教育王國
標題: 你們學校有預默嗎？ [打印本頁]
作者: 燁燁媽 時間: 15-4-15 23:33 標題: 你們學校有預默嗎？
今年小2後， 發現沒有中英預默， 下學期英默更怪， 默書紙都未抄哂，便 說默書， 接著測驗， 測驗後2天放復活節假， 派了默書紙後復課就即默書， 到底學校現在咩會事？
同班主任教仔女方式意見不合後， 竟然有問題不再找我， 只找我老公， 我老公一向不理仔女功課， 經常要我老公轉接給我才知道， 但老公根本不知情下再告訴我， 我亦根本唔知老師講咩？？？ 我主動打電話給班主任， 她竟然問我係咪同老公離了婚分了居， 唔係我老公都係監戶人， 班主任喜歡找誰就找誰~
作者: pooh仔 時間: 15-4-16 00:15 標題: 回覆：燁燁媽 的帖子
你意思指平常默書? 我對仔女(唔同校)從來都冇這支歌仔唱喎. 只喺考默就會預默詞語(正式默喺段落). 亞女學校直頭冇添.
作者: AgapePa 時間: 15-4-16 00:24
燁燁媽 發表於 15-4-15 23:33 
今年小2後， 發現沒有中英預默， 下學期英默更怪， 默書紙都未抄哂，便 說默書， 接著測驗， 測驗後2天放復 ...
阿女學校無預默, 又唔需要抄默書紙, 一次過派半年默書笵圍, 一早温定半年默書都得,
默書前一星期再縮窄小小笵圍. 再集中D温.
作者: AgapePa 時間: 15-4-16 00:29
pooh仔 發表於 15-4-16 00:15
你意思指平常默書? 我對仔女(唔同校)從來都冇這支歌仔唱喎. 只喺考默就會預默詞語(正式默喺段落). 亞女學校 ...
通常預默唔計分, 正式默要計考試分
作者: mansum92 時間: 15-4-16 00:30 標題: 回覆：燁燁媽 的帖子
阿仔學校小一小二有預默，不過唔會通知要預默，老師鍾意就預默。其實我睇唔明，咩係默書紙。放完假後默書有咩問題？
作者: under_the_tree 時間: 15-4-16 00:56 標題: 回覆：燁燁媽 的帖子
阿女嗰間仲犀利，第二段考成績表都未派，下星期便開始第三段考評估，但到現在連範圍都冇! 默書紙，唔洗諗!
作者: 燁燁媽 時間: 15-4-16 01:04 標題: 回覆：燁燁媽 的帖子
我最嬲既係， 教女既係我， 同女温書都係我，
我只不過係想老師個女有問題， 直接搵我， 點知得到句， 你同你老公離左婚？ 分左居？
我唔知老師咁講咩意思？
係咪唔順從學校意思要迫女去補習？ 老師之後再打了幾次電話比我老公， 都係要求我老公迫女去補習？
我個女分數又唔係特別抵! 中數都有7x, 係英文差小小， 時合格時不合格， 但都係差個1分半分!
作者: little_yolky 時間: 15-4-16 08:33
燁燁媽 發表於 15-4-16 01:04
我最嬲既係， 教女既係我， 同女温書都係我，
我只不過係想老師個女有問題， 直接搵我， 點知得到句， 你同 ...
