教育王國

標題: 小一生認字困難，東九龍有咩中文補習推介？ [打印本頁]

作者: 西瓜頭 時間: 15-10-7 01:09 標題: 小一生認字困難，東九龍有咩中文補習推介？

各位好，阿仔剛上小一，由於幼稚園愉快學習，我哋又培養唔到佢睇書習慣，而家上小學，十個中文字，有八個都唔識，功課完全自己解唔到題，他亦自覺被其他同學比下去，失去信心。
請教下，有無中文補習班適合我哋嘅情況？我們住鑽石山的。先謝各位意見。

作者: ms_maggie 時間: 15-10-7 09:19

我仔仔小二都係好多字唔識...大家有咩好介紹

作者: 已刪除用戶 時間: 15-10-7 10:32 標題: 回覆：小一生認字困難，東九龍有咩中文補習推介？

老生常談，多伴讀，多温習，沒有不二之法！

作者: 大件仔 時間: 15-10-7 10:42

補習班功效不大呀, 伴讀是最有效方法.

小兒剛上小一時像中文文盲, 這幾年我一直件讀, 買書, 借書回家,由最早睇些圖畫書, 到慢慢睇漫畫, 再睇小說,無論在街,超市, 見到有中文字的廣告,通告, 叫佢讀比我聽, 又問下佢知不知點解睇得多, 佢現在中文默書只須溫一陣都可有8字頭, 所以, 語文不能心急, 要慢慢培養

作者: Olympian 時間: 15-10-7 10:51 標題: 引用：各位好，阿仔剛上小一，由於幼稚園愉快學習

原帖由 西瓜頭 於 15-10-07 發表
各位好，阿仔剛上小一，由於幼稚園愉快學習，我哋又培養唔到佢睇書習慣，而家上小學，十個中文字，有八個都 ...

我見呢d情況的小朋友(K3，已識別到認字弱），會用字卡學，字配圖，圖配字，跟住就咁讀，每天練習。不斷操練。詞語識左，都要拆開兩個字再溫。比如“功課”,攞埋一齊認到。分開“功”或“課”又未必認到架。睇書重要但針對性唔夠。

作者: Ocean419 時間: 15-10-7 10:55 標題: 回覆：小一生認字困難，東九龍有咩中文補習推介？

小朋友英文程度如何？我仔k3自己睇圖書有d生字睇唔明，我用鉛筆寫細細個英文拼音喺個字上面（喜歡我寫hei喺個喜字上面，好容易就可以自己讀晒所有字

作者: brother4 時間: 15-10-7 11:26 標題: 回覆：小一生認字困難，東九龍有咩中文補習推介？

轉校考慮小二

作者: silvertiny 時間: 15-10-7 11:45

伴讀睇書+有系統既教材或堂.拿拿聲打返好個底, 有返信心先.

作者: letea 時間: 15-10-7 16:48

真係要日日讀，首先讀熟課文既字，每日寫兩個詞語，再讀下其他故事書。故事書開頭唔使佢讀，父母讀，讀讀下先慢慢交比佢自己讀。課本就要佢讀出聲，日子有功，培養語感。

作者: brother4 時間: 15-10-7 19:14 標題: 回覆：小一生認字困難，東九龍有咩中文補習推介？

另可考慮公文中文，要看很多書

作者: 西瓜頭 時間: 15-10-8 01:18

多謝大家寶貴意見。爸爸和我均要上班，放工又要對功課，又要溫書，又要照顧個細B，因此每日伴讀時間不多，最多只有20至30分鐘。我想我們真係要"的"起心肝，綜合你們的心德，在星期六／日增加伴讀時間，再配合認字卡等，加強練習...唯阿仔經常過目即忘，有些字，即使出現過好多次，都會忘記...

另，如我們想配合一些中文補習，今日同同事傾開，佢話早慧都有啲功效，請教大家對以上補習社或其他補習社有何意見？謝謝！

作者: jojoplanet 時間: 15-10-8 12:29

西瓜頭發表於 15-10-7 01:09
各位好，阿仔剛上小一，由於幼稚園愉快學習，我哋又培養唔到佢睇書習慣，而家上小學，十個中文字，有八個都 ...

我個仔K3認字都係差..我懷疑係咪讀寫障礙但同D相熟補習社老師同埋佢學校老師傾過覺得佢係信心問題, 因為佢寫字唔會倒轉個人都有條理..我而家幫佢拆字來認. 例如"規則" 教咗"目"先跟住教"貝"再教"夫"再加埋一齊咁. 佢就接受D但基本上佢都唔鐘意認字.

作者: jojoplanet 時間: 15-10-8 12:30

大件仔發表於 15-10-7 10:42
補習班功效不大呀, 伴讀是最有效方法.

小兒剛上小一時像中文文盲, 這幾年我一直件讀, 買書, 借書回家,由最 ...

