教育王國
標題: 有冇K2,K3轉校建議- 讀緊腐化左既聖三一中心幼稚園, 好失望 [打印本頁]
作者: CYY123YY 時間: 23-6-23 15:04 標題: 有冇K2,K3轉校建議- 讀緊腐化左既聖三一中心幼稚園, 好失望
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個image好好
不過今年轉左個新校長, 本身佢轉黎之前間學校都好細, 仲要上網搵到佢俾之前間學校D老師投訴到飛起.
開學個陣都有D擔心, 點知真係出事。
學校D活動CUT哂不得止, 僅有既活動都加哂價, 仲要時間縮左一大半。
呢間學校本身好多家長都有2-3個小朋友, 有D小朋友都畢哂業讀緊小學喇.
佢地個個都話學校變哂, 以前唔係咁架.
仲有家長話, 個校長同佢個女講, 想唔想住大屋? 要俾心機讀書先可以好似我D朋友咁做醫生, 住半山
細細個就教到佢咁勢利, 同間學校個理念會唔會有出入呀. .
另一單就個小朋友番去同阿爸阿媽講, 校長今日一入課室就話佢坐得衰, 又話佢寫字核突, 叫佢擦哂去再寫.
變左unhappy school喇.
之後安心出行個排, 都目擊過佢同家長係學校門口鬧哂交咁 = w = 都幾無言. . .
本身揀呢間係因為多元學習, 依家咩都冇哂. .仲要個阿頭仲好似咁冇愛心, 好似唔係好值得留。
請問家長有冇附近有幼稚園推介 驚唔夠時間搞轉校 
作者: dennis001 時間: 23-6-23 23:07
行過幾步路間培道就happy school
作者: KPYH922 時間: 23-6-24 00:58
我朋友個仔都係讀緊聖三一中心，佢話學校老師換得好密，一個學期換咗3個英文科老師，小朋友學習同適應都明顯出現問題
起初佢以為因為移民潮，到最近學校全部主任都集體辭職，先知新校長咁大問題⋯⋯
而家我都唔敢幫小朋友報呢間所謂 HAPPY school，感覺唔到有幾happy
作者: crayon822 時間: 23-6-24 12:20
可以考慮聖馬可堂白普理幼稚園
都係聖公會學校，有全日班
校長係前聖三一中心校長，所以兩間學校有好多相似嘅地方
例如一樣有得玩非洲鼓，戶外運動日...本手冊都好相似
聖馬可上上下下都好有愛，疫情後安排好多活動俾小朋友
相反聖三一中心真係零活動... 旅行安排差我都冇參加
作者: Emilycc8 時間: 23-6-24 14:06
樓主，我好明你呀，我就真係有小朋友已係聖三一畢業，果時每日番學真係好開心架，成間學校校長主任老師或姐姐，都超級有愛心，所以我地D家長都好開心同放心小朋友係聖三一讀書
作者: Emilycc8 時間: 23-6-24 14:11
但係今年我細仔係聖三一就變哂啦，新校長永遠高高在上咁，之前永遠穿條套裝短裙，從冇抱下攬下D小朋友，一D愛心都冇，我仲親眼見到校長好惡同唔耐煩嘅樣同聲叫個小朋友著番好件嬲，教育唔係應該以愛行先嘅咩？！點解可以用啲咁衰嘅態度對小朋友？？？
作者: Emilycc8 時間: 23-6-24 14:14
其實我哋家長已經好不滿，220個家長聯署簽名寫左封信去俾香港聖公會，東九龍教區，西九龍教區，聖三一座堂牧師，校監同校董會，但係唔知點解竟然成個聖公會都冇人理過我哋，當件事不了了之，點解可以變到咁？
作者: Emilycc8 時間: 23-6-24 14:16
我都聽到好多家長話搵緊學校轉校，其實真係好徬徨，而家已經六月尾，其他學校一早就收晒生，真係好徬徨好傷心(emoji)
作者: idy0722 時間: 23-6-24 17:16
CYY123YY 發表於 23-6-23 15:04 
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個imag ...