其實, 你可以請老公同老師講, 叫老師直接有事搵你, 然後cup線, 唔聽, 咁老師有事就自然搵你了。我哋寫手冊後, 如果老師覺得有需要電聯, 老師會認筆跡, 見係爸爸筆跡就call爸爸, 媽媽筆跡就call媽媽。
不過, 老師咁樣同你講嘢, 問你係咪離左婚, 真係好無禮貌下。下次再咁講, 你就直接問佢咩意思, 何解佢唔可以直接搵你, 成日搵你老公唔搵你, 有咩意圖。
小二英文都係grammar吧, 俾少少練習+睇下書, 合格應該都唔太難吧, 我唔知你學校英文俾分結構係點, 我哋英文科包括卷、listening、oral、默書、作文, 九萬咁多嘢加埋。如果你只差一兩分, 就响默書度著手, 次次100分, 山大斬埋有柴, 好易合格。至於oral, 如果預先有派範圍, 就同佢溫下, 無都無辦法, listening咪睇多D英文卡通囉, 小二都係學緊present tense同past tense, 叫小朋友小心啲, 做多D練習, 好易追番, 唔難的。
作者: Charlotte_mom 時間: 15-4-16 08:40 標題: 回覆：你們學校有預默嗎？
其實除左老師態度唔好，我睇唔到有咩問題wor 。樓主，真心講，7x分，合格邊緣，真係唔理想
作者: catiou627 時間: 15-4-16 08:53
本帖最後由 catiou627 於 15-4-16 08:54 編輯
我朋友, 小一, 佢話佢囡拿8X分, 比老師訓話....(佢自已覺得係鬧)
低小, 佢地認為要起碼八,九十先OK
作者: mykate 時間: 15-4-16 09:31 標題: 回覆：你們學校有預默嗎？
冇預默咪仲好，唔使成日默。
我女間冇。
初小有唔合格，要➕油呀！
作者: aeiou_drm 時間: 15-4-16 09:33 標題: 回覆：你們學校有預默嗎？
小五，普通地區津小，五年來中英文從沒有預默。
作者: Yanamami 時間: 15-4-16 09:57
本帖最後由 Yanamami 於 15-4-16 10:01 編輯
唔好講預默，我地得小雞三、四次默書，仲要唔計入成績表｡我自己加两个女讀書，都从無預默呢回事｡或者小—時学校好心俾小朋友適应先設預默，小二大个咪無呢样野？
作者: HaYi 時間: 15-4-16 10:24
英文有時有, 在正式的前幾日, 抽一些生字, 幾時不知, 我個好多時不知定, 冇溫到, 過左說算, 好彩好似不計分, 主要目的可能是提小朋友要溫習, 因為他們的正式內容都多且深, 如果不溫好可能好低分.
作者: wan_sosin 時間: 15-4-16 12:24
本帖最後由 wan_sosin 於 15-4-16 12:25 編輯
Charlotte_mom 發表於 15-4-16 08:40
其實除左老師態度唔好，我睇唔到有咩問題wor 。樓主，真心講，7x分，合格邊緣，真係唔理想
...
老師想提樓主,呢個唔係理想分數,可能你收唔到,所以同你老公講.
不過個老師說話上係有問題,但小朋友係得間學校讀書,多少大家要合作下.
小二無預默係正常,自己有溫書的話,預默反而多餘,浪費上堂時間.
作者: marcuscyrus 時間: 15-4-16 12:45 標題: 引用：今年小2後，+發現沒有中英預默，+下學期英
原帖由 燁燁媽 於 15-04-15 發表
今年小2後， 發現沒有中英預默， 下學期英默更怪， 默書紙都未抄哂，便 說默書， 接著測驗， 測驗後2天放復 ...
作者: 燁燁媽 時間: 15-4-16 12:51
我講既預默不是學校同小朋友預默, 是功課, 在家長在家同小朋友預默.....
作者: 小時了了 時間: 15-4-16 12:52
本帖最後由 小時了了 於 15-4-16 14:00 編輯
回覆 燁燁媽 的帖子
地區津小, 無預默 (無論是係學校預默, 抑或是功課係屋企要預默 ------ 4年來都未試過)
反而我差不多每日自己夜晚同女溫習時間, 自己編排大約二十分鐘預留俾小女溫/抄/默書內容
作者: 燁燁媽 時間: 15-4-16 12:53
Charlotte_mom 發表於 15-4-16 08:40
其實除左老師態度唔好，我睇唔到有咩問題wor 。樓主，真心講，7x分，合格邊緣，真係唔理想
...
