教育王國
標題: 英基小學用家評價 [打印本頁]
作者: GloSee 時間: 22-1-21 11:33 標題: 英基小學用家評價
本帖最後由 GloSee 於 22-1-24 17:55 編輯
因為岩岩收到Y1 offer, 請問有無英基小學用家可以俾下意見?
1. 教學質素如何?
2. 老師有教學熱誠同關心學生嗎?
3. 例如Y1要做咩功課?
4. 學生discipline如何? 有無欺凌情況?
5. 老師多唔多影相/video放上網俾家長睇?
6. 老師多唔多同家長溝通?
7. Playground language係咪英文?
8. 多唔多After-school activities?
感謝(emoji)(emoji)(emoji)
作者: oooray 時間: 22-1-24 14:20
如果問題1-8係你想要嘅野, 你一定失望。或者你要先調整下你嘅期望。
作者: JS0504 時間: 22-1-24 14:56
即係英基好差嗎？
作者: aechan 時間: 22-1-24 15:09
乜都唔知又去申請？又會收到OFFER 咁幸運？
作者: GloSee 時間: 22-1-24 15:17
aechan 發表於 22-1-24 15:09 
乜都唔知又去申請？又會收到OFFER 咁幸運？
呢d野未讀過又點會知ar?
你未讀過間學校會知老師教得好唔好?
你諗野咁負面，就真係好難有offer啦
作者: rai_fc 時間: 22-1-24 16:22
My son got bully by his classmate. But after I emailed the teachers, they took action the next day and got it resolved.
作者: Kai92 時間: 22-1-24 16:38
rai_fc 發表於 22-1-24 16:22
My son got bully by his classmate. But after I emailed the teachers, they took action the next day ...
May I know which campus and year?
作者: oooray 時間: 22-1-24 16:45
本帖最後由 oooray 於 22-1-24 16:46 編輯
回覆 JS0504 的帖子
我覺得幾好, 我由K1到Year 13家長都做過,只係無法滿足以上8個願望。
作者: barque 時間: 22-1-24 17:37 標題: 回覆樓主：
本帖最後由 barque 於 22-1-24 17:39 編輯
可能好多國際學校的家長都唔會直接回答你這類問題。我估你對國際學校認識唔多，所以想通過這8條問題的答案去評估下學校到底是怎樣和好唔好呢？我只可以講如果按照你這8條問題去答，我都可以幾肯定唔係你心目中的好學校。例如我覺得冇功都和考試是國際好的地方，等等。只可以從你問的問題中告訴你，國際學校不是你心。目所想的那樣。
作者: GloSee 時間: 22-1-24 17:41
barque 發表於 22-1-24 17:37
可能好多國際學校的家長都唔會直接回答你這類問題。我估你對國際學校認識唔多，所以想通過這8條問題的答案 ...
其實我就係想功課少同考試少ar
因為唔係好識人讀英基，所以想知英基係咪咁
作者: GloSee 時間: 22-1-24 17:44
oooray 發表於 22-1-24 16:45
回覆 JS0504 的帖子
我覺得幾好, 我由K1到Year 13家長都做過,只係無法滿足以上8個願望。 ...
例如第1點，教學質素如何? 即係你覺得教學質素差?
作者: GloSee 時間: 22-1-24 17:57
oooray 發表於 22-1-24 14:20
如果問題1-8係你想要嘅野, 你一定失望。或者你要先調整下你嘅期望。
1-8都失望? 如果係，咁好恐怖wor
作者: miffy_peach 時間: 22-1-24 18:16
樓主，不如分享下就你之前做過嘅research , 你覺得ESF 係點嘅學校先？
關於ESF 的網上資訊不少，應該不難找到的。
作者: GloSee 時間: 22-1-24 18:27
miffy_peach 發表於 22-1-24 18:16
樓主，不如分享下就你之前做過嘅research , 你覺得ESF 係點嘅學校先？
關於ESF 的網上資訊不少，應該不難 ...
以我理解，ESF係inquiry-based learning, 活動教學為主，小學行PYP
我buy呢種教學模式
但係某d whatsapp group聽到有讀緊既家長話讀落無想像中咁好，話1班太多人，老師顧唔到咁多之類
亦有家長提及欺凌問題
所以我想知多d其他用家點睇
作者: cherry1126 時間: 22-1-24 18:49
GloSee 發表於 22-1-24 18:27
以我理解，ESF係inquiry-based learning, 活動教學為主，小學行PYP
我buy呢種教學模式
本帖最後由 cherry1126 於 22-1-24 18:56 編輯
本帖最後由 cherry1126 於 22-1-24 18:53 編輯
一班有30人，有1老師2助教，小朋友沒有被忽略。我小朋友Y6才插入，老師用了短短兩個月已可以找到小朋友短處及長處，和找到方法幫小朋友加以改善。有關欺凌問題，我相信每間學校都會發生，我小朋友開學時都有遇上過小小這個問題，校方很迅速處理，第二天已解決了。學校定期有3-way conferenc與小朋友家長三方面去溝通，有問題亦可直接email 老師，他們會快速回覆及解決問題。so far 對學校教育模式是很滿意的。小朋友每天都要在學校堂上閱讀大約20-30分鐘，他們基本上在學校已完成所有project 和功課，暫時放學後都是很輕鬆的。至於upload相片，校方會用seesaw app去分享小朋友課堂表現給家長觀看，但數量唔係好多。中文用簡體及國語輔以英語教學，程度比較淺，要學繁體字，我想家長要外補了。小朋友校內全部以英語溝通，國語只會在中文堂應用。今年COVID 關係，課外活動選擇唔太多，但小朋友就非常enjoy。
作者: oooray 時間: 22-1-24 20:43
回覆 GloSee 的帖子
小學讀幾年你總會遇到好好,幾好,或者冇咁好嘅老師,加上一對30,總有些家長覺得唔夠好。(我一開始講左我覺得幾好,2個小朋友小學階段也遇過幾個好inspiring嘅老師,但人人感覺唔同,都係做下期望管理)
作者: oooray 時間: 22-1-24 21:01
回覆 GloSee 的帖子
1-8點樓上已詳述,基本我也認同,不贅。樓主提出8個問題,令我感覺好像問year one是否像一些稍有名氣的本地私幼描述的賣點。
個人意見,認為學生要適應國際學校生活,家長也同時學習及適應。學校,老師不會主動告訴你什麼什麼,想多了解的話,多參與學校讓家長參與的活動(多數是上課時間抽一兩個小時,,對working parents有壓力),大多是非常無聊的活動,但多多參與,你便能知道孩子在學校的生活如何。
作者: GloSee 時間: 22-1-24 21:21
cherry1126 發表於 22-1-24 18:49
本帖最後由 cherry1126 於 22-1-24 18:56 編輯
本帖最後由 cherry1126 於 22-1-24 18:53 編輯
Thank you!! 你解答左好多我唔知既野 
聽你咁講幾好
作者: Jane1983 時間: 22-1-24 21:25
回覆 oooray 的帖子
其他唔敢講，但#7一定中。Playground language係英文。
作者: annie40 時間: 22-1-24 22:22
本帖最後由 annie40 於 22-1-24 22:25 編輯
樓主，
教書育人從來不存在買家和賣家之間的交易關係，「用家」之詞泛指曾經光顧過的顧客。正常學校是沒有「店主」和「用家」的。ESF沒有「店主」，亦不會有「用家」，看來妳的查詢困惑是來自你入錯申請表，找錯學校了。
作者: GloSee 時間: 22-1-24 23:40
annie40 發表於 22-1-24 22:22
樓主，
教書育人從來不存在買家和賣家之間的交易關係，「用家」之詞泛指曾經光顧過的顧客。正常學校是沒有 ...