月頭聖三一中心call waiting 我地， 我地仲放棄左另一間幼稚園，一心讀聖三一中心
聽到有家長分享完我跌哂眼鏡好擔心呀
作者: idy0722 時間: 23-6-24 17:26
Emilycc8 發表於 23-6-24 14:14
其實我哋家長已經好不滿，220個家長聯署簽名寫左封信去俾香港聖公會，東九龍教區，西九龍教區，聖三一座堂 ...
請問你地係幾時聯署？ 無有關人士聯絡過你地？
作者: Emilycc8 時間: 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過我哋，直情不了了之(emoji)(emoji)
作者: cherry271 時間: 23-6-24 23:44
想講校長上任一年已經收聯署信兩封上次係因為親子旅行因為價錢唔合理時間安排失當
最後都冇完全更改安排，完全冇站喺家長立場 特別係N班小朋友太細，令到學校有一半同學都唔參加
作者: idy0722 時間: 23-6-25 00:20
Emilycc8 發表於 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過 ...
睇嚟都晤聆聽家長訴求
作者: idy0722 時間: 23-6-25 00:21
cherry271 發表於 23-6-24 23:44
想講校長上任一年已經收聯署信兩封上次係因為親子旅行因為價錢唔合理時間安排失當
最後都冇完全更改安排， ...
你小朋友依家讀K幾？
作者: idy0722 時間: 23-6-25 00:23
Emilycc8 發表於 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過 ...
本帖最後由 idy0722 於 23-6-25 00:25 編輯
我後悔了，收到call 真係非常開心，放棄左另一間好學校，以為執到個橙，依家睇嚟執到個吉，我打去之前放棄學位間幼稚園R返位個機會應該係0
作者: cherry271 時間: 23-6-25 16:27
回覆 idy0722 的帖子
其實三一老師們真係好好 有愛心 有耐性 真心希望問題可以解決
作者: Emilycc8 時間: 23-6-25 17:57
新校長先黎左一年，四個主任就有三個都辭左職，肯定有好多問題發生左，如果唔係D主任做咗10幾年好地地有咩需要一齊辭職？真係好可惜！
作者: Emilycc8 時間: 23-6-25 17:59
其實有冇人識嗰個新嘅王校長？佢之前做嗰間學校好似係執咗，有冇人知佢以前係唔係一樣都同啲老師主任夾唔嚟？！
作者: pwhr 時間: 23-6-26 08:38
又唔好咁講, 如果新校長谷得起聖三一, 令到小學同幼稚園部都變成有競爭力嘅真私, 大把家長會吹捧佢, 聖公會都唔會理目前家長呢一點點陣痛, 這是香港的教育玩法, 作為香港家長, 冇理由唔明.....leave it or take it, 決擇唔難
作者: chanti 時間: 23-6-26 09:11
pwhr 發表於 23-6-26 08:38
又唔好咁講, 如果新校長谷得起聖三一, 令到小學同幼稚園部都變成有競爭力嘅真私, 大把家長會吹捧佢, 聖公會 ...
作者: idy0722 時間: 23-6-26 12:31
chanti 發表於 23-6-26 09:11
但聖三一不是私幼喎，唔通想轉做私幼？
揀得聖三一都因為一直傳承嘅關愛/愛心/體諒 ～ 校長角色非常重要，係學校靈魂嚟！校長晤好佢以下嘅主任老師就算好好都會被同化或變質，淨返落嚟可以謹守崗位嘅老師未必好多
作者: BB-Tiger 時間: 23-6-26 17:31
Emilycc8 發表於 23-6-24 18:09
我地13/6聯署去信聖公會等等幾個party, 要求佢地20/6或之前回覆我哋家長，但係直至今日，都完全冇人接觸過 ...
作者: coffee2046 時間: 23-6-30 22:05
Emilycc8 發表於 23-6-24 14:11
但係今年我細仔係聖三一就變哂啦，新校長永遠高高在上咁，之前永遠穿條套裝短裙，從冇抱下攬下D小朋友，一D ...
