教育王國
標題: 迦南同創價, 你地會點揀? [打印本頁]
作者: BoChuMa 時間: 15-1-12 11:14 標題: 迦南同創價, 你地會點揀?
如題
作者: Kangaroojoey 時間: 15-1-12 11:56 標題: 回覆:迦南同創價, 你地會點揀
睇你要咩, 迦南係有學券定冇學券? 學術就迦南深d, 創價就品德教育取勝。 我冇報創價, 因為接受唔到3個鐘上學時間有75min 混班教學。阿仔讀緊九龍塘迦南n 班, 我認為幾好, 品德都教得唔錯, 老師有愛心。 不過迦南真係間間分校都唔同。我去過另一間學券迦南報名同interview, 校長同主任都惡到死, 我見到佢地罵staff
作者: BoA. 時間: 15-1-12 12:02
創價
作者: BoChuMa 時間: 15-1-12 12:14
回覆 Kangaroojoey 的帖子
我個仔讀緊無學劵的迦南N班. 創價我知是一間好學校, 但怕學術太淺而到升小一時不習慣及跟不上, 所以想問一問大家意見
作者: 2boba 時間: 15-1-12 23:27 標題: 引用:回覆+Kangaroojoey+的帖子
我個仔讀緊無學
原帖由 BoChuMa 於 15-01-12 發表
回覆 Kangaroojoey 的帖子
我個仔讀緊無學劵的迦南N班. 創價我知是一間好學校, 但怕學術太淺而到升小一時 ...
上個學年小女都是無學券迦南的pn學生,今個學年就加入了創價大家庭讀K1。兩間學校我們都十分喜歡,小朋友很喜歡上學,現在小女偶然也會說掛念迦南的老師。論學術可能迦南高一點點,但創價的校評報告足以令家長們放心交托小朋友給他們。他們的理念、愛心都值得家長們讚賞的。
作者: konew720 時間: 15-1-13 10:31 標題: 引用:如題
原帖由 BoChuMa 於 15-01-12 發表
如題
創價。
一個人既品德影響一生。
一個大學畢業生如果品德唔好,都難有好既仕途。
作者: lauwingtai 時間: 15-1-13 11:05
BoChuMa 發表於 15-1-12 12:14
回覆 Kangaroojoey 的帖子
我個仔讀緊無學劵的迦南N班. 創價我知是一間好學校, 但怕學術太淺而到升小一時 ...
我女都係藍田迦南N班轉創價, 都全無後悔。
作者: cherryird 時間: 15-1-13 12:17 標題: 回覆:迦南同創價, 你地會點揀?
提示: 作者被禁止或刪除 內容自動屏蔽
作者: wingyan2011 時間: 15-1-13 17:15 標題: 引用:Quote:原帖由+BoChuMa+於+15-01-12+發表如
原帖由 konew720 於 15-01-13 發表
創價。
一個人既品德影響一生。
一個大學畢業生如果品德唔好,都難有好既仕途。
同意
作者: Yuenmuic 時間: 15-1-16 00:14 標題: 引用:睇你要咩,+迦南係有學券定冇學券?+學術就迦
原帖由 Kangaroojoey 於 15-01-12 發表
睇你要咩, 迦南係有學券定冇學券? 學術就迦南深d, 創價就品德教育取勝。 我冇報創價, 因為接受唔到3個鐘上 ...
請問咩叫混班教學
作者: kvvvcheung 時間: 15-1-16 13:09 標題: 回覆:迦南同創價, 你地會點揀
迦南教署個報告話佢野太多太快
作者: acepno 時間: 15-1-16 14:52 標題: 引用:迦南教署個報告話佢野太多太快
+
提示: 作者被禁止或刪除 內容自動屏蔽
作者: kim107 時間: 15-1-16 15:17 標題: 回覆:Yuenmuic 的帖子
不同班級的小朋友(k1-3)一起上課。
作者: ^GGmami^ 時間: 15-1-16 23:45 標題: 回覆:迦南同創價, 你地會點揀
老實講, 間間學校都有教品德, 而最影響小朋友品格, 就一定係父母要做好榜樣 響學校得果3個鐘, 響屋企又幾多個鐘呢?