討論區傾下計洗唔洗咁執著?
我反而認為你留言留錯地方了, 呢度係家長分享學校資料o既地方，唔係討論中文用字準唔準確o既地方
就算真係要討論，你呢段文字形容非牟利既學校還可以講得過去.....
你諗清楚，真係apply到係國際學校/私校? 你敢講佢地完全無commercial?
你睇睇國際學校既private investment先啦
作者: GloSee 時間: 22-1-24 23:42
rai_fc 發表於 22-1-24 16:22
My son got bully by his classmate. But after I emailed the teachers, they took action the next day ...
Thanks
May I know more about their solution?
作者: annie40 時間: 22-1-25 09:32
GloSee 發表於 22-1-24 23:40
討論區傾下計洗唔洗咁執著?
我反而認為你留言留錯地方了, 呢度係家長分享學校資料o既地方，唔係討論中文用 ...
作者: sabsab122 時間: 22-1-25 11:45
回覆 annie40 的帖子
始終未讀過，真係好難用「心甘情願」去形容點解要交學費同埋債券，大家都係以試下嘅心態去睇吓啱唔啱自己小朋友。
至於教學質素，每間學校真係有高低之分，
點解問下都要被批鬥呢？
利申：我都想了解多d ESF primary
作者: federationsony 時間: 22-1-25 13:01
Make your Child to study Year One in A international schools this year,, B international schools next year, C international schools the following years and so on..and you will know the answer
作者: bbba05 時間: 22-1-25 13:14
唔明點解哩個post有咁多咁冇建設性嘅回覆
作者: a_bah0704 時間: 22-1-25 13:17
sabsab122 發表於 22-1-25 11:45
回覆 annie40 的帖子
始終未讀過，真係好難用「心甘情願」去形容點解要交學費同埋債券，大家都係以試下嘅 ...
路過，有感而發!
我也喜歡看討論區找資料，但時常看到發問者被質疑未有做足資料蒐集便發問，批評者亦沒有提供有關資料，討論區內互相和平理性討論交流相關資料的作用也沒有好好發揮。
作者: GloSee 時間: 22-1-25 13:38
sabsab122 發表於 22-1-25 11:45
回覆 annie40 的帖子
始終未讀過，真係好難用「心甘情願」去形容點解要交學費同埋債券，大家都係以試下嘅 ...
我都唔明點解問下都唔得
呢個post某d回應者俾我既感覺係神化左國際學校，難道國際學校唔可以有缺點?
講真，對於普通中產黎講，ESF既學費+其他費用絕對唔係散紙，俾之前緊係想問清楚
作者: GloSee 時間: 22-1-25 13:42
a_bah0704 發表於 22-1-25 13:17
路過，有感而發!
我也喜歡看討論區找資料，但時常看到發問者被質疑未有做足資料蒐集便發問，批評者亦沒 ...
認同，討論區本來就係咁用
之前search到既posts好多都幾年前
只係想問下而家最update既情況
作者: ckmammy 時間: 22-1-25 13:51
GloSee 發表於 22-1-25 13:38
我都唔明點解問下都唔得
呢個post某d回應者俾我既感覺係神化左國際學校，難道國際學校唔可以有缺點?
作者: oooray 時間: 22-1-25 15:21
回覆 GloSee 的帖子
其實樓上已經答晒你8大訴求。試歸納一下:1. 學教質素冇保證;隨緣;
2. 老師熱誠?隨緣;
3. Y123功課不足, 大量家長要課餘上公文班, 中文班;
4.學生discipline一般活躍但普遍有禮, 卻不排除有少數沒有家教的孩子混進來;bully間間學校都有, 睇下你遇唔遇到,
5. 老師多影相/video:個人感覺偏少;
6. 老師多唔多同家長溝通, 除了每年2,3次3-way conference, student led conference, 一般唔會主動搵你;
7. Playground language:樓上答左, 我見過識中文嘅學生唔會係學校跟同學講中文;
8. After school activities : 自費活動, (我未join過)
ESF缺點多的是, 又試歸納一下:
1. 學費貴(但出面更貴);
2. 大班教學(1:30);
3. 中文差;
4. 冇功課, 冇考試(是缺點定優點, 看家長要求);
5. 冇得溫書(因為冇textbook);
至於值唔值得讀, 因人而異。
學校只係提供一個平台, 至於家長如果運用和發揮, 各師各法, 不能保證最後人人也是IB狀元。
作者: Jane1983 時間: 22-1-25 17:39
本帖最後由 Jane1983 於 22-1-25 17:41 編輯
其實隨住仔女漸大，家長視覺係會有唔同。我小朋友細個的時候，我都好在意一間學校學術點、老師點、校風點，我寶貝係度讀係咪最好。但耐咗，你慢慢會發現學校其實只係一個平台，最終都係靠自己修行。再「流」的學校都出到勁學生，只係每個人背後付出唔同。你問到的教學質素、老師熱誠、bully呢d嘢，每一間學校都有呢d問題，但香港有歷史的IS應該無一間有系統性的缺憾。但遇唔遇到，睇你彩數。
有時有網友答得比較玄，你而家覺得irrelevant，但過幾年，可能你諗番起，會另有感受。
作者: barque 時間: 22-1-25 18:47
Jane1983 發表於 22-1-25 17:39
其實隨住仔女漸大，家長視覺係會有唔同。我小朋友細個的時候，我都好在意一間學校學術點、老師點、校風點， ...
我都有同感，其實我都唔知怎樣回應這些問題。如果嘗試回答，我相信大部分答案都是一般或偏唔好的。我覺得國際學校這個平台，對一些小朋友非常之適合，我都認識一班從小一開始讀而又非常之出色的學生，因為這平台沒有什麼多餘和無謂的功課和考試去限制這類學生的學習動機。相反亦都見唔少讀得非一般的學生。
作者: nganchi176 時間: 22-1-25 21:05
Jane1983 發表於 22-1-25 17:39
其實隨住仔女漸大，家長視覺係會有唔同。我小朋友細個的時候，我都好在意一間學校學術點、老師點、校風點， ...
agree with what u said!!!
