教育王國

標題: 請教: 沙呂小 VS 協恩 [打印本頁]

作者: Bmwbobo 時間: 14-7-18 17:05 標題: 請教: 沙呂小 VS 協恩

有細佬

作者: tina_yauyt 時間: 14-7-18 17:08 標題: 引用：有細佬

原帖由 Bmwbobo 於 14-07-18 發表
有細佬

有細佬就梗係沙呂小！

作者: Bmwbobo 時間: 14-7-18 17:13

但協恩係我心儀的學校.........真的為細佬放棄

作者: cherrieshum 時間: 14-7-18 17:15

沙呂

作者: tina_yauyt 時間: 14-7-18 17:21 標題: 引用：但協恩係我心儀的學校.........真的為細佬

原帖由 Bmwbobo 於 14-07-18 發表
但協恩係我心儀的學校.........真的為細佬放棄

揀協恩，到細佬時又頭痛過，未來呢3-5年遊戲會仲難玩！但揀沙呂，你可以安寢無憂！

作者: lauwingtai 時間: 14-7-18 17:22

Bmwbobo 發表於 14-7-18 17:13
但協恩係我心儀的學校.........真的為細佬放棄

已有這兩間的offer?

作者: Bmwbobo 時間: 14-7-18 17:43

比較喜歡協恩, 但都想多聽大家意見, 謝.

作者: bigboy129 時間: 14-7-18 18:19 標題: 引用：比較喜歡協恩,+但都想多聽大家意見,+謝.

原帖由 Bmwbobo 於 14-07-18 發表
比較喜歡協恩, 但都想多聽大家意見, 謝.

你都有答案啦！

作者: miutang 時間: 14-7-18 18:22 標題: 回覆：請教: 沙呂小 VS 協恩

你先上沙呂看看，他們活動超多，學校設施一流，還有升中派位成績很好呀！http://www.bstwlmc.edu.hk/index.php?router=%25E5%258D%2587%25E4%25B8%25AD%25E6%25B4%25BE%25E4%25BD%258D%25E6%25A6%2582%25E6%25B3%2581

作者: 喜樂果子 時間: 14-7-18 18:42

比我一定選擇沙呂, 學術各樣都OK, 你有無把握細佬咁好彩入到沙呂呀, 講真如果係朱小, 梁小, 沙胡, 一胡可能都仲會有一DD考慮協恩. 但沙呂, 培基呢D真係唔需要可惜無入協恩. 問心果句, 就算係以上果幾間有細佬跟都好, 我都會放棄協恩, 不過個心會可惜少少. 派位,叩門呢D一D都唔好玩, 你今年咁好彩唔駛玩, 你咁勇諗住到細佬時試下玩呀

作者: hkpapa852 時間: 14-7-18 18:42

咁有冇問過阿女想讀邊間？
提提你協小同協中已經斷咗龍

作者: yywing 時間: 14-7-18 23:24 標題: 回覆：請教: 沙呂小 VS 協恩

有細佬的話，一定係沙呂。一定唔會後悔，可以一勞永逸！萬一細佬派咗去D不知名學校，到時你就真係後悔喇！兩姊弟同一學校，實在有太多方便

小一遊戲實在太難玩了，有得避好避

作者: sissysze 時間: 14-7-19 09:21 標題: 回覆：請教: 沙呂小 VS 協恩

二間校長都係愛出風頭之人，沙呂有國教，協恩你要預學校一定要一體有藝，你小朋友有甘好精力應付先好，同埋你成績好就多機會，否則做隱形人，小學已好社會縮影

作者: kinyee125 時間: 14-7-19 09:25 標題: 引用：二間校長都係愛出風頭之人，沙呂有國教，協

原帖由 sissysze 於 14-07-19 發表
二間校長都係愛出風頭之人，沙呂有國教，協恩你要預學校一定要一體有藝，你小朋友有甘好精力應付先好，同埋 ...

國教係一呂，非沙呂

作者: drmfslgd 時間: 14-7-19 11:06 標題: 回覆：請教: 沙呂小 VS 協恩

好難揀，如果你真係兩間都有offer，我估你係抽中沙呂，再叩入協恩。兩間計應該協恩會高D，如果只為個女諗，應該要揀協恩，應該同學質素都高D，有間自己最鐘意的點解要揀第二？自己會後悔。我的確都有朋友個仔入LS，個女再玩多次入瑪利諾。如果協恩你是叩門入，咁難都入到，將來個仔一定冇問題！

作者: kirstyau 時間: 14-7-19 11:22 標題: 回覆：請教: 沙呂小 VS 協恩

細佬能力如何? 有冇信心下次大抽獎touch wood 唔好，有能力扣門入最少有沙呂咁好?

