教育王國

標題: 高小通常每星期練幾耐鋼琴？ [打印本頁]

作者: frenchfries 時間: 16-8-28 23:08 標題: 高小通常每星期練幾耐鋼琴？

琴老師說"四級以上，三首歌加scales, 練3次也不止45mins了", "上堂很積極學及記及問，每星期練四日，學得成機會有八成"
大家是否都有那麼多時間練琴？

作者: mansum92 時間: 16-8-28 23:51 標題: 回覆：frenchfries 的帖子

每天大約練一小時。再學上去，一首曲彈一次都十幾廿分鐘，彈多幾首分分鐘要練多過一個鐘。

作者: cmchang0927 時間: 16-8-29 01:13

回覆 frenchfries 的帖子

未到考試前三個月，我D仔女每日盡量練30分鐘左右，就到考試就45分鐘左右。。日日又要做功課，又有測考默書，又有其他課外活動，已經好盡力兼顧了。。。

作者: chanwendy 時間: 16-8-29 09:50

本帖最後由 chanwendy 於 16-8-29 09:52 編輯

以往都係每日練20-30分鐘, 有時忙多功課或測驗就可能會唔練一兩日. 我女剛剛考完級, 臨考前都只係每日練30-40 分鐘, 有時都唔夠, 有時佢自己三首彈兩三次就算, SCALE 都唔係日日練添. 都去到咁大個, 我唔會安排佢練琴時間, 有比意見, 佢自己決定跟唔跟, 去到高小, 我都情願佢先搞掂學業先. 學琴又唔係為考中學, 我唔介意呢兩年佢拖得慢少少, 搞掂中學先追返琴都得.

作者: siden 時間: 16-8-29 17:26 標題: 回覆：高小通常每星期練幾耐鋼琴？

本帖最後由 siden 於 16-8-29 17:39 編輯

一日24小時，減瞓覺返學時間只有6-7小時剩。

除非對鋼琴有興趣，其實我唔明點解要花咁多光陰去練琴。起碼一半人學琴係本住人學我樂器又學/學校要一體一藝等原因。如果小朋友真心喜愛鋼琴當然另作別論。

有基本音樂知識和修養係好事，但彈琴over grade 5對大部分人來說，究竟將來為了什麼？要提要叫甚至要逼個小朋友去練，我諗極都唔明為乜？考了8級，有張ABRSM 8級cert, 但若非真心喜愛，張cert有乜用？拿來做嫁粧？將來搵工夾埋落CV? 大家花咁多「金錢」「時間」落鋼琴，如果望遠一點，可能冇咁執著。

有得揀，我寧願小朋友每星期用5小時做義工好過學琴。

作者: sbux 時間: 16-8-30 08:41 標題: 引用：+本帖最後由+siden+於+16-8-29+17:39+編輯+

原帖由 siden 於 16-08-29 發表
本帖最後由 siden 於 16-8-29 17:39 編輯

一日24小時，減瞓覺返學時間只有6-7小時剩。

欣賞你呢個觀點，完全應同。其實如果無天份，叫做練幾年左右腦協調我覺得已經足夠

作者: LeeCC 時間: 16-8-30 08:53

如果真係中意的，每日只得一個鐘系吾夠喉

我仔初級，D歌短d，每天練功課大約45分鐘，剩返15分鐘彈自己喜歡的歌，覺得好唔夠，但已經無時間，週末暑假日日兩個鐘

朋友兒子高中，演奏級，每日只可以擠20-30分鐘出來練下手指，摸下個琴，週末暑假就日日彈4-6個鐘過足癮

但兩個小朋友都話吾夠，一講到開學後無時間彈琴，就吾開心

作者: siden 時間: 16-8-30 09:36 標題: 引用：Quote:原帖由+siden+於+16-08-29+發表本帖

原帖由 sbux 於 16-08-30 發表
欣賞你呢個觀點，完全應同。其實如果無天份，叫做練幾年左右腦協調我覺得已經足夠

...

Agree, 學到3級，或者5級，學識睇譜和基本樂理，練下手腦協調，也已經足夠應付音樂堂要求，亦有基本足夠青年/成年社交需要的音樂知識。

有興趣當然繼續學上去，冇興趣，浪費時間金錢學上去我唔知有乜好處。唔知點解又有一堆中學話鋼琴唔計學器（鋼琴唔係學器咁究竟佢係乜？！傢俬嗎？！），令到夾硬學更加少回報。

作者: kerkermui 時間: 16-8-30 09:54

我覺得學音樂，係"堅持努力做好一件事"嘅經驗，當中可能會遇到唔少錯敗，想放棄，但亦會從中得到成功感同學習到堅持+努力嘅重要性

阿仔每日會練3次老師剛教嘅嘢，時間應該少於半小時，佢現時大約5級程度

作者: LeeCC 時間: 16-8-30 11:26

kerkermui 發表於 16-8-30 09:54
我覺得學音樂，係"堅持努力做好一件事"嘅經驗，當中可能會遇到唔少錯敗，想放棄，但亦會從中得到成功感同學 ...

阿仔除了練老師教的東西，scale，考試歌，比賽歌，仲要預先試彈幾首歌，自己練好之後彈給老師聽，他都係大約五級

作者: LeeCC 時間: 16-8-30 11:28

siden 發表於 16-8-30 09:36
Agree, 學到3級，或者5級，學識睇譜和基本樂理，練下手腦協調，也已經足夠應付音樂堂要求，亦有基本足夠青 ...

鋼琴不是樂器，可能是交通工具，有幾個輪

作者: Jane1983 時間: 16-8-30 11:45

唔只係學琴，所有體藝活動都係錦上添花。其實除左書係一定要讀得好之外，其他野係全人發展，無話一定要點點點。

如果小朋友無興趣、無天份、唔願練，父母要逼，咁真係完全唔值得。果d時間、精神和金錢，用來做其他野，大家開心。

作者: sbux 時間: 16-8-30 14:13 標題: 引用：唔只係學琴，所有體藝活動都係錦上添花。其

原帖由 Jane1983 於 16-08-30 發表
唔只係學琴，所有體藝活動都係錦上添花。其實除左書係一定要讀得好之外，其他野係全人發展，無話一定要點點 ...

呢個係好多家長嘅迷思。
口號「全人發展」係講學校，唔係學生。

作者: bananaGi 時間: 16-11-30 17:25

siden 發表於 16-8-30 09:36
Agree, 學到3級，或者5級，學識睇譜和基本樂理，練下手腦協調，也已經足夠應付音樂堂要求，亦有基本足夠青 ...

琴唔係樂器！真係嬲！又阻地方！又要時間！唔係樂器！

咁我打三角鈴囉！

作者: Sassa 時間: 16-12-1 16:30

kerkermui 發表於 16-8-30 09:54
我覺得學音樂，係"堅持努力做好一件事"嘅經驗，當中可能會遇到唔少錯敗，想放棄，但亦會從中得到成功感同學 ...

好同意你的觀點，学琴可訓練專注力，手眼協調，對腦部發展及個人修養都有好處

作者: under_the_tree. 時間: 16-12-1 23:25

frenchfries 發表於 16-8-28 23:08
琴老師說"四級以上，三首歌加scales, 練3次也不止45mins了", "上堂很積極學及記及問，每星期練四日，學得成 ...

其實小朋友練到自己滿意便可停。我以前都是，有mood練6-8小時都得，冇mood練10分鐘都覺得多

歡迎光臨教育王國 (/)