教育王國
標題: 論壇新手小學老師報到 [打印本頁]
作者: 伍sir 時間: 18-6-14 13:21 標題: 論壇新手小學老師報到
本帖最後由 伍sir 於 18-6-15 07:30 編輯
各家長有關小學問題可討論一下
歡迎大家討論下學校、學生、教學、育人等。
作者: kanhan 時間: 18-6-14 16:24
小朋友讀的學校，有位伍sir,
同佢接觸過，覺得他很正面，很好，
唔知會不會是你？哈哈！
作者: 伍sir 時間: 18-6-14 16:54
kanhan 發表於 18-6-14 16:24 
小朋友讀的學校，有位伍sir,
同佢接觸過，覺得他很正面，很好，
唔知會不會是你？哈哈！ ...
全港很多伍sir，應該機會不大，但仍然希望晌各家長發放多d正能量！^^
作者: licpd 時間: 18-6-14 17:11
伍sir 發表於 18-6-14 13:21
各家長有關小學問題可討論一下
1.校長通常點処理傢長投訴老師？
2.遇到bad teacher or ineffective teacher, 你覺得傢長可以點幫小朋友？
thanks
作者: 伍sir 時間: 18-6-14 18:55
licpd 發表於 18-6-14 17:11
有兩條問題請教下：
1.校長通常點処理傢長投訴老師？
2.遇到bad teacher or ineffective teacher, 你覺得傢 ...
直入回應
1.首先家長不要一開始就抱持投訴心態去投訴某某老師，要了解事情的發生始末，可以以反映意見心態去了解，校長通常開始都係當你反映意見，不是投訴。通常反映意見後大部分事情都可以得到某程度上理決。因為真正的投訴，老師家長都要付出很多精神時間。如家長理據充足，相信校長都會公正處理。
2.hea/bad/ineffective嘅老師間間學校都有，爭在多定少，如果唔好彩小朋友由那位老師教，其實都可以對小朋友無影響，又或者令到他討厭那科目，視乎影響去到邊。家長可以按小朋友情況疏導佢情緒，目的希望佢唔好失去學習興趣。
其他家長老師都可以回應下
作者: assado 時間: 18-6-14 19:06 標題: 回覆樓主:
伍Sir, 你來自津小/直私小 ?
作者: 伍sir 時間: 18-6-14 19:44
assado 發表於 18-6-14 19:06
伍Sir, 你來自津小/直私小 ?
津小
作者: tutik 時間: 18-6-14 21:05 標題: 回覆樓主:
伍sir, 請問教開那個科目？你怎樣去睇一個學生是否可造之材？
作者: 伍sir 時間: 18-6-14 21:53
tutik 發表於 18-6-14 21:05
伍sir, 請問教開那個科目？你怎樣去睇一個學生是否可造之材？
主教數學
其實每個學生都係可造之材，一定要tune正自己看法，佢有d野特別叻特別快，俾深少少佢，引佢自學興趣; 有d學得好慢好差就要找出佢強項等佢發揮，建立佢信心，咁佢差d果部分先容易帶起。
以上都係我看法啫，其實觀察得多自然知道呢個學生邊樣野得，邊樣野弱d
作者: menu1102 時間: 18-6-14 22:59
伍sir 發表於 18-6-14 21:53
主教數學
其實每個學生都係可造之材，一定要tune正自己看法，佢有d野特別叻特別快，俾深少少佢，引佢自學 ...
請問小朋友小一，數學成績麻麻，錢幣轉換，文字題最弱， 有什麼方法幫佢? 多做練習? 謝謝
作者: 964000 時間: 18-6-14 23:07 標題: 回覆樓主：
本帖最後由 964000 於 19-5-27 22:30 編輯
.....
作者: Mrs.Luckycat 時間: 18-6-14 23:26
伍sir 發表於 18-6-14 13:21
各家長有關小學問題可討論一下
伍sir, 請教如何令小朋友睇試卷時可以小心些？
作者: bonbonha 時間: 18-6-14 23:43 標題: 回覆樓主
伍sir, 請問如果小朋友數學concept 幾好，一講就明。現小一，已完成小一、小二課程，識4式運算，份數識加、減、帶分數假分數。但有時又會普通加減數都會計錯。現在有時間會自己在家教，但冇系統冇課程。咁情況，你認為我應俾佢出去學數，加快佢進度，or 有時間在家自己教就算？謝謝！
作者: cherriehahaha 時間: 18-6-15 01:21 標題: 回覆樓主
伍sir,請問如果小朋友勁粗心大意，有咩方法可以改善呢？已經不停做練習，都考都可以衰成10分係粗心，應該點搞呢？
作者: 伍sir 時間: 18-6-15 06:15
menu1102 發表於 18-6-14 22:59
請問小朋友小一，數學成績麻麻，錢幣轉換，文字題最弱， 有什麼方法幫佢? 多做練習? 謝謝
...
