教育王國

標題: 閃卡的好處及壞處 [打印本頁]

作者: jamhappybobo 時間: 18-5-22 17:05 標題: 閃卡的好處及壞處

之前見有人話閃卡無用，我真係要平反下，利申：只是普通家長一個，個仔已讀小學，不是任何sales.

之前買是因為個大仔有過度活躍症，所以好想個細仔能專心。所以仲陀緊個細仔時，已不惜價錢貴就買了一套。由5個月識坐起，就每天風雨不改地一日閃三次。千萬不要以為能見到即時效果或佢1歲多就識數數或認到字，嗰D一定呃你或自己未用過。

作者: jamhappybobo 時間: 18-5-22 17:06 標題: 回覆樓主

但好明顯的分別係佢每次閃時真係眼定定好專心甘望住你，然後佢到1歲多就好鍾意翻書。每次會好專心甘坐係度睇書，睇完一本又一本。然後數感好好，好鍾意數數，當學校教了數字後，就對數學好著迷，自己拿哥哥以前的數學書睇，一睇又睇好耐，好多數係佢自學。我已被大仔佔用所有時間，所以細仔細個時除了閃卡外，其餘時間都無理佢，但而家回想，其實閃卡真係好幫到BB,而家細仔被確認為資優兒童，數學全級第一，經常被老師讚佢坐得定及乖，亦全因為它，我們也沒有用其他昂貴教材，連playgroup 都未去過，就只在家玩這個。

作者: jamhappybobo 時間: 18-5-22 17:06 標題: 回覆樓主

我想有些家長覺得無用係佢地要睇短期效應，呢個係無可能，而且恆心好緊要，仲要每天定時，定地方，我通常放工回來6點，即刻什麼也不做，即閃,只用幾分鐘時間，食完飯，已過了半小時，又閃一次，阿B瞓前9:00，又閃埋最後一次，就是這麼簡單。

我想㫿一壞處是家長無這個恆心和耐性。希望有其他人也分享下

作者: scgift 時間: 18-5-23 03:17 標題: 回覆樓主:

個人認為因為你細仔本身就係資優兒，並唔係因為閃卡而令佢變為資優兒。

我有朋友直頭上埋堂學各式各樣教育小朋友既方法，也有定時定候使用閃卡。小朋友唔專心就係唔專心，連閃卡時段都極唔專心，3歲確診自閉+專注力不足。不斷做訓練但情況並沒好轉，精神科醫生及治療師更話以佢情況，家長要有心理準備小朋友6歲就要因為ADHD而食藥。

阿女從未使用過閃卡，但從小已經專注力極好，遠高於同齡，學野好快。現4歲半未夠大做評估，但曾遇過一位來自美國既心理學博士跟我說阿女係資優兒。

作者: Leeleelau 時間: 18-5-24 01:56

jamhappybobo 發表於 18-5-22 17:05
之前見有人話閃卡無用，我真係要平反下，利申：只是普通家長一個，個仔已讀小學，不是任何sales.

之前買是 ...

請問閃卡係咩來

作者: Leeleelau 時間: 18-5-24 01:57

jamhappybobo 發表於 18-5-22 17:06
但好明顯的分別係佢每次閃時真係眼定定好專心甘望住你，然後佢到1歲多就好鍾意翻書。每次會好專心甘坐係度 ...

請問閃卡係咩來

作者: jamhappybobo 時間: 18-5-24 20:34

Leeleelau 發表於 18-5-24 01:57
請問閃卡係咩來

閃卡係一套教材，有中文卡，英文卡，百科卡及點卡，每天快速地閃十張卡，每天三次，當然要跟番時間表，之後卡的內容便會閃進我們的潛意識裏，就像我們有時見到一些東西好像在什麼地方見過一樣，這就是潛意識。

聽落好似好抽象，但我們很多以前學的東西都是潛意物化學的。

作者: jamhappybobo 時間: 18-5-24 20:48

scgift 發表於 18-5-23 03:17
個人認為因為你細仔本身就係資優兒，並唔係因為閃卡而令佢變為資優兒。

我有朋友直頭上埋堂學各式各樣教育 ...

當然可能你本身都叻，又識教小朋友，所以可以生到及培育到資優兒。我和先生都唔叻，我們夫婦都有精神病，個大仔又過度活躍，個細仔其實兩歲多都未識講野，那時他已完成了整套閃卡，但竟然有一日佢自己拿著中文閃卡自已讀出來，之後開始講好多野。那刻我知道之前的心機沒白費。
仲有我地沒時間理佢，不但沒去過playgroup, 連幼兒班都無去，只留在家中，但佢會自己拿閃卡出來睇和讀。不過有一點最重要，是要早開始，真的要由BB時期開始，我家姐個仔到6、7個月先開始已太遲，因為BB已開始分心，但如果早開始，養成了習慣，他便會一開始閃就眼定定望住你

作者: scgift 時間: 18-5-26 07:37

jamhappybobo 發表於 18-5-24 20:48
當然可能你本身都叻，又識教小朋友，所以可以生到及培育到資優兒。我和先生都唔叻，我們夫婦都有精神病， ...

