教育王國

標題: 有冇家長子弟讀石圍角小學？好氣憤！想轉校！！！邊間好 [打印本頁]

作者: wongkelvinwong 時間: 14-7-7 22:49 標題: 有冇家長子弟讀石圍角小學？好氣憤！想轉校！！！邊間好

石圍角小學推廣關愛文化，可是，我女女近日同我傾計，講返一些學校發生的攪笑事，我才發現校內老師經常羞辱學生，例如老師會要欠交功課的學生掛「欠交功課」紙牌在頸上示眾，此外，我女女同班的男同學因取笑學校獎勵給學生的bb布娃娃醜陋，而被訓導主任罰整天抱住隻bb布娃娃示衆，連升旗禮儀式也不可放下，我女女還笑著說見到有位男同學被罰用餐盤托住隻bb布娃娃，被同學們嘲笑，該校某些老師不成熟處理學生的手法實在令人懷疑學校的關愛是否「掛羊頭賣狗肉」,雖然我女女沒有被老師羞辱，但已學會嘲笑同學，現想轉校，請問荃灣區有甚麼真係關愛學生的學校介紹呢

作者: Yanamami 時間: 14-7-7 23:01

作者: kenwong888 時間: 14-7-8 00:04

wongkelvinwong 發表於 14-7-7 22:49
石圍角小學推廣關愛文化，可是，我女女近日同我傾計，講返一些學校發生的攪笑事，我才發現校內老師經常羞辱 ...

My daughter will enroll P1 this year!
THX for your advice!
I'll take special care!

作者: Jane1983 時間: 14-7-8 00:20

何必用咁極端的手段！樓主所講學生犯既錯，真系吾係大奸大惡，咁樣做，好over。

作者: little_yolky 時間: 14-7-8 09:25

wongkelvinwong 發表於 14-7-7 22:49
石圍角小學推廣關愛文化，可是，我女女近日同我傾計，講返一些學校發生的攪笑事，我才發現校內老師經常羞辱 ...

係唔係某一位老師的行為? 抑或是大部份老師都用相同手法? 老實講, 所有學校都會有小問題, 如果係小部份老師的行為, 建議同校長反映, 表示處罰手法的負面影響, 如果學校不聽取意見再考慮。因為, 如果為了一件不滿事而轉校, 可能會沒完沒了。

作者: kenwong888 時間: 14-7-8 09:35

little_yolky 發表於 14-7-8 09:25
係唔係某一位老師的行為? 抑或是大部份老師都用相同手法? 老實講, 所有學校都會有小問題, 如果係小部份老師 ...

The teacher does not respect the students!

作者: little_yolky 時間: 14-7-8 10:49

kenwong888 發表於 14-7-8 09:35
The teacher does not respect the students!

係呀, 但要考慮係the teacher or the teachers or most of the teachers。
建議樓主同校長談談, 見過有JM的朋友都有類似唔尊重同學的事情, 家長向老師發出律師信。所以, 校長應該正視。如果係為小朋友教育問題, 學校應該會接受意見的。因為, 始終間間學校都有一些我們不太喜歡的地方, 如果能雙方合作改善, 就是雙贏。

作者: ngpun 時間: 14-7-8 15:39

本帖最後由 ngpun 於 14-7-8 15:39 編輯

我仲叫我朋友考慮! 如果真係會累c佢個女!

請問樓主還有認識其他同學的媽媽嗎? 可否問到其他孩子的情況是否真是同一情況!

我好內疚呀! 因為朋友本來諗住讀聖十架, 佢已無Offer了

作者: ngpun 時間: 14-7-8 15:40

我好擔心, 仲擔心過自己個女入去讀

作者: 個個都健康 時間: 14-7-8 16:34 標題: 回覆：有冇家長子弟讀石圍角小學？好氣憤！想轉校！！！邊間好

令我想起逃學威龍情節

作者: kenwong888 時間: 14-7-8 16:36

ngpun 發表於 14-7-8 15:40
我好擔心, 仲擔心過自己個女入去讀

讀聖十架 law!

