教育王國
標題: 軼事一則,但看到他對地道粵語理解為零 [打印本頁]
作者: stockmike 時間: 16-4-22 11:37 標題: 軼事一則,但看到他對地道粵語理解為零
我一向會叫小二的仔幫手買嘢。有日去到車仔麵檔門外,我叫他一個人入舖幫手去買碗“兜鎚窩麵”,佢有懷疑但照辦,當然笑到我同老世七彩。打蛇隨棍上,我轉口要“鞋口鞋麵”,佢問乜嘢來,我立即整個 “鞋臉樣”,到佢笑到七彩。跟手講“貓麵”,佢問我點解? 我一向意會, 差點唔識答. 原來我以為好普通佢知的嘢佢係唔識,又感受番小朋友是白紙,你敎佢 兜鎚窩臉 係You are welcome 都得。
作者: Yanamami 時間: 16-4-22 11:42
我都唔識……弊傢伙了~
作者: MASAYA 時間: 16-4-22 11:51
咁樣玩個仔,教佢去雲吞麵舖買細蓉啦
作者: acharsiu 時間: 16-4-22 11:52
死!我全部都唔識
作者: kayi0556 時間: 16-4-22 11:56
我都唔識
作者: hohoyy 時間: 16-4-22 12:21
我唔係好收到你想表達d咩..................
作者: longlokma 時間: 16-4-22 13:03 標題: 回覆:軼事一則,但看到他對地道粵語理解為零
兜槌窩麵係乜??
作者: fefemom 時間: 16-4-22 13:05 標題: 引用:兜槌窩麵係乜??
+
原帖由 longlokma 於 16-04-22 發表
兜槌窩麵係乜??
兜搥打(窩)臉
作者: kayi0556 時間: 16-4-22 13:07
睇多次, 終於知道樓主講乜
作者: stockmike 時間: 16-4-22 13:14 標題: 回覆:軼事一則,但看到他對地道粵語理解為零
我試過好認真解釋 火燒旗杆 同 啞子吃黃蓮,時候未到,講極都唔明。
作者: MASAYA 時間: 16-4-22 13:20
老實講,適當時候適當場所教俚語,應該好易明,否則你玩佢,佢會覺得自己好多野唔識,人地講乜都唔知,有害自信喎
作者: longlokma 時間: 16-4-22 13:27 標題: 引用:老實講,適當時候適當場所教俚語,應該好易
原帖由 MASAYA 於 16-04-22 發表
老實講,適當時候適當場所教俚語,應該好易明,否則你玩佢,佢會覺得自己好多野唔識,人地講乜都唔知,有害 ...
我反而認為同小一小二講呢d什麼兜槌窝脸比較粗俗,唔太恰當。
作者: stockmike 時間: 16-4-22 14:19 標題: 回覆:軼事一則,但看到他對地道粵語理解為零
個次佢反而好開心,真的可能有啲粗丕。
作者: wan_sosin 時間: 16-4-22 15:04 標題: 引用:個次佢反而好開心,真的可能有啲粗丕。
+
原帖由 stockmike 於 16-04-22 發表
個次佢反而好開心,真的可能有啲粗丕。
教佢兜口兜面,乸口乸面會唔會斯文D?
作者: neko1234 時間: 16-4-22 15:33
唔識
作者: 小謙伯伯 時間: 16-4-22 17:07
等我都分享一下我那個七歲讀二年級的姪女小妹的一則「軼事」先。
月前有一天我慣常地帶著圖書館借來的書給小妹,在校車落點接她,陪她上樓。她進昇降機時不知何故大聲說了句「公公出宮」,雖然昇降機內沒有其他人,但因為小妹平時都慣了口沒遮欄,很多屎尿屁的爛gag的,加上我沒有看電視的習慣,不知她說的是一齣電視劇的名稱,還以為她說的是「外祖父如廁」(公公出恭),就即時對她說:「呢度係『車立』黎架,唔好咁bad taste啦!」小妹登時大嗌:「我邊度有bad taste呀?我話公公出宮啫嘛!」
進屋後小妹就解釋說《公公出宮》是齣電視劇,講「身體的重要部位被剪左果d公公離開皇宮的故事。」我才意識到自己搞錯了。
回家上網查證之後,心裏很不舒服,隔天還是打了個電話給小妹,向她道歉:「伯伯唔啱,唔應該乜都唔知,就話你bad taste,搞到你唔開心,伯伯宜家同你道歉。」電話卻傳來小妹落落大方的說:「唔駛啦,我都無唔開心,算啦,唔駛道歉啦。」反而安慰翻我轉頭,真是抵讚。
作者: Wonderlady 時間: 16-4-22 21:24 標題: 回覆:軼事一則,但看到他對地道粵語理解為零
尼D俚語,俗語,一定要跟父母先學到,工人湊就乜都未聽過。
另外成口英文,自稱中文麻麻都唔會識。
作者: 無知人 時間: 16-4-22 22:34
x口x面完完全全係粗口黎架C兄 !