資優（gifted）的語源是禮物（gift），由此可知它的本意是神或是天所給予的天賦，亦即生下來時神經系統就己具有的特徵。

我曾遇到過一位男孩(K2)，屋企冇教，但自己睇YouTube 學識加減乘除負數，英文12個月份望一次就識串。我相信呢位小男孩也是資優兒童。而呢位男孩正是言語遲緩的。

作者: Leeleelau 時間: 18-6-5 09:52

jamhappybobo 發表於 18-5-24 20:34
閃卡係一套教材，有中文卡，英文卡，百科卡及點卡，每天快速地閃十張卡，每天三次，當然要跟番時間表，之 ...

請問邊到有得買

作者: 牛拔雞肉腸 時間: 18-6-13 15:33

提示: 作者被禁止或刪除內容自動屏蔽

作者: iambecks 時間: 18-6-15 09:20

回覆牛拔雞肉腸的帖子

哩個site有得免費download...可以試下
https://www.sageyandfriends.com/search?q=flash

作者: MNIF 時間: 18-6-16 14:29

提示: 作者被禁止或刪除內容自動屏蔽

作者: ballaaa 時間: 18-6-16 21:13 標題: 回覆樓主:

我之前都買過黎閃，又係聽人話好。
但真係唔係想像咁易。
1.我同佢閃佢都唔想同我玩。
2.每日都做，其實耐性有限，
同埋測試完佢有啲係識，但好多都唔識。
加速令我放棄既念頭。
3.閃完一個主題，又要再閃第二個主題。
4.中文閃完又到英文，重點係我英文係有限公司，唔想佢學左我啲發音。
最終~我放棄了閃卡。
依家用第二個方法，我又輕鬆，
最緊要係唔駛我不斷重複講。
訓練到佢專注力之餘，我
仲測試到佢真係識。
我覺得舒服好多。

作者: tmy92013 時間: 18-6-16 23:50

ballaaa 發表於 18-6-16 21:13
我之前都買過黎閃，又係聽人話好。
但真係唔係想像咁易。
1.我同佢閃佢都唔想同我玩。

咩方法？

作者: ballaaa 時間: 18-6-17 00:06

tmy92013 發表於 18-6-16 23:50
咩方法？

我用迪士尼呀。
個碌卡機真係幫到我好多。
依家我女可以自己碌

作者: wenwenkwok 時間: 18-6-17 00:16

ballaaa 發表於 18-6-16 21:13
我之前都買過黎閃，又係聽人話好。
但真係唔係想像咁易。
1.我同佢閃佢都唔想同我玩。

我都有同你同一個感覺

作者: wenwenkwok 時間: 18-6-17 00:17

ballaaa 發表於 18-6-17 00:06
我用迪士尼呀。
個碌卡機真係幫到我好多。
依家我女可以自己碌

本帖最後由 wenwenkwok 於 18-6-17 00:32 編輯

方法同閃卡都幾似

作者: ballaaa 時間: 18-6-17 20:03

wenwenkwok 發表於 18-6-17 00:17
本帖最後由 wenwenkwok 於 18-6-17 00:32 編輯

方法同閃卡都幾似

最緊要係依家唔駛我講，
只係陪佢玩就已經學到。
媽媽我表示輕鬆好多

作者: prettywuman 時間: 18-6-19 19:36

jamhappybobo 發表於 18-5-22 17:05
之前見有人話閃卡無用，我真係要平反下，利申：只是普通家長一個，個仔已讀小學，不是任何sales.

之前買是 ...

我閃左兩年..三歲開始..個人覺得四歲開始先係太遲...我果個都係而家好鐘意睇書同坐得定...閃卡係有佢既用處

作者: prettywuman 時間: 18-6-19 19:37

prettywuman 發表於 18-6-19 19:36
我閃左兩年..三歲開始..個人覺得四歲開始先係太遲...我果個都係而家好鐘意睇書同坐得定...閃卡係有佢既用 ...

同埋我係自製閃卡..家長既耐性好重要

作者: 杰杰媽媽 時間: 18-8-5 23:06 標題: 回覆樓主:

我仔6歲前我都只係同佢玩自制閃卡，佢細個冇時停走黎走去，我唔會唔俾佢走，只要安全就得啦，但獨獨我同佢玩時佢先可以定一定（2分鐘啦）,已經好好啦，佢冇check過係咪過度活躍或專注力不足（同佢講野佢係一定走左去聽唔到），慢慢做左6年佢都記唔到幾多字，但佢專注力明顯好左好多好多，一個走唔停既人仔，居然可以係圍棋前面坐十個鐘比賽都唔叫走，對我黎講已經係奇跡，之後到讀書上小學第一年，佢係比人幼稚園死背書既人落後好多，但因為佢已經坐得定左好多，我幫佢解題目解左半年已經追到上去人地頭個一半到，家長長時間堅持係緊要過教材，但冇左呢堆道具又點會令到班細路肯聽你講呢，個個細路鐘意睇既都唔同，只要大人有恒心，用邊樣都可以做到好效果

作者: 杰杰媽媽 時間: 18-8-5 23:10 標題: 回覆樓主:

但。。。。香港人有耐性又有恒心既人真係少之又少了，有幾多大人可以自問做到俾晒所有時間個細路，我只有佢訓覺時先會做自已野

作者: candice1019 時間: 18-9-18 03:45

jamhappybobo 發表於 18-5-22 17:06
我想有些家長覺得無用係佢地要睇短期效應，呢個係無可能，而且恆心好緊要，仲要每天定時，定地方，我通常放 ...