幾多小朋友...去補習都係得呢個分數?
我自己仔當年都係.....補習補習補習...都無呢個分數呀....陰公.....!
作者: 燁燁媽 時間: 15-4-16 12:55
我想講既係.....預默不預默都不是重點....
重點係.. 就咁派了默書紙...就說放完假溫書....
連炒默書內容既功課都沒有........
下學期....就係咁...上次默書...仲要只抄到一半就說要默.......
安排上有問題....
作者: 小時了了 時間: 15-4-16 13:08
本帖最後由 小時了了 於 15-4-16 13:11 編輯
燁燁媽 發表於 15-4-16 12:55
我想講既係.....預默不預默都不是重點....
重點係.. 就咁派了默書紙...就說放完假溫書....
連炒默書內容既功課都沒有........
下學期....就係咁...上次默書...仲要只抄到一半就說要默.......
安排上有問題....
我女學校中文無抄默書功課然後默書. 英文就只係抄一次默書功課. 如果只係靠學校功課當作溫默書, 咁我唔係咁做了. 英文抄得一次點會識背默那部份呢? 另外, 阿女依家小4英文默書啲字好深及張默書紙啲字密麻麻, 抄一次嘅功課點會默書合格呢? 所以我真係每晚用大約20分鐘溫英文默書.
中文默書好啲, 每晚用十幾分鐘溫, 學校無抄中文默書的.
反而小女成日上堂口多多, 每星期必有1-2次俾老師罰抄中文默書, 因為上堂講野, 咁算唔算學校幫小孩預默呢?!!
作者: 燁燁媽 時間: 15-4-16 13:19
同埋老師很過份....
女既我教既...書係我溫既.....我已經表明希望老師有問題係同我講...
老師對我老公講都無用.....我老公從不教仔女..亦不會溫書....
我叫老師有野可以直接問返我....點知老師反問我....你係咪同老公離左婚.......分左居......??
唔係你老公都係監護人....點解我唔可以搵他??
作者: 小時了了 時間: 15-4-16 13:20
燁燁媽 發表於 15-4-16 12:55
我想講既係.....預默不預默都不是重點....
重點係.. 就咁派了默書紙...就說放完假溫書....
連炒默書內容既 ...
係另一個討論帖: 初小如何準備上高小英文? http://www.edu-kingdom.com/forum.php?mod=viewthread&tid=2991617&extra=&page=1, 我分享過小女學校英文科, 係今年我發現阿女的功課袋內有一本英文 self learning 學校簿仔 (老師係唔教的, 原來係要自學), 裏面開頭幾版都係課文的英文生字, 然後查字典中文解釋, 都係好少十數個生字吧. 但, 我發覺最後幾版係密麻麻的字, Notes for Writing 7 張紙, 我看後問小女老師有無講咩, 佢話無, 派完呢幾張紙已打落堂鐘了.
所以, 默書無預默功課我唔覺係咩野, 可能我已經俾人魚肉慣了.
反而, 我覺得樓主好似不憤班主任嘅態度, 講真, 班主任又真係..........
作者: 燁燁媽 時間: 15-4-16 13:45
我覺得我同學校點意見分歧都好......(係咁強迫我要幫女搵補習社)
都唔應該咁樣打電話去搵我老公.....我問老師...你搵我老公有用咩? 有好到咩?
個老師竟然話有用...有好到....真好笑.......
我老公一樣都無做到...手冊不會簽....體溫計不會寫......功課一樣欠交......回條不會簽........
我真係頂唔順.....未見到一個老師會咁樣同家長鬥氣......真係想講....點解咁抵能架.......
作者: 燁燁媽 時間: 15-4-16 14:12
.現在看到6年前同6年後的分別......
6年前我做怪獸媽咪.....6年後我不做怪獸媽媽...但我看見的是怪獸老師.......