創價學術學卷嘅幼稚園中比較深, 但當然同私校比, 就當然要跟足指引啦!
我小朋友讀咗1個學期k1英普, 佢由唔知普通話老師講乜, 到而家短短幾個月佢可以簡單對答, 我就覺得語景係好重要, 同埋小朋友要覺得返學開心囉! 我囡有個小朋友就k1轉校後日日唔想返學, 都好難講點解! 迦南小朋友我覺得品格無問題, 而且考直資私小成績都唔錯。 我就寧願讀間深d嘅學校, 好過星期六日又要出去讀雞精班, 多d時間比小朋友玩仲好啦!
作者: kvvvcheung 時間: 15-1-17 18:45 標題: 引用:Quote:原帖由+kvvvcheung+於+15-01-16+發表
原帖由 acepno 於 15-01-16 發表
响邊度睇?thx
教署網頁
作者: cherryird 時間: 15-1-18 01:02 標題: 引用:老實講,+間間學校都有教品德,+而最影響小朋
提示: 作者被禁止或刪除 內容自動屏蔽
作者: ericby 時間: 15-1-18 10:56
迦南
作者: sissysze 時間: 15-1-18 20:24 標題: 回覆:迦南同創價, 你地會點揀
迦南連麵粉都教埋你,梗係迦南啦,甘勁
作者: mc_pigpig 時間: 15-1-18 22:01 標題: 回覆:迦南同創價, 你地會點揀
創價聽聞劉華都帶個女去in
作者: minichan1 時間: 15-1-18 22:06
本帖最後由 minichan1 於 15-1-18 22:07 編輯
劉華最後有冇揀入創價?
作者: Diane俊俊媽 時間: 15-1-19 11:57 標題: 回覆:2boba 的帖子
表哥創價,我女讀迦南
兩間都是好學校,迦南學術高一點
同意品德教學間間都有
兩間都沒大分別
作者: cherryird 時間: 15-1-19 12:19
提示: 作者被禁止或刪除 內容自動屏蔽
作者: CorrineNg 時間: 15-1-19 12:22 標題: 回覆:迦南同創價, 你地會點揀
迦南學術好
作者: joyceyeung80 時間: 15-1-19 18:06
創幼
作者: 毛豬仔仔 時間: 15-1-22 09:17
回覆 ^GGmami^ 的帖子
Can't agree more !!好讚成如果小朋友跟到學校進度,讀深d,好過放左學仲要出去補,咁細小朋友,放學應該盡情玩
ps:仔讀緊2文3語pn半年,教深一年 課外完全冇去學野,進度理想
作者: 細咩咩 時間: 15-1-22 11:41 標題: 回覆:cherryird 的帖子
非常認同,我見好多家長都係話創價教品德好啲,其實有邊間學校會專登教壞個小朋友呢,加上我都認為本身家長點教品德先係重點
作者: cherryird 時間: 15-1-22 11:48
提示: 作者被禁止或刪除 內容自動屏蔽
作者: Moonlight819 時間: 15-1-22 12:00 標題: 引用:迦南連麵粉都教埋你,梗係迦南啦,甘勁 +
原帖由 sissysze 於 15-01-18 發表
迦南連麵粉都教埋你,梗係迦南啦,甘勁
迦南近來很出名..
作者: sailob 時間: 15-1-22 12:32 標題: 引用:Quote:原帖由+sissysze+於+15-01-18+發表迦
提示: 作者被禁止或刪除 內容自動屏蔽
作者: lauwingtai 時間: 15-1-22 14:22 標題: .
回覆 BoChuMa 的帖子
大家好!我是創價用家,見大家在談論創價,便搭訕一會。
見有人問到「創價考直資/私小, 真的又不太好戰績, 所以唔明點解多人報, 只係為品德好?」
我不能代其他家長答,只能說說我的答案:「是的,是為品德好。」
我為女兒選校的時候在想,為子女選一間高競爭力幼稚園既目的是甚麼?就是能入讀高競爭力的小學呀!要入高競爭力小學既目的又是甚麼?就是能入讀高競爭力的中學呀!要入高競爭力中學既目的又是甚麼?就是能入讀高競爭力的大學呀!那入高競爭力大學既目的又是甚麼?"To be a better person, live happily."