幼稚園咋喎，點解要咁話小朋友
作者: coffee2046 時間: 23-6-30 22:07
cherry271 發表於 23-6-24 23:44
想講校長上任一年已經收聯署信兩封上次係因為親子旅行因為價錢唔合理時間安排失當
最後都冇完全更改安排， ...
係去邊度，收得好貴？
作者: chantelle321 時間: 23-7-4 22:18
CYY123YY 發表於 23-6-23 15:04
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個imag ...
好震驚呀而家變成咁，我小朋友兩年前喺度畢業，以前陳校長同老師班底全部都做咗十幾二十年，下至清潔姐姐都好鍾意陳校長，個個都好有愛心，學校好多活動，小朋友好鍾意返學，同學仔嘅家長都好滿意。好感恩小朋友曾喺度讀過，我仲好盼望會越嚟越好，原來腐而家變成咁，咁真係轉校好過。
作者: chantelle321 時間: 23-7-4 22:24
CYY123YY 發表於 23-6-23 15:04
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個imag ...
咁勢利好心佢唔好做教育，去從商啱佢d，留返個位比真正喜歡幼教嘅人。真係好心痛，三一變成咁。
作者: BBCOW2009 時間: 23-8-2 19:27
睇到很心痛，一間咁好的學校被個空降校長搞成咁。以前陳校長年代成個教學團隊真係好有愛，團結，穩定。
作者: Mama12345678 時間: 23-8-25 01:06
回覆 cherry271 的帖子
想問個位校長仲係唔係到做？
作者: Mama12345678 時間: 23-8-25 01:08
請問個位王校長仲有冇做？
作者: Mama12345678 時間: 23-8-25 01:23
本帖最後由 Mama12345678 於 23-8-25 01:25 編輯
回覆 Emilycc8 的帖子
你地講個位，係之前個區出哂名，自從佢上任，已極少第2代返去讀，你明啦…最後間學校都88啦…
作者: CYY123YY 時間: 23-10-8 10:33
回覆 Mama12345678 的帖子
個校長仲係到，俾人保住。學校的資深主任及老師，加埋十幾位職員就一次過走哂。
一踏入校門好似去左另一間學校咁，
收的學生都睇得出同以前有不同。
作者: Littleangel222 時間: 23-11-1 23:18
上年走左十幾個都仲未完。。今個學期開始緊先2個月又走多幾個，。
走親都係做左好耐既老師，
似頂唔順校長啦。。
今年聽啲家長講佢做野同態度仲衰過新入職個陣
家長搵親佢問野都係hea應 只會話係家長過份擔心，同埋話家長你咩都唔知。
學校透明度咁低，行政又亂，學校啲教職員走左又唔出聲。家長點會唔擔心。
開學無耐班主任走左無正式同家長交代過，
家長要三催四請日日問
最後先求其用荒廢左既eClass send張通告話搵個代課代一年就完左件事,
佢咁搞法會唔會好快全校得番fresh grad同代課老師。。
定係呢個係佢既任務黎？出生率唔夠要殺多間學校😂
佢兩年前先完成左個任務咋喎 😂
作者: idy0722 時間: 23-11-2 22:10
Littleangel222 發表於 23-11-1 23:18
上年走左十幾個都仲未完。。今個學期開始緊先2個月又走多幾個，。
走親都係做左好耐既老師，
似頂唔順校長 ...
上星期pn 家長日，見到有個新主任入嚟課室自我介紹， 我都估應該有主任走左嚟個新
但我女女讀個班兩位老師都好好，睇得出其中一個老師係聖三一應該做左好耐
作者: idy0722 時間: 23-11-2 22:13
Littleangel222 發表於 23-11-1 23:18
上年走左十幾個都仲未完。。今個學期開始緊先2個月又走多幾個，。
走親都係做左好耐既老師，
似頂唔順校長 ...
本帖最後由 idy0722 於 23-11-7 12:18 編輯
同埋每朝見佢係門口笑容都十分牽強虛偽，無親切感，不過佢記得我女名有做下功課
作者: MrsFanCkm 時間: 23-11-16 11:50
報左來年N班, 睇到有D擔心tim...
