教育王國

標題: 學券幼稚園入直資私校 [打印本頁]

作者: damonmama 時間: 14-6-15 16:23 標題: 學券幼稚園入直資私校

小朋友讀普通學券幼稚園，當然自己有出去補英文，但係到時直資私校會唔會考慮幼稚園的名氣?定係多數靠證書同interview表現?

作者: ma90a31 時間: 14-6-15 17:36

考直資小學同幼稚園有冇用學卷冇關係

作者: Bigtaoc123 時間: 14-6-15 18:14 標題: 回覆：damonmama 的帖子

直私唔多睇讀邊間幼稚園同証書。大型公開比賽得獎可能睇。有朋友個女讀村校學卷幼稚園一樣考到kts.

作者: wwsugar 時間: 14-6-15 18:28

考英文的聽和講，要日日浸的水平，不是一星期學多一二堂的水平。我唔認為學卷幼稚園可以做到。如果英文不是這個水平，但是其他特異功能搭夠也可。如果唔係都好難入熱門的直資。

作者: wwsugar 時間: 14-6-15 18:30

某些私校可能比直資更易入。有一條龍的直資多數好難入的。

作者: Bigtaoc123 時間: 14-6-15 19:58 標題: 回覆：wwsugar 的帖子

考SPCCPS可能難過考KTS.

作者: Jane1983 時間: 14-6-15 20:48

直資私校有好多，都睇吓樓主心儀邊幾間。

作者: LeeCC 時間: 14-6-15 21:05

阿仔讀学卷幼，同學有不少都有直資私小，有人甚至有4個offers

作者: wwsugar 時間: 14-6-15 21:49

學券幼稚園何其多！聖公會幼稚園都係學券，但是唔容易入！好多人千辛萬苦過海去聖公會幼稚園就係想最後入spccps或DBS/dgs...

作者: janettsui 時間: 14-6-15 22:15 標題: 引用：學券幼稚園何其多！聖公會幼稚園都係學券，

原帖由 wwsugar 於 14-06-15 發表
學券幼稚園何其多！聖公會幼稚園都係學券，但是唔容易入！好多人千辛萬苦過海去聖公會幼稚園就係想最後入sp ...

聖公會無左學券2年喇

作者: wwsugar 時間: 14-6-15 22:24

回覆 janettsui 的帖子

原來係咁...

作者: ozoz 時間: 14-6-15 22:28 標題: 回覆：學券幼稚園入直資私校

我諗一dd學校，朋友仔讀某學卷學校，有愛心，不過無日日英文，朋友即使有另外比佢上英文，又有請過賓賓幾年，個仔叫做班入面英文比較好，但發音好有問題，亦好怕同人講英文。至於中文，理應好d,但學校無引導小朋友朗讀中英文，叫佢小朋友出聲讀字不論中定英，連父母都叫唔郁。朋友只好嘆一句，自己唔識教，家教問題。

作者: siubbsw 時間: 14-6-15 23:49 標題: 引用：小朋友讀普通學券幼稚園，當然自己有出去補

原帖由 damonmama 於 14-06-15 發表
小朋友讀普通學券幼稚園，當然自己有出去補英文，但係到時直資私校會唔會考慮幼稚園的名氣?定係多數靠證書 ...

學卷幼稚園學生入到直資小學，要花時間追英文，listening n oral 都比人弱！
三年前考過優才，真道，福建中學附屬小學，發現面試時對英文要求不是太高。不過現在不知是否一樣

作者: siubbsw 時間: 14-6-16 00:03 標題: 回覆：siubbsw 的帖子

我小朋友是讀不出名的學卷幼稚園，三間都取綠了。

作者: damonmama 時間: 14-6-16 08:33 標題: 回覆：學券幼稚園入直資私校

其實入唔入到好的直資私校同面試表現關係係唔係好大? 大方主動肯講就算唔出名的幼稚園一樣多人收?

