教育王國
標題: Harts / LH [打印本頁]
作者: Cheukyu04 時間: 23-10-22 16:30 標題: Harts / LH
阿仔係一月B, 現在9個月，本身好心儀屋企附近既Harts （咁近番學真係好正） 好心儀細校，覺得好有關愛，對成長好重要，透過爬文了解+身邊都有識啲小朋友係呢間學校畢業，都有好好既直私offer。加上識啲小朋友英文非常之好，印象深刻。去左Play day, 驚訝有好多Net teacher, 氣氛極好。
另一方面，身邊超多朋友小朋友係讀緊LH，讚得好緊要，領袖班/對於升小既培訓好有系統/有啲直私小學都會舉辦講座專俾LH學生。不過透過相處觀察，又未察覺到英文係好好。Open day去左兩間，可能真係太多人，感覺麻麻地，見到好多本地老師，好似好少net teacher咁樣。
（認識既朋友都係10個左右，唔想只係透過少數朋友主觀去斷定，所以想多聽意見)
如果有得揀，好怕自己揀錯，想聽多啲真實用家意見，揀間岩仔仔既學校，尤其現在讀緊呢兩間學校既家長。謝謝您們無私分享。
作者: Lightwriter 時間: 23-10-22 20:57 標題: 回覆樓主:
咁你係想個仔讀咩小學? 你本身target happy 定谷校？無講目標，咁間間學校都係好學校，答唔到係咪適合你仔ga wo
作者: Cheukyu04 時間: 23-10-22 21:18
Lightwriter 發表於 23-10-22 20:57 
咁你係想個仔讀咩小學? 你本身target happy 定谷校？無講目標，咁間間學校都係好學校，答唔到係咪適合你仔g ...
Target直私
以EK定義應為「谷校」
請問你係咪其中一間學校用家呀？
作者: Lightwriter 時間: 23-10-23 00:02 標題: 回覆樓主:
如果你target 直私，咁揀LH真係play safe. 佢不但有啟廸班，連平日上堂都會滲住黎train, 校長如果覺得班小朋友放完個summer 返黎甩晒就會發功做野，全方位加強訓練，係衝刺階段好幫到手架。
至於入得LH 9 成學生都target 入直私，咁家長rapport group 同學校support 係呢方面都好強。出面whatsapps group 有好多考小資訊，但我覺得都不及LH家長group 咁無私分享，出面山埃也很多，而學校知道學生要考小又會比鼓勵小朋友同家長，到最後又會幫家長分析或寫信等等，作為家長覺得back up 好強，好多人幫你，唔會無助。如果你去到一間學校唔target 升直私，呢方面既資訊接收就好弱，要靠你自己係公海慢慢搵，好花時間。
至於net 問題，LH 就英廣或英普，英個邊全net, 如果都覺得語境唔夠就自己搵方法加強啦，有d一線私幼都無net ga. 另外，考小都要考中文，所以如果英文一面倒強，又係煩，所以平衡d會比較好。
不過LH 呢，唔同分校既culture 都好似有d唔同，我諗你了解下你target個間係點先。例如人地話LH d老師校長好目標為本，重學術輕德育，我個間就完全唔係咁，反而好做到家校合一。所以問下你target個間分校既在校家長好d.
作者: Leetabo 時間: 23-10-23 11:14
本帖最後由 Leetabo 於 23-10-23 11:14 編輯
Cheukyu04 發表於 23-10-22 16:30
阿仔係一月B, 現在9個月，本身好心儀屋企附近既Harts （咁近番學真係好正） 好心儀細校，覺得好有關愛，對 ...
雖然外貌係唔係 net, 但其實全部都係外國番黎，如 ABC 之類的，所以英文口音亦唔係一般 HK local
作者: Cheukyu04 時間: 23-10-23 11:49
Lightwriter 發表於 23-10-23 00:02
如果你target 直私，咁揀LH真係play safe. 佢不但有啟廸班，連平日上堂都會滲住黎train, 校長如果覺得班小 ...
