫不猶豫幫小朋友轉校。
當然父母都應該先了解小朋友想法，攪清楚究 ...
[size=15.454545021057129px]其實學校硬件再好，都不及軟件重要，硬件好但在裡面活得不開心，有意思嗎？派位好，得罪講句，如果小朋友多數包尾，派得再好都無你份。
So true~如果喺中中等等，就可以睇多年，但小朋友谷到恆都喺包尾果浸，朝7晚10，唔開心，我睇到都心痛，而且只喺P1，幾時先涯到P6？
童年就只有一個，而且小學年代既經歷會影響他到teenage時性格既形成。名校與否，衡量一下利弊。一間good enough的學校，合適的學校更能令他有得著，有發揮，也未嘗唔喺好事呢~
作者: 大件仔 時間: 14-5-23 09:59
完全和我朋友兒子情況一樣, 可惜當年我朋友堅持讀下去, 這6年我見佢和兒子好像活在地獄的生活, 最後, 派位也只有派了一間B3中學, 相反, 另一個朋友佢兒子在一間2-3線小學讀, 就派到一間B1中學, 終於, 我明白讀書是學生自家努力因數多, 學校只是一個佩合, 不要太介懷學校名聲
作者: Christi 時間: 14-5-23 10:06 標題: 引用：一個6歲小朋友，竟然連玩都冇力(非生病時),
原帖由 hadwinboy 於 14-05-23 發表
一個6歲小朋友，竟然連玩都冇力(非生病時), 你還顧慮什麼呢
一個冇晒自信既小朋友，一個充滿挫敗既小朋友，好難讀得好。
要醫，先醫小朋友心病，要醫心病，先轉環境。
作者: yannietimb 時間: 14-5-23 10:11 標題: 引用：老實講，如果係我，遇到咁嘅情況，我會毫不
原帖由 Shangrila 於 14-05-23 發表
老實講，如果係我，遇到咁嘅情況，我會毫不猶豫幫小朋友轉校。
當然父母都應該先了解小朋友想法，攪清楚究 ...
現在新聞已經報導有幾多小朋友存在精神情緒問題，難道你想小朋友是其中之一？
看描述，小朋友的學習興趣已全失去，現在才p1, 你覺得佢可以撐到幾時？不要死守名校or1線學校吧！其實派位出來的，點解有d學校六年後既畢業生多是band one, 其他學校不是，難道相信真的因為一線學校課程師資較好？我更相信是谷出來，有小朋友受谷，並非代表全部！
襯小朋友還小，有機會援救他的學習興趣，早作決定，我記得自己小學時都係讀d村校，到5，6年級都遇過有些來自名校讀不上的同學，他們最初來到就覺得d野好淺，但結果他們成績還不什了了，因為他們已對學習完全提不起興趣！
作者: jc2009 時間: 14-5-23 10:32
同情樓主小朋友情況, 我都讚成轉校, 繼續落去只會對學習失去興趣.
