教育王國
標題: 有甚麼漫畫適合小學生看? [打印本頁]
作者: MASAYA 時間: 15-7-22 18:49 標題: 有甚麼漫畫適合小學生看?
村枝賢一 (代表人作品:我們的足球場) 的RED,故事背景是以前的美國,主角是印第安人某族最後的血脈,歷史背景和探討人性,高小學生值得一看
曾田正人 (代表作品:消防員的故事) 的極速方程式,運動類漫畫,因為曾田正人擅長描繪熱血少年的心理狀況,熱血得來不是盡力後等運到,而是拼盡全力出尋求出路,有時的確沒出路,但不會白過,值得青少年學習,盡力但不果亦無悔
同樣是曾田正人作品的舞吧!昴 (音茅) 亦很值得一看
這兩位作者的漫畫和其他作者不同的地方是,主角們不是大叫三聲就可以提升戰鬥力,主角都是在嘗試 > 失敗 > 再嘗試 > 再失敗 > 另尋方法 > 可能最後都失敗 > 但主角心理上成長而不是技術上
p.s. 這區是否只要加上小學二字便甚麼話題也可以談?
p.s.s. 拋磚引玉,希望大家分享心頭好
作者: mansum92 時間: 15-7-22 22:03 標題: 回覆:MASAYA 的帖子
棋魂都好睇呀
作者: acharsiu 時間: 15-7-22 23:19
MASAYA 發表於 15-7-22 18:49
村枝賢一 (代表人作品:我們的足球場) 的RED,故事背景是以前的美國,主角是印第安人某族最後的血脈,歷史 ...
蟲師,夏目友人帳(畫風簡潔不浮誇,溫馨向,兩者都是妖怪&類似生物與人類之間的故事)
動畫的話:
百變小櫻Card Captor Sakura
小魔女Doremi(當中有人生觀,待人接物,價值觀,體諒他人的信息,故事很感人)
小孤星馬高(又叫萬里尋親記/尋母三千里,看似適合給年紀小的孩子,但其實當中有些深意是太小的孩子看不懂的,電腦裝上unblock youku,土豆網上有普通話配音全集)
作者: YolandaTam 時間: 15-7-23 00:04
呢系列漫畫係小女約二三年級時開始鍾意, 之後佢睇咗當中好幾本嘅原著:
已出嘅有: 簡愛 (Jane Eyre), 小王子(The Little Prince), 孤雛淚 (Oliver Twist), 彼得潘 (Peter Pan), 清秀佳人 (Ann of Green Gables) 等等
作者: Charlotte_mom 時間: 15-7-23 07:46 標題: 回覆:有甚麼漫畫適合小學生看?
點少得尋寶記呀我仔簡直背到爛熟!包括邊度有笑料、同入面講關於每個國家我風土人情,記得一字不漏
作者: S-Kwok 時間: 15-7-23 08:54 標題: 回覆:有甚麼漫畫適合小學生看?
我仔鍾意科學實驗王
作者: kayi0556 時間: 15-7-23 09:23
我囡鐘意睇科學實驗王, 尋寶記, 孫悟空科學七十二變
作者: marcuscyrus 時間: 15-7-23 09:36 標題: 引用:村枝賢一+(代表人作品:我們的足球場)+的RE
原帖由 MASAYA 於 15-07-22 發表
村枝賢一 (代表人作品:我們的足球場) 的RED,故事背景是以前的美國,主角是印第安人某族最後的血脈,歷史 ...
尋寶記!!!
作者: little_yolky 時間: 15-7-23 09:56
MASAYA 發表於 15-7-22 18:49
村枝賢一 (代表人作品:我們的足球場) 的RED,故事背景是以前的美國,主角是印第安人某族最後的血脈,歷史 ...
苦口婆心勸你真係唔好俾小學生, 尤其初小, 睇漫畫。因為佢哋可以由畫捕捉到大部份內容, 要文字又斷斷續續, 欠缺上文下理連貫, 對語文學習不利。雖然家長可能話間唔中睇下無乜所謂, 小朋友都有睇書既習慣, 或睇漫畫好過打機, 不過, 小朋友習慣咗睇漫畫就好難叫佢睇純文字既書, 因為只有文字佢哋會睇得慢。所以, 最好都係先習慣睇文字書, 到可以睇到橋樑書一段時間後, 基礎好咗至睇漫畫。我細果隻依家係咁睇漫畫, 正在發愁中。
BTW, 有一本秦始皇陵既漫畫幾好睇, 雖然當中有小部份史料唔正確。
作者: S-Kwok 時間: 15-7-23 10:25
little_yolky 發表於 15-7-23 09:56
苦口婆心勸你真係唔好俾小學生, 尤其初小, 睇漫畫。因為佢哋可以由畫捕捉到大部份內容, 要文字又斷斷續續, ...