世上有很多人很高學歷呀!但代表他們能live happily嗎?部份吧!但每年也有少部分新聞寫著「某某大學生非禮罪成」、「某某大學生自尋短見」、「某某大學生高買被捕」。所以我欣賞創價,為女兒報考創價,就是欣賞該校對品德的執著和理念,在創價,你能感受到全校師生將品德培養放於一個極高極高的位置,讓身為家長的我非常放心,令我相信我的女兒在畢業之後能夠to be a better person and live happily,no matter her academic level is high or low,我相信女兒在創價學到的一切、交到的朋友是終身受益的。
又有人問到「每間學校也有品德教育呀,冇學校會專登教壞小朋友吧!」,我的回應是,每間學校也有中英數,為甚麼St. Cat與KV的學術特別高?我相信St. Cat與KV對學術教學確有過人之處,所以才有此校譽吧!創價也一樣,對品德教育的方法確實與別不同,效果也極佳,才有此風評吧。我只能說聲可惜,中英數的學術程度能以成績去量度,品德教育的程度,我真的不懂怎樣去表達,我只能說,對於創價教育,我是極感激的。
關於樓主的選擇,當然適隨尊便,迦南和創價也是好學校,但若你和我對子女的寄望相近,都是以品德為重,創價的確較適合,我女兒是從迦南PN轉創價K1的,但不要問我創價與迦南的品德教育相差多少,我確實沒有一把量度品德的尺,只能告訴你,小女轉校之後,性格煥然一新。最後一句說話是「疑校勿選,選校勿疑」,祝安。
作者: tam_bb 時間: 15-1-22 14:31 標題: 引用:回覆+BoChuMa+的帖子 大家好!我是創價用
原帖由 lauwingtai 於 15-01-22 發表
回覆 BoChuMa 的帖子
大家好!我是創價用家,見大家在談論創價,便搭訕一會。
認同
作者: 奶茶喱哩 時間: 15-1-22 15:06 標題: 引用:Quote:細咩咩+發表於+15-1-22+11:41+非常認
原帖由 cherryird 於 15-01-22 發表
但係好多係盲目去揀個間, 唔明, 又唔係特別好學術, 只係話品德好
如果係小學揀大抽獎, 咁我寧願讀樓下幼 ...
其實我都好想知點解?
作者: Dragonmama2012 時間: 15-1-22 15:10 標題: 引用:Quote:原帖由+BoChuMa+於+15-01-12+發表如
原帖由 konew720 於 15-01-13 發表
創價。
一個人既品德影響一生。
一個大學畢業生如果品德唔好,都難有好既仕途。
講得好,品德跟一世,學術只係一張入場劵,何況只係幼稚園
作者: henry311 時間: 15-1-22 15:16
lauwingtai 發表於 15-1-22 14:22
回覆 BoChuMa 的帖子
大家好!我是創價用家,見大家在談論創價,便搭訕一會。
非常讚同
作者: muichujamie 時間: 15-1-22 17:32
我兩個女都讀創價,大女已畢業,細女讀緊。
學校比到我一種好溫暖的感覺。小朋友有自信,有責任心,有同理心,喜歡閱讀....
你話學術唔夠,我唔認同,因為我大女在小學成績都好好,有學業成績獎、有勤學獎.... 年年做班長。我好滿意soka, 因為教曉囡囡獨立,有責任心....呢樣野好重要。
作者: gigiwin888 時間: 15-1-22 17:59 標題: 回覆:迦南同創價, 你地會點揀?
其實我也𣎴明為何soka多人報
作者: chungayu2 時間: 15-1-22 20:38
我身邊有一個小朋友已讀創幼K3了,在家中品德一樣⋯⋯
作者: mintra 時間: 15-1-22 21:37 標題: 引用:我身邊有一個小朋友已讀創幼K3了,在家中品
原帖由 chungayu2 於 15-01-22 發表
我身邊有一個小朋友已讀創幼K3了,在家中品德一樣⋯⋯
The same. 我好友個仔讀完三年,一直既品徳脾氣都好差!
作者: at903 時間: 15-1-23 01:33 標題: 回覆:迦南同創價, 你地會點揀?
