教育王國
標題: 醫生,智力評估中心出錯,我小朋友是正常的(真實例子) [打印本頁]
作者: crabooo 時間: 17-6-7 12:43 標題: 醫生,智力評估中心出錯,我小朋友是正常的(真實例子)
本帖最後由 crabooo 於 17-6-7 15:30 編輯
件事已經過左2年,我係確定我個仔係完全無問題先上黎同大家分享.簡單講就係幾年前話我個仔係評估中心評有自閉症,唔係自閉傾向,個醫生仲100%話係自閉,但經過2年後, 證明我個仔完全正常.
我會慢慢打晒成個過程,時間出黎,盡量記得幾多得幾多.
同埋因為我有正職, 所以出文會慢D.
我出文既原因就係希望有D家長係可以靠自己教返好個小朋友, 當然有D小朋友係真係有自閉, 但我都相信好多係評錯, 政府醫生就求求其其,係唔係都話你有事先,唔想有責任,你醫好就話唔係評錯, 係因為及時發現, 要知道自閉其實係無得醫. 私營機構就係唔係都話你有事, 有錢賺.
我係一個爸爸, 個時由評估話有事之後, 我做左好多好多research, 因為本身係外國留學, 所以識D英文, 睇左好多醫學文獻, 自閉係無得醫, 但香港醫療對哩個病係完全唔熟悉,而D醫生對哩個病都係半桶水.
我相信評錯既比率係好多好多,當然都有D真係有哩個證, 只係希望評錯既家長唔好咁快放棄自己小朋友, 因為你如果真係當佢有自閉咁教,其實唔係一件好事, 你試想下如果將你自己放去精神病院, 時間耐左你都會有精神病.
我會一有時間就交代詳情, 我知道好多家長都會上黎求助.
我個時都係夜晚一邊睇FORUM一邊流眼淚.
如果有問題都可以私信我
作者: rafaelbaba 時間: 17-6-7 13:44
多數都是踩界~
最了解及清楚小孩始終都是家長,
但有時最唔接受現實也是家長~
作者: lobb2015 時間: 17-6-7 14:17 標題: 回覆樓主:
多謝分享。等你留言！
作者: crabooo 時間: 17-6-7 16:41
rafaelbaba 發表於 17-6-7 13:44 
多數都是踩界~
最了解及清楚小孩始終都是家長,
而所謂"擲界"的只是未能確定小朋友是否有自閉.因為其實香港好多所謂的醫生,機構都唔係專科, 所以多數都會講傾向, 因為佢地根本唔識, 我小朋友直程話係有自閉, 最後都係完全無問題. 我曾經去過評估中心想投訢醫生唔專業, 同埋想解釋比佢地聽,其實評錯對一個家庭其實好大影響, 但佢地一味講咁而家小朋友無事咪好囉, 又話無機制投訴
而假如小朋友真的是有自閉症,其實就做什麼都不會令佢由有到無.
作者: rafaelbaba 時間: 17-6-7 17:03
本帖最後由 rafaelbaba 於 17-6-7 17:05 編輯
首先我所說的踩界就是你所解釋一樣~
是按所謂的專業醫生進行評估,看小孩中多少point,
對答及行為,簡略作出評估.
假若當日小孩狀態不好,以有很大偏差.
始終最近學說都是提出6歲前係治療的黃金期.,
所以家長都是抱著這方向訓練或改善~
當然評估是自閉,對任何家長都有打擊,更可況錯判呢!