作者: bobbob 時間: 15-4-16 14:19
燁燁媽 發表於 15-4-15 23:33
今年小2後， 發現沒有中英預默， 下學期英默更怪， 默書紙都未抄哂，便 說默書， 接著測驗， 測驗後2天放復 ...
作者: 燁燁媽 時間: 15-4-16 14:27
無積怨...只係意見分歧........
唔明老師點解要咁講....
咩現在覺得小學生.....6點半起身返學.....4點才回到家....仲唔夠倦同辛苦...仲要迫學生去補習才夠皮??
小朋友係學校學唔識野...唔係老師應該去教...而係留比家長去搵補習社教?
我咁唔洗去返學啦......去補習咪仲好.........
老師返工係打份工........姐......
咁我個女返學又係咩呢???? 想請問.......?
作者: Jane1983 時間: 15-4-16 15:17
回覆 燁燁媽 的帖子
係度呻吓就算了，同老師嘈，嘈完家長吾使見佢，但小朋友就受罪。而家都4月中，話咁快放暑假，下年吾一定見番佢。
作者: little_yolky 時間: 15-4-16 15:22
燁燁媽 發表於 15-4-16 14:27
無積怨...只係意見分歧........
唔明老師點解要咁講....
小二又唔駛咁緊張, 不過, 聽講你果間係名校, 咁老師係著緊D啦, 我有油天家長朋友話, 小朋友今年小四, 測考成績唔夠90, 老師就會打電話同你傾計了。
我囡囡都係小二, 都係無補習, 我仲無理佢, 由得佢自己溫書, 如果佢中數70+, 英文差少少合格, 我諗我完全接受唔到, 佢依家只有數學70+, 已經成日俾我搵佢麻煩了..............不過, 其實只要家長接受到, 我都覺得無乜所謂的。
作者: COE1205 時間: 15-4-16 17:07
本帖最後由 COE1205 於 15-4-16 17:08 編輯
我仔都係小二生,我仔學校好多時都係打比爸爸少數打比我,其實而家唔同以前,管教小朋友唔應該只係媽媽嘅責任,好多學校愈來愈注重爸爸嘅參與ka!所以好多時係直接搵爸爸, 其實你唔使太敏感
至於成績,其實初小真係算簡單,如果中數70+,英文剛合格,真係要注意下,始終底子打得唔好,只會愈來愈吃力!
作者: 燁燁媽 時間: 15-4-16 18:17
本帖最後由 燁燁媽 於 15-4-16 18:25 編輯
老師早前講過, 小朋友說如果不見了功課是不能信任, 要家長親自寫手冊確認.....個女尋日中文申延工作紙給同學拿了.....書包找不到, 在手冊上寫, 老師回覆又要女自己同學校講...
唔明到底個老師想點?
個女自己同老師講沒有, 老師又不會信, 要求家長寫手冊.....家庭寫手冊又說要女自己講.......
呢個老師真係不知所謂......自己到底想點???
家長要點樣跟?
作者: Jane1983 時間: 15-4-16 20:42
回覆 燁燁媽 的帖子
個老師係好年輕，定係比較老一輩？
作者: tws2010 時間: 15-4-16 21:22
回覆 燁燁媽 的帖子
I overheard a case, a little girl was scolded by her teacher during a parents' event. It was said all students should wear 整 齊 校 服. The little girl wore ＰＥ ｕｎｉｆｏｒｍ。 Ｂｕｔ ｔｈｅ ｔｅａｃｈｅｒ ｓａｉｄ
ＰＥ ｕｎｉｆｏｒｍ ｉｓ ｎｏｔ ｓｃｈｏｏｌ ｕｎｉｆｏｒｍ。 Ｔｈｅｎ ｄｕｒｉｎｇ
ａｎｏｔｈｅｒ ｅｖｅｎｔ， ｔｈｅ ｐａｒｔｉｐａｔｅｄ ｓｔｕｄｅｎｔｓ ａｒｅ ｒｅｑｕｅｓｔｅｄ ｔｏ ｐｕｔ ｏｎ 整 齊 校 服， ｂｕｔ ｔｈｅｒｅ ｗａｓ ＰＥ lesson on that day, But after the girl put on 整 齊 校 服, then the PE ｔｅａｃｈｅｒ ｓａｉｄ， ’ｙｏｕ ｋｎｏｗ ｔｈｅｒｅ ｉｓ ＰＥ lesson today, why you don;'t wear PEｕｎｉｆｏｒｍ。’ Ｔｈｅ ｌｉｔｔｌｅ ｇｉｒｌ ｗａｓ ｓｏ
ｆｒｕｓｔｒａｔｅｄ。
作者: little_yolky 時間: 15-4-17 16:42
tws2010 發表於 15-4-16 21:22
回覆 燁燁媽 的帖子
I overheard a case, a little girl was scolded by her teacher during a parents' e ...
