教育王國

標題: 請問俾初小返學用嘅水壺有冇好介紹？ [打印本頁]

作者: renielo 時間: 14-7-15 19:58 標題: 請問俾初小返學用嘅水壺有冇好介紹？

邊個牌子/款式/size好用？

係咪有條帶嘅會好d？

作者: Bstar 時間: 14-7-15 20:10 標題: 回覆：請問俾初小返學用嘅水壺有冇好介紹？

我覺得簡單易用就得，佢自己識開到！唔需要有繩

作者: 王家爸爸 時間: 14-7-15 20:44

Rubbermaid, 大約400ml應該夠了。

作者: little_yolky 時間: 14-7-18 11:41

renielo 發表於 14-7-15 19:58
邊個牌子/款式/size好用？

係咪有條帶嘅會好d？

小學老師建議帶個大一些的, 小朋友可以唔駛加水(因為小息得15分鐘, 加水站唔係度度有), 同埋有帶好, 因為老師變態唔俾人放水壺入書包, 話書包重。為防你學校都有變態老師, 買有帶既, 進可攻退可守。同埋要check清楚唔好漏水。最好唔好咁貴, 冬天我買咗個保暖既, 衰女跌咗, 無咗幾百蚊。

作者: kwong101 時間: 14-7-18 12:37 標題: 回覆：請問俾初小返學用嘅水壺有冇好介紹？

如果單單學校用，350ml夠了，學校有水機。我仔那個兼顧平時去游樂場，所以才買500ml(就算500都只是裝一半，書包太重了)。無買有帶，放在書包側網。冬天要買保溫的。冬夏各一。一定要密封好一點的。萬一大頭蝦或老師幫手放在書包裏面，漏水了就…

作者: little_yolky 時間: 14-7-18 14:23

kwong101 發表於 14-7-18 12:37
如果單單學校用，350ml夠了，學校有水機。我仔那個兼顧平時去游樂場，所以才買500ml(就算500都只是裝一半， ...

350 ml 可能有啲細, 返學由出門口開始計, 有70%時間响學校, 其中得3個小息, 每個15分鐘, 小息要食零食、飲水、上廁所、玩, 如果加水器要上落樓層, 咁小朋友就會唔太夠時間。同埋小一生真係好鬼論盡, 叫佢自己扭開水樽-->加水-->確實地扭緊水樽唔漏水, 係有啲難度。我買咗個750 ml長條形, 係有啲重, 但返學爸爸幫手攞, 然後上校車, 佢只需要攞落車至課室一程, 好過唔夠水飲。
真實案例：
囡囡小一時我哋俾個450 ml佢, 叫佢自己加水, 點知佢懶/趕唔切whatever, 總之無加水, 過咗一段時間我哋先知。我哋點知? 水太少, 大便痾血, 睇醫生咪知囉。

作者: ccycsy 時間: 14-7-21 11:03

我的小孩冬天用象印的450ml保暖水壺, 將適當的水溫裝進去便可以一天都喝到暖水, 雖然重些但我希望他們冬天可以喝到暖水.

夏天則用500ml的膠樽裝凍水便可.

歡迎光臨教育王國 (/)