作者: kasinmami 時間: 14-7-8 17:24

提示: 作者被禁止或刪除內容自動屏蔽

作者: jesswong1029 時間: 14-7-8 18:07

好多學校一樣係咁, 睇下你知唔知姐.
我在6月尾, 去祖天in, 當我的仔面前修路佢.
我的兒子in時, 自己1個對住2個主任老師. 10分鐘後叫我過去一同見老師,
老師問我, 你覺得兒子認未能力如何, 我回答, 中文及數學幾好, 英文差少少欠缺自信心. 之後當住兒子面前講, 唔係差少少, 他連基本的英文都唔識.
跟住我看到原來是比張白紙要他默書. 我跟老師講幼稚園沒有默書, 他只會讀英交. 老師即反駁現時已經小學啦. 出學校門口, 阿仔好唔開心, 同我講, 媽媽中文同數學老師話我全部默對.

作者: Jane1983 時間: 14-7-8 20:48

回覆 jesswong1029 的帖子

你仔中文和數學全部默對，你要大讚特讚佢。外人做得吾好或者mean，係佢地無修養，去interview想要個位，無得直斥其非，唯有自己食咗佢。
坦白講，望吓身邊，有幾多個小朋友係中英數全部都好top，掂2樣，算吾錯！

作者: 洋蔥頭媽咪 時間: 14-7-8 21:24 標題: 引用：好多學校一樣係咁,+睇下你知唔知姐.我在6月

原帖由 jesswong1029 於 14-07-08 發表
好多學校一樣係咁, 睇下你知唔知姐.
我在6月尾, 去祖天in, 當我的仔面前修路佢.
我的兒子in時, 自己1個對住 ...

如果間學校老師係咁，就算收我小朋友都唔會讀

作者: kenwong888 時間: 14-7-8 21:29

洋蔥頭媽咪發表於 14-7-8 21:24
如果間學校老師係咁，就算收我小朋友都唔會讀

The reality is that parents have no choice on schools at all!
The school and banker, the parent are player!

作者: ngpun 時間: 14-7-8 22:15 標題: 引用：Quote:洋蔥頭媽咪+發表於+14-7-8+21:24+如

原帖由 kenwong888 於 14-07-08 發表
The reality is that parents have no choice on schools at all!
The school and banker, the parent are ...

正是！所以自己一定要留意小朋友，無論讀邊間都係咁話！

作者: wongkelvinwong 時間: 14-7-8 22:23

教學係良心工作，教師要做學生榜樣，雖然唔係全部老師係甘，但該校推廣關愛文化，理應個個老師關心學生，但從一件小事中，訓導主任已經用甘既手法對付學生，完全冇愛心可言，小朋友做錯一定有，細個唔識就係要老師教，而家老師公然羞辱學生，比全校同學笑，連低年級同學見到都識笑，這是什麼文化？我仲要教導返我個女唔准甘笑人，怕佢學壞左，而被人示眾及比人嘲笑的學生，一定好難受同冇晒自尊心，至於有家長問我有冇投訴去校長度，我怕比訓導主任知道會報復係我女女身上，多一事不如少一事，我有探聽過其他荃灣區既學校，但又諗：會唔會間間學校都係甘，樹大總有枯枝呢？真煩惱！

作者: kenwong888 時間: 14-7-8 22:59

本帖最後由 kenwong888 於 14-7-8 23:01 編輯

wongkelvinwong 發表於 14-7-8 22:23
教學係良心工作，教師要做學生榜樣，雖然唔係全部老師係甘，但該校推廣關愛文化，理應個個老師關心學生，但 ...

批鬥文化!
投訴去校長度-> I can imagine the same situation will happen on your children!

I need to teach my daughter how to survive in such circumstances!