謝謝回覆
如果不介意可否PM我你係邊間分校
好難搵到不同分校分別的資訊
家住太子，所以有2-3間分校都可選擇。
作者: Cheukyu04 時間: 23-10-23 11:53
Leetabo 發表於 23-10-23 11:14
雖然外貌係唔係 net, 但其實全部都係外國番黎，如 ABC 之類的，所以英文口音亦唔係一般 HK local ...
多謝回覆
想問下還需唔需要外補英文/Phonics?
我知道好睇家長同小朋友
但一般而言，需要嗎？定係學校教既已經好足夠
（家中姐姐講英文，婆婆爸爸講廣東話，媽媽講廣東話/英文）
作者: boyboobee 時間: 23-10-23 17:34 標題: 回覆樓主:
近年考直私英文只係基本入場券，對中文嘅要求係高咗好多，唔好只諗英文。
作者: Cheukyu04 時間: 23-10-23 17:41
boyboobee 發表於 23-10-23 17:34
近年考直私英文只係基本入場券，對中文嘅要求係高咗好多，唔好只諗英文。
...
謝謝提醒
講多小小，除左係play day留意到既net, 呢幾年都留意到Harts既學生中文都好好, reading scheme好好，呢幾年畢業生得30-50人左右，但
placement都非常好，雖然 透明度不及LH咁高（非常欣賞）但如果係佢placement list每間學校都係得一位學生有Offer，都非常之唔錯
兩間學校都鍾意，所以先想聽多啲意見，謝謝你們回覆，好有幫助
作者: 四個天 時間: 23-10-24 09:30 標題: 回覆樓主：
本帖最後由 四個天 於 23-10-24 09:33 編輯
Harts用家
Harts既好要用家先知
因為佢細校 多關顧
老師會好認識到每一個學生既特點
發揮長處
最欣賞Harts係有幾方面
1）reading scheme
由pn開始，每一中英本書，都會由中英文老師，一對一係學校同佢讀一次，加強左係屋企認真閱讀，並唔係簽過名就當你睇左，當然k3書字太多，只會讀一部分，但會問下成本書內容
2）音樂專業
有打鼓，電腦coding融合，小朋友好早對音樂啟發，節奏感令小朋友都安靜去聽，佢地會識點同電腦溝通去做指令，k2k3學費包左小提琴學習同口風琴（疫情停左），12月k3會有機會去迪士尼表演，小朋友好難忘
3）藝術畫畫
Harts畫畫係教藝術家畫，有主題，例如草間彌生/畢加索等等，令小朋友欣賞畫家，並知道少少歷史
4）多NET
都有6-7成老師係NET, 小朋友好自然會轉語言溝通，英文/普通話/廣東話，聽講都不會有問題，我無外補英文，無工人姐姐講英文，屋企廣東話，仔仔都可以完全用英文同人溝通
我覺得揀學校，一黎真係要近，方便接送。二黎睇你想要什麼？harts每年都有學生入到男拔/女拔/cky/ 陳守仁等等，你可以睇佢網站，但上年harts只有27個k3，入到名小都要靠家長出力培養加小朋友資質, 咁少學生，但可以得到咁多老師照顧，係好好！基本上面試期間，老師都全力協助，同心靈輔導小朋友，k3轉晒下午班，9-11月會包左面試班，但有目標既都會再加外補。
最重要係，harts家長唔係個個想小朋友入名小，係想佢地冇壓力學野返學，無比較，最緊要搵到適合小朋友既學校。平時無測考，只有中文默書會通知家長，其他都係靠佢地平時係校內學習，對家長真係好輕鬆！
再想了解可pm!