作者: Yanamami 時間: 16-4-22 22:36
煲多d电視电影应該会好d......尤是周星馳同王晶果d
作者: Jane1983 時間: 16-4-22 22:59
我女先好笑,有人係佢面前講「果d老嘢」,佢以為係「老爺爺」,我都無謂同佢解釋。
作者: Yanamami 時間: 16-4-22 23:48
識哂呢度d, 已算唔錯~
01 上山捉蟹(難上加難)/02 鬼揞眼 /03 有錢使得鬼推磨 /04 鬼畫符 /05 鬼拍後尾枕 /06 多個香爐多隻鬼 /07 呃鬼食豆腐 /08 扮鬼扮馬 /09 放飛機 /10 樹大有枯枝 /11 床下底吹喇叭(低聲下氣)/12 佛都有火 /13 老貓燒鬚 /14 拉牛上樹 /15 豬乸會上樹 /16 開籠雀 /17 兩頭蛇 /18 床下底劈柴(撞板) /19 玻璃夾萬(有得睇冇得使)/20 上面蒸鬆糕 下面賣涼粉 /21 掛羊頭賣狗肉 /22 大石砸死蟹 /23 倒瀉籮蟹 /24 賣魚佬洗身(冇晒聲(腥)氣)/25 煲電話粥 /26 冬瓜豆腐 /27 倒吊沙煲(窮到冇米)/28 十個沙煲九個蓋 /29 刀仔据大樹 /30 賊佬試沙煲 /31 冇柄遮(死撐) /32 甩繩馬騮 /33 馬騮執到桔 (執到寶咁開心)/34 運桔 /35 鬼食泥 /36 盲公食湯圓(心中有數)/37 食拖鞋飯 /38 食人隻車 /39 食碗面反碗底 /40 食死貓 /41 放葫蘆(吹噓)/42 放飛劍(吐痰) /43 企喺城樓睇馬打交(袖手旁觀) /44 飛象過河 /45 事急馬行田 /46 過橋抽板 /47 和尚擔遮(無法(髮)無天) /48 牛唔飲水唔撳得牛頭低 /49 冇鞋挽屐走 /50 馬死落地行 /51 捉到鹿唔識脫角 /52 一竹篙打一船人 /53 缸瓦船打老虎(盡地一煲)/54 船頭尺(度水) /55 黑狗偷食 白狗當災 /56 豬籠入水(八面亨通) /57 濕水炮仗 /58 菠蘿雞(一味靠黐)/59 單眼佬睇老婆(一眼睇晒)/60 狗仔抬轎(不識抬舉)/61 畫隻耳上牆(當你耳邊風) /62 摸門釘 /63 狗咬狗骨 /64 死雞撐飯蓋 /65 炒魷魚 /66 劏白鶴(湯白喝)/67 風扇底傾偈(講風涼話)/68 風吹雞蛋殼(財散人安樂) /69 打蛇隨棍上 /70 禾稈冚珍珠 /71 雞食放光蟲(心知肚明)/72 冇厴雞籠(自出自入) /73 籠裏雞作反 /74 一雞死一雞鳴 /75 老鼠拉龜(冇掟埋手)/76 扯貓尾 /77 捉黃腳雞 /78 貼錯門神 /79 龜過門檻(唔上唔落)/80 騎牛揾馬 /81 執死雞 /82 水過鴨背 /83 咁大隻蛤乸隨街跳
- 熱血時報網站連結 http://www.passiontimes.hk/article/02-24-2014/8899/
- Copyright © 2016
作者: MASAYA 時間: 16-4-23 00:28
作者: longlokma 時間: 16-4-23 04:37 標題: 回覆:軼事一則,但看到他對地道粵語理解為零
但要小心初小的孩子太细,攪不清俚語/成語/古語的分別,作文時胡亂的用上了
作者: MrBeast 時間: 16-4-23 19:10
唔介意的話可睇下ben sir
作者: little_yolky 時間: 16-4-23 19:36 標題: 引用:識哂呢度d,+已算唔錯~01+上山捉蟹(難上加
原帖由 Yanamami 於 16-04-22 發表
識哂呢度d, 已算唔錯~
01 上山捉蟹(難上加難)/02 鬼揞眼 /03 有錢使得鬼推磨 /04 鬼畫符 /05 鬼拍後 ...
今次死了,我大部分都識,真係唔認老都唔得。部分可能已經變咗dead language。
作者: Doray 時間: 16-4-24 00:03
我都有五分一係唔識,不過我都相信係關年紀同你細個身邊啲大人用幾多呢啲詞語有關,如果睇粵語長片多,就好多都識……
作者: anixon 時間: 16-4-24 08:30
Jane1983 發表於 16-4-22 22:59
我女先好笑,有人係佢面前講「果d老嘢」,佢以為係「老爺爺」,我都無謂同佢解釋。 ...
我個女細個講嘢唔正,跟人叫「是頭婆」,講咗「是姣婆」。
我教極都改唔到,最後教佢叫人「靚女」。
作者: Doray 時間: 16-4-24 17:56
anixon 發表於 16--24 08:30
我個女細個講嘢唔正,跟人叫「是頭婆」,講咗「是姣婆」。
我教極都改唔到,最後教佢叫人「靚女」。:happy ...
你個女勁搞笑,我地细個啲小朋友都會搞錯,嗌咗鼓油婆。
歡迎光臨 教育王國 (/) |
Powered by Discuz! X1.5 |