作者: jesswong1029 時間: 14-7-8 23:03

洋蔥頭媽咪發表於 14-7-8 21:24
如果間學校老師係咁，就算收我小朋友都唔會讀

我事後有跟幼稚園校長講，這間祖天教育方針唔好，就算收我都未必去讀。因幼稚園校長好關心我們是否叩門成功，不須去3寶。校長都話教育局指引幼稚園不能默書，而且本身我們的幼稚園唔差。
她亦表示入到都未必好。但有些同學仔的家長，話我回應祖天主任太串。
試問1個小朋友5，6歲比你身為老師用這些說話來攻擊，會失去自信心。

作者: 洋蔥頭媽咪 時間: 14-7-8 23:40 標題: 引用：Quote:洋蔥頭媽咪+發表於+14-7-8+21:24+如

原帖由 jesswong1029 於 14-07-08 發表
我事後有跟幼稚園校長講，這間祖天教育方針唔好，就算收我都未必去讀。因幼稚園校長好關心我們是否叩門成功 ...

小朋友會逐漸失去自信，呢個就係重點，雖然而家要遇到有良心，責任嘅老師已經唔容易，但如果要用到羞辱去對待小朋友就完全不能接受。正如樓主小朋友學校老師，對待小朋友嘅方法已過時，除非小朋友已小五，六要呈分升中，怕比老師劃花，否則我一定會向校長反映，就算唔係投訴都必須要校長正視，作為家長不可以坐視不理，雖知道老師呢ｄ方法好被羞辱嘅小朋友黎講影響可以好深遠，就算係單—位老師方法都不能接受。

作者: jesswong1029 時間: 14-7-9 08:47

完全同意

作者: little_yolky 時間: 14-7-9 17:50

jesswong1029 發表於 14-7-8 18:07
好多學校一樣係咁, 睇下你知唔知姐.
我在6月尾, 去祖天in, 當我的仔面前修路佢.
我的兒子in時, 自己1個對住 ...

你唔講又真係唔覺喎, 我囡囡(現升小二)都係幼稚園時A-Z都未搞得掂, 但會聽會講會睇, 寫就唔得, 不過上咗小學無耐, 佢就識得寫一啲了。教小朋友串英文生字係小學老師既責任, 唔係幼稚園老師既責任。

作者: rainbowcov 時間: 14-7-9 18:12

little_yolky 發表於 14-7-9 17:50
你唔講又真係唔覺喎, 我囡囡(現升小二)都係幼稚園時A-Z都未搞得掂, 但會聽會講會睇, 寫就唔得, 不過上咗小 ...

無奈依家香港的教育制度係向前推。

作者: jesswong1029 時間: 14-7-9 19:01

little_yolky 發表於 14-7-9 17:50
你唔講又真係唔覺喎, 我囡囡(現升小二)都係幼稚園時A-Z都未搞得掂, 但會聽會講會睇, 寫就唔得, 不過上咗小 ...

早2年小一叩門都沒有現時咁樣，好似考壯員。

作者: wongkelvinwong 時間: 14-7-9 20:06

甚麼是3寶？

作者: ssshk 時間: 14-7-9 20:53 標題: 回覆：有冇家長子弟讀石圍角小學？好氣憤！想轉校！！！邊間好

乜原來祖天咁樣

作者: wongkelvinwong 時間: 14-7-10 07:22

什麼是3寶？

作者: 洋蔥頭媽咪 時間: 14-7-10 08:38 標題: 引用：石圍角小學推廣關愛文化，可是，我女女近日

原帖由 wongkelvinwong 於 14-07-07 發表
石圍角小學推廣關愛文化，可是，我女女近日同我傾計，講返一些學校發生的攪笑事，我才發現校內老師經常羞辱 ...