作者: Nbs 時間: 22-1-25 21:16
點解d 回覆咁harsh 嘅？！
樓主，我女讀緊ESF RC year 1
停學前係無功課，一樣都無
Playground language 係英文
一班30 人，其實都大班，多嘢講嘅同學會得到多 d attention, 但感覺老師係有經驗有愛心同有熱誠的。之前有 d 關於我女嘅問題email 老師，佢好快覆，好encouraging 同好肯幫忙。不過跟住停課，所以問題solve 到未就未知。
國際學校嚟講ESF 學費算平，不過亦因為咁，多人讀，缺點係好大班教學。
作者: GloSee 時間: 22-1-25 21:32
Nbs 發表於 22-1-25 21:16
點解d 回覆咁harsh 嘅？！
樓主，我女讀緊ESF RC year 1
Thank you! 另外想問下，聽講疫情唔嚴重時，放學有課外活動可以選擇參加
例如有咩課外活動呢?
作者: GloSee 時間: 22-1-25 21:38
Jane1983 發表於 22-1-25 17:39
其實隨住仔女漸大，家長視覺係會有唔同。我小朋友細個的時候，我都好在意一間學校學術點、老師點、校風點， ...
如果好似你咁講，即係間間學校都一樣，讀邊間都無分別
咁全部抽獎就得
而呢個forum其實都無存在意義啦 
講笑, no offense
作者: Nbs 時間: 22-1-25 21:42
GloSee 發表於 22-1-25 21:32
Thank you! 另外想問下，聽講疫情唔嚴重時，放學有課外活動可以選擇參加
例如有咩課外活動呢?
...
有課外活動呀
不過我無特別睇，因為我帶唔到佢去。
即使係喺同一校舍，佢都要有人接咗小朋友放學，先再帶佢去課外活動。我地屋企離學校遠，我好難做到去接佢，所以無參加過學校嘅課外活動。大少少佢可以自己放學先啦。
作者: mister 時間: 22-1-25 22:09
回覆 Nbs 的帖子
路過，睇完某d回覆真係嚇一嚇。話「用家」又唔得，連問教學質素同老師關唔關心學生都好似覺得你哋d人唔了解國際學校話如果想要一定失望😖
其實睇返樓主小朋友只係Year 1，問多d好正常。
作者: Jane1983 時間: 22-1-25 22:11
回覆 GloSee 的帖子
當然唔係間間一樣，只係分別唔在你的8項訴求。好像課程結構，有些IS考IB，有些係AP或其他，邊樣啱自己小朋友，家長buy邊樣。又譬如中文科，有些IS日日有堂，有些隔日，有些一星期一堂。又或者third language，有d唔係好多選擇，有d直頭無。甚至去到Univerisity placement，學校track record好唔好，counselor人腳係點，比到幾多support比學生….
作者: Radiomama 時間: 22-1-25 22:26
GloSee 發表於 22-1-21 11:33
因為岩岩收到Y1 offer, 請問有無英基小學用家可以俾下意見?
1. 教學質素如何?
準Y1的家長，你哋関注的問題好大路，但也不容易答。
ESF 是平民國際學校，學費不會太高，軟件和硬件算係唔錯。
1. 老師都合資格，不會太差；但是否最好就見仁見智。讀咗咁多年，遇過各種老師。
2.有超級関心型、也有懶惰型；越低年班，照顧越多。
3.Y1 冇乜功課
4.RC discipline 好好，無遇過欺凌。
5.老師不會花好多時間去影相、拍片。
6.如有需要，應該主動找老師。
作者: Radiomama 時間: 22-1-25 22:36
GloSee 發表於 22-1-21 11:33
因為岩岩收到Y1 offer, 請問有無英基小學用家可以俾下意見?
1. 教學質素如何?
7. Playground 用語主要是英語
8.低年班的ASA不會太多，而且都是外面機構租學校地方營運而已。也有ESF 自己經營的，跟學校冇関。
高年班好多活動，多數是學生自己籌辦的。
作者: sabsab122 時間: 22-1-25 22:51
回覆 Nbs 的帖子
請問一班30人，是否每班都會有一位老師+2助教？Thx!
作者: Nbs 時間: 22-1-26 04:06
sabsab122 發表於 22-1-25 22:51
回覆 Nbs 的帖子
請問一班30人，是否每班都會有一位老師+2助教？Thx!
停課前我以為係一個老師一個助教 (我女嗰班係28 人）， 停課後zoom 時就見到有多一個助教，不知道之前上堂時佢有無喺到（但一路都無介紹過佢）
作者: GloSee 時間: 22-1-26 10:14
Radiomama 發表於 22-1-25 22:26
準Y1的家長，你哋関注的問題好大路，但也不容易答。
ESF 是平民國際學校，學費不會太高，軟件和硬件算係唔 ...
謝謝你 
作者: vickling 時間: 22-1-26 11:15
GloSee 發表於 22-1-26 10:14
謝謝你
本帖最後由 vickling 於 22-1-26 11:16 編輯
ESF 國際學校mode， 如果入左去同返local 的評核方法去評分就唔太公平。
我小朋友轉左入esf. 明顯開心開朗左好多，學校英文好好多。
因為學期中插班入，學校比你感受到好關心新生。
y1插班，此刻見中文係弱，但見過y2 native 班中文一啲都唔弱，家長前輩話佢chinese reading 要求高，但writing 係簡單，其實都岩我，但你睇下岩唔岩你。reading有追本地小一中文科水平，但本地校如中文中小學就科科睇中文，咁本地中小d中文會叻過esf.
作者: annie40 時間: 22-1-26 11:19
本帖最後由 annie40 於 22-1-26 11:20 編輯
sabsab122 發表於 22-1-25 11:45
回覆 annie40 的帖子
始終未讀過，真係好難用「心甘情願」去形容點解要交學費同埋債券，大家都係以試下嘅 ...
其實不用太擔心。孩子學習的最佳態度是人學我又學，特別是小學，叻唔叻都唔多知道。
小女是2003年沙士后入讀ESF小一，班內有約25個同學，小學期開開心心，十分喜歡上學，同學間特別友愛，對老師態度尊重，成績？無考試大家就自我感覺良好便是，現在這些孩子已經大學畢業了。去了哪些大學？
2 個Cambridge
1 個Oxford
1個 LSE
1個 St Andrews
1個 Cardiff （architecture）
1 個 Exeter （CS and Maths）
1個 Portsmouth （呢位是奧運代表運動員）
1個 Yale
1個 Princeton
1 個 University of Michigan
1 個 UC Berkeley
1 個 CU Med
1 個 HKU Law
2 個 University of Toronto
1 個自殺了
其他的沒聯絡，不知現在怎樣。估計也是挺好的。
ps 大部分細個儍更更，又不特別用功，完全看不出是未來名校生的材料。快樂童年，喜歡上學，十分足夠。按經驗和觀察，愈喜歡把學校細分各項條件，愈努力保證不容有失的家長，最終⋯是好心做壞事。
作者: vickling 時間: 22-1-26 11:19
bullying 間間學校多多少少應該都有，重點係睇學校點處理，我小朋友就無遇到。
但試過問老師問題，佢地覆得好快，仲係好多文字咁覆，唔係hea,文中睇到佢好有心關心啲小朋友。
作者: annie40 時間: 22-1-26 11:22
annie40 發表於 22-1-26 11:19
其實不用太擔心。孩子學習的最佳態度是人學我又學，特別是小學，叻唔叻都唔多知道。
小女是2003年沙士后入 ...