作者: Cheukyu04 時間: 23-10-24 11:49
四個天 發表於 23-10-24 09:30
Harts用家
Harts既好要用家先知
因為佢細校 多關顧
好開心有Harts嘅家長回覆我!! 多謝你！
我驚我講錯，原來真係得27個畢業生，但係佢嘅placement 都真係非常之好! （今年已經叫做差左，但都好好）我見過有啲學生係揀CKY放棄SPCC/DBS
好認同佢個reading scheme 教到家長同小朋友如何正確地閱讀+ net teacher 提供到既語境，聽到啲學生講既英文真係好好聽，但佢地點樣令到學生中文都好好真係好神奇，相對地叫做比較happy school但學術方面都做到咁好究竟係點解
想問下「加外補」係咪都係面試班果類？ 有無聽過需要外補啲咩？ （就算LH/寶山，我都知家長們都係有外補面試，什至中英數都有，可能係少數，不喜勿插）
作者: cloudinrain 時間: 23-10-24 12:15
我見好多post 都話 harts 個reading scheme 好好.
但我果日去play day 淨係得play, 沒有課程資訊, official website 又無介紹.
請問可以係邊度了解到個reading scheme?
作者: 四個天 時間: 23-10-24 12:34
Cheukyu04 發表於 23-10-24 11:49
好開心有Harts嘅家長回覆我!! 多謝你！
我驚我講錯，原來真係得27個畢業生，但係佢嘅placement 都真係非 ...
因為移民同轉龍校等，所以上年得27位畢業生。
的確係好多小朋友都有好多offers
中文都係閱讀多，寫字我覺得唔算多
佢係一間家長唔洗話好辛苦跟，但學術又ok既學校，可能係因為個課程好有主題，通常每個月既主題，中英普都係教口個主題，同埋k1k2教過既，k3會教再深入，再重溫咁
主要係佢地返學冇壓力，學野好似玩咁
無排名無測驗
外補真係睇家長
面試班，奧數，樂器，運動，拼音，畫畫，跳舞，中文，普通話都有人會外補既
但考小學唔係淨係靠學校/外補，要好多野都配合，重要係了解小朋友性格，點樣學習適合佢，就會學得快學得好了
了解下不同小學既特點
人地既好學校，未必最啱你小朋友
Harts好多小朋友都有名幼既offers
但家長最後都係揀harts
總有吸引力(emoji)
作者: 四個天 時間: 23-10-24 12:35
cloudinrain 發表於 23-10-24 12:15
我見好多post 都話 harts 個reading scheme 好好.
但我果日去play day 淨係得play, 沒有課程資訊, officia ...
最好真係問到用家
最清楚最真實
作者: wccfgoldcard 時間: 23-10-24 15:30
係 EK, 妳永遠都見到話 LH 畢業，通常有幾好 offers，但我近幾年都有睇佢既官網派位表，講真唔係間間有 high ratio 畢業生 有靚直私 offers。
當然，青衣 LH 仍係 靚直私 offers 好特出 high ratio，奥海 LH 都 唔錯。馬安山 LH 前年 開始進步中。但如果係其他 LH，我唸妳真係要 check 真幾年升小 offers 啦，我睇唔到其他 LH 升小 offers 好過 Harts。
Harts 係好野黎，我孩子 pn 之前都有上佢 sunday playgroup，英文 net 係 教得唔錯，而且前年佢入靚直私offers 係有 high ratio，但學校活動空間，講真係好細，要睇下妳接唔接受到。
而且 Harts 係 細校，但學生 come from 不同 locations ，校巴接送安排要認真查看同唸唸。
作者: ngyeungbun 時間: 23-10-24 15:38
Cheukyu04 發表於 23-10-22 16:30
阿仔係一月B, 現在9個月，本身好心儀屋企附近既Harts （咁近番學真係好正） 好心儀細校，覺得好有關愛，對 ...
LH, 成套教學都係目標為本FOR 你出去考直私, 家長只要跟足就差唔多夠, 好適合雙職, 或者唔係咁多時間既家長, 成績計就青衣, 旺角果兩間就最有保證, 不過SYSTEM 係一樣, 只係爭得入得果兩間本身都叻D咁囉.
