教育王國
標題: 好奇問問大家自己小學時 [打印本頁]
作者: stockmike 時間: 15-10-11 00:33 標題: 好奇問問大家自己小學時
首先希望大家唔好介意講
1) 細個小學有或無俾人迫讀書？
2) 對小學時期的回憶是什麼?
3) 對當時做小學功課有什麼印象 ？
4) 你現金算讀書成績好、一般定係差
我答先
1) 無俾人迫讀書
2) 小學回憶只有玩，朋友同埋開心。
3) 我直頭無做小學功課的記憶
4) 成績一般
希望大家慷慨地留下少少數據，睇下數據可唔可以作為大家教下一代的參考。因一個人的個人經驗真的有限，謝謝!
作者: MASAYA 時間: 15-10-11 01:00
1) 冇人理我點讀書
2) 名次係我讀書既動力, 好勝心驅使我努力
3) 上堂偷做功課, 放學唔駛做功課, 未開始暑假已經做晒暑期作業, 盡情玩係我做功課既動力
4) 小一級四十, 之後進步到小四級十, 小五小六冇名次
不過當年就算英文八九十分, 對讀英中都冇幫助, 個陣我就知分數同能力根本冇關係, 我而家唔會再重蹈覆轍
作者: stockmike 時間: 15-10-11 01:35 標題: 回覆：好奇問問大家自己小學時
多謝回覆! 我明白 "好勝心係讀書動力". 但唔重蹈覆轍即係而家唔會太注重分數 ？
作者: YolandaTam 時間: 15-10-11 02:10 標題: 回覆：好奇問問大家自己小學時
1)父母無知識亦無意圖理我功課
2)小學印象: 被欺凌, 日日欠交功課, 上課時偷睇小說同畫公仔
3)5,6年級功課超多
4)小學時期年年頭五,攞學業獎, 中學成績中上, 高中不無端端中英文都級頭十
作者: stockmike 時間: 15-10-11 02:31 標題: 回覆：好奇問問大家自己小學時
日日欠功課但考頭五，你都很令人羨慕啊!
作者: 小曳人 時間: 15-10-11 05:04 標題: 回覆：stockmike 的帖子
1) 細個小學有或無俾人迫讀書？
迫我返工廠幫手趕貨就有，爸爸都會幫我默書嘅
2) 對小學時期的回憶是什麼?
有次欠功課被罸得好甘！足夠依家上報紙！
3) 對當時做小學功課有什麼印象 ？
功課當然要做，返全日，做完功課就開工
4) 你現金算讀書成績好、一般定係差
—路hea 住讀到大學畢業，成績唔好架！我估我有專注力不是嘅問題
作者: Potato001 時間: 15-10-11 06:59 標題: 回覆：stockmike 的帖子
1) 細個小學無俾人迫讀書, 小二小三開始自己溫習，識highlight重點，將課文用錄音機錄起，播出來聽，但一邊溫書一邊瞓覺
2) 校長的「格言」、好多老師和同學移民、小一中文書和數學書第一課內容，仲記得我問阿媽點解數學又教番幼稚園啲野 (數1-20)、小息有咩食、課外活動
3) 功課唔多，內容唔記得，但我間開一格格，寫得好整齊
4) 小學當時5個band來說是band 1尾band 2頭，小一至小五考過全班第一，小六成績表冇寫名次，應該唔係頭三名但都全部A ，中學band 2年年考第二、三名，大學first hon 和 dean list
作者: 小謙伯伯 時間: 15-10-11 08:41
1) 細個小學有或無俾人迫讀書？
從來沒有被迫讀書，食完玩完睇完電視太過游手好閒時才會被「叫」讀書。
2) 對小學時期的回憶是什麼?
由於家庭關係，小時候顛沛流離，讀過四間小學，由地下轉到獨立校舍轉到天台再轉回地下。每到一個新環境都無法同人埋堆，總是形住人地識自己唔識(如球類活動)。讀書方面就全無問題，雖然四間學校之間英文和數學明顯有教快教慢的情況，但考試一直都保持到全級頭三名內，五年級時還代表學校參加了殷巧兒那個小學常識問答比賽《溫故知新》。六年級考升中試，有幸入到「名校」，從此終身對名校產生免疫，全不「感冒」，可說是一大得著。
3) 對當時做小學功課有什麼印象 ？
無印象，從來都是自己做的，三爬兩撥就做完。高年級時會有老師間中私人醒兩三本補充練習，是對學生的照顧，都是看心情和興致來做。
4) 你現金算讀書成績好、一般定係差
小學時期絶對是天才橫溢。中學則無心戀戰，表現平平。能夠入到大學，靠的不過是爛船剩下的那三斤釘。
作者: stockmike 時間: 15-10-11 09:01 標題: 回覆：好奇問問大家自己小學時
多謝大家繼續回復，大家都三歲定八十，似乎未有逆轉過案。我自已小學成績平平，中學也平平。
作者: longlokma 時間: 15-10-11 10:18 標題: 回覆：好奇問問大家自己小學時
1) 細個小學有或無俾人迫讀書？
冇，自己會自動自覺
2) 對小學時期的回憶是什麼?