作者: Radiomama 時間: 22-1-26 11:29
GloSee 發表於 22-1-26 10:14
謝謝你
小學跟幼稚園是不同世界，未來幾個月，培養孩子的自理能力，保持開朗好奇的性格，升到小學不會有太多難題。
作者: oooray 時間: 22-1-26 12:16
其實我好多謝一位介紹我什麼是國際學校的朋友 (諷刺的是她最終以性價比原因跑回去傳統學校, 孩子至今仍在舊制度折騰)。
同時也見不少經濟條件比我優厚的親朋戚友悔不當初, 走上傳統的不歸路。
始終國際學校係少眾, 你行出街問人, 100個有95個都不會認同"值得"花錢讀(包括好多有錢人)
有得選擇的家長, 應該好好自行考慮。
從性價比角度:
以前D樓平, 我供2件, 等於冇左兩層樓, 但我仍然覺得值得, 如果再來一次, 我仍然選擇花錢比佢地讀書, 一定好過"享受"完免費教育後送層樓比佢地。
有d磚家話, "享受"本地免費教育,留番d$供佢出國讀大學咪一樣?性價比更高? 我無法認同。
作者: oooray 時間: 22-1-26 12:16
其實我好多謝一位介紹我什麼是國際學校的朋友 (諷刺的是她最終以性價比原因跑回去傳統學校, 孩子至今仍在舊制度折騰)。
同時也見不少經濟條件比我優厚的親朋戚友悔不當初, 走上傳統的不歸路。
始終國際學校係少眾, 你行出街問人, 100個有95個都不會認同"值得"花錢讀(包括好多有錢人)
有得選擇的家長, 應該好好自行考慮。
從性價比角度:
以前D樓平, 我供2件, 等於冇左兩層樓, 但我仍然覺得值得, 如果再來一次, 我仍然選擇花錢比佢地讀書, 一定好過"享受"完免費教育後送層樓比佢地。
有d磚家話, "享受"本地免費教育,留番d$供佢出國讀大學咪一樣?性價比更高? 我無法認同。
作者: ckmammy 時間: 22-1-26 12:32
oooray 發表於 22-1-26 12:16
其實我好多謝一位介紹我什麼是國際學校的朋友 (諷刺的是她最終以性價比原因跑回去傳統學校, 孩子至今仍在舊 ...
"有d磚家話, "享受"本地免費教育,留番d$供佢出國讀大學咪一樣?性價比更高? "其實我都好有興趣知， 一個讀傳統學校中小學，直到大學才出國讀大學，同一個一直讀國際學校跟住出國讀大學嘅人， 分別有幾大？
作者: wg_ann 時間: 22-1-26 12:40
oooray 發表於 22-1-26 12:16
其實我好多謝一位介紹我什麼是國際學校的朋友 (諷刺的是她最終以性價比原因跑回去傳統學校, 孩子至今仍在舊 ...
我覺得有唔少家長（包括我自己）都不自覺用性價比去比較本地及國際學校，尤其是越來越多本地直資開辦IB課程，單純以結果（公開試成績及升學成績）計，可能國際學校的性價比真的比本地學校低，但我自己也時常提醒自己學習是一個過程，甚至是一個終生的過程，過程所學到的東西其實和結果（成績）同樣重要，可能終生受用。
作者: Jane1983 時間: 22-1-26 13:20
wg_ann 發表於 22-1-26 12:40
我覺得有唔少家長（包括我自己）都不自覺用性價比去比較本地及國際學校，尤其是越來越多本地直資開辦IB課 ...
你提到的問題，我經常有諗。因為我小朋友係可以讀傳統學校的類型，有時都會諗有無浪費錢，或者多此一舉。
後來到佢升中學，幾個以前認識的幼稚園時代朋友。當年升小去了男女拔或Coed的，都在中學重逢。讀落我小朋友成績比他們優勝，所以應該無揀錯。
作者: oooray 時間: 22-1-26 13:45
回覆 ckmammy 的帖子
最終當然是拿到同一個學位。
個人認為, 分別不在於英語能力; 而是內在變化。
我沒有做過實驗, 把兩個雙生兒放在不同教育制度成長, 比較結果(有雙生兒我也不會做這種實驗)。只能用自己去比較。
當我逐一比較之下, 以同齡計,learning ability, presentation skills, reading ability, maturity也是完勝。內在的變化不在於孩子知道比人多或少, 而是他們有潛力去再學習多一些。
回應你的問題, 我認為完成國際學校課程的學生, 更能適應及享受大學的學習模式。
不竟我只有2個samples, 不能代表所有家長的感受。
作者: oooray 時間: 22-1-26 13:55
回覆 wg_ann 的帖子
所以國際學校從來都是少眾參與。從性價比角度, 根本不用討論。行傳統一定平靚正。
偶然也有些不明白箇中價值的路人愛留下風涼說話, 我也懶得辯解。
(或許他們不是不明白, 只是要絕對否定別人的路, 才能反證自己選的路才是智者之道。)
作者: melobi12 時間: 22-1-26 14:05
ckmammy 發表於 22-1-26 12:32
"有d磚家話, "享受"本地免費教育,留番d$供佢出國讀大學咪一樣?性價比更高? "其實我都好有興趣知， 一個讀 ...
如果以獲得大學學位為「目標」，咁我真係覺得咩學制都冇所謂，有能力，自然喺咩學校都會achieve到呢個目標。
但我選擇國際學校，係由我嘅教育理念、學校嘅教學方法、小朋友嘅成長方式去諗。我想我嘅小朋友培養到點樣嘅mindset，以咩心態去學習，身邊圍繞住點樣mindset嘅同學（同埋我要同咩mindset嘅家長相處…）。呢啲嘢我喺香港嘅local school（加上學課程上）揾唔到。
我認為IS培養/裝備到小朋友嘅內在，比起學位更加係我地家庭想追求嘅嘢。
作者: ckmammy 時間: 22-1-26 14:34
melobi12 發表於 22-1-26 14:05
如果以獲得大學學位為「目標」，咁我真係覺得咩學制都冇所謂，有能力，自然喺咩學校都會achieve到呢個目標 ...
作者: wingjaiii 時間: 22-1-26 15:12
ckmammy 發表於 22-1-26 14:34
我跟傳統學校已經脫離咗廿幾年， 而家聽到好多傳統學校又話小班教學又活動教學， 但事實上同廿幾三十年前有 ...
你得閒留意吓而家醫生律師嗰啲仔女全部都去晒國際學校就真。留意吓診所有時放佢哋小朋友嘅相片，大部份都係國際學校嘅相。
作者: ckmammy 時間: 22-1-26 15:17
wingjaiii 發表於 22-1-26 15:12
你得閒留意吓而家醫生律師嗰啲仔女全部都去晒國際學校就真。留意吓診所有時放佢哋小朋友嘅相片，大部份都 ...