作者: yuk1yuk 時間: 17-6-7 18:43 標題: 回覆樓主
支持樓主！請你慢慢細說！
我地都好需要你的分享！
作者: taptap83 時間: 17-6-8 00:24
先多謝樓主既分享。其實我希望我仔係被評錯，至少有一絲希望佢會變正常。
我仔自閉譜系，症狀唔係好嚴重，但足以影響我地日常生活。從帶佢早期訓練開始，我領悟到想佢同正常人一樣就要俾正常人既環境佢，用返正常人既基本準則教佢，過程只不過再加多好多體諒，只因我希望將佢好似一般人咁正常獨立生活。
但係佢越大奇怪既地方越來越多，縱使一直管教，佢會突然斷線。好似前幾日叫佢沖涼，佢突然提出話唔換底衫褲，我好詫異，因為佢由細建立既衛生習慣唔知點解可以突然冇左。我的確對佢將來非常憂心，更加唔好講佢眼裡心裡只有自己在意既野，唔理其他人、事和後果。每次佢有怪行為時我都忍唔住擔心佢將來，有時夜晚會喊、會瞓唔到。
唔好意思離題了，我今日同阿仔又有衝突，所以忍唔住呻下喊下... 如果可以，我都希望阿仔被誤評而唔係真係有自閉症，一個無得醫既病。
作者: crabooo 時間: 17-6-8 14:01
本帖最後由 crabooo 於 17-6-8 17:03 編輯
其實我想寫出黎, 唔係叫大家唔好信醫生, 應該要相信自己同埋相信自己既小朋友. 我都唔會推薦任何產品及課程, 因為我知道哩度好多人係度搵食, 我都被呃唔少錢. 我對我個仔既教育同所謂既寶品其實係屈x氏都買到,而教佢既活動都係唔駛錢的. 當然可能有d唔係呃錢, 我唔敢講, 但我睇完外國既報告, 最有用都係父母陪伴同埋其他小朋友一齊玩. 所謂既訓練我個人覺得無用.
我個仔2013年4月出世,我同父母同我太太一家5口住.我地2公婆同家族都無任何類似問題.婚前檢查一齊都好正常, 出世都好正常,無早產, 總之所有野都正常.
我父親在小朋友出世前就確診cancer, 我媽媽要照顧父親, 所以無時間理我地, 我都因為工作關係,都好少陪伴小朋友,也要幫忙照顧父親, 而我太太身體唔差,而且年齡都細,唔識點樣照顧, 其實我地都比較少陪小朋友, 都只係每日餵跑佢, 但無乜教導, 都好少帶佢去公園, 多數都係我地行街, 帶埋佢去, 而唔係比佢去玩.
佢係10個月同歲幾都會嘗試發音, 但我地無理. 直至2歲去健康院檢查先知大獲, 包括言語同佢所有既奇怪行為, 完全match晒自閉小朋友.係好嚴重個隻, 都去埋精神科排期.
得閒再打
作者: lobb2015 時間: 17-6-8 14:26
crabooo 發表於 17-6-8 14:01
其實我想寫出黎, 唔係叫大家唔好信醫生, 應該要相信自己同埋相信自己既小朋友. 我都唔會推薦任何產品及課程 ...
支持！等你！
作者: Bloleung 時間: 17-6-8 16:39
Pm u.
作者: SWSWSW 時間: 17-6-8 17:57 標題: 回覆樓主:
支持，等你
作者: cookieman 時間: 17-6-8 18:00 標題: 回覆樓主:
樓主，我對囡囡細個的（0~2歲）的教養方式都同你一樣，只係餵飽佢，唔識同佢玩，無去公園，再加瘋狂睇YouTube english兒歌，我囡私家同政府都評咗自傾，支持你寫落去!好想知之後點
作者: SWSWSW 時間: 17-6-8 21:17 標題: 回覆樓主:
我囝1歲10個月前都是同樓主情況好差，無去公園，無人同佢玩，明明囝8個月時有跟我地學講野 ，突然無灑聲，去到1歲幾有玩會發音，好想知跟住你囝囝發生咩事
作者: Monstereasy 時間: 17-6-8 23:53
taptap83 發表於 17-6-8 00:24
先多謝樓主既分享。其實我希望我仔係被評錯，至少有一絲希望佢會變正常。
我仔自閉譜系，症狀唔係好嚴重， ...
其實對於我來講有無呢個label唔重要，最重要如果行為有問題就教。就算無自閉，行為有問題就唔教咩？
我小朋友主要係情緒太容易波動，咪主攻教情緒控制，自己有時教極都無效果咪揾臨床心理學家觀察下，比下不同方法同建議點可以教好d.