樓主，你小朋友學校有冇家教會？一係由家教會出面同學校頃，作為家長唔可以唔理，做被羞辱或取笑人果個都唔好，點會咁教小朋友？？害左佢地

作者: wongkelvinwong 時間: 14-7-10 21:58

學校有家教會，但我冇加入，好少去學校，因為要返工，而且同d家長唔熟

作者: wongkelvinwong 時間: 14-7-10 22:01

回覆洋蔥頭媽咪的帖子

你講得啱，好有道理！

作者: 洋蔥頭媽咪 時間: 14-7-10 23:15 標題: 引用：學校有家教會，但我冇加入，好少去學校，因

原帖由 wongkelvinwong 於 14-07-10 發表
學校有家教會，但我冇加入，好少去學校，因為要返工，而且同d家長唔熟

你可以致電學校查詢家教會人員聯絡方法，或許學校網頁應該都會有資料，再唔係亦可以E-mail形式去信家教會或校長，冇理由完全冇人理掛。

作者: kenwong888 時間: 14-7-10 23:44

洋蔥頭媽咪發表於 14-7-10 23:15
你可以致電學校查詢家教會人員聯絡方法，或許學校網頁應該都會有資料，再唔係亦可以E-mail形式去信家教會或 ...

Exactly true!

作者: liyuenyan 時間: 14-8-18 01:52

我仔升小二，讀石圍角小學，我老公日日去接兒子回家，所以他們班經常見很多家長，我也經常參加他們的活動，功課班，星期六放假的興趣班，都認識一些家長呀，沒聽孩子或者其他家長說過如此情況呀，我家小寶他讀得很開心，其實老師經常跟家長打電話聯繫的，你沒接到電話嗎？我仔那班班主任經常會主動打電話跟匯報他這段時間怎樣怎樣，家長多了解到孩子在學校的情況，然後家庭方面配合學校一起幫忙學生改進，幾好的，我問他們同校車的高年班的哥哥，家長也是經常收到老師的電話，久不久溝通一下，其實是希望幫忙到家長了解孩子在學校的情況，家長們多感覺很好的，如果你有任何投訴，打去跟他們班主任溝通表達你的情況，老師多會回復你的，為了孩子，我多會打到學校，等班主任有空的回复。

作者: liyuenyan 時間: 14-8-18 02:00

他們學校班主任經常跟家長打電話聯繫的事情我了解過很多不同班和級別，做法多是如此的，應該有問題直接跟班主任聯繫，反應，這學校會回復的，這學校有家長會，久不久就有活動，家長也有聯誼，所以倒沒聽過這情況，我經常問我兒子今天有什麼情況，有什麼發生，分析對錯，如果是你這樣怎處理，所以一般老師打給我，不管好壞確實我多都在我兒子那問出來了，所以好好跟老師聯繫反應最正途。

作者: liyuenyan 時間: 14-8-26 14:00

今年的派位情況：
2013-2014派位，首三志願89％，第四五志願，5％，其他6％，分別以下學校：
荃灣官立，
中華傳道會安柱中學，
寶安商會王少清，
佛教善德英文中學，
保祿六世書院，
天主教母佑會蕭明中學，
東華三院陳民中學，
保良局李成壁中學，
廖寶珊紀念書院，
聖母院書院
梁省德中學，
姚連生中學，
皇仁舊生會，
全完中學，
圓學院第一中學
聖芳濟中學
蘇浙公學，
林百欣中學。

作者: subb 時間: 14-8-26 14:17

jesswong1029 發表於 14-7-8 18:07
好多學校一樣係咁, 睇下你知唔知姐.
我在6月尾, 去祖天in, 當我的仔面前修路佢.
我的兒子in時, 自己1個對住 ...

答番老師他現在仍幼稚園生, 如果你校收他來緊9月他是你們學校的小一生, 我諗在你校的教下他的英文生字默書一定可以大有進步　！

作者: wongkelvinwong 時間: 14-8-30 11:04

liyuenyan <---我們大家都是家長，但是你對學校一事一物瞭如指掌，其實你是否學校的打手？身為校長或老師，如果用這手法去幫學校講話，欺騙家長，真是恥辱，打手勿進！

作者: TiTiTiTi 時間: 14-8-31 12:44

意見唔同就話打手，真係搞笑

另外，系版內公開校名，作單方面陳述(即系有你講無人講)
跟住一大堆人媽媽叉叉，當正親歷奇景咁

作者: TiTiTiTi 時間: 14-8-31 12:46

吖，講漏左，
我系校長

你信既話

作者: wongkelvinwong 時間: 14-8-31 20:04

朱活民校長，你好，既然校長親自出現，煩請跟進以上事件，謝謝！

作者: kenwong888 時間: 14-8-31 21:00

liyuenyan 發表於 14-8-26 14:00
今年的派位情況：
2013-2014派位，首三志願89％，第四五志願，5％，其他6％，分別以下學校：
荃灣官立，