作者: eleung123 時間: 23-11-16 16:23
回覆 MrsFanCkm 的帖子
interview去feel下
作者: MrsFanCkm 時間: 23-11-17 09:30
回覆 eleung123 的帖子
個日去openday 感覺係OK GE...
個校長都有好nice甘同我地打招呼...
不過都岩, interview左先算... :D
作者: callmedontknow 時間: 23-11-24 10:49
MrsFanCkm 發表於 23-11-17 09:30
回覆 eleung123 的帖子
個日去openday 感覺係OK GE...
如果有心想了解多D, 可以返學時段比較下隔壁曾肇添同中心幼2間既氣氛, 你就會即刻發現中心幼上上下下有幾死氣沉沉, 個個主任隻眼係生額頭上。
聽返用家話依家好多處理手法都係跟返行政白紙黑字, 就連家長日都出通告寫明唔可以帶小朋友返去, 唔會幫你湊小朋友, 要家長再私下嘈完先口頭話可以帶小朋友。依類大大小小事其實仲有好多, 所以如果你想要一間真正關愛小朋友, 以小朋友為出發點, 其實可以直接考慮其他幼園。如果你追求project approach, 相信依間唔會係你首選。
作者: CYY123YY 時間: 23-11-28 23:35
n班唔平嘛, 所以對n班家長最好笑容最呵護, 期間限定黎, 升班後就好難講。同佢反映意見就唔耐煩，左望右望，同行過啲人打招呼都唔專心聽下你講咩。
把口就話知道知道，但被聆聽者完全感到不被尊重。
擺門唔錯，實質有幾多斤兩，一聽佢講嘢就知係背書，問多少少都答唔到。
帶領到班下屬雞飛狗走，只能衷心希望佢快啲轉行, 留番僅有嘅口碑俾學校。
作者: Emilycc8 時間: 23-12-21 15:37
十二月又有個超資深老師走左，
D TA 新請番黎又走左，啲代課老師三五七日又請假，明明每班要有2個班主任，點知班主任辭職，變代課頂，代課又唔番，變TA頂，TA都請假，最後得一個班主任
作者: Emilycc8 時間: 23-12-21 15:39
暑假時4個主任加一半資深老師辭職。開學呢三個月，再走左3個資深老師(emoji)
作者: Emilycc8 時間: 24-1-7 02:12
開學到琴日已又走左6個老師，代課老師又不停請假，番下又唔番下，毫無責任感。依家學校入面讀緊K3嘅希望快啲畢業，讀K2 K1 同N嘅盡辦法走得就走。
但見到D人話take 聖三一新offer, 真係覺得佢地好慘好似蒙在鼓裏咁。好多人仲以為聖三一係一間好好嘅學校，絕對冇錯，以前係，一直係好好嘅學校幾十年，不過今時今日嘅聖三一真係已經變到無一可取，希望有興趣入學嘅真係要從多D方面去了解下依家嘅聖三一!
作者: heidya 時間: 24-1-7 10:55
Emilycc8 發表於 23-6-24 14:14
其實我哋家長已經好不滿，220個家長聯署簽名寫左封信去俾香港聖公會，東九龍教區，西九龍教區，聖三一座堂 ...
作者: Emilycc8 時間: 24-1-18 10:55
聖三一高層們，請你哋真係細心留意吓各位家長寫嘅嘢啦(emoji)(emoji)(emoji)(emoji)
請你哋正視吓而家聖三一中心幼稚園嘅問題啦(emoji)(emoji)(emoji)(emoji)
作者: pandakeung 時間: 24-2-12 12:47
CYY123YY 發表於 23-6-23 15:04
本身仔女讀緊九龍城間聖三一中心幼稚園, 間學校出哂名係happy school, 以學生為本, 之前成日上雜誌, 個imag ...
現有校長做埋今個學期, 24/25 學年會換校長
作者: pollyleungball 時間: 24-4-17 01:29
crayon822 發表於 23-6-24 12:20
可以考慮聖馬可堂白普理幼稚園
都係聖公會學校，有全日班
校長係前聖三一中心校長，所以兩間學校有好多相似 ...
| 歡迎光臨 教育王國 (/) |
Powered by Discuz! X1.5 |