英國GCSE A Level 中文

beastiebistro

回覆 yhma 的帖子

叫學校代報。
不過考嚟做乜呢？對報英國大學一啲啲幫助都無。除非諗住返香港做公務員，或者Vanity value（可以話俾人聽多條A*），考嚟無乜用喎。

beastiebistro

回覆 3b 的帖子

NJ返香港讀書唔係我嘅研究範圍，所以我不便再加意見。不過以我所知，今年放棄UCL入HKU讀醫嘅同學無考過GCSE（L6先過英國），亦無考過GCE A level中文。

beastiebistro

回覆 yeungboy 的帖子

呢樣我唔知喎，有機會我問問。
好似我咁講，經NJ報香港嘅大學唔係我嘅研究範圍（我只對英國寄宿學校上英美大學有興趣研究）所以我唔加額外嘅意見。

beastiebistro

抱歉我就係想講明，中文科A level對報英國大學係一啲用都無（連後備用途都無）。如果話要用嚟經NJ報香港嘅大學，咁我無意見。但係如果因為淺而考，其實正正就係我二樓講為集郵考試。當然各人有各自睇法，我講唔係批判任何人呀，純粹想樓主諗清楚點解要考，係咪為考而考啫。
返返主題，係想考嘅就直接問學校可唔可以代報，咁樣最容易。因為除咗要諗點報考，仲要諗喺邊度考同邊個監考。學校肯幫你報嘅話，應該肯俾埋地方監埋考。

beastiebistro

回覆 hiddenhero 的帖子

唔係我話自修㗎，係樓主話佢小朋友自修喳。我只係建議就算佢自修，想報考都最好叫學校代報。

beastiebistro

唔好講笑啦。我讀完中二去英國一路到讀完大學（機械工程）返香港都無掂過中文。返嚟香港我直接入廣告公司做嘢，而家自己公司嘅中英文文案都係自己寫返。從來無人要求我有咩證書證明我中文係ok嘅，我更加唔信有公司會覺得A level中文認證到中文程度。我唯一聽過就係報政府工要有認證，我亦喺＃2講咗。
不過我都無謂多嘴，想考就考啦。