其實呢個咪係我當初比唔比仔睇漫畫GE原因囉不過, 我又覺得如果係科學類型, 又真係會令小朋友易明啲, 又或想引起小朋友某題材的興趣都可以GE (其實對我嚟講, 梗係最好唔睇漫畫都有能引起小朋友的興趣啦, 不過, 去到呢個咁GE教育制度, 小學又要識歷史, 又要識其他, 唯有降低自己的要求) 我自己就啱啱開始要仔一日一篇短文章, 如晨讀10分鐘, 由於我仔喺講故事方面唔掂(如考試4格漫畫, 只講到每格重點, 但就4格無串連), 我就要我仔每日都跟我講一篇"盡責的小雞"呢本故事書內的其中一篇文章。
作者: jswailam928 時間: 15-7-23 10:27 標題: 回覆:marcuscyrus 的帖子
我個女都係超愛尋寶記
作者: little_yolky 時間: 15-7-23 10:32
S-Kwok 發表於 15-7-23 10:25
其實呢個咪係我當初比唔比仔睇漫畫GE原因囉不過, 我又覺得如果係科學類型, 又真係會令小朋 ...
我細女係睇恐龍漫畫
4格漫畫講故事要同阿仔練多D, 因為考到高小都要考。我大女連續3格都有講, 仲有連貫性添, 到第4格只講咗一句描述漫畫內容就完咗, 老師打70分, 因為話故事唔完整, 無結尾
作者: 海倫helena 時間: 15-7-23 10:34
提示: 作者被禁止或刪除 內容自動屏蔽
作者: maggiemomC 時間: 15-7-23 11:12
提示: 作者被禁止或刪除 內容自動屏蔽
作者: MASAYA 時間: 15-7-23 11:14
little_yolky 發表於 15-7-23 09:56
苦口婆心勸你真係唔好俾小學生, 尤其初小, 睇漫畫。因為佢哋可以由畫捕捉到大部份內容, 要文字又斷斷續續, ...
我個冇呢個問題喎,我係控制環境唔係控制個細路,要平衡發展做好控場就得
睇漫畫唔係為左提起閱讀興趣 (不過擴闊興趣範疇係幾好),而係有d作品真係好好,我冇個d小說好過漫畫,古典樂好過流行曲既諗法,好作品莫問媒體
作者: MASAYA 時間: 15-7-23 11:15
睇黎大家小朋友都好鍾意三采文化出品
作者: bobbob 時間: 15-7-23 12:04 標題: 回覆:有甚麼漫畫適合小學生看?
我仔淨係肯睇peanuts, 試過攞其他漫畫比佢唔肯睇
作者: S-Kwok 時間: 15-7-23 12:58 標題: 引用:Quote:little_yolky+發表於+15-7-23+09:56+
原帖由 S-Kwok 於 15-07-23 發表
其實呢個咪係我當初比唔比仔睇漫畫GE原因囉不過, 我又覺得如果係科學類型, 又真係會令小朋 ...
應該係話,我喺比仔睇漫畫之餘,同時要仔每日讀一篇短故事+看圖說故事(即盡責的小雞內其中一篇),希望能做到不太偏重漫畫。
作者: ericalife 時間: 15-7-23 13:06
提示: 作者被禁止或刪除 內容自動屏蔽
作者: MrBeast 時間: 15-7-23 13:20
MASAYA 發表於 15-7-23 11:14
我個冇呢個問題喎,我係控制環境唔係控制個細路,要平衡發展做好控場就得
睇漫畫唔係為左提起閱讀興趣 (不 ...
之前想脫離picture books, 都試過下漫畫 as bridge books,但望真d,其實入面d字不是特別淺,hence 咁都係睇圖畫多過睇字,e加閱讀能力高了少少,都想shift the pendulum to 文字書那邊,除了增加詞彙,另一個原因是希望孩子能將文字故事轉為腦裏image,增強想像力。不過我和你一樣,興趣為主,不想太多限制,亦也是盡量控制環境多過孩子
作者: 心朗小B 時間: 15-7-23 22:42 標題: 引用:科學實驗王,+仔仔好中意
原帖由 maggiemomC 於 15-07-23 發表
科學實驗王, 仔仔好中意
Yes, super good
作者: 已刪除用戶 時間: 15-7-23 23:28 標題: 回覆:little_yolky 的帖子
我小朋友小一初開始都係睇科學漫畫,跟住睇老鼠記者小説,現在升小四,這個暑假已睇完一本哈利波特中文小說了,其實引起他的閲讀興趣後再引導佢轉睇其他類型書就可以了!
作者: wister 時間: 15-7-24 16:50 標題: 回覆:MASAYA 的帖子
尋寶記系列都唔錯,可以認識唔同國家
歡迎光臨 教育王國 (/) |
Powered by Discuz! X1.5 |