太多回憶喎
3) 對當時做小學功課有什麼印象 ？
简單、容易
4) 你現今算讀書成績好、一般定係差
ok嘅
作者: bee_eed 時間: 15-10-11 10:30 標題: 回覆：好奇問問大家自己小學時
1)都算有俾人迫讀書，媽媽好緊張我嘅學業。屋企人會唔開電視來就我溫書，做功課。小學時期屋企環境都唔算好，但係媽媽仍然會比我去係私校讀書，因為程度同校風都較有保證，唔會就近入學，情願要比學費，搭褓姆車，多左洗費。
2)唔算有好深刻嘅回憶。淨係記得小學一，二年班要八點鐘就瞓覺，但係有時會瞓唔着。咁八點半嘅時候，聽到射雕英雄傳定係神雕俠侶嘅主題曲，我就會好驚
點解自己會瞓唔着
3)小學一二年班有一個太太揍我，佢好緊張小朋友寫字靚唔靚。訓練我就算大個咗都頂唔順啲醜樣嘅字。我做功課應該都屬於快，最憎就係啲抄寫功課。
4)小學讀書成績全班十幾，但我係平日唔溫書嘅，淨係考試測驗前先會溫。正常中學，大學。我老豆成日話我成日都係靠好運
作者: Doray 時間: 15-10-11 11:25
1) 細個小學有或無俾人迫讀書？冇, 不過媽咪係FTM. 功課考試测驗從來唔補習，亞媽亦從來唔知唔理。
2) 對小學時期的回憶是什麼?
學規好嚴，老師好惡，如果臨尾發現冇做功課會驚到一路做一路喊。
3) 對當時做小學功課有什麼印象 ？
功課勁多，可以一次抄三十幾個詞語每個都唔記得八次先九次，因為係因细格薄抄，總之成行fill 哂。
4) 你現今算讀書成績好、一般定係差
當時學校英文教深，但唔知係唔係大女，從來唔覺得讀書難，每次臨急抱佛腳，一二年班大部份100分，三四年班總平均分95~98.5, 6 年班全A 除數學，當時5個band 時的band one 生，不過中學第一志願女拔唔收，就係咁上咗成日話自己係地區名校的聯繫中學, 因為老師係咁induce 我地擺佢係第二志願，我到宜家都覺得俾佢跣咗(校長自己成日咁講我都不以為然，心裏成日笑佢自吹自擂，近年先知坊間真係覺得佢係地區名津)，冇風冇浪咁讀中學同大學，從來都冇為冇書讀或讀唔掂烦惱過，(數學除外 (雖然唔會唔合格，但讀嗰陣印象是痛苦嘅，不過到中三為止，因为文科唔駛數，)
又時覺得如果當時亞妈迫我勤力啲，可能我可以更上一層樓，但又多謝佢從來冇迫我，所以自覺心理質素唔錯，哈哈！
作者: stockmike 時間: 15-10-11 11:33 標題: 回覆：好奇問問大家自己小學時
大部份都無被迫讀書，大部份也能完成大學，但又大部份三歲定八十。好迷惘
作者: stockmike 時間: 15-10-11 11:34 標題: 回覆：stockmike 的帖子
無得 preview, 用錯 icon, 請勿見怪，sorry!
作者: MASAYA 時間: 15-10-11 12:05
stockmike 發表於 15-10-11 01:35 
多謝回覆! 我明白 "好勝心係讀書動力". 但唔重蹈覆轍即係而家唔會太注重分數 ？
...