想請問閃咭的內容要順次序嗎？例如我一天跟小朋友閃3次, boy->girl->baby->ball->cup, 係咪3次都要順返呢個次序架?
同埋可以講多啲係點樣用套閃咭? 閃幾耐可以加字/換另一套咭? 謝謝!(emoji)

作者: Lopopo 時間: 18-10-11 09:30

jamhappybobo 發表於 18-5-22 17:05
之前見有人話閃卡無用，我真係要平反下，利申：只是普通家長一個，個仔已讀小學，不是任何sales.

之前買是 ...

請問你買邊套閃卡？
我仔都無時停
而家13個月，希望閃卡幫到下手

作者: yhho 時間: 18-11-13 01:07

ballaaa 發表於 18-6-17 00:06
我用迪士尼呀。
個碌卡機真係幫到我好多。
依家我女可以自己碌

點幫到呢？

作者: yhho 時間: 18-11-13 01:08

iambecks 發表於 18-6-15 09:20
回覆牛拔雞肉腸的帖子

哩個site有得免費download...可以試下

你買定自己整？

作者: yhho 時間: 18-11-13 01:27

jamhappybobo 發表於 18-5-22 17:05
之前見有人話閃卡無用，我真係要平反下，利申：只是普通家長一個，個仔已讀小學，不是任何sales.

之前買是 ...

我覺得用閃卡最難是要快閃及讀出來，我成日都攪到張卡跌落地下

作者: Potato001 時間: 19-1-27 08:21 標題: 回覆樓主:

關於閃卡，可以參考一本叫 "愛因斯坦不玩識字卡" 的書，另外也可看看閃卡的發明/推廣人杜曼博士（Glenn Deman) 的著作，如何教寶寶閱讀/數學/百科知識/身強體健，圖書館有得借。

閃卡原意是訓練幼兒左右腦協調，用圖像記憶法，不過很多人用來訓練幼兒認字。幼兒學習其實是多感官的，用閃卡只用眼耳口，缺乏觸覺，也沒有理解，所以對字詞認知的局限在認讀，不明意思也不會應用。所以，家長其實除了用閃卡，也要讓幼兒接觸實物，多些生活體驗，否則只是死記硬背，時間久了便會遺忘那些認讀過的字詞。

作者: Potato001 時間: 19-1-27 08:36

candice1019 發表於 18-9-18 03:45
想請問閃咭的內容要順次序嗎？例如我一天跟小朋友閃3次, boy->girl->baby->ball->cup, 係咪3次都要順返呢 ...

幾年前用過閃卡，大約係咁:

首先逐個字讀一次，每次十個字左右，之後換次序，一共讀三次。

一日讀兩三次，即是每個字睇咗6-9次。隔兩三日可以換字，每次換兩三個。

我小朋友已經小學了，最近聽學校講座，講閱讀能力，有部份內容和閃卡類似，不過係叫小朋友認讀已學懂/應該懂的詞語。一次20個字，七成以上是小朋友認到的字，叫小朋友快速讀出來，約一秒讀一個，有不懂的家長可以教一次。之後換次序再讀，一個星期換幾個字。活動目的不為認字，而是訓練閱讀速度，因為如果小朋友要花很長時間才認讀到一個字，看句子和文章時借很難連貫字詞的意思，有礙理解，所以要練習速讀。

作者: pilco 時間: 19-3-20 00:30

提示: 作者被禁止或刪除內容自動屏蔽

作者: Meredith2014 時間: 19-4-5 01:12

scgift 發表於 18-5-23 03:17
個人認為因為你細仔本身就係資優兒，並唔係因為閃卡而令佢變為資優兒。

我有朋友直頭上埋堂學各式各樣教育 ...

本帖最後由 Meredith2014 於 19-4-5 01:20 編輯

本帖最後由 Meredith2014 於 19-4-5 01:19 編輯

謝謝分享

作者: jamhappybobo 時間: 19-4-8 15:39

MNIF 發表於 18-6-16 14:29
毫無疑問，恆久和早開始嘅閃咭演練將你兒子成為一個資優兒童。
替你高興。亦希望你不要太集中在資優與否這 ...

人地只係講客觀事實,無講過心靈及道德教育不重要,你如果係路過,是否多此一舉呢？

作者: MNIF 時間: 19-4-8 16:36

提示: 作者被禁止或刪除內容自動屏蔽

作者: celinechan117 時間: 19-4-27 18:26 標題: 回覆樓主:

ian using the doman flash cards. you can buy something sinilar at taobao. I think it really helps. my kid is very attentive to colours and visual ques now. I use the doman cards since she was born.

歡迎光臨教育王國 (/)