作者: little_yolky 時間: 15-4-17 16:46
燁燁媽 發表於 15-4-16 18:17
老師早前講過, 小朋友說如果不見了功課是不能信任, 要家長親自寫手冊確認.....個女尋日中文申延工作紙給同 ...
作者: tws2010 時間: 15-4-17 23:27
回覆 little_yolky 的帖子
Agreed with you. But I saw the teacher also scold the parent. Poor she, so many people around heard their conversation...
作者: 803Joa 時間: 15-4-18 12:18 標題: 回覆：你們學校有預默嗎？
老師和家長的要求有分岐，一係考慮轉校，一係盡量配合學校。
我仔一年級下學期已不是有你所講的的＂預默＂－寫生字，便跟著默書。寫生字這一環似乎是學校減功課量的一個選擇。現在學習重點不在識幾多字，而是運用和理解。你要達到默書的標準，回家自己預備吧！
作者: HaYi 時間: 15-4-18 12:48
校服一事, 有時我仔校寫明個日要穿formal 校服, 因有一些formal event, 試過放學是童軍, 我地都帶衫去換, 係煩D, 尤其童軍衫有好多野, 鞋都不相同. 不過都不想小朋友在formal event 同其它人穿得不同.
聯絡監護人一事, 我都好奇樓主的教師說得好白, 個老師又懷疑人地家庭是否單親, 好怪, 單不單親佢都冇權理啦, 同埋而家單親好普遍, 佢算歧視? 不驚家長投訴咩. 況且我地就算不是單親, 通常2公婆分左工, 教仔野, C6有時真是不知頭不知路, 老師通知左都不會有咩效果.
作者: 燁燁媽 時間: 15-4-19 00:29 標題: 回覆：你們學校有預默嗎？
老師這樣做， 到底是好心做壞事定壞事好心做？
因為老師， 我同老公最後炒大獲~
重要當著女兒面前嘈~
到底一個完整健全的家庭重要， 還是補習重要？
作者: 燁燁媽 時間: 15-4-19 14:28 標題: 回覆：你們學校有預默嗎？
老師覺得女功課做唔好或真係欠交， 可以罰留堂做功課， 而唔越線挑戰父母迫人地父母去迎接老師的要求~
人地媽媽1而再， 再而3地拒絕， 必有理由~還要去挑戰， 找人地爸爸~
人地爸爸幫唔到， 係咪找人地爺爺麻麻，公公婆婆？ 必要攪到人地好好的家庭出現問題？
還是最好真的如老師願， 好好的家庭， 父母要離婚？ 變單親？
或者不如我將女兒送比老師管教照顧， 我更樂得輕鬆~
作者: Ryan_baba 時間: 15-4-19 14:47
燁燁媽 發表於 15-4-19 00:29
老師這樣做， 到底是好心做壞事定壞事好心做？
因為老師， 我同老公最後炒大獲~
重要當著女兒面前嘈~
作者: cwymama 時間: 15-4-19 15:50