作者: 786 時間: 15-10-11 12:25 標題: 回覆：好奇問問大家自己小學時
地區名小和名中全級頭5、因為家窮，媽咪話唔努力讀書會乞食
作者: momama 時間: 15-10-11 12:53 標題: 回覆：好奇問問大家自己小學時
1）小一家姐幫我默過一次書，從此冇人理 。 2）家境好一般，爸媽要揾食，所以就係返學同放學。 3）做功課就係一邊聽收音機一邊睇譚玉英姐姐去做 4）小二考中默可以唔合格，成績好一般，唔好勝，但考試自己會讀書，成績慢慢追上，小學尾去到十名內，中學時基本係頭幾名 （中四試過德育唔合格），會考中英數全A，直入中大，後來補多個碩士。
作者: momama 時間: 15-10-11 12:58 標題: 回覆：好奇問問大家自己小學時
呢個題目好有趣，我估好多人都係根據自己嘅經驗去教細路。我主張放手，但我老公認為要管；我由玉郎漫畫創刋號開始睇，所以我而家同佢哋一齊睇100毛
作者: stockmike 時間: 15-10-11 13:44 標題: 引用：Quote:stockmike+發表於+15-10-11+01:35+多
原帖由 MASAYA 於 15-10-11 發表
考試只佔能力好少部份, 識得考試其實好易拎高分, 但未必需要好叻, 而家教女係教佢地點學習, 任何時間任何地 ...
作者: Doray 時間: 15-10-11 14:27
本帖最後由 Doray 於 15-10-11 14:31 編輯
回覆 stockmike 的帖子
都啱，見盡好多讀書叻但心理質素唔好，又鐘意同人比較又怕蝕底，成日為咗爭老细Attention而唔開心，講就天下無敵，execute 就有心無力，日日怨婦咁 (男女皆是), 真係唔知為乜！
所以我在意小朋友學習態度，分數睇嗰次是佢hea 做定因為佢未grab 到個knowledge而唔識去決定炳唔炳佢。
作者: IloveJJ 時間: 15-10-11 23:08 標題: 引用：大部份都無被迫讀書，大部份也能完成大學，
提示: 作者被禁止或刪除 內容自動屏蔽
作者: HaYi 時間: 15-10-12 10:33
1) 細個小學有或無俾人迫讀書？
完全冇,阿爸阿媽番工, 小二前有去人地家庭托管,幫手埋照顧人地幾個小朋友, 小三開始是獨留在家個D, lunch,+功課 +, zz + reading + TV
2) 對小學時期的回憶是什麼?
睇卡通, 畫卡通公仔. 睇小說, 成績表老師通常是好, 不過都說好靜
3) 對當時做小學功課有什麼印象 ？
努力一早做晒可以做自己野, 有dict 就自己tape 左播番.
長期保全級頭 (2線屋村小學)
4) 你現今算讀書成績好、一般定係差
算好, 起碼幾個不同範圍的學位..
* 同依家小朋友要學好多樣野, 又番全日, 功課又多肯定不同, 不過冇人理之下都可以靠自己都算OK, 悠悠閒閒上到現時band 1中學
作者: chanwendy 時間: 15-10-12 10:39
1) 細個屋企都冇理我功課, 因為父母唔識, 家姐亞哥個個顧自己功課, 除非真係唔識開聲問, 否則冇人會過問.
2) 小學回憶咪返學放學做功課溫書囉, 當然仲有一大堆校園點滴, 同學間的相處.
3) 小學功課都多, 高小都會一日 9 樣功課, 真係做到六七點要食飯先做得完, 但我又唔討厭做功課喎, 認真做完功課已等同溫了書了.
4) 成績叫唔差, 比上不足, 比下有餘嗰種囉.
而家睇亞女, 我覺得佢幸福過我千倍, 雖然某啲科目好似中英文咁比我以前深啲, 但整體功課量唔多, 至少佢唔識我都可以教佢. 默書評估又唔算多, 雖然有時會一星期評幾科, 但每科都只係2-3 課, 而且早1-2 星期已經通知, 有好充足的時間溫書. 反而我細個一年四考, 每次考試前必經中英數各4 測, 社科健經各2 測, 再每星期中默英默各一, 其實係未停過. 我女而家叫好輕鬆, 只少今日評估, 我地尋日仲可以去玩半日.
作者: wan_sosin 時間: 15-10-12 11:07 標題: 回覆：好奇問問大家自己小學時
你呢個討論其實都唔錯，但上EK嘅家長，相信普遍教育程度唔低，所以好似得出嚟係偏向細個無乜比家人迫，但大個都有唔錯學歷！始終以往嗰代，唔多父母有時間，有能力監管小朋友，小朋友本身資質好，或自己識諗，就讀得好囉！但其餘呢？
其實相信而家父母，點都唔會學以前咁，完全唔問，唔理，但如何適當培養小朋友，變咗有好多唔同睇法！
作者: Feimum 時間: 15-10-12 11:49 標題: 回覆：wan_sosin 的帖子
贊成，時代不同，方法自然有變，不能和我們上一代比。我自己有兩個小孩，年齡相差八年，都感受到他們外在因素有很大改變。
作者: S-Kwok 時間: 15-10-12 12:33 標題: 回覆：好奇問問大家自己小學時
上得嚟EK, 大部分都係希望仔女好，自己諗唔到，都希望可以喺呢度揾到啱自己小朋友嘅方法幫助佢地改善成績、態度等等
作者: 傻太 時間: 15-10-12 13:13
本帖最後由 傻太 於 15-10-12 13:44 編輯
1) 細個小學有或無俾人迫讀書？無人迫做功課/溫習, 但考開第一(村校), 家人&其他人(包括老師)都有期望, 望番轉頭覺得好討厭
2) 對小學時期的回憶是什麼?