主要都係靠自己去幫佢。
作者: sylvia0924 時間: 17-6-9 15:06 標題: 回覆樓主
樓主，我都好想知，最終點樣發現自己小朋友原來唔係自閉？我之前2 公婆返工，比嫲嫲湊，都係平時餵飽佢，有野做就比you tube 佢睇。其實我覺得好多小朋友有自閉好大機會同成日睇平板電腦同英語DVD 有關，因為冇咗雙向溝通
作者: DearBabie 時間: 17-6-9 16:13
請問樓主點樣肯定到你仔係冇事？做多1次評估？
作者: DearBabie 時間: 17-6-9 16:16
回覆 Monstereasy 的帖子
如果冇呢個label,只會介定佢係曳，大個有機會變乖。而自閉係冇得醫，唔同的。
作者: shuna 時間: 17-6-9 17:38
crabooo 發表於 17-6-8 14:01
其實我想寫出黎, 唔係叫大家唔好信醫生, 應該要相信自己同埋相信自己既小朋友. 我都唔會推薦任何產品及課程 ...
我同意有一d 醫生會評估時唔夠準確, 但都通常因為當時個小朋友年齡同能力唔及同齡而引致。 有一部分小朋友因為語言慢左, 就會出現發脾氣同社交差既問題, 呢類行為同自閉症好似，但通常訓練完語言能力追倒就變得好正常。所以最終6歲既評估才是最肯定既, 2歲那個評估只係按當時既表現比個名個小朋友, 好等佢可以有服務可以去排隊。而到6歲那個評估, 因為年齡同能力都好明顯, 所以6歲既評估通常都好準。
作者: luckybaby2011 時間: 17-6-9 20:58
回覆 crabooo 的帖子
支持，請繼續寫。我都好疑或，但醫生好少推返結果，學校老師都話唔覺，但都係跟醫生封信的
作者: Monstereasy 時間: 17-6-9 21:39
DearBabie 發表於 17-6-9 16:16
回覆 Monstereasy 的帖子
如果冇呢個label,只會介定佢係曳，大個有機會變乖。而自閉係冇得醫，唔同的。 ...
自閉係無得醫，但行為問題係可以改善，社交亦可以學。
作者: cheechi 時間: 17-6-9 22:19
sylvia0924 發表於 17-6-9 15:06
樓主，我都好想知，最終點樣發現自己小朋友原來唔係自閉？我之前2 公婆返工，比嫲嫲湊，都係平時餵飽佢，有 ...
自閉成因醫學界尚在研究中，有部份原因係腦部欠缺某些功能，令他們不懂觀察/模仿等能力，如果睇iPad 睇YouTube 可以令小朋友患上自閉症（！！），咁相信現代社會大部分小朋友都有自閉症吧
作者: babylawyuen 時間: 17-6-10 00:22
shuna 發表於 17-6-9 17:38
我同意有一d 醫生會評估時唔夠準確, 但都通常因為當時個小朋友年齡同能力唔及同齡而引致。 有一部分小朋友 ...
我小朋友都是言語及沒有眼神交流，玩車，腳尖行路，自轉，眼耳口鼻不懂指，就評估為自閉症譜系。
最為攪笑，我回家後安排再問囝囝，佢就識餵bb食野，問佢眼耳口鼻，都指到。現在腳尖行路，自轉都沒有。我叫佢都有望住我，不過對陌生人就差少少眼神交流。
我都希望醫學生睇錯，還我囝囝一個清白。
作者: hst476 時間: 17-6-10 08:09
回覆 crabooo 的帖子
你好，謝謝你的分享！我兒子今年兩歳，也是剛剛在上週被評定有自閉症譜系，心情十分低落，很擔心兒子將來
請問你在這兩年間有沒有做訓練？
你如何確定兒子並沒有自閉症？
謝謝！
作者: shuna 時間: 17-6-10 08:15
babylawyuen 發表於 17-6-10 00:22
我小朋友都是言語及沒有眼神交流，玩車，腳尖行路，自轉，眼耳口鼻不懂指，就評估為自閉症譜系。
最為攪 ...
我覺得與其期望醫生評錯, 不如做好訓練改善小朋友能力, 我好肯定只有訓練才能令小朋友進步, 自閉症既人望人既眼神係唔同架, 係有一點空洞喺度, 可能望父母會好d 但望其他野, 好多時都有點空洞。
作者: Olympian 時間: 17-6-10 12:45
本帖最後由 Olympian 於 17-6-10 13:24 編輯
shuna 發表於 17-6-9 17:38
我同意有一d 醫生會評估時唔夠準確, 但都通常因為當時個小朋友年齡同能力唔及同齡而引致。 有一部分小朋友 ...