其實對我而言,創價比其他學校優勝,亦獨有的教育方式......亦是很多家長認為好Hea的75分鐘。
當然「品德」不止家庭教育,而學校亦很重要。其他學校的學生,每天上學只對住班中老師和30位同學。而創價的學生,每天面前的都不止自己班中同學,而是加上同級或其他班級的同學。
75分鐘,是這一班小朋友的黃金時間!他們每人可透過這75分鐘,自選到不少於三個的學習角進行活動。當中包括遊戲、運動、學術等(每星期不更新學習角)。而每一項活動,有群體合作,亦有獨立思考的。群體合作的活動中,小朋友需要學習合群/包容/互相幫助/不停認識新朋友/同理心。而獨立活動則可訓練小朋友獨立思考解決問題。
因此,當其他學校學生只專注於學術之時,創價幼稚園卻設時段給學生磨練學習群體生活及獨立行事。
因此選擇此校的家長理念,是希望透過學校幫助,讓小朋友把品德/合群的底子打好。當然,只著重學術的家長,請不要選此校。而選了此校的家長,亦無一後悔。
作者: at903 時間: 15-1-23 01:35 標題: 回覆:at903 的帖子
打錯字:
(每星期會更新學習角)
作者: at903 時間: 15-1-23 01:50 標題: 回覆:迦南同創價, 你地會點揀?
另外,不是偏幫創價的學生說話,而是為其他小朋友説的........見人地小朋友品德麻麻,這樣的話有欠公平。人家的小孩,自己家長會比較清楚,何況只是一個幾歳的小朋友?很多小朋友家裡是這樣,外出另一回事,見到外人亦是另一回事。
學校教育固然重要,但家庭教育一樣重要。要雙方共同努力才有正面的成果。
作者: MANGAWONG 時間: 15-1-23 02:25 標題: 引用:迦南連麵粉都教埋你,梗係迦南啦,甘勁 +
本帖最後由 MANGAWONG 於 19-5-3 22:51 編輯
作者: 細咩咩 時間: 15-1-24 21:35 標題: 回覆:cherryird 的帖子
好搶手其中一個原因係呢間已經係難得有學劵而又喺九龍塘嘅學校,講真,如果佢係冇學劵,我唔相信依然仲有咁多人揀,大家對創價嘅要求就並唔再只係求品德咁簡單,我認識有朋友嘅囡囡讀緊創價,一樣臭脾氣,間間學校都有乖有唔乖。間間學校都有優點缺點,少啲比較好。
作者: FRUTIPS 時間: 15-1-25 10:20 標題: 引用:好搶手其中一個原因係呢間已經係難得有學劵
原帖由 細咩咩 於 15-01-24 發表
好搶手其中一個原因係呢間已經係難得有學劵而又喺九龍塘嘅學校,講真,如果佢係冇學劵,我唔相信依然仲有咁 ...
講對了
作者: belaau 時間: 15-1-25 11:33
細咩咩 發表於 15-1-24 21:35
好搶手其中一個原因係呢間已經係難得有學劵而又喺九龍塘嘅學校,講真,如果佢係冇學劵,我唔相信依然仲有咁 ...
絕對是,而創價可以用學卷的原因應該是有宗教backup吧!
作者: FRUTIPS 時間: 15-1-25 11:59 標題: 回覆:belaau 的帖子
睇到朋友仔女上小學跟跟好辛苦,佢地都話創價是略淺的,不喜莫插,實話實說
作者: apple_love 時間: 15-1-25 12:11 標題: 引用:Quote:細咩咩+發表於+15-1-24+21:35+好搶手
原帖由 belaau 於 15-01-25 發表
絕對是,而創價可以用學卷的原因應該是有宗教backup吧!
我尋日去家長會,介紹原來幼稚園個地係創辦人捐贈出來起幼稚園,所以我估係因為唔駛交租金,經營成本冇咁大壓力掛
作者: belaau 時間: 15-1-25 14:02
apple_love 發表於 15-1-25 12:11
我尋日去家長會,介紹原來幼稚園個地係創辦人捐贈出來起幼稚園,所以我估係因為唔駛交租金,經營成本冇咁大 ...
我認識有家長捐了很多錢比學校,但係咪個別家長就唔知呢!
