Guardian

beastiebistro

回覆 3b 的帖子

其實只要係Aegis accredited嘅監護人公司，就一定要做DBS check（因為係攞accreditation嘅條件）。Aegis係英國Guardian公司嘅監管機構（非政府），去佢個網頁搵有accreditation嘅監護人公司就有啲啲保障。雖然guardian服務或者homestay質素都係間間唔同。

https://aegisuk.net/

beastiebistro

回覆 chilokbb 的帖子

我諗睇個別Guardian公司個別Homestay。我嗰間就超好，我六月頭同佢講個仔有可能會返唔到香港，佢已經即刻幫我問定Homestay。佢話如果返到香港，咁冇問題當無事，如果返唔到就可以去Homestay兩個月。結果當然返唔到，就去咗去開嘅Homestay。

最後因為我早咗去英國，所以只係喺Homestay住咗唔夠一個月。

而家我估聖誕都返唔到，我又同佢講定先。已經book定兩兄妹妹都去同一個Homestay過一個月聖誕假。

beastiebistro

回覆 yuyueng 的帖子

我認為佣金多少係一個原因，另一個原因就係呢啲所謂agent大部分都係𡃁仔，跟本未有過小朋友，又點會明家長需要啲咩呢？所以我始終覺得安排去讀寄宿學校事宜，唔靠agent自己做係最好嘅...

beastiebistro

回覆 bb1225 的帖子

係可以，但係呢啲嘢點可以外判比Guardian呢？家長係可以選擇委任Guardian代表出席家長日，同老師跟進小朋友各方面嘅進度。但係你又有幾信任Guardian呢，點解唔自己直接同學校跟進呢？

beastiebistro

回覆 bb1225 的帖子

其實Guardian做咩做幾多係由家長落指示（某啲guardian公司要多啲服務可能會有附加費用），所以家長一開頭嘅指引最重要。我認為亦都關個guardian有幾上心，同埋學校做嘢嘅方法事。例如我揾guardian俾我個仔（第二啲帖講過我唔用一般香港家長追捧嗰啲公司）嗰時，我講明學業我自己跟，呢方面我自己同學校直接溝通。不過我仔學校就會將學業report兩面都send（guardian同我），而且佢有時自己接送我個仔都會專登同housemaster/tutor傾下偈，跟住俾返個report我（算係extra服務）。雖然佢講嗰啲嘢我都清楚晒，但係我都appreciate佢夠晒上心。

beastiebistro

回覆 bb1225 的帖子

好似樓上有網友講，學校應該每個學生分派一個tutor，所以係有人睇住學業。另外，housemaster同Matron就會留意小朋友嘅pastoral care。其實真係無乜需要guardian插手嘅地方。

beastiebistro

回覆 bb1225 的帖子

Guardian嘅主要工作係擔任家長嘅代表人，同學校溝通。同埋如果有咩突發事件，學校有即時（冇時差）嘅聯絡。例如醫療事故，精神問題等等。Guardian亦可代表家長去見家長，探學生，甚至代去support運動比賽／表演等。

Homestay只有一個功能，就係喺必須離校嘅假期提供住宿比小朋友。好嘅homestay可能會安排埋活動俾小朋友，但係未必係必然嘅事。

Homestay通常都係經由guardian公司安排，家長可以要求資料篩選（不過資料／相片幾吸引都好，真正適唔適合都要住落先知）。有部份Guardian可能會兼任Homestay，不過好唔好都係睇彩數。

如果試過個Homestay係夾嘅，住得開心嘅，咁梗係去返同一個好啦。如果真係settle唔到嘅，咁轉都唔係壞事。應該可以要求去返同一個Homestay，但係都會有機會Homestay唔得閒，或者突發事件（例如確診）而要去另外一個度。我認為要記緊同小朋友講清楚Homestay唔係五星級酒店度假，如果去到唔主動同Homestay傾偈溝通，下下匿入房打機，咁幾好嘅Homestay都無乜用。

beastiebistro

回覆 ganbatei 的帖子

我講我嘅認知。

1. Guardian公司base喺邊冇乜關係。如果有返咁上下規模，都會有唔同地區嘅Homestay。我認為甚至Homestay都無需要喺學校附近，一個半個鐘車程好普通。

2. 有好多學校要求Guardian資料登記，我估最好唔好搞到太遲。我就通常六月已經決定晒。但係同學生簽證完全無關係。

3. 絕對可以要求Guardian公司提供Homestay資料，揀完先決定去邊個Homestay。但係如果你未同Guardian公司簽約，佢就未必會俾Homestay資料你揀。所以你應該要揀定咗Guardian公司，然後再篩選Homestay。

4. 時常聽到有家長學年中先轉Guardian公司，所以一定有人會開咗學先轉。但係開咗學三個禮拜度已經有Exeat（點都要有Homestay），所以開咗學先決定Guardian公司唔太可行。

beastiebistro

回覆 belomommy 的帖子

其實無話須要預先知道，不過如果家長想知，通常都會有啲基本資料。例如，Homestay地址及地區環境簡介，Homestay本身工作，家庭成員（尤其常住在Homestay家中），Homestay性格及提供Homestay嘅資歷年期等軟性資料。仲有硬性資料例如有幾多房間，房間樣貌相片，最多可以收幾多學生，有冇需要share房，有無養寵物等等。