不是的。在政府CAC評過是自閉的，這個診斷就不會改。兒子今年9歲。兩歲在政府CAC評為嚴重自閉。安排讀特殊幼稚園。過左約一年，仔3歲左右，轉介去油麻地精神科，我記得心理學家清清楚楚講，以前被評過是自閉的，就不會改這個診斷，就算之後冇左自閉病癥，都不會更改。入了S位，在一次單對單上堂時，治療師輕描淡寫話，你個仔唔係自閉，係有遲緩，性格內向，自閉唔係咁。到了6歲，又去返CAC,做小一入學前評估。好搞笑，個心理學家係咁問我：佢真係自閉？邊道check話佢自閉？我話：咪2歲係呢道check係自閉囉。佢又問：咁油麻地精神科有冇再check佢係咪自閉？我話：精神科果邊話 CAC check 左係就係。咁我小朋友做完個小一入學評估，心理學家話做了一個心智解讀測試，推斷我個仔係自閉。個測試係咁嘅：小珊收埋左個公仔係個A箱入面，當小珊行開左的時候，你將個公仔，由A箱拿了出來，然後放進B箱。咁你認為小珊回來時會到A或B箱找那個公仔呢？我仔答B箱。所以心理學家就總結兒子是自閉。真兒嬉...
作者: Olympian 時間: 17-6-10 13:11
本帖最後由 Olympian 於 17-6-10 13:20 編輯
今日年仔升小三，成績級前列，英文好好，品行優良，從來冇投訴，係唔多同人玩。小二已無需社交訓練及語言治療。普通一個小學雞。升了小學加埋妹妹同佢玩，進步得好快。
不過，佢好彩特殊幼稚園對佢幫助好大，始終各方面有遲緩，讀不到主流幼稚園。
我都有研究自閉診斷手冊，覺得佢可能係，又可能唔係咁囉，都冇執著了。只係擔心，佢大個左點同佢講，同埋怕會遺傳。
作者: legolas625 時間: 17-6-10 14:08
評估係小朋友當日表現的結果。
其餘好多人都有所謂"自閉"特徽，評估係達到一定的分數，就叫自閉症
作者: shuna 時間: 17-6-10 14:09
Olympian 發表於 17-6-10 12:45
不是的。在政府CAC評過是自閉的，這個診斷就不會改。兒子今年9歲。兩歲在政府CAC評為嚴重自閉。安排讀特殊 ...
你講那個心智解讀test 係好出名既test. 而自閉症小朋友就係只睇倒眼前既野, 唔會諗人地點諗。
至於話可否改除'自閉症' 呢個名, 有一個心理學家又講過話可以叫精神科醫check 然後除名既, 但詳情點做就唔知。
作者: Radiomama 時間: 17-6-11 15:14
shuna 發表於 17-6-10 14:09
你講那個心智解讀test 係好出名既test. 而自閉症小朋友就係只睇倒眼前既野, 唔會諗人地點諗。
至於話可否 ...
我最近也為一位小朋友而苦惱，他已經3歲多，讀K2, 每次走入課室都猶疑不決，不知坐那個位才好；要待10分鐘後才肯自行坐下。
問他問題都要考慮很久，然後沈默；基本對故事兒歌動作都沒有反應。
他媽媽說健康院曾告知可能是自閉，但檢查後又說不是，應該是感統問題。
究竟兩者有何關係？我只是一個星期才見他一次的導師，感覺他與其他小朋友太不同。想請教大家。
作者: shuna 時間: 17-6-11 21:51
Radiomama 發表於 17-6-11 15:14
我最近也為一位小朋友而苦惱，他已經3歲多，讀K2, 每次走入課室都猶疑不決，不知坐那個位才好；要待10分鐘 ...
你覺得他智力正常嗎？有一些小朋友訊息處理比較慢, 你就當他是1997年的電腦, 仍能運作, 但運作需時, 反應很慢。需要感統訓練去提升醒覺度和反應敏捷度。你可以去上下比導師上既堂就會知多d .
作者: tweety82080 時間: 17-6-12 11:11 標題: 回覆樓主:
請問如何知不是自閉?2年間可變化佷大
其實自閉証係好廣，病証個個不同會年歲改變
作者: crabooo 時間: 17-6-12 14:42
今日好忙, 我簡單回應家長D疑問.
BB出左世之後, 其實無論所有野都唔會令佢由無自閉變到有閉. 後天係唔會令到佢由有變無, 或者由無變有.