小囡都係小二，上學期測驗有同班同學仔英文唔合格，該家長立即找老師問意見，老師提議媽媽每日抽30分鐘同小朋友温英文，但如果時間唔允許，就返補習班，該家長立即揾補習班比仔仔，兩個月後考試，成績進步至68分，而下學期測驗成績更加有75分，該家長更親自到學校向老師道謝！樓主，小朋友個底打得唔好對佢將來會好大影響，老實說，小二英文唔合格，家長也要幫她想想辦法，如果你真係好唔想返補習，就自己勤力啲，每日幫她溫習英文吧！說到底，老師也只是想小朋友好，她打電話比你、你老公也是她的私人時間吧！唔理唔打電話比你勸説要返補習，對她來說應該最方便。
作者: 燁燁媽 時間: 15-4-19 16:06 標題: 引用：Quote:燁燁媽+發表於+15-4-19+00:29+老師這
原帖由 Ryan_baba 於 15-04-19 發表
點解你俾你個女補習就會破壞你一家嘅關係？
但現在是老師1而再， 再而3咁講，講唔掂我， 搵一向不理仔女既老公講~ 咁同迫有咩分別？
作者: 燁燁媽 時間: 15-4-19 16:20 標題: 引用：小囡都係小二，上學期測驗有同班同學仔英文
原帖由 cwymama 於 15-04-19 發表
小囡都係小二，上學期測驗有同班同學仔英文唔合格，該家長立即找老師問意見，老師提議媽媽每日抽30分鐘同小 ...
作者: Ryan_baba 時間: 15-4-19 16:31
燁燁媽 發表於 15-4-19 16:06
如果我自願比女去補習當然不會
但現在是老師1而再， 再而3咁講，講唔掂我， 搵一向不理仔女既老公講~ 咁同 ...
作者: YolandaTam 時間: 15-4-19 17:08
我明白你呀樓主, 老師死迫不特止仲驚動埋爸爸, 態度仲要咁唔體諒, 係人都會覺得唔舒服!
小女喺34網女校讀緊小五. 佢一年級返咗兩個星期, 班主任已經揾我好幾次, 話小女英文跟唔上, 叫我幫佢揾補習. 我同你睇法相同, 始終認為語文係要浸, 唔係一朝一夕可以有長足進展佢, 補習係非不得已嘅選擇. 因此對老師嘅建議我唯唯諾諾, 意見接受, 不過行動(每日伴讀中英文書各半小時)照舊. 上學期小女英文得40分, 下學期已80分, 終於老師冇再因小女學業問題再聯絡我. 所以支持你繼續陪令千金努力睇書, 假以時日一定有成果!
講真喺好多小學, 尤其學生要參加升中派位嗰啲, 老師一定係會催谷學生成績, 因為對學校嚟講學生成績好可以令佢成為熱門學校或者維持熱門, 學生質素好, TSA表現好, 唔多唔少喺攞府 funding 方面又容易啲, 企喺老師同校長個人立場, 學生成績=老師校長業績, 對佢哋日後升職, 跳槽都係十分重要.
老師都係人, 都係打份工, 佢態度差係好錯, 但希望你都企佢立場諗吓, 或者你會冇咁嬲, 你就用令千金嘅進步証明佢係唔需要補習啦, 加油!