現在幾年班? 我個仔抗拒認字, 我係街好CASUAL咁讀D字比佢聽佢都唔想聽

作者: canies 時間: 15-10-11 08:28 標題: 引用：多謝大家寶貴意見。爸爸和我均要上班，放工

原帖由 西瓜頭 於 15-10-08 發表
多謝大家寶貴意見。爸爸和我均要上班，放工又要對功課，又要溫書，又要照顧個細B，因此每日伴讀時間不多， ...

每日肯定有20分鐘已經好好
持之以恒就有效果
反而週未加字咭個人認為無須要

作者: jincaiyan 時間: 15-10-11 14:58 標題: 引用：各位好，阿仔剛上小一，由於幼稚園愉快學習

原帖由 西瓜頭 於 15-10-07 發表
各位好，阿仔剛上小一，由於幼稚園愉快學習，我哋又培養唔到佢睇書習慣，而家上小學，十個中文字，有八個都 ...

其實家長唔好第一時間想到係「去邊度補習」呢個idea

其實日常生活中會遇到好多中文字，
呢D係細水長流，無可能搵個好勁的補習老師一夜間追番

講到底都係要靠家長

作者: pro_teacher_lau 時間: 15-10-12 17:23

我建議可以同小朋友玩一個遊戲，我發現這遊戲小四以下都適用。

有一次個家長想我同小朋友(小二) 溫默書，我試默期間小朋友完全不合作，默到第二句之後完全寫手，叫極唔寫。他有好幾個生字唔識串。我叫佢生字抄十次，佢完全當我無到。我語氣上有點重，小朋友見我開始強硬就眼濕濕想喊(小朋友一喊，又會浪費了五至十分鐘，作為老師都想佢學到最多野 >.< ) 。之後我叫佢拎2隻顏色的顏色筆出黎，我在白紙上面打直用鉛筆寫了library 二十次。然後同佢講遊戲規則 : 你由上面開始用藍色的顏色筆沿住鉛筆library 寫(幫鉛筆library 填色)，而老師就由下面開始用紅色的顏色筆沿住鉛筆library 寫，直到所有的鉛筆library 都有顏色，我們就點算那一種顏色比較多。如果藍色library 的數目多於紅色library，你就獲勝，可以打我手掌一下(其他罰則都可以)。

小朋友都喜歡遊戲的，玩完一次，覺得唔夠喉，自然自動自覺用鉛筆寫生字20次，之後叫你同佢玩，佢又可以用顏色筆寫多10幾次。研究發現，重複刺激大腦80次就會記得，玩3-4回合小朋友就會記得串一個新的生字。我相信中文字應該都可以。希望幫到你 ^_^

作者: pro_teacher_lau 時間: 15-10-12 17:26

如果你有2個小朋友仲好，可以2個小朋友對決~ 互相認字~

作者: cocokan2004 時間: 15-10-13 00:12

回覆 jojoplanet 的帖子

我個仔都係, 間中教佢1,2次都可以. 一講多少少已經話好悶呀.

作者: jojoplanet 時間: 15-10-14 12:48

cocokan2004 發表於 15-10-13 00:12
回覆 jojoplanet 的帖子

我個仔都係, 間中教佢1,2次都可以. 一講多少少已經話好悶呀. ...

如果佢因為識咗覺得再講係悶就話啫..最幣佢係唔識喎....一個"好" 都教咗一輪..但星期一做功課寫鱷魚, 昨日再叫佢寫佢又識喎....D字佢又唔會倒轉寫, 我都唔知究竟佢係咪有認字障礙.

作者: little_yolky 時間: 15-10-14 13:48

jojoplanet 發表於 15-10-14 12:48
如果佢因為識咗覺得再講係悶就話啫..最幣佢係唔識喎....一個"好" 都教咗一輪..但星期一做功課寫鱷魚, 昨日 ...

其實學寫中文真係易過英文好多, 英文我真係投晒降。
「好」字, 你同小朋友講, 媽媽有仔(子)又有女, 所以咪係「好」囉。

中文字好多時都係一個邊旁表示意思, 一個邊旁表示聲音, 所以學識咗好多基本字, 就可以教多好多組合字形, 好似「鱷」, 因為係水入面, 所以魚字旁, 噩係音, 噩夢個噩。(我係咁教)

作者: jojoplanet 時間: 15-10-14 14:08

little_yolky 發表於 15-10-14 13:48
其實學寫中文真係易過英文好多, 英文我真係投晒降。
「好」字, 你同小朋友講, 媽媽有仔(子)又有女, 所以咪 ...

我都係咁教架..我係教佢女字同子字先..加埋係好字....口變日日變田咁..

但我又覺得英文易D喎..因為可以併音.

歡迎光臨教育王國 (/)