教育王國

標題: 誠徵小三全科老師（則魚涌區） [打印本頁]

作者: 彥彥媽咪 時間: 15-5-24 14:29 標題: 誠徵小三全科老師（則魚涌區）

需每星期六早上及星期日下午，每次兩小時，男生，小三，心散，成績不太好，老師要有耐性，希望可即時開始，要有補習經驗的較佳

有興趣請 PM 簡單資料及收費，謝謝

作者: 彥彥媽咪 時間: 15-5-29 22:58

本帖最後由彥彥媽咪於 15-5-29 23:08 編輯

回覆彥彥媽咪的帖子

分享經驗:

一星期前本已在此找到一位男老師, 並約好明天開始, 因此早已DELETE 了其他曾表示有興趣幫忙既老師資料, 但可惜今天晚上7:XX無端端突然有另一人 whatsapp 我話會明日來 (係女仔來的), 我完全摸不著頭腦, 即時問原本個位, 佢先話: "係呀, 屋企突然有事, 所以又補唔到了", 仲將我 "介紹" 左比佢朋友, 因此佢朋友就找上我.

我到個刻先知原來我係佢眼中係一件貨, 所以自己突然比人"摸貨" 咁出左貨比人自己都唔知, 此老師仲話已同朋友溝通過我小兒既情況, 所以佢朋友好清楚我既需要, 一定幫到我云云 !! 但問題係, 佢未得我同意, 就私自將我比佢既資料比人, 視私隱如無物, 作為一位大學一年級生, 我實在相當失望.

唔通第日佢揾到份工, 講好哂某日開工, 但到上班個日, 突然變左另一個人, 而仲理直氣壯咁同你講 : "係呀, 我依家唔做喇, 所以叫左XXX 來代我上班...."  咁都得?

另外, 唔做唔緊要, 開心見誠講聲, 但都唔係明日10點開始既野, 今天晚上 7:10 由另一人話佢會來作結束架嘛?

我只可以講好失望, 如果香港將來既大學生都係咁既操守, 咁個世界就完了.  但我信樹大有枯枝, 我阿仔到底都仲要找人幫忙, 只好再試一次 HERE, 但請各位有心之人, 真係想來先PM, 嫌棄小兒不夠聰明所以錢唔好賺, 又或心中嫌我地BUDGET 唔好既無問題, 不要 PM 我好了, 而唔係浪費大家時間, 我等左一星期, 以為明天可以有好開始, 最終又係零.

順帶一提, 現職老師 / 補習社唔岩我地了, 多謝你地, 我地BUDGET 唔高, 相信較難合作.

有興趣請PM, 謝謝.

歡迎光臨教育王國 (/)