作者: 四個天 時間: 23-10-24 15:43
Harts做好少宣傳
都係全靠舊生媽媽既口碑
講考小一
Harts的確係無LH咁有系統
即係話唔會派好多野俾你拎返去溫
所以家長唔會有壓力
如果你需要考小一既素材
的確係要出去外補
Harts主要要父母跟
多數係態度, soft skills
但好多媽媽真係唔想純訓練
小朋友淨係為左考小一
細校係地方唔夠
但harts 既舊生聯繫
好多畢業生都會掛住學校
細佬妹都會留返harts讀
就係因為細校
校長連校工都會識每一位小朋友
叫得出名
好窩心
校長寫既推薦信都睇得出佢有留意小朋友
作者: wccfgoldcard 時間: 23-10-24 15:55
而且 報 LH 係只可以選一個 location 既 LH 去報，如果妳選報 青衣 LH，除了多人爭要考得入，另校巴亦只可以去幾個路線位，未必可以妳太子屋苑樓下上校巴，可能要每日坐 MTR 送佢去 元朗西鐵站 再上校巴，放學揾人接都唔易，除非妳有長老有私家車接送，或夾到其小孩租部校巴往返青衣去太子，接送都要唸唸。
作者: Adiezz 時間: 23-10-24 17:54
Harts一向都唔差，朋友由Harts插LH後都覺得Harts好一點，話兩間都有NET，但覺得Harts教得好啲，應該是細校比大校照顧得好一些。不過LH升小支援的確比Harts好，LH 家長也提供很多關於升小資訊。
作者: 四個天 時間: 23-10-24 19:11
我有朋友家長又係harts轉左st cat
都想轉返黎
大校細校真係好唔同
升小其實而家好多groups好多資訊
有目標既harts家長/有大仔大女考過
準備好充足
佢地資訊又準又多(emoji)(emoji)(emoji)
如果家長想
當你有2nd in / final in 某間小學
Harts老師會係上課途中
再針對性加強練習的
Harts係好開心
同學之間無競爭
家長都好舒服咁交流
作者: Cheukyu04 時間: 23-10-24 19:15
wccfgoldcard 發表於 23-10-24 15:30
係 EK, 妳永遠都見到話 LH 畢業，通常有幾好 offers，但我近幾年都有睇佢既官網派位表，講真唔係間間有 hig ...
謝謝回覆，我睇到既資料同你講既差唔多，如果揀LH都係選擇凱帆校。自己接送15分鐘小巴。
Harts學校空間接受到呀，成日覺得學校只不過佔左平日每日三小時而已，硬件上反而要求唔高。
屋企行去harts 2分鐘，覺得咁近都係大優點
作者: Cheukyu04 時間: 23-10-24 19:25
四個天 發表於 23-10-24 15:43
Harts做好少宣傳
都係全靠舊生媽媽既口碑
謝謝回覆
分享多少少，我自己只係需要20%嘅時間工作而且可控，其餘時間都係自己照顧或者教育仔仔，另外有個勁夾，配合度勁高嘅姐姐，我稱之為神級姐姐幫手。另外仲有配合度高既婆婆。
關於升小，素材方面，我覺得可以自己預備，或者出面面試班都有，同埋harts 9-11月都叫做有校內面試班。反而想知道學校（唔比較其他學校下）係咪都好積極幫到target入直私既小朋友，呢方面好靠家長幫手分享下。
作者: Cheukyu04 時間: 23-10-24 19:28
Adiezz 發表於 23-10-24 17:54
Harts一向都唔差，朋友由Harts插LH後都覺得Harts好一點，話兩間都有NET，但覺得Harts教得好啲，應該是細校 ...
好想知 如果俾你朋友揀多次 佢會選擇留係harts 定係會因為 「考小支援強勁」而選擇LH
作者: Cheukyu04 時間: 23-10-24 19:40
四個天 發表於 23-10-24 19:11
我有朋友家長又係harts轉左st cat
都想轉返黎
大校細校真係好唔同
多謝無私分享，好有用！！！
作者: 四個天 時間: 23-10-24 21:11
Cheukyu04 發表於 23-10-24 19:25
謝謝回覆
分享多少少，我自己只係需要20%嘅時間工作而且可控，其餘時間都係自己照顧或者教育仔仔，另外有 ...