作者: CHIULHJ 時間: 14-5-23 11:03
我會馬上轉校
作者: Jane1983 時間: 14-5-23 11:17
有無同小朋友傾吓？他有什麽想法？
無食慾、吾願玩、吾笑容、吾同你分享心事，真系好大件事。去到甘，什麽名校都吾要，要番個仔緊要d。
搞掂轉校d野，帶個仔去玩，晚晚傾番心事，建立番親蜜的親子關係，呢樣應系number 1
作者: Olympian 時間: 14-5-23 11:30 標題: 回覆：雪~bb 的帖子
好慘啊！你不如問下老師佢係學校開唔開心先，我聽有些朋友家長講，即使佢小朋友考第尾，有一個又成日唔合格，但係佢地都鐘意返學，同埋自己話唔想轉校，因為有朋友。如果唔清楚原因，怕了校問題依然存在。
不如你又要問下佢返補習覺得點呀？補習老師好人嗎？會唔會好辛苦？想唔想媽咪教返你？
我唔知你個區點，我個區就最淺間學校都每日8至10樣功課。小朋友約1至1.5小時完成，手慢就2小時。最少功課返而係間一線，5至6樣，有時冇功課。我仔小手肌弱，寫得樣衰都要算數，如果唔係搞好耐。
作者: skkeung 時間: 14-5-23 11:55 標題: 回覆：應去或留
轉校就解决到？
作者: chun媽 時間: 14-5-23 12:14 標題: 回覆：應去或留
點解小一要天天補習三小時?真是大人都頂唔順。
作者: skkeung 時間: 14-5-23 12:32 標題: 引用：點解小一要天天補習三小時?真是大人都頂唔
原帖由 chun媽 於 14-05-23 發表
點解小一要天天補習三小時?真是大人都頂唔順。
作者: hoihoima 時間: 14-5-23 13:05
回覆 雪~bb 的帖子
係細仔嗎？我朋友個仔係細仔，P.1時又係日日話攰，每天放學後都要睡覺，課程要阿媽重頭教，好似無返學咁。
作者: IloveJJ 時間: 14-5-23 13:09 標題: 引用：Quote:原帖由+chun媽+於+14-05-23+發表點解
提示: 作者被禁止或刪除 內容自動屏蔽
作者: yuenkw 時間: 14-5-23 13:10
好明顯小朋友的能力，与學校的要求已經出現錯配。
樓主快快行動吧。
作者: HaYi 時間: 14-5-23 13:27
不如了解清楚小朋友差的原因, 因為就算是一線官津P1好少會難到回來樣樣都不好, 而科科有問題的通常有某些困難, 如轉去23線的小學亦未必可以有改善.
補習時間長是因為家長要求補習社不可以不完成就放走? 字體不好要擦等? 3小時功課班對一年班來說都算長?
作者: Charlotte_mom 時間: 14-5-23 13:42
轉, 一定轉
無錯轉校唔等於解決問題, 係返返起點: 而家間學校有幫手解決過問題嗎?
而家都4月啦, 如果小朋友一直以黎都係跟唔上, 學校take過咩action? 成日話, 學校係"教好"學生, 唔係教"好學生", 你個仔仲有5年小學生涯, 而家已經咁, 留o係度有前途嗎? 記住知識係一路路"林"上去, 今年考完, 唔係算數, 出年只有更深, 我見到你自由版個post, 如果小朋友連自我價值都跌到底, 你唔心痛嗎? 日日如是, 日日返學都要面對失敗, 你轉校啦, 起碼要建立返個自我價值先, 小朋友除左學業發展, 心理健康都好緊要呀
當學生跟唔上, 學校應該同父母溝通, 要安排補底, 小組教, 如果真係有咩懷疑例如專注/學障問題, 會建議父母去check, 唔係個個小朋友學習能力都一樣, 學校應該要照顧差異, 而家呢間學校, 唔願做!
作者: tsz 時間: 14-5-23 14:00
小兒在二級時, 在家踏住佢至受的單車, 對我好似好認真地說 : (學校又迫我, 你又迫我....), 聽後心如刀割....., 即找學校, 交表...., 有得見, 佢拒絕, 學校再比機會佢, 誰知佢對我話 : (我有FRIEND, 吾想走呀, 如你迫我去, 我就不禮貌, 見到老師吾叫佢地, 我又亂做份倦.....), 唉! 那么去黎都無意思, 把事情告訢新校知, 對方反為很贊嘗佢, 重話暫不要迫他, 但可隋時再聯絡,.
小兒也在一所B1 小學, B1頭成績, 但課程好悶, 仔已知好多野, 天南地北....., 困住佢在此狹小知識下, 背串...., 不合佢,
所以要和小朋友頃下先, 如真的要轉, 現在要行動....