作者: JS0504 時間: 22-1-26 17:03
這個post好有參考價值，多謝樓主既題問，令大家對英基的認識加深。
利申：我都對英基好有興趣，好想了解多些
作者: Nbs 時間: 22-1-26 17:50
ckmammy 發表於 22-1-26 15:17
可能咁啱我識嗰幾個醫生律師唔同啦..
本帖最後由 Nbs 於 22-12-3 23:28 編輯
我算識得多醫生，大部份係專科
我身邊的，差唔多一半係入名校例如DGS, st paul co-ed, DBS, maryknoll
但更多係讀國際學校，ESF 佔多數，另外都有蘇浙國際，弘立，harrow 等
讀津校嘅，得一個
作者: barque 時間: 22-1-26 17:50 標題: 回覆樓主：
本帖最後由 barque 於 22-1-26 17:58 編輯
本帖最後由 barque 於 22-1-26 17:51 編輯
對於這些提問，我相信不同的人會有幾不的意見。作為一個家長，由另一角度去看，整體上學校給小朋友一個愉快的小學和中學生活。大部分同學在高中時開始努力讀書，IB平均成績37左右，這個成績接近三大普通科的入學要求。當中較叻的學生Ivy league和Oxbrige 都入到。希望這樣能夠給你一個整體大概評估。
IB 40分或以上的平均30%學生。今年唔少學生收到HKU Law offer 大約要求41分
作者: 964000 時間: 22-1-26 17:53
oooray 發表於 22-1-26 13:55
回覆 wg_ann 的帖子
所以國際學校從來都是少眾參與。從性價比角度, 根本不用討論。行傳統一定平靚正。
國際學校學生只佔全港學生的7%，所以真係小衆。
咁我唔會話人比幾萬蚊坐business/頭等機位唔值，我坐Econ都去到目的地，留番啲錢shopping好過啦云云，始終值唔值人地自有分數。
作者: 964000 時間: 22-1-26 18:01
Nbs 發表於 22-1-26 17:50
我算識得多醫生，大部份係專科
我身邊的，差唔多一半係入名校例如DGS, st paul co-ed, DBS, maryknoll
但 ...
我識個D，就算小學入咗名校，起碼一半到中學都係轉入IS，仲要好坦剔咁先轉到，睇到個分別係，問番都唔係特別享受小學尤其高小的生活，而且稔起測考都怕怕，咁起碼我小朋友而家係非常享受及零痛學習，賺哂了，仲未計性格文化上的影響。
作者: ckmammy 時間: 22-1-26 18:15
964000 發表於 22-1-26 17:53
國際學校學生只佔全港學生的7%，所以真係小衆。
咁我唔會話人比幾萬蚊坐business/頭等機位唔值，我坐Econ ...
作者: Nbs 時間: 22-1-26 18:20
964000 發表於 22-1-26 18:01
我識個D，就算小學入咗名校，起碼一半到中學都係轉入IS，仲要好坦剔咁先轉到，睇到個分別係，問番都唔係特 ...
係呀。我識嗰d 大部份都仲係小學。我d seniors d 小朋友就大喇，讀中學嗰d 就真係全部都喺國際學校或外國讀書，好似無人考DSE
作者: Jane1983 時間: 22-1-26 19:30
回覆 964000 的帖子
比喻得好好
作者: ratafan 時間: 22-1-26 20:41
Ans:
1. 教學質素如何? No absolute answer. Some teachers more passionate, some laid back
2. 老師有教學熱誠同關心學生嗎?
Same as 1
3. 例如Y1要做咩功課?
Cannot answer. My child didn’t study from Y1
4. 學生discipline如何? 有無欺凌情況?
Some good some really terrible. I think it’s more obvious at senior grades. Not so for primary or junior secondary
5. 老師多唔多影相/video放上網俾家長睇?
No. Not that I’m aware in secondary
6. 老師多唔多同家長溝通?
You can email teachers and they would respond. There are standard official student led consultation days like twice a school year. Our school runs trimester and there is a report every term.
7. Playground language係咪英文? Of coz
8. 多唔多After-school activities?
Many. But most are suspended due to covid. My child wasn’t very interested in those activities and only joined the soccer team. He would rather come home after school and rest other days.
作者: sabsab122 時間: 22-1-27 13:02
回覆 ratafan 的帖子
1. 請問是否每間ESF primary 質素都差不多？2. 是否每一班30日都會有1 teacher + 2 teaching assistants?
3. Student mix 是否都local 學生為主？
我知道foreign passport 要七成, 但其實好多香港人都有外國passport
Thx!
作者: qootan 時間: 22-1-28 12:44
My child is in Y2 right now and can understand your concern. But the questions don't really tell much in terms of what IS/ESF really is, they cater to what you'd ask at a local school... Anyways -
1. 教學質素如何? really depends on what you are looking for. my daughter has improved a lot in "soft" skills - more proactive in asking questions/presenting in class, and curious when learning new topics. But weaker in terms of hard knowledge (e.g. math, spelling, etc). Overall I am satisfied.
2. 老師有教學熱誠同關心學生嗎? Every school has good and bad teachers.
3. 例如Y1要做咩功課? None other than some chinese writing. Encourage reading everyday.
4. 學生discipline如何? 有無欺凌情況? No bullying so far. But all school has it.
5. 老師多唔多影相/video放上網俾家長睇? Depends on teacher. the Y1 teacher posted a lot, but almost none for Y2.
6. 老師多唔多同家長溝通? Open door policy. I can reach out to them anytime in person or by email - but otherwise they don't contact you.
7. Playground language係咪英文? Of course
8. 多唔多After-school activities? Many - some free, some paid.
作者: sumsum20 時間: 22-11-30 13:07
annie40 發表於 22-1-24 22:22
樓主，
教書育人從來不存在買家和賣家之間的交易關係，「用家」之詞泛指曾經光顧過的顧客。正常學校是沒有 ...
OMG(emoji) you think too much.
雖然個post唔係我開的，但樓主唔識先問大家意見啫。呢度好多新手爸爸媽媽，所以問呢啲問題好正常喎。
作者: annie40 時間: 22-11-30 19:31
sumsum20 發表於 22-11-30 13:07
OMG(emoji) you think too much.
雖然個post唔係我開的，但樓主唔識先問大家意見啫。呢度好多新手爸爸媽 ...
依稀記得孩子年幼時，為了幫助她比較容易掌握中文學習，跟她說廣東話時儘量用詞文雅，希望日後寫作時做到我手寫我口，我口自我心，減少語病。
作者: rowanmama 時間: 22-11-30 21:22
Nbs 發表於 22-1-26 17:50
我算識得多醫生，大部份係專科
我身邊的，差唔多一半係入名校例如DGS, st paul co-ed, DBS, maryknoll
但 ...