行路番學, 放學仲可以睇卡通片
3) 對當時做小學功課有什麼印象 ？
功課又真係無乜印象
4) 你現金算讀書成績好、一般定係差
家人乜都唔識, 由補習老師揀中學, 入左間band 1中學, hea到大學畢業, 出黎做野再part time讀埋Master, 算係咁…
**我小朋友剛上小一, 我自己情緒都好低落, 不過主要係低估左車程遠帶來的影響; 孩子直資學校不算多功課, 但都有功課、默、測壓力; 其實我明白孩子學校的收生學術門檻頗高, 要在裡面考得前不容易, 但每次知派卷(計入名次分的task)就會在回家前有點忐忑, 一邊同自己講幾多分唔緊要, 一邊又希望佢滿分, 我都覺得自己好討厭
作者: stockmike 時間: 15-10-12 13:25 標題: 回覆：好奇問問大家自己小學時
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同，但內容總有值得細味的地方。起碼至今我個人認為細個成日被逼讀書，大個變成兩極(多個學位或放棄讀書)的個案並不常見。反而從大家分享中我見到能完成大學的除了少時無被迫讀書外，也都會快手快腳盡早完成功課趕去玩，在看完後發現小時態度也肯緊要，無人唔做罰留堂都去玩，反而無逃避有計劃地去諗玩。我也明白最好的參照是剛投身社會的人，但那些人不會在此 forum 出現。
作者: ylmanhk 時間: 15-10-12 13:36 標題: 引用：我提出此討論是希望睇下大家童年功課多少及
原帖由 stockmike 於 15-10-12 發表
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...
包括自己！
作者: MASAYA 時間: 15-10-12 13:40
stockmike 發表於 15-10-12 13:25
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...
作者: 傻太 時間: 15-10-12 13:50
stockmike 發表於 15-10-12 13:25
我提出此討論是希望睇下大家童年功課多少及家庭態度處境點樣影響將來學業成就(真係純講學業)？雖然年代不同 ...
以前資訊如何可比?
以前學能測驗如何可比?
正如不食人間煙火既另一半產個小朋友(只因當晚小朋友夜了返, 太趕我幫忙執第二天的餐具), 我也怪獸地產番佢: 責任? 呢d叫責任? 呢d係一個6歲小朋友應該要背負的責任???
作者: S-Kwok 時間: 15-10-12 14:31 標題: 回覆：好奇問問大家自己小學時
其實真係無得比，只能夠憑自己嘅經驗、配以現代嘅要求去做。無論自己當年讀唔讀到書，大家都會希望可以憑自己經驗去教小朋友，或上嚟睇吓有咩啱用，大家交流吓心得
作者: wan_sosin 時間: 15-10-12 14:35 標題: 引用：Quote:stockmike+發表於+15-10-12+13:25+我
原帖由 傻太 於 15-10-12 發表
以前課程如何可比?以前在校時間如何可比?
以前資訊如何可比?
以前學能測驗如何可比?
6,7歲細路仔就要時時刻刻專心認真唔偷懶，大人都做唔到。
什麼叫良好態度？幼稚園學初小課程？初小要考頭十名，做唔到叫態度差？
一星期學無數興趣班，唔想學，學唔好叫態度差？
比D空間小朋友，家長都比D空間自己，小朋友做錯一條題目，寫錯一個字，是否第日就學唔返，會唔識？我小學次次默書0蛋，唔見得我而家唔識寫字！
唔好意思，借題發揮下！
作者: S-Kwok 時間: 15-10-12 15:16 標題: 引用：Quote:原帖由+傻太+於+15-10-12+發表以前課
原帖由 wan_sosin 於 15-10-12 發表
真心明白你嘅心情，小朋友係要努力學習負責任，但唔等於唔需要大人協助！
6,7歲細路仔就要時時刻刻專心認真 ...