錢幣轉換普遍小一二學生都弱，主因係而家個個都用電子貨幣，少左接觸錢，建議晌家玩下d買賣，轉錢的親子活動，因為學校通常玩一次起兩次止，實在時間不多
至於文字題方面，小一小二腦部仲發展階段，如果細仔仲慢人大半年，理解力事實上無咁好，不建議過份多練習，可以先培養圈下題目重點嘅習慣，例如見到分物先用除法，唔同單位唔可以相加等。起碼應付左現時測考先，上高小時腦部發展好d，理解力應該有改善。
作者: 伍sir 時間: 18-6-15 06:29
Mrs.Luckycat 發表於 18-6-14 23:26
伍sir, 請教如何令小朋友睇試卷時可以小心些？
培養佢讀題目同圈重點習慣好重要。
每位小朋友接收訊息都有唔同效能，有d視覺強，有d聽覺強，有d讀完會get得多d等，多感官刺激有助小朋友接收
此外，圈重點的習慣要長期培養，例如，題目問乜(陳述句)，單位有無改變，x比y多即係邊個多等，我教學時都會不停重覆，示範圈比佢地睇，又要求佢地當功課圈埋。
不過，最後我想講大部分粗心大意的小朋友都係懶，想快完成份課業，都不看文字了，例如:爸爸和3位朋友......，見到3字當3人就算，醒目的，錯多幾次就會小心，較弱又懶的，可能要更長時間跟進
作者: 伍sir 時間: 18-6-15 06:33
cherriehahaha 發表於 18-6-15 01:21
伍sir,請問如果小朋友勁粗心大意，有咩方法可以改善呢？已經不停做練習，都考都可以衰成10分係粗心，應該點 ...
可以參考我對luckycat同menu的回覆，情況差不多
作者: 伍sir 時間: 18-6-15 07:16
964000 發表於 18-6-14 23:07
請問你覺得數學能力是先天定後天為主？幼稚園初小看得出嗎？又你是否覺得男女數學能力有別？是先天定後天？ ...
個人意見，數學能力先天後天都有影響，先天數感強，空間感強，自然學數學快得多，但後天仍然可以補足，但我覺得興趣大於一切，對數學有興趣嘅人，數學都不會太差
作者: 伍sir 時間: 18-6-15 07:26
bonbonha 發表於 18-6-14 23:43
伍sir, 請問如果小朋友數學concept 幾好，一講就明。現小一，已完成小一、小二課程，識4式運算，份數識加、 ...
你小朋友已經小三程度了，非常好，計算基本加減乘除數間中出現都正常嘅，狀態唔好大人都會有錯嘅時候，很難評定晌家學好定出去學，因為各有好處，又要視乎小朋友接收知識情況，報d小朋友喜歡的課程有助保持佢興趣，好似有d數學叻的高小學生真係討論數討論到興致勃勃，咁就已經好成功
你自己教都有d好處，可以完全了解佢程度去到邊，因為太深/太淺都有反效果，出面課程就未必啱佢需要。
作者: tutik 時間: 18-6-15 08:07 標題: 回覆樓主:
謝謝伍sir精僻既意見，句句到肉，唔小心其實係提唔起興趣，平時做數懶散慣，考時有時限就亂籠。
我明白小兒能力，確實不只於此，呈分在即，無辨法下用錢、時間買個安慰，肥了補習社。
作者: 964000 時間: 18-6-15 09:30
伍sir 發表於 18-6-15 07:16
個人意見，數學能力先天後天都有影響，先天數感強，空間感強，自然學數學快得多，但後天仍然可以補足，但 ...
本帖最後由 964000 於 19-5-27 22:30 編輯
....
作者: little_yolky 時間: 18-6-15 09:35
伍sir 發表於 18-6-15 07:26
你小朋友已經小三程度了，非常好，計算基本加減乘除數間中出現都正常嘅，狀態唔好大人都會有錯嘅時候，很 ...
作者: 伍sir 時間: 18-6-15 23:50
964000 發表於 18-6-15 09:30
「興趣大於一切」重點！
那你覺得現在小朋友四五歲便開始操公文數，eye level 對數學學習有沒有作用？
...
上呢類的課程目標係想小朋友運算快一點？想自己小朋友程度比別人高？
先要諗目標係乜，其實香港的數學課程都好有系統，螺旋式咁上，如小朋友跟到學校的進度就不需補習及任何其他操練，偶有忘記大都溫習返就可以，4-5歲似乎早了一點考慮，可能花時間培養閱讀興趣更好
作者: 伍sir 時間: 18-6-16 00:14
little_yolky 發表於 18-6-15 09:35
伍sir, 阿女P3, 佢運算唔錯, 但每個專題, 分開評估時次次都OK, 9X好高分, 但到真正計分測考全部撈埋時就出 ...
你小女的情況我有部分學生都有出現，估計提取記憶時出現混淆，不知道問題與那個課題有關。但以小三來說，更大機會係理解上有誤，我估計因為學了除法及分數等，混合小二的已有知識，如做題目時不說明來自哪一課，自己便要決定利用何種運算方式，難度自然提升，間中溫習一下以前所學，有助鞏固，例如做5題除法應用題練習中，可以其中一題改問乘法題目等。
作者: assado 時間: 18-6-16 06:59 標題: 回覆樓主:
關於津小功課量, 有家長話平日在家都要做上2小時, 我都有點嚇怕, 請問是實際情況是否這樣 ?