作者: apple_love 時間: 15-1-25 14:09 標題: 引用:Quote:apple_love+發表於+15-1-25+12:11+我
原帖由 belaau 於 15-01-25 發表
我認識有家長捐了很多錢比學校,但係咪個別家長就唔知呢!
我去過學校幾次,感覺學校好有規模,環境設施相當唔錯,成間學校簡直係小朋友的開心天地。好surprised學卷學校可以有呢d質素。
作者: belaau 時間: 15-1-25 14:15
apple_love 發表於 15-1-25 14:09
我去過學校幾次,感覺學校好有規模,環境設施相當唔錯,成間學校簡直係小朋友的開心天地。好surprised學卷 ...
不過講真,學校各方便真的唔錯,除了有學卷以外,受歡迎亦有原因的。
作者: apple_love 時間: 15-1-25 14:23 標題: 引用:Quote:apple_love+發表於+15-1-25+14:09+我
原帖由 belaau 於 15-01-25 發表
不過講真,學校各方便真的唔錯,除了有學卷以外,受歡迎亦有原因的。
可能我見識少,神校級如km, st cat, kv我無去過,如果同其他一般幼稚園相比,即使係無學卷個d,創價各方面都有過之而無不及。
作者: belaau 時間: 15-1-25 14:33
apple_love 發表於 15-1-25 14:23
可能我見識少,神校級如km, st cat, kv我無去過,如果同其他一般幼稚園相比,即使係無學卷個d,創價各方面都 ...
所以你最後選了創價?
作者: apple_love 時間: 15-1-25 14:35 標題: 引用:Quote:apple_love+發表於+15-1-25+14:23+可
原帖由 belaau 於 15-01-25 發表
所以你最後選了創價?
係呀,除非培正收啦(自我幻想中)
作者: belaau 時間: 15-1-25 14:41
apple_love 發表於 15-1-25 14:35
係呀,除非培正收啦(自我幻想中)
Good choice
作者: dinling 時間: 15-1-25 16:51 標題: 回覆:迦南同創價, 你地會點揀
我都會揀迦南,因為驚考直資私小唔夠人掙
作者: FRUTIPS 時間: 15-1-26 06:41 標題: 引用:我都會揀迦南,因為驚考直資私小唔夠人掙
+
原帖由 dinling 於 15-01-25 發表
我都會揀迦南,因為驚考直資私小唔夠人掙
sure
作者: maymaychoy 時間: 15-1-26 09:08 標題: 回覆:lauwingtai 的帖子
請問你覺得藍田迦南D老師如何? 我面試同交留位費時,覺得有D木口木面同無乜愛心,應該話變臉都幾快,未接觸小朋友時好cool, 一見就變臉,覺得有D假
作者: 奶茶喱哩 時間: 15-1-26 11:22 標題: 引用:好搶手其中一個原因係呢間已經係難得有學劵
原帖由 細咩咩 於 15-01-24 發表
好搶手其中一個原因係呢間已經係難得有學劵而又喺九龍塘嘅學校,講真,如果佢係冇學劵,我唔相信依然仲有咁 ...
其實我之前睇了n個講創價嘅post, 但係就只找到品徳好好這些字眼!其實都好想知學術如何
作者: FRUTIPS 時間: 15-1-26 11:38 標題: 引用:請問你覺得藍田迦南D老師如何?+我面試同交
原帖由 maymaychoy 於 15-01-26 發表
請問你覺得藍田迦南D老師如何? 我面試同交留位費時,覺得有D木口木面同無乜愛心,應該話變臉都幾快,未接觸 ...
藍田不清楚,你不如去你區的討論網問比較好
作者: smilelulu 時間: 15-1-26 18:44
sissysze 發表於 15-1-18 20:24
迦南連麵粉都教埋你,梗係迦南啦,甘勁
咁學校好似解釋咗題目實在喺配合要考直資私校而教。。近年呢類小學題目都好騎呢…咁可以話學校迎合需要。。。其實放鬆去睇。。咪一方面當知識教。。一方面喺為學生做準備。。。深我覺得唔緊要。。最緊要係家長小朋友有冇興趣去尋答案,去認識
作者: sissysze 時間: 15-1-26 20:12 標題: 引用:Quote:sissysze+發表於+15-1-18+20:24+迦南
原帖由 smilelulu 於 15-01-26 發表
咁學校好似解釋咗題目實在喺配合要考直資私校而教。。近年呢類小學題目都好騎呢…咁可以話學校迎合需要。。 ...