作者: Olympian 時間: 14-5-23 14:22 標題: 回覆：tsz 的帖子
你仔咩都肯講出來好好啊！其實最怕佢地唔開心又唔出聲，又唔肯講點解，好怕佢地屈到病。我一見仔唔開心就會慢慢問清楚佢發生咩事。
作者: tantanmama 時間: 14-5-23 17:42
我都會揀轉校, 因為小朋友同學校好明顯係錯配了.
未轉校前, 我會取消所有補習班, 自己教番. 反正補習班都幫唔到, 不如攞返黎當親子時間都好吖. 唔好用band 1要求對個仔, 寫字寫得唔靚唔緊要架, 寫得啱就OK了. 甚至做錯咗, 都唔緊要架, 做完就OK了. 如果小朋友做功課時間能縮短至1.5小時內, 剩下的1.5小時就同佢玩佢鍾意玩的, 佢連玩都冇力, 就同佢散下步, 散下心中的鬱結. 如果你接受到, 更加可以玩咗1.5小時先, 再做1.5小時功課, 做唔完就唔做, 寫張便條同老師講聲, 當務之急係解除小朋友壓力先. 如果老師不贊同, 請老師打電話給你商量, 不要責罰小朋友.
回想當初BB還在肚中時, 你應該認為BB健康最重要吧? 現在做番基本步, 搞掂個仔的心理健康先, 家長調節好自己的心態, 接受孩子的強弱項, 讀書唔叻, 總有其他的, 如果小孩子的世界只有功課, 還會有歡樂嗎?
作者: Jane1983 時間: 14-5-23 18:25
tantanmama 發表於 14-5-23 17:42
我都會揀轉校, 因為小朋友同學校好明顯係錯配了.
未轉校前, 我會取消所有補習班, 自己教番. 反正補習班都 ...
學業成績既嘢，基本功執好，建立好自信，發力可以追上的，毋需只爭朝夕。
作者: skkeung 時間: 14-5-23 18:29 標題: 回覆：應去或留
不错的評論！
作者: mannitol 時間: 14-5-23 21:54 標題: 回覆：應去或留
我試過在一間尚好的學校考20幾，也試過在band3學校考全級第一。我相信，我的自信心是從後者拾回來的。況且，我的band3同學們，現在個個也衣食無憂，三餐穩妥，是香港的良民。也有些去了外國發展。最起碼大家開開心心過了學校生活，沒有讀書讀到精神病。
所以…………吧！
作者: 雪~bb 時間: 14-5-24 00:01
我聽日帶仔去睇學校
如佢OK就會轉了
thank you
作者: piglet_be 時間: 14-5-24 00:25 標題: 引用：我聽日帶仔去睇學校如佢OK就會轉了thank+yo
原帖由 雪~bb 於 14-05-24 發表
我聽日帶仔去睇學校
如佢OK就會轉了
thank you
作者: hadwinboy 時間: 14-5-24 00:36 標題: 引用：我聽日帶仔去睇學校如佢OK就會轉了thank+yo
原帖由 雪~bb 於 14-05-24 發表
我聽日帶仔去睇學校
如佢OK就會轉了
thank you
作者: KLW 時間: 14-5-24 12:37
同意轉校, 心境健康比一切重要.
作者: yannietimb 時間: 14-5-24 12:50 標題: 回覆：應去或留?請俾點意見...
