教育王國

標題: 性格慢熱的小朋友在選校方面的建議 [打印本頁]

作者: Mobedon 時間: 15-11-30 10:32 標題: 性格慢熱的小朋友在選校方面的建議

囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動。但性格比較被動慢熱，說話總是細細聲的，相信interview 比較輸蝕，因為唔會等佢warm up。請問以大家經驗，什麼學校的面試形式會比較有把握有offer? 慢熱型小朋友通常有什麼學校offer呢？

作者: gglover 時間: 15-11-30 10:37

回覆 Mobedon 的帖子

我都想知, similar case here.

作者: five555 時間: 15-11-30 10:40

多報幾所小學當練習，賣旗，做義工，幫人之餘又幫到小朋友練大膽。
不要只報熱門學校，二，三線也報吓。

作者: HK-MAN 時間: 15-11-30 11:25

Mobedon 發表於 15-11-30 10:32
囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動 ...

大部份小用友都慢熱,...家長們自我檢討下,大部份係家長引致的.

作者: frogbobo 時間: 15-11-30 11:42

HK-MAN 發表於 15-11-30 11:25
大部份小用友都慢熱,...家長們自我檢討下,大部份係家長引致的.

小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收生價值是否所有小朋友都要跟? 家長自己諗清楚, 自己想要點樣既小朋友, 定係要 provide 一個人地想要既小朋友。

作者: loveDD 時間: 15-11-30 11:50 標題: 回覆：性格慢熱的小朋友在選校方面的建議

選思考學術題多，例如SFA，還有叩門時應該會有利。現實上樓主小朋友的性格也是很多香港小女孩的性格，要在直私小一面試時突出，也許需要找一項「專長」從而多加培訓去幫助。

作者: HK-MAN 時間: 15-11-30 11:50

frogbobo 發表於 15-11-30 11:42
小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收 ...

小朋友慢熱真係冇問題的,這我亦認同! 但有家長話自己小朋友慢熱既話,有冇方法去改變,咪要自我檢討下囉!

作者: ozduckie 時間: 15-11-30 12:04 標題: 回覆：性格慢熱的小朋友在選校方面的建議

我仔都是超級慢熱，但學術很好，聽教。k2時校長已經嚴重警告話真係要佢開金口先得。我花左好長時間要阿仔明白，面試時一定要主動同老師打招呼，一定問老師問題。然後我報左好多間學校面試當練習，等佢知道面試並不可怕。結果今年k3戰果尚算不錯，現有SFA 等幾個offer。雖然佢都仲係慢熱，但起碼佢知面試時應該點做，所以要小朋友自己明白適當時候做什麼係好緊要！

作者: gglover 時間: 15-11-30 12:04

回覆 Mobedon 的帖子

其實我真係想講, 而家d面試模式搞到慢熱型小朋友好慘, 慢熱又唔係罪, 又唔係缺點, 但現存面試模式令到慢熱變左缺陷咁樣。那些賣旗、做義工、多打招呼、多群體活動, 有好多都試過, 未試過的都準備會做, 但我發現小女就是不enjoy, 就像迫隻野兔不準跳, 要雙腿跑一樣, 雙腿跑一定快d嗎? 不一定呀! 你捉隻野兔黎睇睇!

慢熱型在很多層面有好處呀! 我發現我女兒的慢熱就是因愛觀察, 對人對事都非常細心, 極少做錯事, 學習亦迅速。可是, 就是在現存的面試當中很蝕底, 我真係覺得好陰功。

老老實實, 就算將來出社會做事, 慢熱也不吃虧呀! 做生意、做sales就話熱情會好d啫! 其餘咪一樣! 今年新鮮滾熱辣出爐港姐都係女拔出身, 慢熱寡言果個冠軍, 熱情多言果個亞軍呀! 最終又係真才藝真實力決勝負。

見到個女現在要不停改變本性來迎合出年的面試, 我真係好心傷, 但我又深深知道, 個個小一面試都係在短時間内分高下, 唉......

作者: retriever 時間: 15-11-30 12:31

回覆 Mobedon 的帖子

救恩

作者: RRRRGGGG 時間: 15-11-30 12:34 標題: 引用：回覆+Mobedon+的帖子其實我真係想講,+而

原帖由 gglover 於 15-11-30 發表
回覆 Mobedon 的帖子

其實我真係想講, 而家d面試模式搞到慢熱型小朋友好慘, 慢熱又唔係罪, 又唔係缺點, 但 ...

totally agree!

作者: hoihoima 時間: 15-11-30 12:35

Mobedon 發表於 15-11-30 10:32
囡囡今年k2，她喜歡閱讀，有禮貎，受教，有良好專注力，現就讀學術型幼稚園，十分喜歡返學，做功課也很主動 ...