作者: 伍sir 時間: 18-6-16 08:44
assado 發表於 18-6-16 06:59
關於津小功課量, 有家長話平日在家都要做上2小時, 我都有點嚇怕, 請問是實際情況是否這樣 ?
...
津小功課量真係因學校而異，不能一概而論。不過除了考慮學校本身功課政策外，小朋友有無學習困難、大小肌協調問題、精神狀態、環境因素等都可能影響做功課速度，見有d學生見對功課量唔多都可以做到11-12點，反而要幫佢找出做功課速度慢的原因。
作者: 宮二 時間: 18-6-16 08:47
伍sir 發表於 18-6-14 13:21
各家長有關小學問題可討論一下
歡迎大家討論下學校、學生、教學、育人等。
...
想請教，每年熱門小學都要處理排山倒海的申請表和幾百甚至幾千個面試，可想像老師和校長以至校務人員工作量有多繁重
學校收生最看重的是什麼？
咁多人分組考，怎樣公平比較到面試表現？
成績表？
獎狀証書無咩用？
定話只係識人好過識字？
作者: licpd 時間: 18-6-16 08:50
伍sir 發表於 18-6-14 18:55
直入回應
1.首先家長不要一開始就抱持投訴心態去投訴某某老師，要了解事情的發生始末，可以以反映意見心態 ...
what strategies do you use to keep students engaged in your class? given that there are many types of students which may include students with ADHD, ADD..etc. eg. one of my son's math teachers likes to play Simon Says at the beginning of the class to help develop the kids listening skills. I can see big improvement on my son's executive function with such strategy. Love to hear yours too.
作者: 伍sir 時間: 18-6-16 11:44
宮二 發表於 18-6-16 08:47
想請教，每年熱門小學都要處理排山倒海的申請表和幾百甚至幾千個面試，可想像老師和校長以至校務人員工作 ...
識人根本無敵，唔洗識字。當然，小朋友程度本身唔適合，我建議都不要硬來。
每間學校收生看的都差不多，間間都想收叻學生，有時證書多寡都係感覺來，咁多人咁多份，根本不會逐一看；面試一樣，sharp 醒的自然大機會，不過學位有限，最後都係先俾識人果d(但面試一定不能太差)，餘下再分。
作者: assado 時間: 18-6-16 12:22 標題: 回覆樓主:
在老師角度看, 現今家長是否好麻煩 ? 
作者: 伍sir 時間: 18-6-16 13:02
licpd 發表於 18-6-16 08:50
thanks for the reply.
what strategies do you use to keep students engaged in your class? given that ...
有特殊教育需要的小朋友係有特別鑰匙開佢地注意力，要建立或找出來。但現實係佢唔晌大班搞事就算，不會特別俾太多刺激佢。
至於大班，依我經驗初小同高小學生要維持佢地學習動機我有自己一套:
初小方面，我比較似幼稚園老師，表情動作，語調都誇張一d，將d重覆性嘅練習搞到好似小遊戲咁，例如:背乘法我係會唱歌的；
高小方面，以教學活動主導，設計得好相對較容易讓學生投入，不需我太多精力像教初小般演出
最後，真係班班學生的情況都唔同，以上都係較概括描述我自己運用的教學方式
作者: 伍sir 時間: 18-6-16 13:06
assado 發表於 18-6-16 12:22
在老師角度看, 現今家長是否好麻煩 ?
家長類型五花八門，但大部分家長都係尊重老師、明白事理之人，所謂麻煩家長都係個別小數。
作者: 964000 時間: 18-6-16 14:28
伍sir 發表於 18-6-16 13:02
有特殊教育需要的小朋友係有特別鑰匙開佢地注意力，要建立或找出來。但現實係佢唔晌大班搞事就算，不會特 ...
感覺到你是一個有熱誠又有經驗的好老師，你的學生真幸福
作者: 伍sir 時間: 18-6-16 16:47
964000 發表於 18-6-16 14:28
感覺到你是一個有熱誠又有經驗的好老師，你的學生真幸福
誇獎了，要學習的東西還有很多，現在試緊電子學習，老師們都要虛心學習呢
作者: jadenhayden 時間: 18-6-16 20:01
伍sir 發表於 18-6-15 23:50
上呢類的課程目標係想小朋友運算快一點？想自己小朋友程度比別人高？
先要諗目標係乜，其實香港的數學課程 ...
想請教，如何可以讓小朋友對數學更感興趣？
作者: jantan28 時間: 18-6-16 23:27 標題: 回覆樓主
想請問我仔小二,數學概念ok，計數快,但是總是有大意不小心,例如試過抄錯數來計成條無分...以你經驗,這些問題到高小或再大d會否改善?
作者: 伍sir 時間: 18-6-17 05:56
jantan28 發表於 18-6-16 23:27
想請問我仔小二,數學概念ok，計數快,但是總是有大意不小心,例如試過抄錯數來計成條無分...以你經驗,這些問 ...