【五】2013-2014年度升中派位成績

本年度派往家長及同學心儀之中學
荃灣官立中學
中華傳道會安柱中學
寶安商會王少清中學
佛教善德英文中學
保祿六世書院
天主教母佑會蕭明中學
東華三院陳兆民中學
保良局李城璧中學
廖寶珊紀念書院
聖母院書院
博愛醫院歷屆總理聯誼會梁省德中學
保良局姚連生中學
皇仁舊生會中學
中華基督教會全完中學
香港道教聯合會圓玄學院第一中學
荃灣聖芳濟中學
葵涌蘇浙公學
仁濟醫院林百欣中學

作者: kenwong888 時間: 14-8-31 21:02

TiTiTiTi 發表於 14-8-31 12:46
吖，講漏左，
我系校長

【三】歷任校長芳名

校長芳名
任職年份及學校

鄧春霖
1982—1994 （上午校）

周耀祖
1982—1994 （下午校）
1994—1998 （上午校）
1998—1999 （下午校）
趙楚芬

1994—1998 （下午校）
1998—2005 （上午校）
陳義源

1999—2005 （下午校）
2005—2006 （上午校及全日制）

陳淑儀
2005—2006 （下午校）
2006—2010 （全日制）
朱活民
2010（全日制）—現在

作者: TiTiTiTi 時間: 14-9-1 18:16

救命啊！！！！！！！！真係有人信

作者: liyuenyan 時間: 14-9-4 08:01

本帖最後由 liyuenyan 於 14-9-4 08:36 編輯

我很關心小兒，工作再忙，就算O.T.下班回家已经九點幾，我多會抽時間跟小兒聊天，了解今天上課的情況，而小孩也習慣跟我溝通，所以才會很清楚學校的事情，我相信每天抽二十分鐘到半小時跟孩子溝通上是一個很有效的親子活動，和增加彼此的關係。

以前剛派位到此校，因為對這學校一無所知，真的腦袋一片空白，非常迷惘，所以做了很多調查和找很多資料，當時我跟我老公已经有共識了，如果小孩去讀之後發現真的不開心，我一定會給他轉校，但這情況沒發生，小孩回復讀得開心，不想轉校，還期待暑假快點開學，獨生子放假時間太長，感覺很悶。前二天我依然交了二十元入學校家長會，我在王國由小孩的派到此校的迷惘時開始發帖，到隔開一段時間更新他最新情況，一來為記錄小孩成長，二來是給大家分享在校點滴，包括小孩在校的好

作者: liyuenyan 時間: 14-9-4 08:18

本帖最後由 liyuenyan 於 18-3-15 10:19 編輯

的壞的頑皮事，被老師罰企，個中情況原因，我多了解，學校那麼多學生，大家難免有碰撞，我可以理解，以前自己求學其實都系一樣，明白再乖的學生也有被責罰的時候，只要肯改善，都是對小孩的警惕，學校是社會的縮影，社會的人個個背景唔一樣，其實很複雜，未來如何融入社會，獨立處事，才是未來小孩需要面對的最大問題，所以我會放手孩子經歷在學校的一切，就算做對了還是錯了，也有改善的機會和空間，作為父母雖然希望小孩成績可以理想，但我更加再意的是小孩可以身心健康和獨立處理自己的一切生活事情，不要太依賴，就算以後遇到任何困難，他才可以很堅強的解決和生存下去。
小兒現在升讀小二，我會繼續留意他的情況，包括他以後升中等，我會盡量記錄下來。
任何人也有青澀的時候，哪天可以成熟靠他自己努力開拓。