我經常會同仔講，你做到滿分但如果態度唔好，爸媽唔欣賞，相反，即使唔係做到滿分，但學習態度認真，爸媽會欣賞，而因為學習態度好，好快就會學習得更多更好。
作者: wan_sosin 時間: 15-10-12 15:44 標題: 引用：Quote:原帖由+wan_sosin+於+15-10-12+發表
原帖由 S-Kwok 於 15-10-12 發表
態度真係好緊要，態度影響學習。
我經常會同仔講，你做到滿分但如果態度唔好，爸媽唔欣賞，相反，即使唔係 ...
有時見D家長係要求過高，但會話係個小朋友態度唔好！
作者: yankaka 時間: 15-10-12 16:15
S-Kwok 發表於 15-10-12 15:16
態度真係好緊要，態度影響學習。
我經常會同仔講，你做到滿分但如果態度唔好，爸媽唔欣賞，相反，即使唔係 ...
你呢幾句講得好好呀! 可以keep起做金句用!
作者: S-Kwok 時間: 15-10-12 16:48 標題: 引用：Quote:原帖由+S-Kwok+於+15-10-12+發表態度
原帖由 wan_sosin 於 15-10-12 發表
態度係重要架，但態度好嘅定義要搞清楚，係小朋友已盡力，還是要做到父母要求叫學習態度好呢？
有時見D家 ...
作者: RiboMM 時間: 15-10-12 22:34 標題: 回覆：wan_sosin 的帖子
好好生活之態度，發現有趣事物之態度，遇事幽默開朗之態度。。。。都比老老實實聽話讀書之態度更為重要，更值得培養及鼓勵。
作者: Gooblovebb 時間: 15-10-12 23:59 標題: 回覆：好奇問問大家自己小學時
1)細個冇被迫讀書，但會自動自覺，不過講緊係考試前
2）小學嘅回憶：睇住同學被體罰、有好多人追（柴娃娃式）、好開心
3）功課係高小會多D，但冇壓力，每日縂可落去玩同睇電視
4）小學成積係好果幾個，入到band one 中學後成績更好，喺高中全級第一，入U後first hon grad, 不過宜家做緊C9
作者: stockmike 時間: 15-10-13 00:25 標題: 回覆：好奇問問大家自己小學時
真係末有逆轉個案，個個仍然三歲定八十，套在而家都可能啱用。
作者: akys 時間: 15-10-13 01:33
1) 細個小學有或無俾人迫讀書？
冇, 阿爸阿媽番工, 偶爾叫爸爸幫默書。平時唔會溫習，考試前先溫--依家會喺考試前兩個禮拜叫阿仔溫習。
2) 對小學時期的回憶是什麼?
曳！成日見家長，打手板，罰抄。成績前列。
3) 對當時做小學功課有什麼印象 ？
大部份喺學校做晒，返屋企玩同睇小說－呢樣阿仔學到足。
4) 你現今算讀書成績好、一般定係差
Hea住入B1中學，Hea住讀完個學士。再更加Hea讀埋個MBA
作者: teambuilder 時間: 15-10-13 04:07
1) 點為之逼？我情況係阿媽唔教，但成績差會打罵。
2) 回憶係同同學相處的事
3) 冇乜印象，只記得每日做六個鐘功課
4) 成績差，入band2學校，繼續成績差入U
作者: little_yolky 時間: 15-10-13 09:09
stockmike 發表於 15-10-11 00:33
首先希望大家唔好介意講
1) 細個小學有或無俾人迫讀書？
2) 對小學時期的回憶是什麼?
2) 對小學時期的回憶是什麼?
好快樂, 因為成績好, 所以大家都好錫我。
3) 對當時做小學功課有什麼印象 ？
無印象, 因為好快就做完、溫完書, 跟住睇電視。
4) 你現金算讀書成績好、一般定係差
因為小妹細個時過目不忘, 並精通答題技巧, 所以讀書成績好。無風無浪讀大學。不過, 因為英文底子差, 所以入到大學科英文都追到氣咳。
作者: IloveJJ 時間: 15-10-13 10:11 標題: 引用：首先希望大家唔好介意講
1)+細個小學有或無
提示: 作者被禁止或刪除 內容自動屏蔽
作者: IloveJJ 時間: 15-10-13 10:16 標題: 回覆：IloveJJ 的帖子
提示: 作者被禁止或刪除 內容自動屏蔽
作者: IloveJJ 時間: 15-10-13 10:19 標題: 回覆：IloveJJ 的帖子
提示: 作者被禁止或刪除 內容自動屏蔽
作者: IloveJJ 時間: 15-10-13 10:24 標題: 回覆：IloveJJ 的帖子
提示: 作者被禁止或刪除 內容自動屏蔽
作者: stockmike 時間: 15-10-13 10:30 標題: 回覆：好奇問問大家自己小學時
上得 EK 大部份受過大學或以上的教育，唯有自我安慰自己都有份討論。我暫時睇到大部份上到大學都唔使被人迫讀書，同小時鍾意快手快腳做功課趕去玩。雖然不能以遍蓋全，但很值得我參考
作者: IloveJJ 時間: 15-10-13 10:30 標題: 回覆：好奇問問大家自己小學時
提示: 作者被禁止或刪除 內容自動屏蔽
作者: IloveJJ 時間: 15-10-13 10:37 標題: 回覆：IloveJJ 的帖子
提示: 作者被禁止或刪除 內容自動屏蔽
作者: MASAYA 時間: 15-10-13 11:11
IloveJJ 發表於 15-10-13 10:37
little_yolky 你到底有幾多個細佬
就係3個囉！
有個細佬有一個家姐一個大佬一個細佬
仲有個細佬有一個家姐兩個大佬
人才仔仔 
作者: 魚兒小寶貝 時間: 15-10-13 11:45
1) 細個小學有或無俾人迫讀書？
好多兄弟姐妹，爸媽唔得閒理我地。
2) 對小學時期的回憶是什麼?