真係見識少,借問声邊間直資私小面試時會問啲甘勁嘅問題?
作者: octobercloud 時間: 15-11-16 15:23
回覆 ^GGmami^ 的帖子
請問你小朋友係創價讀英普嗎?
作者: YLSLAI 時間: 15-11-16 15:53 標題: 引用:+本帖最後由+minichan1+於+15-1-18+22:07+
原帖由 minichan1 於 15-01-18 發表
本帖最後由 minichan1 於 15-1-18 22:07 編輯
劉華最後有冇揀入創價?
揀了德望最後劉華
作者: Baby0513 時間: 15-11-16 16:21
劉華...最後好似係維記先真!
作者: anpanman_baby 時間: 15-11-16 17:02 標題: 引用:請問你覺得藍田迦南D老師如何?+我面試同交
原帖由 maymaychoy 於 15-01-26 發表
請問你覺得藍田迦南D老師如何? 我面試同交留位費時,覺得有D木口木面同無乜愛心,應該話變臉都幾快,未接觸 ...
藍田迦南我去上年報名同interview 簡介會D老師個面口好麻麻,今年細囡報n又係咁,個校長一開口又係強調課程銜接小一無問題,所以有得揀我唔會讀佢,感覺好商業
作者: catyeung2015 時間: 15-11-16 17:22
迦南的品德教育不錯,每天都有15分鐘早會,由校長、主任及老師帶領,內容是品德教育為主,當然,K2及K3課程較深,只要家長跟貼些,好快會掌握得好,如遇到好有心的老師,小朋友更喜歡上學。
至於麵粉事件,是每班的專題研習內容不同,以我所知,是培養小朋友搜集資料的一份功課,不影響評估分數的。
作者: Evachau 時間: 15-11-16 17:35 標題: 引用:Quote:原帖由+maymaychoy+於+15-01-26+發表
原帖由 anpanman_baby 於 15-11-16 發表
藍田迦南我去上年報名同interview 簡介會D老師個面口好麻麻,今年細囡報n又係咁,個校長一開口又係強調課程 ...
今年細囝去in pn, 感覺安排比兩年前好好多!
作者: kiki826 時間: 15-11-16 18:37
本帖最後由 kiki826 於 18-11-13 13:35 編輯
作者: anpanman_baby 時間: 15-11-16 18:44 標題: 引用:Quote:原帖由+anpanman_baby+於+15-11-16+
原帖由 Evachau 於 15-11-16 發表
今年細囝去in pn, 感覺安排比兩年前好好多!
我完全feel唔到有不過anyway, 純個人觀感,希望大家小朋友找到合適自己的幼稚園
作者: Evachau 時間: 15-11-16 18:53 標題: 引用:Quote:原帖由+Evachau+於+15-11-16+發表今
原帖由 anpanman_baby 於 15-11-16 發表
我完全feel唔到有不過anyway, 純個人觀感,希望大家小朋友找到合適自己的幼稚園
...
今年多了課本教材介紹,而且可以讓小朋友去玩玩具warm up! 不用一堆人去參觀校舍,感覺interview 嘅題目比龍年容易啲!
作者: wballp 時間: 15-11-16 23:19 標題: 回覆:迦南同創價, 你地會點揀
千萬不要選創價。留返俾我仔好了。
作者: nta 時間: 15-11-17 18:44 標題: 引用:回覆+BoChuMa+的帖子
大家好!我是創價用
原帖由 lauwingtai 於 15-01-22 發表
回覆 BoChuMa 的帖子
大家好!我是創價用家,見大家在談論創價,便搭訕一會。
Well said!
作者: CxN_2013 時間: 15-11-19 06:11 標題: 引用:迦南的品德教育不錯,每天都有15分鐘早會,
原帖由 catyeung2015 於 15-11-16 發表
迦南的品德教育不錯,每天都有15分鐘早會,由校長、主任及老師帶領,內容是品德教育為主,當然,K2及K3課程 ...