但係睇YOUTUBE, 睇廣告, 玩車轆個D,係會令佢有自閉症狀, 但係係可以改變的,因為係後天.
我個仔係好嚴重, 只鍾意睇廣告, 超鍾意玩車轆, 去街, 見到人地父母推住架BB車, 佢都會"MOUTH"低轉人地個轆, 我勁唔好意思.但係, 但係, 哩D都係可以改到, 只要佢唔係天生自閉, 所有自閉特徵都可以由有變無.
我知道好多家長好急問我, PM我,但我真係忙, 一有時間就覆
作者: love_son 時間: 17-6-12 18:14
回覆 crabooo 的帖子
咁請問邊啲行為可以睇到到為先天的真自閉？
作者: aryi12 時間: 17-6-13 13:15
回覆 crabooo 的帖子
請問樓主平時點樣訓練仔仔，希望可以分享下！
作者: rainy123 時間: 17-6-13 14:16 標題: 回覆樓主
我的情況一樣，小朋友1.5歲前就只是食飽看youtube, 好少去玩，好少出街，工人姐姐照顧，全英文，結果2歲都未開口，脾氣大，控制唔到自己。
政府評為懷疑自閉。
因為有朋友做精神科醫生，說有情況係小朋友母語發展唔到，所以表達唔到，我開始同他做訓練，買好多玩具同他互動的玩，用精油，上英文oral story的班，上言語自療(中文)，自己再用英文引他講，而家3.5歲，已經有很大進步，脾氣亦都無左，又開始會主動問問題，我問他會答我sentences，local school老師當然話他乜都唔明，但相同的野用英文他完全答到，所以下年重讀全英文幼稚園。
其實有無呢個標籤唔重要，只是大家唔好放棄，同小朋友互動多d，去公園，玩玩具，會有好大好大幫助。
作者: 6437oooo 時間: 17-6-19 11:33
我個女都被那打素醫生評錯
其實是我有自閉 我個女正常 只是我個女細個時跟得我多 學咗我啲行為
漸漸長大就知醫生搞錯了
我自己是天生自閉 其實我自己覺得係冇得醫 現在有針炙個腦 但其實冇乜用
作者: verysadar 時間: 17-6-19 15:55 標題: 回覆樓主：
本帖最後由 verysadar 於 17-6-19 15:55 編輯
支持~
作者: Bridgetdarcy 時間: 17-6-20 07:19
6437oooo 發表於 17-6-19 11:33
我個女都被那打素醫生評錯
其實是我有自閉 我個女正常 只是我個女細個時跟得我多 學咗我啲行為
本帖最後由 Bridgetdarcy 於 17-6-20 07:20 編輯
其實醫生都係睇小朋友行為去評估有冇自閉症特徵, 如果你個女學左你既行為, 而醫生睇到佢有特徵, 就自然評估佢有自閉症，所以其實個醫生係冇評錯你個女, 只係佢既自閉症徵狀好轉或消失左姐。其實大左可再評一次, 冇晒徵狀，叫醫生幫佢除去呢個病名囉！
你已成年, 針灸未必有效, 之前研究都話針灸對6歲以下小朋友最有效, 大左效果減少。
作者: luckybaby2011 時間: 17-6-20 09:24
回覆 Olympian 的帖子
我好坦心，其實主要係話入精神科令我好唔舒服。。。即係CAC評佐就一世？
作者: Olympian 時間: 17-6-20 09:34
好似唔會keep你資料一世的。最重要唔好擔誤小朋友治療的黄金期。
作者: Olympian 時間: 17-6-20 09:59
有機會會評錯，但始終錯的機始終好細，最好在政府評。一個自閉小朋友會用政府好多資源。唔會亂來的。就算評錯自閉，健康院比得你去 CAC評估，小朋友都好大機會有唔同的問題需要跟進，到時需要的資源和知識之多，不是你現在能想像到的。
作者: legolas625 時間: 17-6-21 13:05