作者: 燁燁媽 時間: 15-4-19 18:00 標題: 引用：Quote:燁燁媽+發表於+15-4-19+16:06+如果我
原帖由 Ryan_baba 於 15-04-19 發表
你有冇諗過點解老師會建議你個女去補習先？
假隻腳入左補習就上唔返來~
小朋友自覺重要定等補習重要？
我女才小2， 點解唔比時間她去自覺？
小2唔得咪小3， 小3唔得咪小4~
我要點教女， 用咩方法點解一定要跟學校？
學校係咪包補習包上band, one中學跟住上港大？
掉下1包句叫人搵補習係最不負責任的說話~
你
作者: awah112 時間: 15-4-19 18:23 標題: 回覆：你們學校有預默嗎？
提示: 作者被禁止或刪除 內容自動屏蔽
作者: haihaimom 時間: 15-4-19 22:46 標題: 回覆：燁燁媽 的帖子
1.預默真係冇需要，浪費課堂時間默兩次一樣既課文，默書只係學習過程既一小部份。
2.默書紙抄唔切，有冇問過其它家長，其它同學有冇相同問題？好小事，一係問其它家長，又或可以跟老師反映喎。
3.其實老師可能覺得學生跟唔上進度，才返映給家長知道，並建議可行方法，我覺得佢至少係個好老師，佢大可以不聞不問，置身事外。只係依個老師唔識講說話，說話唔圓滑啫。
4.至於老師揾爸爸唔搵媽媽……噤老師覺得同媽媽溝通唔到，搵個溝通到既講，都係人之常情，其實老師通知咗家長學生在校既學習情況，責任真係完咗，夫婦喺管教上冇溝通，真係唔係好關老師事……又或者媽媽想知多啲，客氣啲揾老師再了解吓，冇理由老師會拒絕啫。
4.至於家長唔同意搵補習，大可以堅持自己諗法，老師冇可能迫你，你只需要多謝老師既提議，你話我會考慮下咪得。何需動氣
作者: YinMichelleBaby 時間: 15-4-19 22:56 標題: 回覆：燁燁媽 的帖子
我只是路過的。燁燁媽，你有你的堅持，我覺得你不讓你小朋友補習，有膽色，有遠見。你女兒入得名校，一定很醒目。但你没有選跟你教育理念相同的學校。
作者: Ryan_baba 時間: 15-4-19 23:42
燁燁媽 發表於 15-4-16 12:51
我講既預默不是學校同小朋友預默, 是功課, 在家長在家同小朋友預默.....
作者: 燁燁媽 時間: 15-4-20 01:51 標題: 引用：Quote:燁燁媽+發表於+15-4-16+12:51+我講既
原帖由 Ryan_baba 於 15-04-19 發表
冇預默當功課，你自己就唔會同個女溫／預默？
作者: 燁燁媽 時間: 15-4-20 02:27 標題: 回覆：你們學校有預默嗎？
知道為什麼有怪獸家長嗎？
其中1個原因是學校間接令家長做成的~
例子1， 老師派功課時， 同學互相拿錯功課(這應該每2，3天都有機會發生）， 或拿多了， 家長當晚必須要在手冊記下， 如不記下， 小朋友就算口講比老師知， 亦不會得到老師信任， 因而記下1次欠交功課的記錄。咁家長為免仔女無辜被老師寫欠交， 就必須要晚晚加緊檢查功課
這樣說得好聽咪叫家校合作囉， 不好聽咪老師煩小樣囉～
a家長有寫就括免， b家長唔寫個仔女就要欠交
所以道致學生都未必會主動同老師講， 因為家長已經代為寫信了呀～
所以為什麼現在學生都不喜歡和不懂爭取？ 因為家長已經代為爭取啦～
但如果家長唔寫手冊， 但學生自己講比老師知， 又得不到信任喎~
即係學生出聲為自己爭取， 但由於老師是不信任， 咁爭取來做咩？？？？？
問老師原因， 老師話， 因為小朋友無做， 可能就會說不見了， 所以老師一律選擇不信任~
這樣又令小朋友少了一樣學習方式~
我總覺得， 學校要堅持， 但當家長覺得有問題時， 總不能默默接受~
教小朋友1次錯了時機， 2次錯了時機， 當第3次出現時， 不會都想錯過第3次吧～
因為， 很可能就那麼1次， 就能小小的小小的改變小孩的心態
作者: cwymama 時間: 15-4-20 07:37
小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有責任每日放學前對清楚功課袋內的功課是否齊全。樓主，如果真的對學校那麼失望，可能要諗諗是否需要轉校，你與學校路向那麼不同，仲有四年點捱呀？😔😔😔
作者: haihaimom 時間: 15-4-20 10:47 標題: 回覆：cwymama 的帖子
其實小朋友攞錯功課，冇攞功課，尤其小一、小二真係經常發生。我諗老師都明白既。至於老師要家長寫手册，只係想.證明家長都知情，如果經常發生都唔駛老師通知先知呀。孩子還是應該跟老師直接說明，因為帶齊及交齊功課，本來就是學生自己的責任，欠帶欠交要親身同老師交待亦係學習負責任既態度。我真係認識有小一學生為咗做小樣功課，張份功課丢去垃圾桶，俾老師找'到，件事係我仔話我知。
作者: rainrain613 時間: 15-4-20 11:20 標題: 引用：小囡學校就無情講，沒有功課交就是欠交，不
原帖由 cwymama 於 15-04-20 發表
小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有 ...