想知咩麵粉事件?邊間迦直
作者: nette_ng 時間: 15-11-19 11:02 標題: 引用:請問你覺得藍田迦南D老師如何?+我面試同交
原帖由 maymaychoy 於 15-01-26 發表
請問你覺得藍田迦南D老師如何? 我面試同交留位費時,覺得有D木口木面同無乜愛心,應該話變臉都幾快,未接觸 ...
上年考到pn am, 亦比埋註冊費,去埋家長會,但最後都係選擇唔讀,由打電話問嘢、n 次親身接觸老師、主任及校長,無一次係感覺良好 佢哋連交註冊費等都係指定日期指定個一個鐘頭內
作者: Evachau 時間: 15-11-19 11:20 標題: 引用:Quote:原帖由+maymaychoy+於+15-01-26+發表
原帖由 nette_ng 於 15-11-19 發表
上年考到pn am, 亦比埋註冊費,去埋家長會,但最後都係選擇唔讀,由打電話問嘢、n 次親身接觸老師、主任及 ...
我也感覺麻麻,由打電話問攞表,我已經到校門口(聽電話的只叫我自己上網下載),到面試當日(那位老師話我個囝咁細--剛15個月大),但已經好過兩年前那位主任,在參觀校舍過程中,不斷提家長可以幫小朋友戒片,話自己都有個囡差不多年紀,已經成功戒片等等
作者: jlbb1 時間: 15-11-19 11:22
提示: 作者被禁止或刪除 內容自動屏蔽
作者: nette_ng 時間: 15-11-19 11:44 標題: 引用:Quote:BoChuMa+發表於+15-1-12+11:14+如題
原帖由 jlbb1 於 15-11-19 發表
邊間迦南先? 上年去了冇學卷果間in, 一開始校長講野, 聽完佢講野既語氣態度,我心已一沉. 之後call waiting ...
藍田,我只接觸過呢間,今年K 已唔報任何迦南了
作者: anpanman_baby 時間: 15-11-19 13:37 標題: 引用:Quote:原帖由+jlbb1+於+15-11-19+發表邊間
原帖由 nette_ng 於 15-11-19 發表
藍田,我只接觸過呢間,今年K 已唔報任何迦南了
由n到k in左好多間,感覺呢間勁商業,愛心欠奉,之前畢業禮佢地表演首男兒當自強,個個驚歎k3小朋友可以有如此能力。其實佢地好早已日日排練,佢地D打鑼打鼓聲日日我係平台散步都可以聽到。星期五係平台見親D NET都係冇乜表情,有個長期戴住副超係到指指點點,大家其實可以係平台望下佢地上堂
作者: carriekkw 時間: 15-11-19 14:19
本人仔今年在藍田迦南讀PN,我又覺得老師好有愛心,仔在校有發生都有聯絡我,比起其他學校細心
作者: SK5 時間: 15-11-19 15:22 標題: 回覆:迦南同創價, 你地會點揀
我女Pn 到而家K1 都讀黃埔迦南。我真心覺得唔錯。我女12月超細B,so far 跟得上。女返學好開心,返黎又同我講学校發生咩事。今年k1 返屋企無啦啦会唱英文普通話歌,又自動波做功課。佢好like D老師架。上年同佢考到k1, 就係見到D学校相好開心,問佢又話鐘意迦南,所以最後無轉。k1 係有功課,程度深少少,但可接受。
作者: BERNICEJUNE 時間: 15-11-19 21:55
SK5 發表於 15-11-19 15:22
我女Pn 到而家K1 都讀黃埔迦南。我真心覺得唔錯。我女12月超細B,so far 跟得上。女返學好開心,返黎又同我 ...
我女讀九龍塘迦南K1,我覺得好好,班主任跟得好好,好細心。我女好鍾意返學,程度頗深,但女也跟到,D功課老師教少少,女回家可自動波完成,而且D功課有趣。另外,學校有字卡比小朋友在家溫習。
作者: SK5 時間: 15-11-19 22:40 標題: 引用:Quote:SK5+發表於+15-11-19+15:22+我女Pn+
原帖由 BERNICEJUNE 於 15-11-19 發表
我女讀九龍塘迦南K1,我覺得好好,班主任跟得好好,好細心。我女好鍾意返學,程度頗深,但女也跟到,D功課 ...