老實講，我識唔少A仔家長，評錯的機會係細，通常真係有野，尤其是政府評估，家長唔好見到呢個POST，就充滿幻想，以為個仔會變正常，耽誤治療。
作者: DearBabie 時間: 17-6-23 11:37
6437oooo 發表於 17-6-19 11:33
我個女都被那打素醫生評錯
其實是我有自閉 我個女正常 只是我個女細個時跟得我多 學咗我啲行為
作者: lobb2015 時間: 17-6-28 17:31 標題: 回覆樓主:
push 吓先。等睇發展。
作者: Sappy_Kerry 時間: 17-6-29 16:17 標題: 回覆樓主:
等睇後續
作者: 芒果米池 時間: 17-6-30 19:01 標題: 回覆樓主：
本帖最後由 芒果米池 於 17-7-1 21:05 編輯
樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到兩歲評估得出佢係有自閉症狀，當時佢上N班已經有很大困難，所以學校要佢重讀N班一年，同時等派兼收學位，而且兩歲半開始到外面的機構做單對單嘅訓練。
再將我自己同佢嘅相處模式改變， 將自己投入左佢嘅世界當成朋友一樣，好似一個小朋友咁同佢玩同佢溝通，再俾多啲安全感佢，之後情況就急劇好轉，見到佢一路一路進步得好快，直到而家差不多六歲，讀緊K2班。
我眼見年前嘅佢，已經同一般小朋友冇太大差異，而且更乖更守規矩，其實我好希望佢還有一年K 3嘅栽培，可以成為一個正正常常沒有問題的小朋友，因為一年嘅時間真係會有好大嘅進步空間。
而家我覺得佢嘅行為只係唔夠信心，比較怕失敗，但係佢就唔怕陌生人，有一點慢熱。如果有一種人係比較惡形惡上或者嚴肅一點，佢就會有少少怕。
其實會唔會有機會一年之後會好好多呢，好希望佢隨着年紀長大會一啲事都冇。因為我細個嘅時候性格都係差唔多，見到我媽咪嘅朋友都唔太樂意去叫人同打招呼， 係好怕羞，但我聽專家講通常自閉症遺傳嘅機會好大，但多數都係爸爸遺傳落去，對好大機會係隱性唔明顯，所以完全無法知道爸爸是否有自閉症。但我就覺得我嘅情況之下，佢嘅性格似我多一些。
所以我依家對於升小學時候填果份入學申請表好迷惘，完全唔知道田佢有自閉症還是沒有自閉症比較好，因為我好想多一個最後嘅機會去叩門，雖然我都知道叩門嘅成功機率係好低，因為相比一些正常而且活潑的小朋友，真的很洩底，佢唔識點表達自己而且怕羞。
之後我再睇埋你呢個post其他jm嘅回覆，我在嘗試問佢A或B箱嘅問題，佢真係答小珊會覺得件物件放喺B，我好失望。
可否隨便給我一點意見，謝謝！
作者: lobb2015 時間: 17-7-1 21:00
芒果米池 發表於 17-6-30 19:01
樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到 ...
答 A 咪啱囉？！
作者: 芒果米池 時間: 17-7-1 21:03
lobb2015 發表於 17-7-1 21:00
答 A 咪啱囉？！
Sorry 我打錯左，佢答左B。
作者: piglet0529 時間: 17-7-4 03:19
legolas625 發表於 17-6-21 13:05
老實講，我識唔少A仔家長，評錯的機會係細，通常真係有野，尤其是政府評估，家長唔好見到呢個POST，就充滿 ...
其實很多爸爸比媽媽更不能接受自己小朋友是自閉的事實
作者: piglet0529 時間: 17-7-4 03:25
芒果米池 發表於 17-6-30 19:01
樓主你好，我都想講下我小朋友嘅情況，1.5歲左右已經開始出現好多自閉嘅特徵，之後排期排左政府嘅評估，到 ...