落樓下平台玩
3) 對當時做小學功課有什麼印象 ？
唔算太多功課，d 作業比較簡易，我寫字慢，最憎做抄寫！
4) 你現金算讀書成績好、一般定係差
差，會考唔合格。
我應該有過度活躍及讀寫障礙，耐何不被發現，獨自苦苦掙扎！但我自細好鍾意睇書，種類亦好闊，如果有人幫或引導，成績唔會太差。
阿b 一歲幾已開始同佢蒲圖書館書店，陪讀是必然的，但更重要陪玩。因為我鍾意睇書，所以有刨育兒書，我會針對個仔既問題睇書搵方法改善。
明知自己錢又冇墨水又冇，學業上幫唔到佢幾多，所以老早訓練佢自學自理。。。我又諗，以前d 人冇人理都讀到大學，所以我唔做跟得阿媽，有責任感既人比高分强吧！
作者: YanKanMom 時間: 15-10-13 12:12
1) 細個小學有或無俾人迫讀書？
無人迫，阿爸想我早點出來做嘢幫補家計。
2) 對小學時期的回憶是什麼?
算美好的，在大多數同學還是懶懶散散的時候，我會臨考前溫習，故可名列前矛。
3) 對當時做小學功課有什麼印象 ？
有就第一時間做好它，實行先苦後甜的做法。
4) 你現金算讀書成績好、一般定係差
小聰明的好處只可維持至初中階段。中學官校同學有兩批，一批是恆常溫習操卷，一批是hea住讀的，我屬第二批。當年有一個錯誤觀念，想不勞而獲，即用最少的時間獲得好成績，結果入唔返原校升讀預科。預科去了一間私校就讀，讀完便出來工作。工作期間讀晚間課程，婚後停了工作三年讀大學。這三年是我人生最認真讀書的三年，結果1st Hon畢業。畢業後工作數年再讀晚間碩士課程，又回復hea住讀的情形，最後也畢了業。
作者: IloveJJ 時間: 15-10-13 13:02 標題: 引用：1)+細個小學有或無俾人迫讀書？好多兄弟姐
提示: 作者被禁止或刪除 內容自動屏蔽
作者: S-Kwok 時間: 15-10-13 16:42 標題: 引用：Quote:stockmike+發表於+15-10-11+00:33+首
原帖由 little_yolky 於 15-10-13 發表
1) 細個小學有或無俾人迫讀書？無人迫讀書, 阿媽只拋一句：我最錫俾心機讀書既小朋友.....咁, 你自己識做啦 ...
作者: little_yolky 時間: 15-10-13 17:15
本帖最後由 little_yolky 於 15-10-13 17:15 編輯
IloveJJ 發表於 15-10-13 13:02
無錯!贊同責任感先最重要! 而家後生一輩俾人話咁多問題，我覺得就係佢地既態度問題，如:責任感、勤奮不足， ...
我都成日諗, 就算讀書不成, 但起碼有我哋果輩人既工作態度, 加埋個靚樣, 都應該搵到工做既
作者: Charlotte_mom 時間: 15-10-13 17:42
1) 細個小學有或無俾人迫讀書？
有, 父母係傳統地覺得"唔讀好書你第2時就做乞衣"果種, 全部要背, 連聖經都要背到一字不漏, 恰著左都拍醒你繼續背
2) 對小學時期的回憶是什麼?