我俾我的慢熱仔學下朗誦，等佢練大個膽。面試練習是重要的，在家也會同佢練

作者: fishchow 時間: 15-11-30 13:31 標題: 回覆：性格慢熱的小朋友在選校方面的建議

1st in 多數 group in, 10 揀1、2個入 2 nd in. 考快而準，有反應。我女一年前，不單慢熱，也缺乏自信。我冇理人話我是否怪獸，連學校面試班都冇上，出去 Train 足9個月，一星期一堂，偱序漸進。女女自己也很努力，目前有幾個二缐 offer, 滿足了！

作者: fishchow 時間: 15-11-30 13:34 標題: 回覆：性格慢熱的小朋友在選校方面的建議

我都有出面 train 朗誦。但獨自練的時間多至2個月，上場只是出2分鐘。如真系練口才，去故事班實際d。

作者: Mobedon 時間: 15-11-30 13:46

回覆 gglover 的帖子

Totally agree! 其實囡囡都有上緊故事班和Drama, 老師都說她其實warm up 了都肯參與和活潑，但我擔心interview唔會夠時間warm up. 對慢熱小朋友真的很慘！

作者: Mobedon 時間: 15-11-30 13:46

多謝大家答覆及意見！

作者: Happy_funny 時間: 15-11-30 13:55 標題: 回覆：性格慢熱的小朋友在選校方面的建議

找些多問學術的學校如 sfa tsl, 試下上短期面試班讓小孩熟習模式

作者: retriever 時間: 15-11-30 13:55 標題: 回覆：性格慢熱的小朋友在選校方面的建議

唔好花錢上什麼班，去多d 見下人，社會服務…

作者: muimui2 時間: 15-11-30 15:09

首先，慢熱不是罪。樓上有人話咩多數係家長做成，我諗只係你小朋友唔係呢類型，要明白呢個係性格，就等於唔係個個人都鍾意一輪咀同陌生人傾偈咁，唔係咩大不了。

我小朋友都係呢類型，到而家佢都有幾個offer, 雖然唔係咩一線名校，但係係適合佢嘅。我經驗係:
- 唔係間間學校都要揀好鍾意講嘢嘅小朋友，慢熱嘅小朋友反而相對比較守規矩，喺group in 會表現得聽教，都有學校喜歡嘅
- 如果女女學術好，更加唔駛驚，有一批學校單考學術，慢熱小朋友都無問題
- 太活動嘅學校自然會reject, 我又覺得無壞，因為真係mismatch。但一啲傳統啲又或者新派啲嘅直資都ok, 要睇緣份

最後，幫小朋友報多幾間，其實面試好多都係玩，佢哋開心嘅，試多啲就唔驚。

作者: 蕃薯仔媽媽 時間: 15-11-30 15:12 標題: 引用：Quote:HK-MAN+發表於+15-11-30+11:25+大部

原帖由 frogbobo 於 15-11-30 發表
小用友慢熱有什麼問題? 有什麼需要檢討? 小朋友是否只能夠主動? 快搶搭? 對任何陌生人都熱情回應?

主流收 ...

不得不比個讚你

作者: monchhichii 時間: 15-11-30 16:00 標題: 回覆：Mobedon 的帖子

我囡都是慢熱，每次面試都是唔出聲，但in左幾間後就開始有問有答，表現好好，我諗是in得多就習慣左，同佢in多d就ok

作者: PhilC 時間: 15-11-30 16:14 標題: 引用：回覆+Mobedon+的帖子其實我真係想講,+而

原帖由 gglover 於 15-11-30 發表
回覆 Mobedon 的帖子

其實我真係想講, 而家d面試模式搞到慢熱型小朋友好慘, 慢熱又唔係罪, 又唔係缺點, 但 ...

無錯。每個人的性格都唔同，慢熱冇罪的，做乜要迫小朋友去改呢？唔好話小朋友，有啲大人最叻吹水唔抹咀，但言之無物；有啲心思細密，唔係把口冇時停，但所講嘅都有見地嘅，咁你認為邊個叻呢？如果小朋友慢熱，但社交溝通冇問題，點解要佢改變呢？人人一個模咁先得咩？當然，係考小一呢個階段，往往係比較表面的，有啲學校計埋出入課室時間，15分鐘考一組十幾個小朋友，除開每人一分鐘，真係睇倒幾多嘢？邊個好笑容，邊個講多幾句嘢咪入圍囉，慢熱小朋友係比較蝕底。但千萬不要因為小朋友慢熱而抹殺佢其他優點，例如當你欣賞小朋友觀察細緻，思考慎密時，唔好埋怨佢反應唔夠人快；相反，當你猛讚小朋友聽話，叫佢做乜就做乜，唔會駁咀時，就唔好又怨佢唔夠創意，唔識think out of the box, 因為當佢真係咁多鬼主意時，你估佢仲係咪咁順從，你話乜就乜，唔識得挑戰你？講到呢度，梗會有啲人話，我小朋友乜都好，又乖又有創意，反應快得來又思考慎密，咩優點都有，佢嘅缺點就係冇乜缺點 blah blah blah. 但既然佢哋咁完美，唔明白一般人的情況，就無謂同凡人一齊討論呢啲係佢哋世界不存在的煩惱了。