我覺得好積極配合
可以話你想入邊間
佢地會盡力係學校內提點小朋友
但你冇要求既
唔會去push小朋友
等佢地自然發展
因為好多同學會跟哥哥姐姐入小學
或者移民或者揀happy school
學校唔會因為想佢地考名小
而對佢地有要求
所以都係家長谷多
但閱讀習慣的確係教得幾好
咁近真係好好
慳返校車費，慳時間學野/休息係好好
作者: wccfgoldcard 時間: 23-10-24 22:34
Cheukyu04 發表於 23-10-24 19:15
謝謝回覆，我睇到既資料同你講既差唔多，如果揀LH都係選擇凱帆校。自己接送15分鐘小巴。
Harts學校空間接 ...
作者: Cheukyu04 時間: 23-10-24 23:05
wccfgoldcard 發表於 23-10-24 22:34
建議妳幫小孩報下 Harts Sunday playgroup, 雖然寫話第二間機構攪，但上堂教果個西人女老師，其實會係 K1 i ...
我都等緊報佢weekday/Saturday playgroup (好似無左Sunday playgroup), BB 要夠12個月先上得，所以仲要等下。 多謝你意見。
作者: Cheukyu04 時間: 23-10-25 10:43
四個天 發表於 23-10-24 21:11
我覺得好積極配合
可以話你想入邊間
佢地會盡力係學校內提點小朋友
咁樣真係好好
Happy school仲要academic 好，細校強關愛，仲可以要求老師特別加多兩錢肉緊，重中之重培訓（如果想）
另下我想問多小小。見過有post話其實學校都有NET教phonics, 加埋佢地強勁語境，係咪已經好足夠呢？
作者: 四個天 時間: 23-10-25 12:50
Cheukyu04 發表於 23-10-25 10:43
咁樣真係好好
Happy school仲要academic 好，細校強關愛，仲可以要求老師特別加多兩錢肉緊，重中之重培訓 ...
基本上溝通同拼音都ok
但如果係考小學同早d可以自己睇書
都係要外補超前學習
所以都係睇家長要求
但上小一完全handle到
無問題
作者: alien_ho 時間: 23-10-26 00:02
（路過）
呢個post 分享好高質！！
LH 係有佢同吸引人既地方
但唔係唯一好既學校
作者: 四個天 時間: 23-10-26 08:55
提一提係
如果真係好心儀harts
建議認識一下在讀家長
了解清楚學校
叫佢地幫手拎申請表
作者: Cheukyu04 時間: 23-10-26 09:11
四個天 發表於 23-10-26 08:55
提一提係
如果真係好心儀harts
建議認識一下在讀家長
謝謝提醒
上次去play day 都有派呀，不過我問老師可唔可以報2024-2025年度，佢話仔仔歲數未夠，要再下年先報
我好奇可唔可以一到2歲就插班定係唔收插班，要讀出面啲playgroup/Pn先？
請問你係咪在讀家長/認唔認識啊，我可唔可以稍後PM你，謝謝
作者: wccfgoldcard 時間: 23-10-26 11:30
妳BB都未夠12個月，佢playgroup算唔難報，比$1xxx上一期睇下先，除了感受下師資學校環境，再感受下同學家長質素 (我果期，感覺同學家長質素幾唔錯)。
上過佢playgroup有冇幫助入pn/K1，呢個唔知，但如我前年K1 interviewer係one of playgroup teacher，interview時大家認得，可能有少少幫到入。
之前2年，佢 pn/K1，其實唔算難入，易有offer (佢學費唔算平，當然LH/St Cat都差唔多)，但係升小offer做得唔錯，同冇埋根德園，佢又係細校，可能之後會難入d，但正路唔駛轉校插班先入到。
另如妳係報LH奧運，以我所知，近2年係有LH playgroup 班奧運上，妳都可以上下感受下先再作決定。
作者: Jean1769 時間: 23-10-26 13:11
wccfgoldcard 發表於 23-10-26 11:30
妳BB都未夠12個月，佢playgroup算唔難報，比$1xxx上一期睇下先，除了感受下師資學校環境，再感受下同學家長 ...