一定會改善，放心，因為有部分學生都係咁，呢類小問題高小會有明顯改善的。
作者: 伍sir 時間: 18-6-17 06:25
jadenhayden 發表於 18-6-16 20:01
想請教，如何可以讓小朋友對數學更感興趣？
數學本來就是一樣有趣的東西，但要提升小朋友對數學的興趣不外乎增加他在數學方面的能力，增加他在數學方面的成功經驗，例如玩下有數學成份的親子遊戲，要輸下俾佢等。
但高小學生會較果難，因為大個懂得選擇，又多不同玩意，如果小朋友本身唔鍾意數學(通常數成績不高分)，較難叫他對數有興趣，情況好似大人對自己不感興趣的事物一樣，咁要俾d誘因佢等佢唔好抗拒數學，情況就像有d人喜歡韓星就會走去學韓文一樣
最後，有時興趣是無得改變的，有點像先天決定，正如叫人去學某種語言，某種運動一樣，要接受佢係唔鍾意，只能鼓勵佢不放棄，不抗拒吧。
作者: mlau216 時間: 18-6-17 09:17
伍sir 發表於 18-6-14 13:21
各家長有關小學問題可討論一下
歡迎大家討論下學校、學生、教學、育人等。
...
伍sir,
想請教一下，孖女(11月細B）讀小一（分開班），細孖中英文追唔上（考試一唔讀卷就fail),每次一提”做功課”呢三個字就會喊，從來不肯溫習，默書次次唔合格，又唔鐘意寫字，唯獨是數學科唔抗拒。喺學校唔同其他人玩，一到小息就會走去操埸搵大孖，冇自己朋友。以你經驗細B係咪都有呢啲問題？要去到幾年班先有改善？會唔會自信心越來越低？有咩方法可以幫吓小朋友？
作者: 伍sir 時間: 18-6-17 10:30
mlau216 發表於 18-6-17 09:17
伍sir,
想請教一下，孖女(11月細B）讀小一（分開班），細孖中英文追唔上（考試一唔讀卷就fail),每次一提 ...
細b係大機會慢d就真，但唔排除到有其他因素，晌家情況怎樣？晌學校有無及早識別出有學習困難？
作者: 伍sir 時間: 18-6-17 10:35 標題: 回覆樓主:
以下連結為小一及早識別的資料
https://www.hkedcity.net/sen/spld/basic/page_5292c930e34399b231000000
識別出有學習困難不代表有學習障礙，只係及早為小朋友提供支援 ，給各位家長參考。
作者: mlau216 時間: 18-6-17 11:17
伍sir 發表於 18-6-17 10:30
細b係大機會慢d就真，但唔排除到有其他因素，晌家情況怎樣？晌學校有無及早識別出有學習困難？
...
細孖喺屋企自理方面冇問題，仲叻過大孖，學生活知識就好快，觀察力強，但就對學術冇興趣尤其是要寫字嘅科目例如中文，同學校老師傾過又話佢冇問題，只係怕忸啲，比較被動，講野勁細聲。喺屋企好鍾意喊，成日要人(emoji)，鐘意扮BB扮細個，一離開屋企就勁黐住大孖，佢有少少自卑，我讚佢叻佢會話”我覺得自己唔叻”,我讚佢靚佢會話”我覺得自己唔靚”
作者: 伍sir 時間: 18-6-18 10:30
mlau216 發表於 18-6-17 11:17
細孖喺屋企自理方面冇問題，仲叻過大孖，學生活知識就好快，觀察力強，但就對學術冇興趣尤其是要寫字嘅科 ...
細孖明顯係自信心不足，要多鼓勵，可以先晌佢的強項上著手，讚佢d強項，佢對自己有自信，慢慢會對讀書方面都會有多d，總有野係細孖叻過大孖吧。
作者: mlau216 時間: 18-6-18 22:53
伍sir 發表於 18-6-18 10:30
細孖明顯係自信心不足，要多鼓勵，可以先晌佢的強項上著手，讚佢d強項，佢對自己有自信，慢慢會對讀書方面 ...
佢對跳舞有興趣我的就比佢學，有次學校帶隊去比賽贏咗，我有讚佢，有隻碟可以睇返當日比賽，佢死都唔比我睇，真係唔知佢諗乜
作者: 伍sir 時間: 18-6-19 07:32
mlau216 發表於 18-6-18 22:53
佢對跳舞有興趣我的就比佢學，有次學校帶隊去比賽贏咗，我有讚佢，有隻碟可以睇返當日比賽，佢死都唔比我 ...
自信不足就係咁，要慢慢建立。注意有意無意打擊佢自信的言談。
作者: mlau216 時間: 18-6-19 07:41
伍sir 發表於 18-6-19 07:32
自信不足就係咁，要慢慢建立。注意有意無意打擊佢自信的言談。
明白，多謝伍sir 解答
作者: babieblue 時間: 18-6-19 10:44 標題: 回覆樓主
請問老師認為奧數是否有助提升數感呢？謝謝
作者: little_yolky 時間: 18-6-19 11:01
伍sir 發表於 18-6-16 00:14
你小女的情況我有部分學生都有出現，估計提取記憶時出現混淆，不知道問題與那個課題有關。但以小三來說， ...
講開又似, 佢好奇怪既, 做題目時如果做10題都係連加法, 第11題加減混合佢都會繼續連加, 好似盲咗咁！
作者: Olympian 時間: 18-6-19 11:13
little_yolky 發表於 18-6-19 11:01
講開又似, 佢好奇怪既, 做題目時如果做10題都係連加法, 第11題加減混合佢都會繼續連加, 好似盲咗 ...