作者: frogbobo 時間: 15-11-30 16:41

PhilC 發表於 15-11-30 16:14
無錯。每個人的性格都唔同，慢熱冇罪的，做乜要迫小朋友去改呢？唔好話小朋友，有啲大人最叻吹水唔抹咀，但 ...

全對!

作者: jason1978 時間: 15-11-30 19:18 標題: 引用：Quote:原帖由+gglover+於+15-11-30+發表回

原帖由 PhilC 於 15-11-30 發表
無錯。每個人的性格都唔同，慢熱冇罪的，做乜要迫小朋友去改呢？唔好話小朋友，有啲大人最叻吹水唔抹咀，但 ...

講出重點。

作者: whitepurin 時間: 15-11-30 19:20 標題: 回覆：PhilC 的帖子

Totally agree, 其實性格係天生的，尤其咁細個好難去改，我大女極內斂，但細女外向唔怕生保，兩個咪又係咁教。

個人經驗係，蝕底都無辦法，唯有報多幾間，我女無參加面試班，最後都叫有offer有waiting, 雖然不是什麼神校名校。另外一個途徑係操行d學術，有d睇學術做卷的，可能無咁睇重面試表現。

作者: joyjoy5354 時間: 15-11-30 22:34 標題: 回覆：性格慢熱的小朋友在選校方面的建議

我女明年先考小一！但她現在一見陌生老師係會大喊，吾係唔出聲咁簡單，請問大家我可以點幫她？

作者: 細芝麻 時間: 15-11-30 22:47 標題: 引用：Quote:原帖由+gglover+於+15-11-30+發表回

原帖由 PhilC 於 15-11-30 發表
無錯。每個人的性格都唔同，慢熱冇罪的，做乜要迫小朋友去改呢？唔好話小朋友，有啲大人最叻吹水唔抹咀，但 ...

你好有道理，我囝就係好聽話，但沒有創意，係面試期間我更加覺得佢係呢類型

作者: Mobedon 時間: 15-11-30 22:54

回覆 muimui2 的帖子

請問除了SFA，TSL，還有什麼學校的interview 較多考學術的？禮賢，德雅⋯？

作者: muimui2 時間: 15-12-1 10:55

Mobedon 發表於 15-11-30 22:54
回覆 muimui2 的帖子

請問除了SFA，TSL，還有什麼學校的interview 較多考學術的？禮賢，德雅⋯？ ...

TSL 唔係單考學術，慢熱小朋友可能會蝕底少少，但我都唔太肯定，因為我無考。只係有讀緊嘅家長分享過學校入面大部分小朋友都好主動，所以你反而要考慮下係咪適合。
就面試而言，sfa, aps, 禮賢，培道等都有單對單問問題環節，小朋友可能會較易適應。

但我自己覺得，除左面試之外，最重要係睇番學校本身適唔適合小朋友，俾你考到成手offer, 但學校唔適合又係弊，畢竟入讀後先見真章。

因為我小朋友都係慢熱型，我比較喜歡小班教學，有愛心，鼓勵每位小朋友嘅學校。

作者: muimui2 時間: 15-12-1 10:58

joyjoy5354 發表於 15-11-30 22:34
我女明年先考小一！但她現在一見陌生老師係會大喊，吾係唔出聲咁簡單，請問大家我可以點幫她？

...

我個女k2時見到陌生老師都係唔出聲架，唯有帶佢接觸多啲人，不停鼓勵佢，由少人啲開始，可能係一兩個家庭左右，出唻同人玩多啲，到出年佢再大啲又好啲架喇。

作者: ta__ta 時間: 15-12-1 11:14 標題: 回覆：Mobedon 的帖子

對於慢熱怕羞被動的小朋友，都係不外乎考多幾間，報多幾間二線，面試前比足心理準備佢地，和唔好一日見太多間學校。

啟思，啟基，崇真，雖然都係一大班咁見 (其實老師都有個別和佢地對答), 但見成兩個鐘。就算慢熱的都夠時間適應環境，老師亦有足夠時間了解佢地。

作者: finayeung 時間: 15-12-1 11:16 標題: 引用：首先，慢熱不是罪。樓上有人話咩多數係家長

原帖由 muimui2 於 15-11-30 發表
首先，慢熱不是罪。樓上有人話咩多數係家長做成，我諗只係你小朋友唔係呢類型，要明白呢個係性格，就等於唔 ...