作者: Piiglam 時間: 14-6-16 09:01 標題: 引用：其實入唔入到好的直資私校同面試表現關係係

原帖由 damonmama 於 14-06-16 發表
其實入唔入到好的直資私校同面試表現關係係唔係好大? 大方主動肯講就算唔出名的幼稚園一樣多人收?

...

是的。我仔仔都讀緊學卷幼稚園，但唔覺得英文特別差。考直資、私校都要睇個性、當日表現最重要。

作者: damonmama 時間: 14-6-16 09:13 標題: 回覆：學券幼稚園入直資私校

我個慢熱，細膽d 即係機會都唔大

作者: Piiglam 時間: 14-6-16 09:23 標題: 回覆：damonmama 的帖子

要睇學校類型，如果活動式教學可能ㄕˇ

作者: Piiglam 時間: 14-6-16 09:24 標題: 回覆：damonmama 的帖子

Sorry,打錯字。活動式教學可能蝕底小小。

作者: bubuG 時間: 14-6-16 09:28 標題: 回覆：學券幼稚園入直資私校

我相信名幼有少少優勢。

作者: MrBeast 時間: 14-6-16 09:44

interview表現

作者: sfly97 時間: 14-6-16 09:46 標題: 回覆：Piiglam 的帖子

活動教學我覚得反而有著數，小朋友活啲，大膽啲講野，面試表現會好啲。

小朋友係活動教學，大部分同學都有幾個 offer，offer 有神校，活動教學，亦有超傳統的學校！

我覚得名幼亦可能好啲，我小朋友去 2nd 3rd in 時見啲校名都熟口熟面。當然不出名的幼稚園也可考到直資私校，但感覺比例少啲。

作者: janette_chan 時間: 14-6-16 09:49

回覆 damonmama 的帖子

我阿女都係讀學券幼稚園，不過佢每年都有一個班主任係NET，亦有PHONICS學，我又唔覺佢英文比人差喎，學校有活動要佢哋出街訪問外國人，好多個都表現得好好，無怕講英文喎!!舊年同佢考咗6間私小，都有兩個OFFER，不過我全部都係報二線私小，如果要報神校，就可能真係要靠名幼!!

作者: damonmama 時間: 14-6-17 10:14 標題: 回覆：sfly97 的帖子

學券都分名校同普通，真係好難講

作者: RUVSY 時間: 14-6-17 12:49 標題: 引用：回覆+damonmama+的帖子我阿女都係讀學券

原帖由 janette_chan 於 14-06-16 發表
回覆 damonmama 的帖子

我阿女都係讀學券幼稚園，不過佢每年都有一個班主任係NET，亦有PHONICS學，我又唔 ...

我個小朋友是普通的學卷幼稚園有男拔2nd in

作者: mamaluk 時間: 14-6-17 13:50

提示: 作者被禁止或刪除內容自動屏蔽

作者: damonmama 時間: 14-6-18 08:56 標題: 回覆：mamaluk 的帖子

好有正能量!

作者: happybibi 時間: 14-6-18 12:09

阿女以前都係屋村幼兒園讀, 重係活動教學, 以我所知連阿女都有三個以上考到一線私小, 所以不妨一試.

我無谷阿女架, 無上學術班, 淨係每天都要講故事和睇書.

作者: cellon 時間: 14-6-18 12:19

damonmama 發表於 14-6-15 16:23
小朋友讀普通學券幼稚園，當然自己有出去補英文，但係到時直資私校會唔會考慮幼稚園的名氣?定係多數靠證書同interview表現? ...

幼稚園的名氣？幼稚園不是大學，有甚麼名氣可言呢？

獎狀？若果只是人有我有豬肉獎，你認為小學校長會看嗎？

直資小學有interview，當然最重要是看小朋友在interview時的實際表現。

作者: mamaluk 時間: 14-6-18 13:04

提示: 作者被禁止或刪除內容自動屏蔽

作者: whitepurin 時間: 14-6-18 13:10 標題: 回覆：mamaluk 的帖子

歡迎光臨教育王國 (/)