掷界case不用填，你覺得唔講人地唔知既咪唔講，叩門过後七月初交番比學校便可以
作者: rafaelbaba 時間: 17-7-4 16:22
lobb2015 發表於 17-7-1 21:00
答 A 咪啱囉？！
作者: lobb2015 時間: 17-7-4 16:29
rafaelbaba 發表於 17-7-4 16:22
4歲評估,有問過飛機快,還是火車較快~
呢個問題大人都未必識答
作者: rafaelbaba 時間: 17-7-4 16:34
回覆 lobb2015 的帖子
當時我都好似你這樣想,問醫生,醫生說這歲數小朋友會答到的
作者: irenelwl 時間: 17-7-4 21:46
我仔因家姐上讀寫訓練時被一位路過的社工指出行為情緒差, 叫我留意有沒有自閉症狀, 我一直以為佢似ADHD, 有係醫院做發展監察。當日詳細問左社工何為自閉證再上網搵資料, 發覺得有很多位在社交情緒發展吾合格, 跟住便立刻搵訓練再在下次醫院的發展監察要求醫生轉介CAC做評估。我仔講野無問題, 係評估時智力稍高, 如果唔係當日個社工同我講及解釋自閉症, 我唔會意識到, 可能就拖到出現社交問題去到小學先知 (之後我真係識左幾位朋友仔智力發展都OK, 但到小一先比學校搵到出黎似A再評估係A). 而評估當日我都有問個CP, 點可以係評估咁短時間證實到我仔係A仔, 佢答我主要還要聽埋家長對子女的日常觀察, 當然臨床都有幫助決定, 而去CAC評估前, 訓練中心的特教, 也有教我POINT FORM咁寫低小兒的行為問題同習慣。
今日我仔拎小一的成績表, 操行A-, 在學校待人及禮貌係A, 在學校交足功課, 但如果問我佢係咪評錯, 一定唔係, 因為佢有d特徵而家都有, 例如狹窄興趣, 但佢係學校可以控制好好, DD我覺得係這2年多來訓練的成果. 所以係咪A都好, 有咩短處咪去加強下佢, 好過忽視左。
作者: wan628 時間: 17-7-6 16:57
crabooo 發表於 17-6-7 16:41
自閉症係無擲唔擲界的.如果有自閉症的就是有,沒有的就是沒有.
而所謂"擲界"的只是未能確定小朋友是否有自閉 ...
利申：自閉症治療師
作者: lobb2015 時間: 17-7-6 20:00
wan628 發表於 17-7-6 16:57
自閉係有"踩界"例子，因為目前評估方式只係靠行為推斷，當然結果亦視乎當日小朋友狀態，所謂"踩界"就係唔係 ...
咩係自閉症治療師呀？
作者: wan628 時間: 17-7-6 20:51
lobb2015 發表於 17-7-6 20:00
咩係自閉症治療師呀？
作者: rafaelbaba 時間: 17-7-7 13:01
回覆 wan628 的帖子
請問ABA還是RDI 較好?
作者: wan628 時間: 17-7-8 01:16
rafaelbaba 發表於 17-7-7 13:01
回覆 wan628 的帖子
請問ABA還是RDI 較好?
RDI訓練目標飄好多，唔係追住唔同行為做，係追啲動機、思考、彈性等等（就咁講都好飄），同埋對父母參與度都好高要求，因為治療師係同時教家長同埋教小朋友，變左家長自己都要勤力做返佢地自己嘅訓練目標，例如同小朋友溝通方式、點樣將日常生活野分拆成小朋友可以做到嘅任務、點樣升級降級等等。所以如果父母兩個人之間未有共識點協調，就會做得好辛苦，尤其係如果小朋友本身除左自閉症症狀仲有其他需要（感統、智能、），家長自己去做嘅信心就更低。
作者: rafaelbaba 時間: 17-7-8 11:31
wan628 發表於 17-7-8 01:16
ABA訓練目標比較實在，有checklist逐個tick，同埋token獎勵系統好容易上手，不論係家長定係老師都容易學， ...
現在更加明白，多謝晒！
作者: Bridgetdarcy 時間: 17-7-9 17:20
wan628 發表於 17-7-6 16:57
自閉係有"踩界"例子，因為目前評估方式只係靠行為推斷，當然結果亦視乎當日小朋友狀態，所謂"踩界"就係唔係 ...
以我所知, 冇自閉症治療師呢科讀, 你應該是特殊幼兒老師再讀過一些ABA 同RDI 課程而已, 不用如此標榜自己好識治療自閉症吧！
作者: wan628 時間: 17-7-9 22:22
Bridgetdarcy 發表於 17-7-9 17:20
以我所知, 冇自閉症治療師呢科讀, 你應該是特殊幼兒老師再讀過一些ABA 同RDI 課程而已, 不用如此標榜自己 ...