想知你考左邊幾間，想參考下，因為阿女都係比較慢熱，想睇定啲學校明年報

作者: littledesigner 時間: 15-12-1 20:30 標題: 回覆：Mobedon 的帖子

我囡今年K3, 都係觀察型，但佢好喜歡靜静看書。我覺得呢D係佢性格，無話"洩"吾"洩"底。我亦吾會逼佢改性格，因為佢會好惨，大人都吾得啦，何況小朋友。佢現在都已進入優才3 in, 我已經覺得佢成功突破自己了。

作者: mimi靚媽 時間: 15-12-2 10:47 標題: 回覆：性格慢熱的小朋友在選校方面的建議

我仔都係慢熱觀察型，冇上面試班，但k2 有參加大半年故事班，我D媽媽朋友都覺佢明顯有進步，但性格始終是不能改變的，我亦唔想去改變佢。考左間活動教學，但冇2nd in , 我就知道阿仔唔係佢地杯茶。最後，有一間私校收左、一間waiting 要上堂，我都好開心啦！知道佢每次面試都盡左力，佢都有講返問D咩問題，我每次in 完都會讚佢叻仔！
其實媽媽都不要俾太大壓力自己，雖然好難話一D都冇，但盡量唔好令小朋友覺得考唔到心儀學校就好慘。我都係過來人，明白呢個過程係痛苦又漫長，始終人生要走的路還有很長遠的，加油！

作者: hippoo 時間: 15-12-21 16:48

up

作者: Ryan_baba 時間: 15-12-21 17:25

慢熱同怕羞嘅小朋友係小一面試時係會蝕底D, 但遊戲規則係冇得變, 唯有想辦法點令小朋友願意表現自己.

我個仔係K2時仲係唔敢單獨上興趣班, 返學時又唔會爭答老師問嘅問題. 如果繼續係咁, 小一面試只會喊住去, 喊住走. 我地就幫佢報左兩個興趣班同一個朗誦比賽. 講真, 果刻真係迫佢上堂, 可能係大過左, 頭兩堂都仲唔肯上, 到左第三堂開始, 佢自己肯入課室, 但一定要我地係門口等, 但其實佢入左課室之後係睇唔到我地嘅. 之後嘅朗誦比賽都得到一個小小嘅鼓勵獎. 我地係K2學期尾時報D早面試嘅學校, 當作熱身又好, 當做比佢知道面試模式又好. 意外地都得果兩間學校嘅offer. 到K3時, 開始報心儀嘅私直小學, 有左之前嘅經驗, 小兒每次都好投入面試, 最後雖不至收到好多offer, 但亦能入讀一間我們心儀嘅小學. 所以, 小孩係會成長, 慢熱嘅一樣可以改進, 只要大家努力!

作者: Cigaretteyip 時間: 15-12-21 18:08 標題: 回覆：性格慢熱的小朋友在選校方面的建議

Follow. Thanks for sharing.

作者: fany 時間: 15-12-21 20:52 標題: 回覆：性格慢熱的小朋友在選校方面的建議

我小朋友也是這樣，最後第一志願津小收，活動型直資也候補入了。我想佢學識表達自己，唔想佢變隱型人，最後選了直資。但性格真的是天生，同學們都很活潑，但佢仍然怕羞⋯不過相信隨著歲月，慢熱的性格可逐漸改善。

作者: XDXD3 時間: 15-12-21 23:23 標題: 回覆：Mobedon 的帖子

same as my girl. she applied around 10 schools, finally got accepted mostly by academic-oriented schools.
so, recommend to focus on academic and brief her about the intetview format before attending interview

作者: Mobedon 時間: 15-12-22 00:20

Thanks for sharing！

作者: 小曳人 時間: 15-12-22 03:58 標題: 回覆：性格慢熱的小朋友在選校方面的建議

有朋友女女都係呢種類型，GH failed. 但女拔收咗！

作者: monodad 時間: 15-12-22 04:07 標題: 回覆：性格慢熱的小朋友在選校方面的建議

雖然我知會俾人炳，但係我覺得interview班對慢熱嘅小朋友的而且確有幫助。

歡迎光臨教育王國 (/)