IS入面當然ESF佔多數，本身ESF學生就最多
作者: Lalaji 時間: 22-11-30 21:49 標題: 回覆樓主:
認同覺得呢個post裏面有啲人真係過份偏激。樓主都係問返一啲好多是新手家長都想知嘅問題。唔使個個都咁高德高地去批評嘅。個個上網search下就知結果嘅話, 就唔使討論區啦。
我小朋友雖然唔係讀esf. 但係esf都係一個我不斷有留意嘅學校。我同意一啲家長講話其實學校只係一個平台, 大家最終都係各自修行, 同間學校未必有太大嘅關係。但有一樣嘢我真係好buy嘅就係每間學校都有佢嘅文化。文化好多時都係學生同埋家長手堆砌出嚟。所以選校嘅時候都要留意下, 呢一啲嘅文化啱唔啱自己。呢樣嘢比起老師同埋學校嘅教法反而更加緊要。
以下係我一啲個人嘅觀察同埋感覺。一啲esf嘅家庭可以指正對錯。
ESF 傾向比較多一啲本地家庭。感覺上呢啲家庭嘅想法都大約喺本地同埋國際學校之間。例如雖然學校本身唔會話太過著重中文, 但係呢間學校嘅小朋友中文都唔差, 因為佢哋嘅家庭多少都會對中文有一定嘅要求。所以簡單嚟講佢哋啲小朋友中文唔錯, 同間學校冇乜關係。
同樣地呢間學校出唔少狀元, 原因都係同呢啲家庭嘅想法有關。背後家長嘅發功都唔少。所以作為新手家長要認清楚究竟係學校令到呢班小朋友成績好。定係呢啲間學校有能力聚集一班成績好嘅朋友嚟讀。
我感覺上去呢間學校本身都屬於比較happy, 但係佢哋嘅家長有好願意去外補, 多少都受到本地文化影響較多。
呢樣嘢冇話對與錯, 但係正所謂物以類聚, 你要自問自己係咪呢一類型嘅家長。
作者: dr.gigiwong 時間: 22-12-1 11:21
本帖最後由 dr.gigiwong 於 22-12-1 12:33 編輯
......
.
作者: aidan08 時間: 22-12-1 16:07
本帖最後由 aidan08 於 22-12-1 16:14 編輯
樓主，我有兩個小朋友，一個已經14歲，一個現在4歲。大兒子Year 1開始讀，我諗我可以講吓我經驗。
首先，我絶對無後悔比小朋友讀ESF。所以細的都跟住阿哥入。
ESF的小學基本各自為政的，唔同學校風氣文化都會好唔同，好睇你讀邊間。我大仔小學讀Peak School，我嘅評價係，校長十分之好，睇得出佢好有責任感。佢帶領之下，各方面都做得好好。我仔好好彩，遇到嘅老師大部分都好好。六年以來，只有一年個老師係比較差，懶、唔盡責、求其。其他五年嘅老師，都十分之好，對學生能夠做到恩威並施，唔會放任，但又有愛心，了解學生。
我大仔嘅經驗，其實否定咗國際學校校風鬆散，小朋友無規矩之說。我仔六年來的class teachers，全部在管理小朋友行為上都幾嚴格，當小朋友行為不當時，佢哋其實都幾 ' 惡'，d老師唔會放任小朋友嘅操行。當然，國際學校唔會有好多本地學校嘅無謂規矩，例如喺操場唔准跑，著錯對鞋又要罰呢D。但對bullying，同埋會影響其他人嘅行為，佢哋執得好嚴格。
我仔學校比較多鬼仔，佢哋係真係比較活潑d，但我係一個mindset好能夠適應IS嘅家長，我唔覺得佢哋係曳，我接受到佢哋嘅活潑。如果覺得小朋友唔郁，好聽話，唔會周圍走先係乖嘅家長，可能會唔啱讀。我仔六年以來，無遇過我覺得係bullying 嘅事。上咗中學反而有一次，但其實都唔算係好嚴重，不過我仔有唔開心，所以我都通知咗學校，學校處理得十分之好，基本上馬上解決。我嘅觀察係ESF面對呢D事，佢哋唔會坐視不理，會好認真處理。佢哋骨子裡嘅理念，真係well being 緊要過academic。尤其係小學。所以，如果好緊張學術，覺得讀少一日書，做少一日功課，無測驗考試就會輸在起跑線嘅家長，奉勸真係唔好讀，會對學校失望。以我所知，ESF都有呢類家長，尤其比較多中國人嘅學校，佢哋就會好多外補。
唯一要有心理準備，如果你對中文有要求，單靠學校嘅中文一定唔夠。佢哋中文真係教得好差吓。
由於我仔已經上咗中學，我可以講你知，佢哋只係小學階段唔太著重academic，一上到中學，基本上每年都會逐步感受到讀書壓力。佢哋其實好貼心，真係逐漸增加呢種壓力，比佢哋慢慢適應。我仔嘅年紀，好多由細玩到大嘅同學都去英國讀書，佢哋大部分都考到好好嘅學校，相信佢哋嘅學術水平係唔錯。
我仔已經過咗英國讀書，喺英國嘅寄宿學校，都遇到喺香港讀local school 名校嘅小朋友同年入讀，講真，我有殊途同歸嘅感覺，我仔成績算好，無落後於人，而佢嘅童年過得十分之快樂，呢樣嘢已經足夠。
仲有一樣要讚，就係ESF網課係做得好好。佢哋喺疫情未爆發前已經做好多準備。一開始停課，佢哋嘅網課比起大部分其他國際學校，係完善好多。佢哋人手多，資源夠，都係佢哋喺處理呢類危機時有嘅優勢。
我大仔喺ESF嘅經驗，總括嚟講都係好好。至於細仔，讀咗兩年ESF幼稚園，真心覺得如果唔係一條龍上小學，我唔會揀，對佢哋嘅幼稚園幾失望。
作者: winter_sun 時間: 22-12-1 17:24
回覆 aidan08 的帖子
"至於細仔，讀咗兩年ESF幼稚園，真心覺得如果唔係一條龍上小學，我唔會揀，對佢哋嘅幼稚園幾失望。"
你能分享更多關於你失望的原因嗎？ me 也有興趣了解更多關於 ESF 幼兒園的信息
非常感謝您提前提供寶貴的信息!
作者: melobi12 時間: 22-12-1 19:41
aidan08 發表於 22-12-1 16:07
樓主，我有兩個小朋友，一個已經14歲，一個現在4歲。大兒子Year 1開始讀，我諗我可以講吓我經驗。
首先， ...