係,D字咭好有用。又有延展学習,其實几好,又有系統。不過係課程係緊湊D,深D。
作者: snoopy123456 時間: 15-11-19 23:00
nette_ng 發表於 15-11-19 11:44
藍田,我只接觸過呢間,今年K 已唔報任何迦南了
哈哈,我都係呀。APPLy過兩年PN,感覺好差,所以K1都冇興趣報了。原來有咁多人有相同感覺⋯⋯
作者: dubd168 時間: 15-11-19 23:13 標題: 回覆:迦南同創價, 你地會點揀
小朋友讀藍田迦南, 讀得好開心, 教得都深學到嘢, 每日返屋企都自動波做功課, 我覺得係老師教得好。不過每個人的感覺唔同, 但相信呢間並唔係好商業的學校, 老師全部都好有經驗, 教得好好。
作者: COSAC 時間: 15-11-19 23:13 標題: 引用:Quote:SK5+發表於+15-11-19+15:22+我女Pn+
原帖由 BERNICEJUNE 於 15-11-19 發表
我女讀九龍塘迦南K1,我覺得好好,班主任跟得好好,好細心。我女好鍾意返學,程度頗深,但女也跟到,D功課 ...
請問九龍塘迦南小一考直資私校成績ok嗎?因為佢網上好似冇公佈資料,thanks
作者: kiosk99 時間: 15-11-19 23:41 標題: 回覆:COSAC 的帖子
我囡讀緊金巴倫迦南pn, 返咗三個月,阿囡日日都好開心。 我冇compare過其他幼稚園,但讀咗之後有幾樣嘢我覺得迦南令我surprise 嘅地方。
1)一啲都唔commercial, 我以為commercial 係下下講錢,但佢其實pn 學費乜都包晒,連杯毛巾盒大小毛巾書包課本字卡茶點
2)茶點全部係熱食
3)校車服務好可靠,十萬個放心
4)有親子功課,主要係練習大小肌肉為題,如摺毛巾,筆通心粉。 成set 準備好晒,教你點同小朋友玩,我覺得好貼心!
5) 日日有net
唔好嘅地方,少家長溝通囉,我開學嗰個幾星期隔日就打俾我講俾我知阿囡點,之後一直都冇,等家長日。 我好想知多啲阿囡上堂情形嘛!
作者: lhwhazal 時間: 15-11-20 05:08 標題: 回覆:BoChuMa 的帖子
咁請問有冇人in過九龍城迦南呢?好唔好?又商唔商業化呢?
作者: leeann627 時間: 15-11-20 22:38
我個仔讀緊藍田迦南pn,我上年interview個時感覺都佢商業化,但係最後都註冊左(因為得依間收我個仔讀am),不過之後覺得幾好,老師又細心,成曰會打比我,尤其係我依d要返工的媽媽,當然係想同老師keep住聯絡,另外,呀仔都好鍾意返學,就算星期六日佢都叫要返學,同埋見到返學之後,呀仔的確學識好多生字同詞語,對一個兩歲半的小朋友來說的確晤易,同埋學校的教材真的好细心,正如上面的媽媽講
作者: ^GGmami^ 時間: 15-11-23 08:01 標題: 引用:回覆+^GGmami^+的帖子
請問你小朋友係創價
原帖由 octobercloud 於 15-11-16 發表
回覆 ^GGmami^ 的帖子
請問你小朋友係創價讀英普嗎?
我小朋友唔係讀創價,不過創價係有普通話學,但上堂係用廣東話
作者: yuhehe 時間: 15-11-23 09:55 標題: 回覆:迦南同創價, 你地會點揀?
其實真係好睇家長/小朋友要咩而決定咩學校,我係迦南用家,現時學校各方面都很好,但我對創價更有興趣,唔關迦南事,純粹係我個人及小朋友更喜歡有混齡學習的因素。如來年創價收,我會選創價
作者: namyatyat 時間: 15-11-23 10:02 標題: 回覆:迦南同創價, 你地會點揀
創價
歡迎光臨 教育王國 (/) |
Powered by Discuz! X1.5 |