咁又難怪佢過喎。佢點知最後陰佢呢！
作者: little_yolky 時間: 18-6-19 11:19
本帖最後由 little_yolky 於 18-6-19 11:23 編輯
Olympian 發表於 18-6-19 11:13
咁又難怪佢過喎。佢點知最後陰佢呢！
吓? 咁都叫陰佢? 做數要睇題目吧? 佢又唔係工廠女工只做一個工序。
上次有條文字題又係咁衰。題目話鴨有XX隻, 鴨係雞既X倍, 問雞有幾多隻。佢平時做開題目係鴨有XX隻, 雞係鴨X倍, 問雞有幾多隻。於是果日佢就直接將XX x X, 唔睇題目, 唔諗下人哋問乜, 合埋對眼就計。
作者: Olympian 時間: 18-6-19 11:21
little_yolky 發表於 18-6-19 11:19
吓? 咁都叫陰佢? 做數要睇題目吧? 佢又唔係工廠女工只做一個工序。
算陰架 。一起就由頭到尾都有加有減。
作者: bobbob 時間: 18-6-19 11:28
little_yolky 發表於 18-6-19 11:19
吓? 咁都叫陰佢? 做數要睇題目吧? 佢又唔係工廠女工只做一個工序。
上次有條文字題又係咁衰。題目 ...
作者: little_yolky 時間: 18-6-19 11:30
bobbob 發表於 18-6-19 11:28
係咪操得多，見到條題目唔洗諗就照『方程式』答？我不嬲覺得數學唔好操太多，物極必反 ...
作者: little_kid 時間: 18-6-19 11:52
伍sir 發表於 18-6-14 13:21
各家長有關小學問題可討論一下
歡迎大家討論下學校、學生、教學、育人等。
...
請教伍sir, 我小朋友小三。英文底子不好，作文gramma 混亂，幾時用is, are, has have仲未搞清楚。英文書還是只喜歡閱讀兩三句一頁的圖書。叫佢每日寫英文日記，短句故事當練習寫一排又唔寫？什麼提升英文能力？
作者: mamabianca 時間: 18-6-19 14:28
伍Sir, 請指教: 我小朋友(小二)平時做數學綀習卷時頗隱定, 但一到考試, 見到份卷那麼多頁, 心急怕做唔完(事實是她能完成所有題目還有小小時間剩, 但班上確有數位小朋友做唔完), 便粗心大意, 錯一些很簡單的數, 請問可以怎樣幫她改善呢? 另外, 出試卷時學校有規定題目的數量嗎? 家長應否訓練學生的答題速度?
作者: 伍sir 時間: 18-6-19 18:33
little_kid 發表於 18-6-19 11:52
請教伍sir, 我小朋友小三。英文底子不好，作文gramma 混亂，幾時用is, are, has have仲未搞清楚。英文書還 ...
小朋友似乎對學英文無興趣，比較難處理。起初佢英文做得唔好唔好鬧，教佢方法去完成課業，有可能係d死記梗背的方法，等佢啱少少先，再鼓勵佢。
無興趣呢條路比較漫長，有可能搞到升中時都係咁，家長要俾耐性。
作者: 伍sir 時間: 18-6-19 18:49
mamabianca 發表於 18-6-19 14:28
伍Sir, 請指教: 我小朋友(小二)平時做數學綀習卷時頗隱定, 但一到考試, 見到份卷那麼多頁, 心急怕做唔完(事 ...
本帖最後由 伍sir 於 18-6-19 18:53 編輯
小二有此情況不用擔心，慢慢解釋俾佢聽圖畫多先咁多頁，反而叫佢注意唔好揭頁揭多左。
錯簡單的數其實好平常，小二身體很多結構還在發展中，偶有錯誤提醒就可以，到高小情況會有改善。
此外，一般數學卷係有限制不同範疇出的題數數目，運算部份與非運算部份會有個平衡。
作者: little_kid 時間: 18-6-19 18:49
伍sir 發表於 18-6-19 18:33
小朋友似乎對學英文無興趣，比較難處理。起初佢英文做得唔好唔好鬧，教佢方法去完成課業，有可能係d死記梗 ...
唔好嚇我，要搞到升中!我依家同佢温英文每次真係温到自己喊。幾時喊到上中學？ 就是簡單的full stop後面英文字母要大階，依家仲有錯，there has , my 同me 搞亂成日出現。
作者: 伍sir 時間: 18-6-19 19:04
little_kid 發表於 18-6-19 18:49
唔好嚇我，要搞到升中!我依家同佢温英文每次真係温到自己喊。幾時喊到上中學？ 就是簡單的full stop後面英 ...
部份學生升中d英文都係得小二三水平，大有人在，不過呢類型通常係無家長理，你肯陪小朋友走呢條路，情況一定樂觀得多，別太擔心。
如果陪佢學英文係一件苦事，會感染佢覺得英文本身就係一件苦事。其實唔苦就奇，只能調節自己期望，佢有少少進步就讚下佢，相信佢會進步，改善。你自己都無咁辛苦。
作者: little_kid 時間: 18-6-19 20:45
伍sir 發表於 18-6-19 19:04
部份學生升中d英文都係得小二三水平，大有人在，不過呢類型通常係無家長理，你肯陪小朋友走呢條路，情況一 ...