我唔係特殊幼兒導師，我亦冇標榜自己好識自閉症，只係講出事實，任何對呢科有啲認識嘅人都講得出。多謝你睇過我啲post，我都只係講啲自己識嘅野出黎分享下，同大部份呢個版嘅人一樣。
作者: Bridgetdarcy 時間: 17-7-9 22:32
wan628 發表於 17-7-9 22:22
當然係冇一科叫「自閉症治療」，令你誤會我曬命或者呃人，唔好意思，但我的確係同做相關工作。盲目信名定係 ...
唔好意思, 我只係唔想有家長誤會有呢種治療師既存在, 因為如果你是PT, OT 或ST可以直接講, 你話自己係自閉症治療師好易令人誤會你想有家長找你去治療佢地既小朋友姐。
作者: wan628 時間: 17-7-9 22:47
Bridgetdarcy 發表於 17-7-9 22:32
唔好意思, 我只係唔想有家長誤會有呢種治療師既存在, 因為如果你是PT, OT 或ST可以直接講, 你話自己係自閉 ...
作者: jeffmasa 時間: 17-7-11 14:10
crabooo 發表於 17-6-12 14:42
今日好忙, 我簡單回應家長D疑問.
BB出左世之後, 其實無論所有野都唔會令佢由無自閉變到有閉. 後天係唔會令 ...
Following
作者: 球星媽咪 時間: 17-7-14 07:18
shuna 發表於 17-6-10 08:15
我覺得與其期望醫生評錯, 不如做好訓練改善小朋友能力, 我好肯定只有訓練才能令小朋友進步, 自閉症既人望 ...
是, 你所指的空洞是好像focus 錯左, 唔知望左去邊。我個仔就是了。
作者: chowqv 時間: 17-7-15 15:50
wan628 發表於 17-7-6 16:57
自閉係有"踩界"例子，因為目前評估方式只係靠行為推斷，當然結果亦視乎當日小朋友狀態，所謂"踩界"就係唔係 ...
自閉症治療師？
又一個咩名堂？又係果d自然療法既自稱"doctor"？
作者: Monstereasy 時間: 17-7-15 21:00
chowqv 發表於 17-7-15 15:50
自閉症治療師？
又一個咩名堂？又係果d自然療法既自稱"doctor"？
坊間太多不同治療師……所以我都係prefer臨床心理學家跟case, 起碼專業資格有認受性。
作者: chowqv 時間: 17-7-19 00:53
wan628 發表於 17-7-9 22:22
當然係冇一科叫「自閉症治療」，令你誤會我曬命或者呃人，唔好意思，但我的確係同做相關工作。盲目信名定係 ...
自閉症治療師竟然話對自閉症唔係好識？
即係英文科老師講唔出一口流利英語？
阿治療師，你既中文有無問題？
作者: wan628 時間: 17-8-3 12:33
chowqv 發表於 17-7-19 00:53
自閉症治療師竟然話對自閉症唔係好識？
即係英文科老師講唔出一口流利英語？
阿治療師，你既中文有無問題 ...
作者: kawanting 時間: 17-8-11 11:12
Follow
作者: miyati 時間: 17-8-17 04:08
Follow
作者: lobb2015 時間: 17-8-21 00:52 標題: 回覆樓主:
推番上嚟
作者: taboba 時間: 17-9-14 10:00
本帖最後由 taboba 於 17-9-14 10:15 編輯
樓主點解講講下冇咗下文, 點樣令一個被評為自閉的孩子變正常. 我覺得如真係唔係自閉的. 只要用過特別訓練去改善或改正一些自閉症行為, 都唔可以話之前醫生斷錯症. 因正常小朋友係唔需要咁做. 而樓主可以訓練到擺脫了這些特徵, 真是可喜可賀. 所以懇請樓主簡單講出做過什麼訓練, 可以令小朋友有大幅改善的方法給我們這群擾心的家長知道.
補充一句, 有很多長大後唔去做嘢唔去社交的穩閉人士才是後天. 以前香港確實沒有咁多人有. 再者自閉是天生的, 我覺得沒有後天這回事. 而電子產品是雙刃刀, 唔好好使用同毒品差不多. 試問現在已有幾多人中毒呢?
作者: lobb2015 時間: 17-10-3 12:49 標題: 回覆樓主:
push 推番上嚟先
作者: jimliu713 時間: 17-10-7 15:26 標題: 回覆樓主:
push
| 歡迎光臨 教育王國 (/) |
Powered by Discuz! X1.5 |