讀讀讀, 背背背, 如果功課做得快有得出街(媽媽係FTM好怕坐屋企, 奈何細佬唔生性)
3) 對當時做小學功課有什麼印象 ？
唔記得LU, 做做做LOR
4) 你現今算讀書成績好、一般定係差
唔錯啦
作者: Charlotte_mom 時間: 15-10-13 17:49
小學時從未考過10名外, 因為阿媽迫住上, 差一分都開片果種
到初中, 阿媽唔識英文, free晒~! 入到大學真係一額汗(講真), 入到大學當然都唔係叻果隻啦, 不過叫順利畢業lor
我份人, 自問有小聰明, 但懶, 所以會以最少時間最shortcut方法完全任務 (又唔會唔做), 讀書一樣, 怕背野, 吹水就叻, 所以背最少嘅內容然後努力勁吹, 點都執返d分返黎(山大斬埋有柴法)......咁lor
作者: LuckyFish 時間: 15-10-13 22:16 標題: 回覆：好奇問問大家自己小學時
1. 無被迫讀書， 但成績唔好會比人罵
2. 小學回憶: 成日發夢同玩
3. 功課印象: 無乜
4. 學業成績: 初小中下，小六差不多科科c，中學是以前band 1-5 中的多band 3學校，未讀過精英班，中一至三都好hea, 中三識驚，因為升中四6班只升4班，於是發奮，升到中四又hea過，到會考第一年得幾分，之後repeat勁發奮考到17分，之後又hea返至大學畢業。 有一樣嘢想講嘅係，我從小到大有閱讀習慣，所以會考高考的中英文成績都不好。
作者: LuckyFish 時間: 15-10-13 22:17 標題: 引用：1.+無被迫讀書，+但成績唔好會比人罵
2.+
原帖由 LuckyFish 於 15-10-13 發表
1. 無被迫讀書， 但成績唔好會比人罵
2. 小學回憶: 成日發夢同玩
作者: btrue 時間: 15-10-13 23:04
1) 細個小學有或無俾人迫讀書？
有, 家姐年年考第一, 父母成日叫我學下佢
2) 對小學時期的回憶是什麼?
6樣課外活動,其中一樣一星期兩堂,好忙.
3) 對當時做小學功課有什麼印象 ？
一小時內完成因趕時間
4) 你現今算讀書成績好、一般定係差
全級頭十名內,不過未試過第一
作者: gigishirley 時間: 15-10-13 23:32 標題: 回覆：stockmike 的帖子
1) 細個小學有或無俾人迫讀書？
小一至小四都有，到左小五媽咪開始放手，靠自己，果時先開始知點可以默書攞高分，就係反覆温習，但如果預到unsee diction就攞唔到高分。
2) 對小學時期的回憶是什麼?
默書不太辛苦，但測驗考試前幾日便開始温，累了睡10分鐘又再温，直到深夜才訓。
3) 對當時做小學功課有什麼印象 ？
每日功課都不少，但做功課所需時間不太多，做完功課有時間會睇返課本或睇卡通片。
4) 你現（在）算讀書成績好、一般定係差
小學後期及初中成績都好，靠死記，不過天生記性唔好，要比其他人加倍努力才記到，記完就好多都好快唔記得了。覺得教育制唔度唔好，初中死記可高分，但到高中以上要自己思考，成績便一落千丈。
作者: yovin 時間: 15-10-14 03:35
本帖最後由 yovin 於 15-10-14 03:38 編輯
1) 細個小學有或無俾人迫讀書？
無, 實在成績太差,所以父母迫我落鋪幫手,學做生意ｏ
2) 對小學時期的回憶是什麼?
全班四十人,永遠考3x。是班中成績最差嘅女仔之一,所以女同學視我為壞份子,我只得一個朋友(因她成績同我叮噹馬尾)
3) 對當時做小學功課有什麼印象 ？
馬虎完成,因趕時間去幫手父母工作。所以成日俾先生鬧 , 最嚴重係校長要見我媽媽,叫她督促我成績。
4) 你現今算讀書成績好、一般定係差?
OK啦 ! 自然順利入Band 3中中, 中二突然有一晚睡不着開竅咁讀哂考試範圍,結果有份卷全級第一,人生才開始學讀書。中五緊緊升中六,中六中七全級頭三,但底打得差,好辛苦才入到Band 3大學。大學識到好朋友,遇上啓蒙老師,努力讀書,結果俾我考到北京大學碩士入場券。
作者: momoemo 時間: 15-10-16 17:41
本帖最後由 momoemo 於 15-10-16 17:42 編輯
1) 細個小學有或無俾人迫讀書？
印象非常深刻：背x數表背極都唔識，俾亞媽失控軍炸我，打打鬧鬧，我就...喊到豬頭，其後冇乜印象亞媽有迫我讀書既情景，
2) 對小學時期的回憶是什麼?