願你的孩子盡快重拾快樂童年，真的，小朋友學業成績不是一切，做個開心快樂自信積極的人就很足夠！
作者: chun媽 時間: 14-5-24 14:49
我不知道樓主對學業的要求是否好高,我見樓主要求每天補課三小時,可知,樓主的要求,有時,做家長的,都要調節一下自己的心態,有時,暫時,亞仔未到位,不妨要求低一點,否則,轉左校,若亞仔未達標,你依然會勁谷,所以,家長的心態才是最重要的
作者: tsz 時間: 14-5-24 16:45
樓主，祝你早日找岩學，可得闲２母子開開心心去玩下
作者: kipapa 時間: 14-5-26 09:46
恕我直言, 看過樓主之講述, 作為同是小一生家長的我並不覺得學校及小朋友有問題, 問題似乎在於家長對小朋友太早已有預設期望。 首先, 一個沒有受過任何操練的5/6歲小朋友, 寫字慢及字體差是正常不過的, 如果因為這樣而要每天受到家長責罵, 試問他如何能對學習有興趣呢? 成績差便是理所當然的事。 再者, 加上3小時枯燥無味的補習, 成績毫無寸進亦是意料之內。
既然原校沒有放棄小朋友, 為何仍要轉一間包容性強及家長派到會喊的學校呢? 包容與縱容有時只是一線之差, 如小朋友到小六時學術水平仍只有小三四水準的話, 相信家長唔會接受到掛?
我覺得要轉的是方法及家長心態而不是學校。 既然樓主已作出差不多最壞打算, 何不留在原校安心就讀, 一改以往之方法, 說不定小朋友仍可在高小時能趕進BAND 1之列。 小朋友的自信心多是由家長協助建立的, 他現時最需要的是家長的關懷、鼓勵、體諒與支持; 對小朋友寬容一點, 小朋友自然會快樂一點。
暑假即將來臨, 這亦正是修補親子關係的最佳時機。 建議多陪伴小朋友到各公園/沙灘泳池/博物館玩, 既可抒發身心又可拉近與小朋友間之距離, 亦可常到圖書館陪他一起看圖書以提升小朋友的語文能力。 相信樓主如能將成績放下, 耐心教導扶持小朋友的話, 明/後年將會有一張不一樣的成績表, 而且亦能令小朋友重投妳懷抱, 開開心心愉快地成長, 這亦是比任何事情都要重要的。
作者: IloveJJ 時間: 14-5-26 11:33 標題: 引用：恕我直言,+看過樓主之講述,+作為同是小一生
提示: 作者被禁止或刪除 內容自動屏蔽
作者: 07mama 時間: 14-5-26 14:19
雪~bb 發表於 14-5-23 00:04
情況如下:
仔,現讀區內一線小一,校舍新,設備齊,派位好,硬件冇得彈.
係學校好百厭, 好鍾意玩. 一樣有人叫我唔好轉, 過多2年睇定D.
一個小朋友話 "我好攰冇心機玩", 好嚴重, 一定要正視.
成績好唔好, 都不及喜歡學習和返學重要
小一只係起步, 就算成績唔好, 之後追到的大有人在.
不喜歡學習, 沒有生活動力, 影響可以很深.
另外, 2線學校並不代表他教得淺或功課少, 所以一定要問問讀緊既朋友真實情況.
作者: Obiepapa 時間: 14-5-26 19:50 標題: 回覆：應去或留?請俾點意見...
去穩間合適的學校。
作者: owennam 時間: 14-5-26 23:44 標題: 回覆：Obiepapa 的帖子
希望媽媽早曰穩返個寶貝仔
作者: natnatbaby 時間: 14-5-27 00:27 標題: 回覆：應去或留
同意，現在即取消所有補習。有些小朋友係補極都不會有進步的，只有對學習更反感。我囡囡正是這樣，我見朋友的也是，日補晚補，仍沒明顯進步。，我也是心急見囡囡成積退步，甘多人去補又比她試補下，自己又不想勞氣教。結果補了半年，成績全無起息，比老師批評，只有更討厭學習，無信心，而且成績沒進展。現在自己跟，成績少許進步。至於轉校，若沒違反孩子意願可一試，但要輔導轉校原因，不可令他覺得自己差才需要轉。
作者: water13 時間: 14-5-28 11:21 標題: 引用：情況如下:仔,現讀區內一線小一,校舍新,設備
原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.
作者: nieualma 時間: 14-5-28 11:46
天天在校那麼長時間, 讀哪間學校當然是關鍵, 當中功課量已經是最重要一樣, 天天用大量時間做功課, 那有時間溫習和提升自己? 而且即使樓主不責備小朋友的字體, 恐怕一線學校都不容許.