作者: yywing 時間: 14-7-19 11:30 標題: 回覆：請教: 沙呂小 VS 協恩

我估樓主係抽中協恩，再叩入沙呂。因協小叩門只俾協幼生。

作者: yywing 時間: 14-7-19 11:34 標題: 回覆：yywing 的帖子

另外，如果在協小成績不好，會被勸退，請留意

作者: Elsie1979 時間: 14-7-19 11:44

協恩可遇不可求。爲左個女，最多細佬到時再算。當年我女入左協恩，細佬小一派得唔好，改入私校讀小一再插津二。條路長左，但對兩個小朋友都有交代。

作者: YolandaTam 時間: 14-7-19 12:47

讀協小辛唔辛苦好睇小朋友自律性同能力: 有啲人好得閒都成績中上, 又有人讀到十一二點都考尾嗰幾個 -- 但一般嚟講做到七八點再加出外學英文普通話. 有學樂器音樂科可加分, 高小參加陸運水運會, 體育科可加分, 但係要參加到水運會一定要出外學游泳, 單靠學校體育課, 好大機會只能做"池邊隊".

協小中文一向深, 英數教快一個學期, 常識科中英雙軌同持續性評估: 紙筆只佔25%, 時評同剪報25%, 其他50%係專題研習, 實物製作, 課堂ROLE PLAY, 科學探究之類. 要慎重考慮是否有足夠時間應付.

作者: ting916 時間: 14-7-19 13:21

子女選校是以個人作配對的！請不要貪方便就一起讀！將個大來作犧牲,絕不公平.樓主已有答案呢！細佬再作戰吧！

作者: saintbernard888 時間: 14-7-19 13:58

先講一講協恩,我相信樓主應該知道協恩中學已經轉直資,所以協小升協中仲有無優勢呢??我覺得這一點很重要!!如果協中不會因為小朋友來自協小而優先考慮,咁其實你小朋友讀協小或沙呂小都無咩大分別喎. 你唔好睇小在沙呂小讀得叻的小朋友,出外考外區名中一點都唔輸蝕!!!而且沙呂小更能保證你細佬有得讀!! 我總覺得, 睇一件事總要全方位去睇, 揀沙呂小, 家姐讀得好時升中可考st paul co ed, 協恩, 女拔等. 細佬又保證有得讀. 真正是進可攻退可守,不用兩邊都煩. 但如揀協小, 你一定要花好多心神在細佬學校上, 到時候你又係咪兼顧到家姐學業上呢??

作者: sissysze 時間: 14-7-19 20:37 標題: 回覆：請教: 沙呂小 VS 協恩

沙呂升中好好架

作者: michellengsm 時間: 14-7-20 01:12 標題: 回覆：Bmwbobo 的帖子

或者咁問細佬今年幾歲
我都係家姐+細佬組合都有揀協恩如果入到我都會入協恩因為計過數細佬出世時已經少咗好多雙非而且細佬出世嗰年出生率相對低所以我會試可惜女女入唔到而係入咗"朱小梁小沙胡一胡"其中一間

作者: 小曳人 時間: 14-7-20 06:39

ting916 發表於 14-7-19 13:21
子女選校是以個人作配對的！請不要貪方便就一起讀！將個大來作犧牲,絕不公平.樓主已有答案呢！細佬再作戰吧 ...

屋企係成家人嘅，考慮每一樣嘢，都應該以家庭最大利益考慮，而唔係個人利益當然，家庭最大利益當中，要顧及孩子利益，只不過唔係全部

如果大人要好辛苦去安排，呢個一定唔係好嘅決定，孩子健康愉快成長，最需要嘅係愉快家庭，爸媽多d有質素嘅時間陪伴

如果我個細嘅係女，我會取沙呂而放棄男校，响沙呂讀得去，去考傳統名校唔難
而小學讀雙性學校，我相信對孩子成長有益

作者: LongChan 時間: 14-7-20 08:23 標題: 回覆：請教: 沙呂小 VS 協恩

沙吕今年的升中派位已在學校網頁貼上，樓主可參考吓！

作者: 喜樂果子 時間: 14-7-21 16:45

小曳人發表於 14-7-20 06:39
屋企係成家人嘅，考慮每一樣嘢，都應該以家庭最大利益考慮，而唔係個人利益當然，家庭最大利益當中，要顧及 ...

好欣賞你既講法, 屋企係成家人既, 而唔單止講個人利益. 而且講真沙呂同協恩都差不多同類的學校, 追求學術, 如果你話一間好活動而口碑非常好既學校同沙呂比, 可能先可以再了解多D家姐先可作決定. 其實樓主一定已作決定, 我想問樓主最後點選擇, ANYWAY, 外人只係比意見, 一定無對與錯的答案

歡迎光臨教育王國 (/)