LH playgroup完全分開運作，老師行政都係。上佢playgroup唔會感受到
作者: Cheukyu04 時間: 23-10-26 13:28
wccfgoldcard 發表於 23-10-26 11:30
妳BB都未夠12個月，佢playgroup算唔難報，比$1xxx上一期睇下先，除了感受下師資學校環境，再感受下同學家長 ...
多謝你寶貴意見
我正打算兩邊上親身第一身感受下，不過Little Habs toddler steps(14-19m) 硬性規定每星期要上兩堂，Harts就一星期一堂，到時可能一星期要上三堂，唔知算正常定係多。
我都覺得真係要親身感受下，慶幸自己係LH open day無偷懶去左兩間，感覺真的截然不同，包括學生家長，同埋學校舉辦大型活動嘅質素（其中一間整個環境嘈到似街市，無誇張，因為去咗兩間，真係有比較有傷害，不喜勿插）
作者: Cheukyu04 時間: 23-10-26 13:30
Jean1769 發表於 23-10-26 13:11
LH playgroup完全分開運作，老師行政都係。上佢playgroup唔會感受到
謝謝回覆
請問你係咪上過little habs? 有冇少少意見可以分享，感激。見到網上嘅資訊都係話完全冇關係，分開運作。
作者: 四個天 時間: 23-10-26 13:34
Cheukyu04 發表於 23-10-26 09:11
謝謝提醒
上次去play day 都有派呀，不過我問老師可唔可以報2024-2025年度，佢話仔仔歲數未夠，要再下年 ...
我細仔而家harts pn
可以呀
有問題可聯絡我
大仔畢左業了
一定要夠兩歲先可插班
同埋多數插pm
作者: donutnut 時間: 23-10-27 16:48
我係HARTS 現任家長, 而家K2, 小朋友讀得好開心, 同學間/家長間相處都好好
PN 其實都無咩所謂可以試下, 好多K1 時都會大洗牌一次, (就算LH SC 都會)
K1 都繼續一齊讀的家長其實方向/STYLE 都好近似
大多都係TARGET 直私
有好幾個都係哥哥/姐姐係舊生, 入到DBS/CKY等 弟弟/妹妹都繼續係度讀
睇你喜歡小校定係好似LH咁有SCALE 有SYSTEM D
本人喜歡小校多D, 個COMMUNITY CLOSE D 好開心
個個老師都識得晒D 小朋友
HARTS 都有D 星期六課外活動 (唔一定HARTS 學生先可以參加), 你可以比小朋友上下試下, 或者好似都有D PLAYGROUP
不過咁, HARTS 比較少大B, 可能因為會多D 選擇掛
作者: Cheukyu04 時間: 23-10-27 20:56
donutnut 發表於 23-10-27 16:48
我係HARTS 現任家長, 而家K2, 小朋友讀得好開心, 同學間/家長間相處都好好
PN 其實都無咩所謂可以試下, 好 ...
多謝你用心comment！
多得你地無私分享，我心目中已經有方向，唔使浪費時間，非常感激。
作者: gegeshe 時間: 24-4-6 03:56
donutnut 發表於 23-10-27 16:48
我係HARTS 現任家長, 而家K2, 小朋友讀得好開心, 同學間/家長間相處都好好
PN 其實都無咩所謂可以試下, 好 ...
首先要多謝你嘅分享，同時想問今年Harts K2-K3 有幾多人，最新一年嘅升小offer好嗎？
作者: ol_bb 時間: 24-4-6 11:29 標題: 回覆樓主：
本帖最後由 ol_bb 於 24-4-6 11:30 編輯
我小朋友係兩間前用家，兩間我都覺得好！
作者: chichi730 時間: 24-4-7 00:12
請問Harts有室外playground嗎？
作者: Cheukyu04 時間: 24-4-7 03:44
chichi730 發表於 24-4-7 00:12
請問Harts有室外playground嗎？
沒有
| 歡迎光臨 教育王國 (/) |
Powered by Discuz! X1.5 |