作者: 雪~bb 時間: 14-5-29 21:06
本帖最後由 雪~bb 於 14-5-29 21:06 編輯
chun媽 發表於 14-5-24 14:49
我不知道樓主對學業的要求是否好高,我見樓主要求每天補課三小時,可知,樓主的要求,有時,做家長的,都要調節一 ...
就係唔高先想死我要求佢做晒功課同溫好D默書
每個月既評估我已經當睇唔到架啦
再降底就係由佢自生先滅架
作者: 雪~bb 時間: 14-5-29 21:44
kipapa 發表於 14-5-26 09:46
恕我直言, 看過樓主之講述, 作為同是小一生家長的我並不覺得學校及小朋友有問題, 問題似乎在於家長對小朋友 ...
連數字都要執,擦來擦去點會唔慢
我只係要佢認真D寫, 唔使擦黎擦去.
又唔使交左第2日又要重做/改正,
如果咁都高要求,我都冇野好講.
而且只係開學頭3個月係我教,
之後佢每日3小時補習,
只夠佢做功課同溫一陣間書
回家我冇再要佢做D咩,
我已經完全放手,
而家字體速度都好了很多.
但真係完住學唔到野咁
今個月英評估只有7分,
連填I (AM), YOU (ARE)都唔識
我都冇鬧佢,我唔知仲可以點降底要求.
呢間學校不是不好,但谷的太多了,
吸收唔到,好又有咩用.根本虛不受補.
例如我仔連基本文法都未學好,就要交50字英作
點交得出,咪又係我做.
原校點會放棄小朋友? 佢地根本不理,
又係叫我去補習,我話日日補3個鐘冇得再補啦.
果間家長派到會喊既學校,我去過觀課
校長帶我去睇每一班上堂
他記得好多學生名同學習問題
介紹學校有咩方法幫D學生
學生都有禮守規的,派位比同區差係事實.
但到時先算啦,轉心態你講得啱
我唔再諗"可能有日會變好"
直接俾間淺易D既佢讀等佢有返興趣
佢係得既2年會追上先再考慮向高發展吧
如果都係唔得都算了,預設期望我生個普通人,真係蠢都冇辦法了
作者: 雪~bb 時間: 14-5-29 21:47
natnatbaby 發表於 14-5-27 00:27
同意，現在即取消所有補習。有些小朋友係補極都不會有進步的，只有對學習更反感。我囡囡正是這樣，我見朋友 ...
其實好混亂好難控制
我教得仔又睇唔實個妹
作者: cowmoon 時間: 14-5-29 22:26
本帖最後由 cowmoon 於 14-5-29 22:26 編輯
我有朋友有類似情況。她為孩子轉二線學校 repeat 小一，所有事情從新出發，成績進步至中上上，自信心返哂來，學習態度大幅改善。
作者: josephbaba 時間: 14-5-29 22:35 標題: 回覆：雪~bb 的帖子
你係咪住九龍，可考慮愛心私校, 15人—班。 http://aogmms.edu.hk/
圖片附件: 1401374031144.jpg (14-5-29 22:35, 110 KB) / 下載次數 0
/forum.php?mod=attachment&aid=MjM5MTh8MjExNDgxNWN8MTcxNjcxODQ2MHww
作者: water13 時間: 14-5-30 02:00
本帖最後由 water13 於 14-5-30 02:36 編輯
雪~bb 發表於 14-5-29 21:44
我從冇要求字靚只係要寫啱,老師執字好嚴
連數字都要執,擦來擦去點會唔慢
我只係要佢認真D寫, 唔使擦黎擦去. ...