謝謝提醒，我要盡量表現得不是苦事。
作者: 伍sir 時間: 18-6-19 21:08
little_kid 發表於 18-6-19 20:45
謝謝提醒，我要盡量表現得不是苦事。
加油！我地老師都經常提醒自己，每個學生都有得救，每個都可以進步的！
作者: little_kid 時間: 18-6-19 22:26
伍sir 發表於 18-6-19 21:08
加油！我地老師都經常提醒自己，每個學生都有得救，每個都可以進步的！
...
伍sir，你真熱心教育。你的學生很有福呢!
作者: casecase 時間: 18-6-20 13:40 標題: 回覆樓主
小朋友p1數學考試經常錯 careless mistakes, 每次錯4-5條左右，例如出橫式計37+13 , 手快快用心算答40。
考試前試做幾次mock 卷當溫習，已經每次在開始前提他小心計。但careless mistakes 數量也差不多。其實如果不錯個幾條careless mistakes, 是全卷答對，反而難度高的問題很少錯。數學的 concept 他是掌握的，指出那一條錯，他已經可以即時改番啱。他很有興趣學深一些的題目，會問怎樣計，但淺的題目，發現他比較求其。想請教應該怎樣辦？
作者: mamabianca 時間: 18-6-20 15:52
回覆 伍sir 的帖子
多謝伍Sir! 你真是一位很用心, 很體貼小朋友的老師.
作者: 牛拔雞肉腸 時間: 18-6-20 16:06
提示: 作者被禁止或刪除 內容自動屏蔽
作者: 伍sir 時間: 18-6-20 17:46
casecase 發表於 18-6-20 13:40
小朋友p1數學考試經常錯 careless mistakes, 每次錯4-5條左右，例如出橫式計37+13 , 手快快用心算答40。
考 ...
看來小朋友對數學都是滿有信心的，P1計得快而有少少錯都屬小問題，要改善可能幫他建立覆卷習慣比較開始時提醒他小心計來得有成效，又快又準以他來說練習上去自然可以，但覆卷習慣一旦被建立，懂得自我修正，上高小係一大優勢。
作者: 伍sir 時間: 18-6-20 18:03
牛拔雞肉腸 發表於 18-6-20 16:06
伍sir 做了多久小學老師, 遇上頑童如何應對
本帖最後由 伍sir 於 18-6-20 18:04 編輯
難，很難三言兩語說明，真係個個小朋友都唔同 只能依自己十多年經驗大路咁答:
1.你想同佢保持什麼關係？
部份老師遇到呢D都避之則吉，「最好唔好晌我果班，最好唔洗我處理，最好同佢無關係」，一般都高壓處理完事，呢類即時有效果，但唔持久，佢只會找機會繼續搞事
2.你有無睇死佢？
你睇死佢，佢唔會覺得要進步，頑童只會更頑
3.你有無走進佢世界？
頑童大都是將家庭問題帶回學校，要拆解需要時間心力
說實話，我真係講得很粗疏，但總意係愛。願意花時間留意他，和他輔導？願意和他建立關係？願意了解他的需要？
續
作者: 伍sir 時間: 18-6-20 18:03 標題: 回覆樓主:
續
誠實，如果不是我任教的學生，我不會主動去處理他們，畢竟我都好有限；但如果是我任教的，我卻不介意花時間去做，關係一旦建立，很多行為問題都容易解決。
作者: casecase 時間: 18-6-20 18:28
回覆 伍sir 的帖子
謝謝你的意見! 覆卷投巧還需待掌握, 有時他只看有沒有做漏題目.
作者: 伍sir 時間: 18-6-20 18:29
casecase 發表於 18-6-20 18:28
回覆 伍sir 的帖子
謝謝你的意見! 覆卷投巧還需待掌握, 有時他只看有沒有做漏題目.
慢慢，畢竟p1人仔咋
作者: MyBear 時間: 18-6-20 19:08 標題: 回覆樓主:
伍Sir, 小兒即將升小一，目前只識計個位加減數，佢唔曉用手指計，只會慢慢諗答案，暑假我要點樣再訓練佢預備小一呢?
係咪最好學吓珠心算定手指算?
作者: asweetmom 時間: 18-6-20 19:45 標題: 回覆樓主:
是甚麼吸引樓主現身E K小學版呢？ 
作者: 伍sir 時間: 18-6-20 20:07
MyBear 發表於 18-6-20 19:08
伍Sir, 小兒即將升小一，目前只識計個位加減數，佢唔曉用手指計，只會慢慢諗答案，暑假我要點樣再訓練佢預 ...
個人建議不需為數學作特別預備，因小一數學還是會由數數開始。如想小一入學前作點準備，強烈建議先集中培養他閱讀習慣。
作者: 伍sir 時間: 18-6-20 20:08
asweetmom 發表於 18-6-20 19:45
是甚麼吸引樓主現身E K小學版呢？
都有點原因，大家估下^^
作者: jadenhayden 時間: 18-6-20 20:26
伍sir 發表於 18-6-20 20:07
個人建議不需為數學作特別預備，因小一數學還是會由數數開始。如想小一入學前作點準備，強烈建議先集中培 ...