但記得小學只要同有關成積既就有驚恐既感覺，
好鐘意玩跳繩，好其待小息響鐘既一刻
3) 對當時做小學功課有什麼印象
馬馬虎虎，一冇做功課就好驚俾老師寫手冊
4) 你現今算讀書成績好、一般定係差?
小學就知父母有其望成積好，但唔算迫讀書
派中學派到band5，亞媽超驚，最後考入band3
中五 -完
作者: hohoyy 時間: 15-10-16 17:53
但時代已經不同了................................
作者: wister 時間: 15-10-16 21:02 標題: 回覆：stockmike 的帖子
細個時除左用好多時間讀書外，都仲有好多親子時間（因為返半日），所以都尚算開心。究竟依家啲小朋友嘅快樂回憶響邊呢？
作者: 201102 時間: 15-10-19 16:54
回覆 yovin 的帖子
Hi, yovin
4) 你現今算讀書成績好、一般定係差?
OK啦 ! 自然順利入Band 3中中, 中二突然有一晚睡不着開竅咁讀哂考試範圍,結果有份卷全級第一,人生才開始學讀書。中五緊緊升中六,中六中七全級頭三,但底打得差,好辛苦才入到Band 3大學。大學識到好朋友,遇上啓蒙老師,努力讀書,結果俾我考到北京大學碩士入場券。
--->其實我初中也試過發奮想讀書好些,但由於個底好錯好多嘢吾明追不上.
可否講吓你怎樣追回上來,個底咁錯要追到上大學真的要有超人的
意志,抗拒引誘, 是不是有特別方法讀書呢? 可否分享你的經驗.
1) 細個小學有或無俾人迫讀書？
有,但好多嘢聽吾明又無人教.
2) 對小學時期的回憶是什麼?
玩多,睇電視,溫書但又溫吾入腦.
3) 對當時做小學功課有什麼印象 ？
少功課,可能我無人教,不懂做的又冇人問….
4) 你現今算讀書成績好、一般定係差?
成績不好,出來工作好多年後再讀HKU diploma,成績一般
作者: little_yolky 時間: 15-10-19 17:12
本帖最後由 little_yolky 於 15-10-19 17:13 編輯
wister 發表於 15-10-16 21:02
細個時除左用好多時間讀書外，都仲有好多親子時間（因為返半日），所以都尚算開心。究竟依家啲小朋友嘅快樂 ...
依家啲小朋友嘅快樂回憶響邊呢？
1. 家姐同阿妹玩
2. 阿妹同家姐玩
3. 同爸媽一齊出街去大草地/公園玩
4. 同屋企隻猫玩
5. 媽媽同阿妹瞓覺覺豬
6. 阿爸阿媽讚自己好乖好叻
7. 去酒店住
8. 出街食飯
9. 有雞食
所以, 記得最少生兩個。
作者: lalamike 時間: 15-10-19 19:01 標題: 回覆：stockmike 的帖子
生產值：3026 大宅7 天前 15-10-12
1) 細個小學有或無俾人迫讀書？
唔係被人迫，係自己好在意成績，因為一差咗少少就會比家人吋～eg「吓，今個學期考第三咋？！」
2) 對小學時期的回憶是什麼?
日日讀書讀到儍，非常非常辛苦！！！老師好惡，漏做漏帶功課會死，成績差咗又被歧視！
3) 對當時做小學功課有什麼印象 ？
返下午班，放學返家已經6點！趕快做一陣功課已經要食晚飯，食完全家勒令要熄燈瞓覚！做唔完惟有朝早起身再趕功課（印象中功課有10-13樣！），因冇人教，一般要好辛苦先趕到12點前完成返學！
4) 你現今算讀書成績好、一般定係差
成績好，但運氣唔好，在公開考試期間入咗醫院！結果公開試強差人意！萬幸翌年重考後都入返U！
作者: Rainy 時間: 15-11-16 16:49
1) 細個小學有或無俾人迫讀書？無.
2) 對小學時期的回憶是什麼?
大部份老師都好惡
3) 對當時做小學功課有什麼印象 ？
好多功課, 日日平均十幾樣, 最勁廿幾樣, 但唔知點解可以係學校做左好多, 返到屋企用一至兩粒鐘到已經做晒, 跟住食玩訓, 日日如是. 但曾經亦試過做功課做到半夜兩三點. 但次數不多. 好似比人罰抄一千次.
4) 你現金算讀書成績好、一般定係差
一般與好中間
| 歡迎光臨 教育王國 (/) |
Powered by Discuz! X1.5 |