完全明白你感受！一線學校只會叫你去補習，唔會有任何支援。有時二三線學校反而會更加照顧學習有差異嘅學生，可能會對小朋友更好！
我當時同女女講：「唔係你唔夠好，亦唔係呢間學校唔好，只係唔適合你啫！
我同你揾左間適合你多d，會讀得開心d嘅學校，不過你都要繼續努力先得架！」
樓主，支持你！為仔仔選擇更合適嘅學校。
作者: 小凝` 時間: 14-5-30 02:48 標題: 回覆：應去或留
我睇左之後第一個感覺係 你既小朋友好似唔太適合補習社形式？或者係個間？
因為有啲小朋友去補習社覺得係開party
好興奮 一齊傾計
如果佢好乖會自動自覺做功課既
就唔好去啲有惡老師既補習社
都係練習寫字階段 當然做得慢
唔好比人惡自己個寶貝
照你所形容黎睇 我覺得你小朋友好識諗
會唔會係佢自己想係屋企做功課多過去補習社呢？或者想對住父母？細細個鐘意痴父母嫁麻=]！
如果真係補習社唔岩佢 要搵啲有耐性又有愛心既私補老師先岩佢
作者: yamyau 時間: 14-5-30 09:12
轉校
作者: AgapePa 時間: 14-5-30 10:26
雪~bb 發表於 14-5-29 21:44
我從冇要求字靚只係要寫啱,老師執字好嚴
連數字都要執,擦來擦去點會唔慢
我只係要佢認真D寫, 唔使擦黎擦去. ...
轉攻體藝, 堤高自信.
作者: 小凝` 時間: 14-5-30 11:31
回覆 雪~bb 的帖子
我見你話英文字唔識我完全諗起我個陣 我真係未適應到當時既返學模式
一上英文堂 老師全係英文教書
我老師見我好呆
用中文問我係唔係有野唔明唔識
我點頭
佢再問邊到唔識
我答...全部xD
其實每個小朋友都有佢"開腦"既時間
差在遲定早
我身邊有好多例子 小學成績好差 初中成績都好差 高中開始發力
依家讀緊大學
當然前題一定要入到好學校先啦
作者: IloveJJ 時間: 14-5-30 11:43 標題: 引用：Quote:kipapa+發表於+14-5-26+09:46+恕我直
提示: 作者被禁止或刪除 內容自動屏蔽
作者: pearlwong732 時間: 14-5-30 13:02
提示: 作者被禁止或刪除 內容自動屏蔽
作者: karen55407 時間: 14-5-30 17:07
回覆 雪~bb 的帖子
看來樓主的小朋友是追唔上，家長要嘗試用其他方法幫小朋友克服困難，希望能找出有效嘅方式吧！
作者: calbee6 時間: 14-5-30 17:49 標題: 回覆：應去或留
轉，一定轉
作者: tingfeiwong 時間: 14-5-30 18:42
我會支持你轉，我仔情况同你仔一樣，我p1下學期已轉左間3線但老師包容有愛心ga學校，起碼老師唔會下下評擊個小朋友點差點追唔上，而係以鼓勵方法激勵小朋友努力學習。我無後悔同巨轉校，六年之後升咩中學要靠他自己，我相信如果巨仲係禁ga成績就算係派位好ga小學都會派間B3中學，努力，你可看看我之前ga post努力！
作者: tingfeiwong 時間: 14-5-30 19:33
回覆 Charlotte_mom 的帖子
我仔以前間學校就係唔願做，跟唔上就投訴比家長自己跟無backup,又無補底，⊥堂跟唔倒或唔合作ga同學全部坐哂後排唔好阻住上堂
。我無後悔同個仔轉校。
作者: 小凝` 時間: 14-5-30 20:47 標題: 回覆：應去或留
其實唔少band1小學老師
只係睇好精英班考頭三個啲同個樣令仔令女個啲嫁咋
作者: Olympian 時間: 14-5-31 13:45 標題: 回覆：小凝` 的帖子
真係好感慨，教育都做到咁功利。老師好似要追業績咁。
作者: Jane1983 時間: 14-5-31 14:40
Olympian 發表於 14-5-31 13:45
真係好感慨，教育都做到咁功利。老師好似要追業績咁。
作者: Jessy 時間: 14-6-3 12:15
梗係即轉啦, 絕不後悔!!