作者: piano513 時間: 14-9-4 15:10 標題: 回覆：TiTiTiTi 的帖子

本帖最後由 piano513 於 14-9-5 01:22 編輯

deleted

作者: kyso1225 時間: 14-9-9 09:02

這間學校我亦有聽聞,的確部分老師的處理手法是有問題。他們會以辱罵形式"教"學生,曾經聽聞老師連家長都會罵.....間學校文化係吾太好ga...可以選就選其他啦

作者: peggyli 時間: 14-10-5 11:45

我也是這學校的家長，子女在這上學都很開心，並沒聽說任何不合理的事情。成績都不錯的。

作者: iamgoodgirl 時間: 15-9-5 14:55

本帖最後由 iamgoodgirl 於 15-9-5 15:00 編輯

該校長最喜歡侮辱學生，不問世事等退休！教師冇料到所以咪局住用極端方法去教。辦校三十年都不受歡迎，可見他們有幾好。我只能教囡囡少説話。

作者: iamgoodgirl 時間: 15-11-28 00:27

little_yolky 發表於 14-7-8 10:49
係呀, 但要考慮係the teacher or the teachers or most of the teachers。
建議樓主同校長談談, 見過有JM的 ...

校長不會處理的，還會黑面走開。所以佢仍可以自豪咁講＂從來沒有投訴！＂

作者: iamgoodgirl 時間: 15-11-28 00:52

本帖最後由 iamgoodgirl 於 15-11-28 00:54 編輯

kyso1225 發表於 14-9-9 09:02
這間學校我亦有聽聞,的確部分老師的處理手法是有問題。他們會以辱罵形式"教"學生,曾經聽聞老師連家長都會罵 ...

尤其係教職員犯錯時，家長一有提問，他們就無理謾罵。
最好笑係老師明明寫了功課，但又不派回功課簿／作業。等日又會罵學生欠交！這種情況相信每個學生每年都會遇上幾次。

作者: iamgoodgirl 時間: 15-11-28 01:07

洋蔥頭媽咪發表於 14-7-10 23:15
你可以致電學校查詢家教會人員聯絡方法，或許學校網頁應該都會有資料，再唔係亦可以E-mail形式去信家教會或 ...

家教會只是唱好學校的工具。委員的仔女都在他們手上，你估佢地會為你去得失學校，還是為自己而去討好學校呢？

作者: Kim2014 時間: 15-11-28 03:25

提示: 作者被禁止或刪除內容自動屏蔽

作者: kiupuimum 時間: 15-11-28 16:44

我覺得間間學校都有呢D野，人㚒人緣，唔好彩㚒唔倒，自己有hard feeling嘅，睇下忍唔忍倒下年唔使俾佢教，如果忍唔倒才轉，校方通常都係幫老師

作者: kiupuimum 時間: 15-11-28 16:53

回覆 Kim2014 的帖子

咁似我仔間學校，可惜我仔係後者

作者: skkeung 時間: 15-11-28 18:10 標題: 回覆：wongkelvinwong 的帖子

若屬實, 不能容忍!

作者: skkeung 時間: 15-11-28 18:12 標題: 回覆：kiupuimum 的帖子

是可忍, 那樣不能忍!

作者: kiupuimum 時間: 15-11-28 19:28

回覆 skkeung 的帖子

搞大件事，仲搞多D針對，我都聽過類似的情形，最終個小朋友轉左校大人小朋友才安樂，你唔覺老師想俾個小朋友hard time是好容易的嗎? 揾間夾得倒，其實即是眼角冇咁高的學校仲好

作者: iamgoodgirl 時間: 15-11-30 00:34

有無發覺只對男生差？因為女生喜歡嗲老師搏取好感，跟著背着老師做衰野都無有怕！女生惡到連義工家長都照鬧也不會被罰！

歡迎光臨教育王國 (/)

校長芳名	任職年份及學校
鄧春霖	1982—1994 （上午校）
周耀祖	1982—1994 （下午校） 1994—1998 （上午校） 1998—1999 （下午校）
趙楚芬	1994—1998 （下午校） 1998—2005 （上午校）
陳義源	1999—2005 （下午校） 2005—2006 （上午校及全日制）
陳淑儀	2005—2006 （下午校） 2006—2010 （全日制）
朱活民	2010（全日制）—現在