真係聽好多朋友嘅經驗都覺得ESF幼稚園好一般（唔同分校都有），好多都係講呢句「如果唔係為左升小唔會讀」。
我自己只帶小朋友上過ESF playgroup，係嗰間幼稚園嘅TA教，我都覺得麻麻，上左一期冇再上。
作者: glo000 時間: 22-12-2 08:55 標題: 回覆樓主：
本帖最後由 glo000 於 23-3-13 20:36 編輯
Y1 一位難求，無買NR、N無人仕而從外來幼稚園入到既機會極難，關鍵時刻，自己爬文去分析下。
作者: winter_sun 時間: 22-12-2 09:09
回覆 glo000 的帖子
Sorry, 有沒有可能告訴我們為什麼“問會引黎好多葡萄的人” Not sure if I understand the meaning
十分感謝
作者: glo000 時間: 22-12-2 09:33
winter_sun 發表於 22-12-2 09:09
回覆 glo000 的帖子
Sorry, 有沒有可能告訴我們為什麼“問會引黎好多葡萄的人” Not sure if I understand ...
本帖最後由 glo000 於 22-12-2 09:34 編輯
每逢申請入學時間，就見到不同的討論區、whatsapp group不時有人講ESF好易入，N無, LP幾個朋友一齊入好易，制造好容易入的假象，主要講比想買NR的家長知，不用買NR都好易入，點知依家學校開始出 play visit and interview email，好多家長收唔到email就後悔無買NR 了，仲問可唔可以買返...唉...請新手爸媽自己去爬文自己分析。
作者: yonfish 時間: 22-12-2 09:34
借位一問
我而家爭扎緊好唔好比細仔去其他幼稚園，請問如果有sibling priority ，考y1成功率高唔高？
作者: mandy_ng207 時間: 22-12-2 09:41
yonfish 發表於 22-12-2 09:34
借位一問
我而家爭扎緊好唔好比細仔去其他幼稚園，請問如果有sibling priority ，考y1成功率高唔高？
都高呀，暫時未聽過人失手(emoji)
不過ESF admission policy可以話轉就轉，將sibling priority排得低過幼稚園，第一年一條龍嘅時候佢就係咁樣講，結果唔少家長安排返細佬妹入幼稚園⋯
作者: winter_sun 時間: 22-12-2 09:56
回覆 glo000 的帖子
Got it, thank you!
作者: aidan08 時間: 22-12-2 10:17
本帖最後由 aidan08 於 22-12-2 12:17 編輯
winter_sun 發表於 22-12-1 17:24
回覆 aidan08 的帖子
"至於細仔，讀咗兩年ESF幼稚園，真心覺得如果唔係一條龍上小學，我唔會揀，對佢哋嘅 ...
我覺得佢師資無大問題，我仔兩年的class teacher 都幾好。問題係成間學校D文化、運作好麻麻，好因循，唔肯改變，感覺有D嘢好懶，唔肯為小朋友做多步。例如已經好多間幼稚園的家長提出過，疫情咁嚴重，大部分幼稚園都會安排小朋友返到學校換鞋，因為佢哋成日坐地下，circle time, story time, play time 都係坐地下，老師小孩一律著住周街行的鞋踩入課室，，咁細個又會成日摸面捽眼，但佢哋好似全港分校一直拒絕做呢樣嘢，理由係人手唔夠，會好混亂。問題係全港好多幼稚園都做到！而佢哋就無論幾多家長提出過都企硬唔做。
另一次經驗，係佢哋校服係要去一間位於距離我哋學校比較遠的校服商，可以online 買，所以無乜問題。而呢個校服商初期網頁有寫，如果家長希望肉眼見到校服嘅size, 可以去所屬學校攞嚟睇吓度吓。咁我咪返我仔學校問佢哋reception攞校服來想度吓邊個size 比較啱。個reception (其實係個admin head) 第一時間就話無，佢話一向都無的，係個新校服商寫錯。佢仲話要我比個screen shot佢睇，佢要通知校服商刪除呢句。咁我就禮貌地提議，其實放幾件校服喺reception, 比家長online 買之前度吓望吓大細都好幾好吖，D校服得好少sizes, 唔會阻好多地方，可以方便吓家長，始終校服商好遠，而且度啱就唔洗退來退去。個職員態度即刻好差，話佢哋一向唔會咁做，講真，其實佢答：「我哋會反映吓，睇吓可唔可行。」會好好多。我感覺係佢哋好懶，好因循，唔會為家長諗吓，做多步。呢D細節都反映到佢哋唔會為小朋友做多步。職員D質素亦好有問題。我大仔細個讀的幼稚園，上上下下好有禮，你感覺小朋友周圍係呢D人，會被影響同化。同樣，細仔呢間的職員，有D無乜禮貌、又無愛心咁嘅態度，好自然會諗，小朋友亦唔方被好好照顧，亦會被影響。唔係個個職員係咁，但只要有一兩個咁差，仲要成日對外，好影響印象。感覺好差。
上述提嘅呢個態度惡劣的職員，感覺佢唔係好適合做幼稚園，無笑容，無禮貌。我日日接放學，真係感覺唔到呢度D人親切。有一次，我送小朋友返學，想問關於當日嘅一D上課資訊，注意，我日日送返學，咁耐以來，我第一次問嘢。佢黑口黑面乜都答我唔知，係老師先知，亦無意慾幫我問吓，係咁推卸話佢乜都唔知，態度好差。我話，咁我不如帶小朋友上課室，直接問老師啦，佢阻止話唔得。然後我見到平日行嗰條樓梯，轉彎位應該有老師或職員睇吓幫吓D小朋友，但當日無，而我仔又比平日拎得多嘢，我就問吓，上樓梯有冇人幫吓，佢答我有，但我見到係無。佢亦無意想幫吓我小朋友。呢個人，每日企喺小朋友返學入校門上樓梯嘅位，佢每日都係企響度，基本乜都唔做，唔會幫吓小朋友，連熱情D greet 吓都唔會，感覺佢非常無心，亦無愛心嗰種。佢堅持唔比我上去詢問老師，話要叫老師專程落樓答我，當時已經開始上堂，叫個老師落嚟根本阻住老師照顧小朋友，麻煩咗老師，但呢度就係要你感覺咁麻煩，唔好發問。後來老師落咗樓，專登答我少少問題，我感覺真係阻到佢上課。呢D處理手法，非常之差。但佢哋係唔會變通。
仲有，我唔知自己有冇要求太多啦，我小朋友剛剛四歲，但老師同我講佢唔夠獨立，其中一個例子係佢每次去廁所都需要老師或職員帶佢去，唔能夠自己去。我心入面諗，其實佢已經自己識嗌去廁所，識得喺廁所搞掂曬，除褲wee wee著褲洗手都識，只係搵個人帶佢去，呢間學校都覺得唔夠，係我有問題定學校有問題？我問過一個喺其他幼稚園做嘅朋友，佢話就算小朋友識得去，幼稚園都要確保佢哋喺廁所時的安全，唔會叫小朋友自己去。
總之，我感覺佢哋好因循，D人唔肯做多步，比較懶。而且真係學生多而又地方細，又要求小朋友快快乜都自己搞掂。我大仔唔係讀呢間，我感覺真係有愛心好多。
不過我估好多家長都無辦法，驚影響升小，而且投訴亦驚帶比小朋友麻煩，唯有忍住。我自己都會諗，提出意見可能會被標籤成麻煩家長，已經感覺佢哋無乜愛心，會驚小朋友響學校受影響。
作者: aidan08 時間: 22-12-2 11:10
本帖最後由 aidan08 於 22-12-2 11:12 編輯
mandy_ng207 發表於 22-12-2 09:41
都高呀，暫時未聽過人失手(emoji)
不過ESF admission policy可以話轉就轉，將sibling priority排得低過幼 ...