作者: 11B 時間: 14-6-3 13:43 標題: 引用：情況如下:仔,現讀區內一線小一,校舍新,設備
原帖由 雪~bb 於 14-05-23 發表
情況如下:
仔,現讀區內一線小一,校舍新,設備齊,派位好,硬件冇得彈.
作者: 雪~bb 時間: 14-6-11 16:28
tingfeiwong 發表於 14-5-30 18:42
我會支持你轉，我仔情况同你仔一樣，我p1下學期已轉左間3線但老師包容有愛心ga學校，起碼老師唔會下下評擊 ...
希望唔會差到唔收佢啦
THX
作者: acw 時間: 14-6-11 16:55 標題: 引用：Quote:tingfeiwong+發表於+14-5-30+18:42+
原帖由 雪~bb 於 14-06-11 發表
我交左表考插班小二啦
希望唔會差到唔收佢啦
THX
作者: hellohelloruby 時間: 14-6-12 17:17 標題: 回覆：雪~bb 的帖子
我同你情況都好接近，但我個仔就好鍾意呢間學校，識到好朋友，佢成績都好差，上堂唔專心，不過佢幼稚園係好淺，所以追唔上，我有時諗佢係咪未開腦呢，我都十五十六轉唔轉校，問佢就一定唔轉，睇埋二年級，大家一齊加油!
作者: Kaw0307 時間: 14-6-12 17:39
睇過樓主之前的post, 知道仔仔的學校好谷, 又分精英班, 小朋友壓力大! 我覺得轉去一間無甘谷的學校, 希望小朋友能重拾讀書興趣及自信心!
小朋友讀書緊要, 但身心健康都很重要!
作者: 雪~bb 時間: 14-6-14 12:53 標題: 回覆：應去或留
仔就考完插班試，等接佢，
好緊張。
作者: a_for_apple 時間: 14-6-14 13:24 標題: 引用：仔就考完插班試，等接佢，
好緊張。
+
原帖由 雪~bb 於 14-06-14 發表
仔就考完插班試，等接佢，
好緊張。
我贊成轉校，但可以問下仔仔對新學校感覺，問下佢轉校意願，希望小朋友過一個愉快嘅小學生活！
作者: ma90a31 時間: 14-6-15 19:07
點解要補習？
你小朋友須要你，唔係補習先生。
作者: 雪~bb 時間: 14-6-15 20:58 標題: 回覆：ma90a31 的帖子
因為妹妹仲細會搞住，我搞得個細又教唔到個大，我又冇工人，大既又咩都要跟，讀邊間都要補習做晒功課先返屋企。
我屋企細開左細摺枱就企唔到多個人。
這就是原因
作者: tingfeiwong 時間: 14-6-17 19:06
回覆 雪~bb 的帖子
點呀！真替你緊張，幾時知收唔收呀？希望收你仔仔有個新開始
作者: 5tgb 時間: 14-6-17 20:24
回覆 雪~bb 的帖子
其實樓主心中有無想過，孩子在原校要進步到考第幾，才能尋回自信呀！有無目標呀！同樓主成績差不多個班同學會點呀！他們會放棄或進取呀！如他們放棄-轉校，學校收插班生，自己成績會進步或退步呢？如他們變得積極，自已又夠唔夠人爭呀！考慮點應在競爭對手身上，祗考慮自已努唔努力是不足夠的。另外，千萬不要有去三線學校，成績就會好的想法，人地收你入學而已，你真係當人地D學生流架！轉校祗是比個機會，重新開始而已。
作者: paulinefll 時間: 14-6-17 21:42 標題: 回覆：應去或留
一定轉，我吾想冇左個仔
作者: 小曳人 時間: 14-6-17 21:57
無乜嘢緊要得過精神健康
如果一個人活响壓力下，身體自己慢慢差
去一間輕鬆d嘅學校，揾返學習興趣同自信！
如其响一線學校做band 3生，不如去抽到會喊嘅學校做個快活band 2生！
作者: 雪~bb 時間: 14-6-18 19:34
tingfeiwong 發表於 14-6-17 19:06
回覆 雪~bb 的帖子
點呀！真替你緊張，幾時知收唔收呀？希望收你仔仔有個新開始
作者: karen55407 時間: 14-6-18 20:02 標題: 回覆：雪~bb 的帖子
恭喜