其實如果要數學好！係咪一定要操數？
但我個人覺得，操數會讓小朋友變成計數機器一樣，操得多，佢會知道，遇到呢個題種，要點處理，但是否真正理解，又係另一回事！
想請教，除操數，仲有無其他方法，讓小朋友數理慢慢進步？
作者: 伍sir 時間: 18-6-21 07:36
jadenhayden 發表於 18-6-20 20:26
其實如果要數學好！係咪一定要操數？
但我個人覺得，操數會讓小朋友變成計數機器一樣，操得多，佢會知道， ...
「先理解，後操數」，呢個舖排應該係最理想。可惜現部份學生卻是「不需理解，只操數」，呢類型可能數學成績不太差，但上高班會教吃力。而最惡劣係「不想理解，不操數」，這類型已經對數學失去興趣，很難救，不過呢類型屬實少數。
數學科內除了運算能力外，牽涉邏輯思維、解難能力、空間感等。但要「理解」，最基本都係又實物教學開始，幫學生轉化為符號/抽象概念。
續
作者: 伍sir 時間: 18-6-21 07:36 標題: 回覆樓主:
續
例如: 小一其中一個數學難點係位值，11呢個數目/符號對成人來說係非常容易理解，但對某部份學生來說，佢可能理解為1和1，什麼逢十進一的概念，操佢加法故然可以計得啱，但要佢明白進位，就需借助數粒協助(實物)，右邊的1係1粒，左邊的1意思係1條，方便數算及計算。
一般解說時間因人而異，快的可能一兩次就明，慢的可以好耐，高能力的，可能畫圖都得。
不過有時真係要操左先，操完再理解返轉頭，下次討論呢個情況。
作者: shadeslayer 時間: 18-6-21 08:24
little_kid 發表於 18-6-19 18:49
唔好嚇我，要搞到升中!我依家同佢温英文每次真係温到自己喊。幾時喊到上中學？ 就是簡單的full stop後面英 ...
升中？大學生都見過類似的錯處。
欲速則不達，家長太緊張，孩子自然太緊張，愈做可能愈差。
作者: eviepa 時間: 18-6-21 08:52
伍Sir答得好精彩，但係根據過往經驗，呢類人過得一陣就會永遠诮失。
希望呢次係例外，三年後都見到佢。
作者: dkwlai88 時間: 18-6-21 10:24
伍sir 發表於 18-6-20 18:03
本帖最後由 伍sir 於 18-6-20 18:04 編輯
難，很難三言兩語說明，真係個個小朋友都唔同 只能依自己十多 ...
Thanks a lot for the sharing and advice !!
作者: little_kid 時間: 18-6-21 10:36
eviepa 發表於 18-6-21 08:52
伍Sir答得好精彩，但係根據過往經驗，呢類人過得一陣就會永遠诮失。
希望呢次係例外，三年後都見到佢。 ...
你指邊個永久消失, 唔明你指乜!
作者: lovebb2 時間: 18-6-21 10:44
伍sir 發表於 18-6-20 20:08
都有點原因，大家估下^^
因發覺 大人對 小朋友怎樣學 數學 有很多誤解。 
作者: eviepa 時間: 18-6-21 11:10
little_kid 發表於 18-6-21 10:36
你指邊個永久消失, 唔明你指乜!
希望今次例外。
作者: little_kid 時間: 18-6-21 11:53
eviepa 發表於 18-6-21 11:10
過往久唔久都會有一個有料、肯抽時間解答家長問題嘅專業人仕。但可能係抽唔到時間或者係其他原因，呢類人總 ...
有人指點一下，家長獲益良多。
作者: Felix223 時間: 18-6-21 12:29
伍sir 發表於 18-6-21 07:36
續
例如: 小一其中一個數學難點係位值，11呢個數目/符號對成人來說係非常容易理解，但對某部份學生來說， ...
Good ! 我個仔準備上小一，又是遇到同類問題，感謝解釋得好清楚
作者: 伍sir 時間: 18-6-21 12:35
lovebb2 發表於 18-6-21 10:44
因發覺 大人對 小朋友怎樣學 數學 有很多誤解。
其實無諗過答咁多數學問題，只係想教師家長多d交流小朋友在學校或學習上的東西吧。
作者: 伍sir 時間: 18-6-21 12:40
eviepa 發表於 18-6-21 11:10
過往久唔久都會有一個有料、肯抽時間解答家長問題嘅專業人仕。但可能係抽唔到時間或者係其他原因，呢類人總 ...
太誇獎了，只是經驗分享罷了，每個人嘅出現同離開都有唔同原因嘅，咁啱有家長問到，我都係分享下經驗希望幫到少少，
不過歸根究底，我覺得方法都係次要，態度才是首要。
作者: S-Kwok 時間: 18-6-21 13:24
伍sir 發表於 18-6-21 12:40
太誇獎了，只是經驗分享罷了，每個人嘅出現同離開都有唔同原因嘅，咁啱有家長問到，我都係分享下經驗希望 ...
