教育王國

標題: 多吾多學校要初中生星期六返學校補習? [打印本頁]

作者: bee918 時間: 18-1-4 13:46 標題: 多吾多學校要初中生星期六返學校補習?

早前去左一間學校簡介會, 校長話中一同中二所有學生星期六上午都要返學.

想問下係咪好多中學都係咁?

作者: Arabellahk 時間: 18-1-4 14:07

好像很少

作者: Mat_Dad 時間: 18-1-4 14:23

我姪女今年升中, 每星期六都要回校, 但不是返學, 是學校指定課外活動.個人認為, 如中五中六要星期六返學也可接受, 如中一二就要, 就

作者: 王家爸爸 時間: 18-1-4 15:33

bee918 發表於 18-1-4 13:46
早前去左一間學校簡介會, 校長話中一同中二所有學生星期六上午都要返學.

想問下係咪好多中學都係咁?

睇邊啲學校，間間情況唔同。但係一般來講，地區名校、B1C、B2A學校會既機會大啲。

作者: 1998Ruby1998 時間: 18-1-4 15:59

多數都係 Band 1C－2A 先會咁有心去谷成績。

作者: crazyhippo 時間: 18-1-4 16:03

本帖最後由 crazyhippo 於 18-1-4 16:04 編輯

吾多覺,

作者: siden 時間: 18-1-4 16:09 標題: 回覆樓主

如果仲可以選擇

一定唔會揀星期六硬性規定要番學嘅學校

作者: 洋蔥頭媽咪 時間: 18-1-4 23:47

星期六規定要返嘅學校應該唔多，除了補底班。

作者: bee918 時間: 18-1-5 12:40

洋蔥頭媽咪發表於 18-1-4 23:47
星期六規定要返嘅學校應該唔多，除了補底班。

所有S1, S2 學生都要上, 學校希望學生打好個底.
作為家長就吾想星期六仲要返學上堂. 我希望阿仔多D時間做下運動.

作者: bee918 時間: 18-1-5 12:43

1998Ruby1998 發表於 18-1-4 15:59
多數都係 Band 1C－2A 先會咁有心去谷成績。

個校長話自己學校係 band 2, 我估2B或2C

作者: 洋蔥頭媽咪 時間: 18-1-5 12:54

本帖最後由洋蔥頭媽咪於 18-1-5 12:55 編輯

bee918 發表於 18-1-5 12:40
所有S1, S2 學生都要上, 學校希望學生打好個底.
作為家長就吾想星期六仲要返學上堂. 我希望阿仔多D時間做下 ...

正常好多學校都唔駛返，不過你提到學校b2，可能學校想升 level 會谷學生，如果唔想就唔好揀呢d學校。

作者: 1998Ruby1998 時間: 18-1-5 13:11

如果是 Band 2 中游的話，週末返學校補課、練習，不少其他同樣成績的學校都係咁，尤其係高中（補習社同班嘅人有 d 係幾個月只能夠出席一兩次，走學校堂）。

我自己間（Band 1）高中暑假一星期六日要返學校補課（一三五補一科，二四補另一科，六補兩科）。聖誕聯歡會放學後都要補課，全部都係教唔切。

作者: aa06 時間: 18-1-5 13:53

回覆 1998Ruby1998 的帖子

你覺得補課有冇用?

作者: 1998Ruby1998 時間: 18-1-5 13:58

回覆 aa06 的帖子

當然有用，唔補教唔切。一個暑假趕返半年課程。

作者: aa06 時間: 18-1-5 14:06

回覆 1998Ruby1998 的帖子

暑假都冇得放, 真是好慘! 你的中學dse考得好是學生質素好，還是老師有heart教得好?

作者: 1998Ruby1998 時間: 18-1-5 14:33

回覆 aa06 的帖子

為有更好嘅成績而犧牲暑假，值得嘅。相比之下，其他果 d 一開始就要不斷補課操卷嘅 Band 2 學校仲慘，佢地入大學機會更低，但係都要日操夜操，只求 JUPAS 有 offer。
一半一半啦，學生固然有質素，但係老師都有心，佢地可以選擇跳教、略教、有得放假，但都肯陪我地癲。我地有老師係朝八晚三點半，準時走人，假期、週末全部都唔返唔答 email，不論同事定學生，都要遷就佢時間表。但係好多其他老師都可以隨時候命，一句唔識就會教，只怕學生唔肯「向善」。

作者: aa06 時間: 18-1-5 14:50

回覆 1998Ruby1998 的帖子

任教你的高中老師有幾多個hea? 有幾多個勤力? 我囡的其中一科主科老師hea到不得了, 教書求其, 不操past papers, 放工即走.

作者: 1998Ruby1998 時間: 18-1-5 18:15

回覆 aa06 的帖子

我個英文老師都係咁，「準時返工放工」。其他老師都好好，有 d 會列印咁多年嘅公開試卷搞到畀校長叫佢收斂下，有 d 老師會 double lesson 分兩批教，第一堂教班成績唔好嘅，第二堂教班成績叻，亦有老師會留到七點幾去教學生。最後一日果陣，個中文老師喊，佢話感覺就好似嫁女咁，好唔捨得但係同時都為我地驕傲。

作者: chun媽 時間: 18-1-5 19:40

1998Ruby1998 發表於 18-1-5 18:15
回覆 aa06 的帖子

我個英文老師都係咁，「準時返工放工」。其他老師都好好，有 d 會列印咁多年嘅公開試卷 ...

真係睇你好唔好彩!相信每間學校都有勤力和hea的老師，至於比例多少，好視乎校長的牙力，和學校有無補課的風氣

作者: 洋蔥頭媽咪 時間: 18-1-5 20:23

1998Ruby1998 發表於 18-1-5 13:11
如果是 Band 2 中游的話，週末返學校補課、練習，不少其他同樣成績的學校都係咁，尤其係高中（補習社同班嘅 ...

人地講緊初中並非高中，高中補課當然正常好多，始終要應付 dse .
B2學校初中剛開始就已强制學生補課，可見學校顷向追成績欲升 level 多於為學生，對剛升讀中學嘅初中生未必係好事。

作者: 1998Ruby1998 時間: 18-1-5 20:35

回覆洋蔥頭媽咪的帖子

我講緊初中，好多 Band 2 學校會補課，開始操卷做練習，出面補習社上堂可能出席率得一半（導師問佢地去左邊，佢地都異口同聲話返學校補課）。高中開始佢地就已經唔見人影，得 1、2 堂會係度，或者會早退遲到，黎 10 分鐘攞齊咁多堂筆記就衝返學校。我果間初中都有補課，不過只限非常叻／非常差嘅學生，高中就有選修都要補，不過就唔係強制，鍾意返就返，唔返就自生自滅，但係都好多人返。

作者: 洋蔥頭媽咪 時間: 18-1-5 23:18

1998Ruby1998 發表於 18-1-5 20:35
回覆洋蔥頭媽咪的帖子

我講緊初中，好多 Band 2 學校會補課，開始操卷做練習，出面補習社上堂可能出席率 ...

以我所知嘅b2，除了拔尖或補底外，初中就要强制補課嘅應該唔多，而且一升中就要初中生補課、操卷，對班學生亦未必係好事。所以樓主可以考慮清楚是否讓自己孩子揀呢啲學校。

歡迎光臨教育王國 (/)