作者: Jane1983 時間: 14-6-18 20:36
恭喜晒！祝你和仔仔苦盡甘來，有一個愉快的學習生活！
作者: tingfeiwong 時間: 14-6-19 00:18
回覆 雪~bb 的帖子
恭喜哂，重新同仔仔開始吧！
作者: manmonster 時間: 14-6-19 09:45
回覆 雪~bb 的帖子
我是路人甲。能夠轉換新環境，很替你們高興。祝福你小朋友有美好的學習生活。
作者: Kitty1230 時間: 14-6-19 11:27
作者: arsocooking 時間: 14-6-19 15:19
我也有像樓主的情況!轉校是讀小二,還是小一呢?家下小一學位甘緊張,小一都唔會有位的,苦惱中
作者: 雪~bb 時間: 14-6-19 15:52
arsocooking 發表於 14-6-19 15:19
我也有像樓主的情況!轉校是讀小二,還是小一呢?家下小一學位甘緊張,小一都唔會有位的,苦惱中 ...
作者: kaileung2003 時間: 14-10-18 02:05 標題: 引用：Quote:arsocooking+發表於+14-6-19+15:19+
原帖由 雪~bb 於 14-06-19 發表
轉小二
作者: cowboybaby 時間: 14-10-19 19:03 標題: 回覆：雪~bb 的帖子
小一要英作50字
介唔介意講是邊區？
作者: Jane1983 時間: 14-10-19 19:20
係wor，樓主仔仔開咗學個幾月，吾知讀得開吾開心？不如update吓吖
作者: sissysze 時間: 14-10-19 22:15 標題: 引用：小一要英作50字+介唔介意講是邊區？
+
原帖由 cowboybaby 於 14-10-19 發表
小一要英作50字 介唔介意講是邊區？
作者: sheffield 時間: 14-10-20 15:48
回覆 雪~bb 的帖子
重新出發！祝上學愉快！
作者: little_yolky 時間: 14-10-20 16:13
sissysze 發表於 14-10-19 22:15
好多都係甘上下字數架，小一作文一定有guiding question, 答哂問題就係一編文，睇返佢舊文咪知邊間囉
...
作者: kenwong888 時間: 14-10-21 14:08
雪~bb 發表於 14-5-23 00:04
情況如下:
仔,現讀區內一線小一,校舍新,設備齊,派位好,硬件冇得彈.
因轉左返唔到轉頭!
作者: kenwong888 時間: 14-10-21 14:15
atirw 發表於 14-5-23 08:12
Usually students rank bottom in famous school will rank top in 2nd school. That's why the school gi ...
Please do not mislead!
作者: kenwong888 時間: 14-10-21 14:18
本帖最後由 kenwong888 於 14-10-21 14:19 編輯
hadwinboy 發表於 14-5-23 09:27
一個6歲小朋友，竟然連玩都冇力(非生病時), 你還顧慮什麼呢
I suppose he need some coffee or something like that?
作者: kenwong888 時間: 14-10-21 14:53
Olympian 發表於 14-5-23 11:30
好慘啊！你不如問下老師佢係學校開唔開心先，我聽有些朋友家長講，即使佢小朋友考第尾，有一個又成日唔合格 ...
Now there is no easy school, all are work-hard-play-hard la!
Overcome the problem la!
| 歡迎光臨 教育王國 (/) |
Powered by Discuz! X1.5 |