態度決定高度，而態度往往係最難教嘅項目 
作者: lovebb2 時間: 18-6-21 14:33
伍sir 發表於 18-6-21 12:40
太誇獎了，只是經驗分享罷了，每個人嘅出現同離開都有唔同原因嘅，咁啱有家長問到，我都係分享下經驗希望 ...
怎樣才可以 改善小朋友 態度? 
好想知道 
作者: sweetapplebb 時間: 18-6-21 16:11
好欣賞伍Sir學校忙總抽到時間回應家長。我想問點教小朋友做單位轉換?
女女小2 就來小3,最近數學教米,厘米,毫米,公里,
阿女總係唔明白,謝謝
作者: 伍sir 時間: 18-6-21 18:04
S-Kwok 發表於 18-6-21 13:24
態度決定高度，而態度往往係最難教嘅項目
其實我指家長同教師^^
作者: 伍sir 時間: 18-6-21 18:08
sweetapplebb 發表於 18-6-21 16:11
好欣賞伍Sir學校忙總抽到時間回應家長。我想問點教小朋友做單位轉換?
女女小2 就來小3,最近數學教米,厘米, ...
毫米公里係小三課程，你女兒學校教快了？一般厘米vs米不太難處理，全部用實物量度入手，當佢有個概念會較容易記得1米=100厘米，反而未試過一次教4個長度單位。
作者: 伍sir 時間: 18-6-21 18:10
lovebb2 發表於 18-6-21 14:33
怎樣才可以 改善小朋友 態度?
好想知道
其實我指家長同教師^^
作者: meatballk 時間: 18-6-21 18:13 標題: 回覆樓主:
想請教伍sir:
剛升小一的小朋友在適應上會有咩問題發生? 作為家長如何幫手?
作者: 伍sir 時間: 18-6-21 19:06
meatballk 發表於 18-6-21 18:13
想請教伍sir:
剛升小一的小朋友在適應上會有咩問題發生? 作為家長如何幫手?
小一適應五花八門，我只講觀察到的4個情況:
1.新環境: 新學校新地方新同學新老師，乜都新，莫說小朋友，大人都要慢慢啦。家長可以6月開始向小朋友預告定，有時間帶小朋友去走走新學校門外，盡可能安排時間參加小一入學前的適應班，一般都可以順利過度。
2.新學習模式: 呢個最難處理，幼稚園一般較小學多活動/走動，全日制又有午睡，一般小朋友最難適應呢個轉變，要佢地坐定定上堂真係唔容易，只能慢慢習慣，唔習慣嘅可能有學習困難情況出現，咁學校一般都有額外支援呢類小朋友，不用太緊張。
續
作者: 伍sir 時間: 18-6-21 19:07 標題: 回覆樓主:
續
3.功課模式改變: 功課量增加就必然，如小朋友小肌肉不夠強，做功課會感吃力，呢方面家長要幫幫佢安排分配功課及休息時間，此舉亦有助迎合小朋友未能長時間專注的情況。建議親子時間時玩多d鍛鍊小肌肉的活動。
4.出現考核: 一般學校會安排小一考核時讀卷，以幫助小朋友適應，所以呢方面不用太擔心，反而家長陪小朋友溫習先最辛苦，又要培養小朋友以正確態度去面對考試(緊張得唻又唔好太緊張果d)。所以大家都要懂得適時減壓輕鬆下。
暫時諗到咁多，如有其他適應問題，學校有學生輔導主任，學生支援組等樂意協助家長，為家長提供意見。
作者: S-Kwok 時間: 18-6-21 19:14 標題: 回覆樓主:
伍sir, 去到五、六年級，老師會對學生有什麼期望 ? 例如: 功課、與同學之間嘅相處、對老師嘅態度。 有什麼行為，老師覺得係最難處理?
作者: shadeslayer 時間: 18-6-21 19:24 標題: 回覆樓主:
伍 sir，你係行內人，說話有條理，想聽下你意見。
1. 點解咁多學校聲淚俱下力陳操練害處，以反對TSA，但轉頭操 pre S1 ，補課，暑假作業？人格分裂？
2. 身為教育工作者，因為自身不着邊際的理由，把自己也認為不好的東西(操練)，強加無辜學生身上，是否有違教育工人者基本原則；盡力教好學生？
作者: MNIF 時間: 18-6-21 20:39
提示: 作者被禁止或刪除 內容自動屏蔽
作者: 伍sir 時間: 18-6-21 21:11
S-Kwok 發表於 18-6-21 19:14
伍sir, 去到五、六年級，老師會對學生有什麼期望 ? 例如: 功課、與同學之間嘅相處、對老師嘅態度。 有什 ...
我對唔同學生都有唔同期望，但一般來說，我總結係有兩大向度:
1.學會學習，保持學習熱情
現在晌互聯網獲得知識易如反掌，一個人對自己喜歡的事物有熱情(passion),自然會前進，根本不需老師，自學都得。知識不斷推陳出新，有熱情嘅學生學野其實仲快過老師。
2.保護自己，做個好人
現今太多陷阱、歪風，信任別人之餘又要有防範意識，做好人係一個方向，需要成人去引導佢地。
學生有好多野都好難處理，不過我認為樣樣都有得搞，有得救，惟獨「懶」，真係無得救。
| 歡迎光臨 教育王國 (/) |
Powered by Discuz! X1.5 |