作者: 燁燁媽 時間: 15-4-20 14:04 標題: 引用：其實小朋友攞錯功課，冇攞功課，尤其小一、
原帖由 haihaimom 於 15-04-20 發表
其實小朋友攞錯功課，冇攞功課，尤其小一、小二真係經常發生。我諗老師都明白既。至於老師要家長寫手册，只 ...
呢樣野感覺上似職場的Black & White~
當你沒有Black &White, 懶理學生如何解釋， 你父母沒寫就沒寫~
我應該不會轉校， 亦沒這必要~
學校就算看到這個post, 心知是我， 但亦不會這麽(低莊）想盡方法趕人走吧～
作者: 燁燁媽 時間: 15-4-20 14:07 標題: 引用：小囡學校就無情講，沒有功課交就是欠交，不
原帖由 cwymama 於 15-04-20 發表
小囡學校就無情講，沒有功課交就是欠交，不論功課是否被不小心的小朋友攞了，因為老師開學時說明，小朋友有 ...
不可能因為咁就要退縮吧～
作者: little_yolky 時間: 15-4-20 14:20
燁燁媽 發表於 15-4-20 14:07
人生將來見到的人更多機會面對意見不同，
不可能因為咁就要退縮吧～
...
作者: haihaimom 時間: 15-4-20 15:51 標題: 引用：Quote:原帖由+haihaimom+於+15-04-20+發表
原帖由 燁燁媽 於 15-04-20 發表
咁學校是一竹竿打一船人， 重點是家長不寫手冊就代表欠交， 理得小朋友有沒有解釋~
呢樣野感覺上似職場的B ...
作者: little_yolky 時間: 15-4-20 16:31
tws2010 發表於 15-4-17 23:27
回覆 little_yolky 的帖子
Agreed with you. But I saw the teacher also scold the parent. Poor she, ...
今時今日都可以咁對家長? 真想見識見識。我响惡人谷長大, 未見過惡人的。
作者: tws2010 時間: 15-4-20 21:01
回覆 little_yolky 的帖子
個樣好 幾林善, 3 年 前 啦, 個 家 長 都幾embarrassed...
作者: GreenMaDad 時間: 15-4-21 09:16
回覆 YinMichelleBaby 的帖子
非常同意！
作者: little_yolky 時間: 15-4-21 09:28
YinMichelleBaby 發表於 15-4-19 22:56
我只是路過的。燁燁媽，你有你的堅持，我覺得你不讓你小朋友補習，有膽色，有遠見。你女兒入得名校，一定很 ...
作者: JessicaElla 時間: 15-4-23 16:26
相信老師預默的目的是要讓小孩提前溫習, 不要在默書前一天才溫, 我認為這個做法沒有問題, 經過"長時間"的溫習, 才會正式入腦, 記憶才會長久.
PS. 女兒學校亦是這樣做的, 這樣每天溫一點, 反覺輕鬆.
| 歡迎光臨 教育王國 (/) |
Powered by Discuz! X1.5 |