係，我仔同班好多係siblings.
其實以往一向佢哋幼稚園嘅評價都一般，而家有埋「必直升」呢個皇牌，感覺更加唔需要改進，因為一定其門如市，個個爭住入。
作者: winter_sun 時間: 22-12-2 11:27
回覆 aidan08 的帖子
thanks for sharing and letting us know more about the school
作者: supervi 時間: 22-12-2 11:42
回覆 aidan08 的帖子
多謝你分享親身體驗, 其實佢既大班教學都係我concern 之一
至於admin 職員, 就真係睇緣份
作者: sabsab122 時間: 22-12-2 11:44
aidan08 發表於 22-12-2 10:17
我覺得佢師資無大問題，我仔兩年的class teacher 都幾好。問題係成間學校D文化、運作好麻麻，好因循，唔肯 ...
關於室內鞋嘅問題，我都有向校長提出過，但個回覆都同你一樣。
但請問係咪國際學校嘅幼稚園就係咁？
要求幼稚園3-4歲小朋友自己去廁所？
我小朋友剛剛開學嘅時候兩歲幾，佢都係同我講自己去廁所。
但廁所係一個阿姐都冇，
我其實都好擔心。
唯一覺得幾好嘅地方係，
老師同學同家長個感覺好親切，小朋友好快都融入到。
作者: aidan08 時間: 22-12-2 12:00
本帖最後由 aidan08 於 22-12-2 12:15 編輯
sabsab122 發表於 22-12-2 11:44
認同幼稚園部嘅安全同埋衛生都好似爭啲。
關於室內鞋嘅問題，我都有向校長提出過，但個回覆都同你一樣。
我大仔讀過兩間國際幼稚園，唔會要求佢哋自己去廁所，一定有人帶。所以嚟到呢度先覺得咁奇怪。佢哋話要train佢哋上小學喎。問題係年紀細就係細，安全都要concern啩？而且，小朋友差幾個月已經能力差好遠，點解要要求個個做到呢？
我都覺得，老師質素係ok, 有心教同有方法。不過成個文化係唔想做咁多嘢，以想小朋友獨立D為理由嚟簡單化所有嘢，唔洗做咁多。
作者: aidan08 時間: 22-12-2 12:11
本帖最後由 aidan08 於 22-12-2 12:13 編輯
supervi 發表於 22-12-2 11:42
回覆 aidan08 的帖子
多謝你分享親身體驗, 其實佢既大班教學都係我concern 之一
其實admin職員好影響學校形象。我兩個小朋友，pre school 都試過去唔同幼稚園上堂, 譬如Tutor Time, Woodland, Highgate House, 間間D職員都好好。做幼稚園基本要求都要有禮吧？有愛心就更加好。擺個職員對外，態度咁差，真係令人會聯想好多嘢，我會諗，點解個校長會請個咁嘅人？究竟佢知唔知呢個人態度有問題？如果知仲繼續用，其他照顧小朋友嘅staff又係點呢？如果唔知，咁係咪代表架構有問題？
幼稚園小朋友唔識表達，佢哋透明度又唔係高，難免會令家長擔心。
作者: penp0319 時間: 22-12-2 15:14
－條龍唔憂做的感覺！幼稚園愛心係好重要！其實esf 小學都比其他IS 大班，不過都係果句，－條龍！大把人排隊入！
作者: aidan08 時間: 22-12-2 15:27
penp0319 發表於 22-12-2 15:14
－條龍唔憂做的感覺！幼稚園愛心係好重要！其實esf 小學都比其他IS 大班，不過都係果句，－條龍！大把人排 ...
作者: mandy_ng207 時間: 22-12-2 15:33
aidan08 發表於 22-12-2 15:27
小學係大班，但當年我大仔小學係唔錯。主要學校風氣好，老師大部分都好好，個校長管理得好，上上下下D教職 ...
呢點我十分同意，尤其係有比較之下，ESF 對特殊需要同學嘅包容係比一啲所謂「小班」嘅學校更多。
作者: yonfish 時間: 22-12-2 18:38
sabsab122 發表於 22-12-2 11:44
認同幼稚園部嘅安全同埋衛生都好似爭啲。
關於室內鞋嘅問題，我都有向校長提出過，但個回覆都同你一樣。
有關鞋呢個問題，我哋k1個時都有家長提出過，我讀個間當時都有做啲嘢回應家長，不過最後都係不了了之。我就冇咩所謂，不過感覺到有啲家長的確比較介意。我覺得著唔着鞋都可以，因為：
1. 其實小朋友嚮公園都係咁玩，小朋友都係著鞋周圍踩。
2. 可能外國對除鞋呢樣嘢唔太著緊，佢哋會著鞋跳上張床。（呢個我都接受唔到）
另外，有關去廁所方面，我小朋友有唔同嘅經歷。我仔基本上成個k1都著住片，學期中嘅家長會中，我有主動同老師提出過toilet training 既問題。當時老師同我哋講，唔需要太緊張，，小朋友感到有信心就會戒到片。我仔k1最後一個星期先冇著片(emoji)
我諗可能唔同分校有唔同感受，不過我一直都感恩我仔入咗英基。
作者: tcdino 時間: 22-12-2 19:19
本帖最後由 tcdino 於 22-12-2 19:24 編輯
esf我孩子幾年前參加過playgroup,好失望，感覺老師完全沒有愛心，分派勞作用品不均，我們沒有任何材料，提出都不理我們，所以之後完全不打算讀它的幼稚園！
不過我去參觀小學，就覺得那兒的職員很好，兩間是不同地點。
作者: chima_pigpig 時間: 22-12-2 20:18
aidan08 發表於 22-12-2 10:17
我覺得佢師資無大問題，我仔兩年的class teacher 都幾好。問題係成間學校D文化、運作好麻麻，好因循，唔肯 ...
本帖最後由 chima_pigpig 於 22-12-2 21:31 編輯
Del ……
作者: chunting34 時間: 22-12-2 22:29
侄女讀緊esf小學，話主要問題係大班，老師大部分都好好，不過好難兼顧咁多學生，每個學生present或者答問題嘅機會都分薄左，本身主動嘅小朋友可能著數d。同埋佢地放break時操場好多人跑黎跑去都唔夠人睇住，俾其他同學撞跌整親都無人知。佢細B，year 1開學都未夠5歲，不過學校都係話要佢地要獨立之類。
其他方面例如教學模式、家校溝通個d好似都滿意，無咩大問題。
佢媽咪結論係學費咁平，又一條龍，無得要求咁高
| 歡迎光臨 教育王國 (/) |
Powered by Discuz! X1.5 |