成績唔好係咪難揾學校

beastiebistro

Clarkie 發表於 23-2-10 10:44
小兒現在P4, 係本地讀傳統學校, 應該算係神校其中一間。讀得好吃力。成績亦好差。我哋有意等佢讀完小學送佢 ...

喺香港讀緊神校係會有少少着數嘅。英國學校鬼識得晒香港嘅學校？但係神校報英國公學入讀嘅比例同機率都比一般學校高，所以英國學校識嘅機會都大。（特別係前人有建樹，跟住嘅學弟妹都有着數）。

好嘅英國公學收生最重要係interview，成績都係次要。只要interview convince到佢收你，成績麻麻唔係問題。不過近年真係多咗好多香港人報學校，所以有好多會要求某pre-test起碼達到基本要求。

如果係想報最top嘅學校，而家10歲就要入紙register for Y9（13歲）入讀。就算唔報最頂級嘅，而家都要做功課揀學校，小五要開始報。

beastiebistro

Clarkie 發表於 23-2-10 11:35
回覆 anitawong21 的帖子

好奇, 點解唔交既?

其實有部分agent，攞咗學生嘅passport之後，就會有理冇理都入咗registration先（聽過有啲直頭冇問過家長）。咁到時就算你決定用另外一間agent報同一間學校甚而決定自己報，因為第一個agent已經用你名義落咗名，所以commission要歸佢。

beastiebistro

Clarkie 發表於 23-2-10 17:52
回覆 Naughtymom 的帖子

我明你唸咩。好怕自己選錯邊。我都係剛剛開始爬文同揾資料。原本都係15/16, 但我 ...

"低年級重要幫高件級做野(如擦鞋), 高年級可以叫低年級幫手做野(我聽朋友講傳統學校係咁)。"

呢樣我讀書嘅年代仲有，而家都比較少啲喇。當然有時大佬叫到，都唔敢托手踭嘅。

不過，係要自己打理自己。好嘅學校亦會收每日收手機／電子儀器，配給用嘅時間。而且學校九萬樣嘢做同玩，根本冇太多機會沉迷打機。最緊要揀間full boarding比例高嘅，咁週末都有足夠嘅同學一齊玩，更加唔使靠電子產品。

去英國讀傳統寄宿係不可多得嘅經驗，有能力絕對應該俾小朋友嘗試。

beastiebistro

Naughtymom 發表於 23-2-10 23:10
我明白吖。我當然好希望佢去感受傳統寄宿學校生活啦。但我仔同你仔爭十萬八千里吖。好嘅傳統寄宿學校根本 ...

盡量試試啦。其實有好多唔錯又全寄宿比例高嘅學校嘅。你都講咗幾間啦，Sherborne Boys，Uppingham，Shrewsbury。仲有Stowe，Repton，Canford，Christ's Hospital，Malvern等等都係全寄宿比例高嘅學校，又相對入學要求冇咁高。呢啲學校都會俾到傳統寄宿體驗。

beastiebistro

Naughtymom 發表於 23-2-14 09:23
及時雨，感謝你時時在EK上俾意見家長。我的確係需要知道多D不同學校選擇。好擔心選錯。感謝你！日後還有好 ...

唔好客氣呀。隨時歡迎PM我㗎

beastiebistro

四隻貓 發表於 23-2-17 08:47
係呀，都打算轉ALevel 。
本身係IB , 但佢應該頂唔住IB 中文。

時間有啲尷尬喇。英國學校入學睇年齡，唔係睇你喺香港讀到form幾。入學嗰年9月1日足13歲入Year 9（等於中三），足十四歲入Year 10，如此類推。如果你仔而家中二，即係應該已經14歲，到今年（2023年）9月1日可能已經足15歲。
如果9月1未夠15歲，可以揾學校入Year 10。但係year 10唔係主要收生年，位唔會多。好少少嘅學校都唔會到呢個時候仲未fill晒，所以唯有勉強試吓去而家剩低仲有位嘅學校。

如果9月1足咗15歲，或者諗住讀完中三先去（希望有多一年時間揾間好啲嘅學校）仲麻煩，因為計年齡應該入year 11，但Year 11直頭唔係收生年，一般學校都唔收（因為該年要考GCSE）。咁就得返有一年制GCSE讀嘅小貓三幾間學校揀。

唔想咁就唯有讀完中四，足16歲未夠17歲入Year 12。雖然話如果係咁就仲有兩年，不過而家要做定功課揀定學校準備報架喇。而且重要捱多兩年中文。

beastiebistro

四隻貓 發表於 23-2-17 12:02
咁不如等佢係香港考埋IGCSE先走。即係考UK 嘅Year 12。到時發咗育個人高大左，去寄宿我老公會安心啲。
呢 ...

我相信而家for你個仔，咁係時間上最合理嘅安排。你亦有空間揾料做功課揀學校。祝好運。
關於英國升學有咩想討論，歡迎你PM我。

beastiebistro

wendycyp 發表於 23-2-18 09:41
其實一年制GCSE會唔會好辛苦？如果year 11過去，讀幾個月就要考試，要適應新環境又要應付考試，時間好似好 ...

有幾樣嘢要考慮：
1. 開呢啲一年制嘅學校唔多，好嘅更係少之又少。入咗要預咗留喺一間未必最滿意嘅學校三年。

2. 一年制GCSE通常係讀5-6科（正常GCSE學生係讀8-10科），讀少啲有咗應付課程，但係影響將來選擇。例如冇讀某科，變咗A level唔俾揀嚟讀。少科亦令想轉更好學校有難度。

3. 搞呢啲一年制GCSE嘅學校好多係國際學校，或者傳統學校嘅國際部，體驗同傳統寄宿學校有出入，同學亦都多係非英國本土學生。

4. 當然亦有時間緊逼嘅問題。其實讀得幾個月就要考試。如果本身學生能力高嘅，不如讀埋中四直入Y12（lower sixth）。如果學生本身能力喺香港應負唔嚟，咁得幾個月準備又真係可能好吃力。我就認為係兩頭唔到岸選擇。

當然係我個人意見。

beastiebistro

wendycyp 發表於 23-2-18 10:58
多謝你嘅意見(emoji) 研究下先(emoji)

歡迎隨時PM 我討論。

beastiebistro

Naughtymom 發表於 23-5-24 07:17
好失落，agent幫我遞了我仔成績表比心儀學校問可否申請，Cheltenham College第一時間reject左，話驚比唔到 ...

我嘅意見始終係唔好靠agent，佢點遞（有冇真係遞...），點解釋跟進完全冇人知。其實你可以自己聯絡學校，自己同佢哋傾，可能結果好唔同。

beastiebistro

Naughtymom 發表於 23-5-24 09:30
係AA，我覺得咁大間都信得過，因為係同時間幫我問了好幾間學校，有D未回覆，有D就要Ukiset，CC就reject， ...

其實我唔係話agent一定會呃你，不過佢點遞form，點跟進，有冇盡量爭取，會唔會左手交右手（學校話唔得就算，連爭取都冇試）。

KSC係好學校，我認為好過CC，所以有得報係好事，祝好運。

我就唔特別會喺未報明之前同學校講ADHD呢個問題。原因係：
1. 去寄宿，個小朋友係24／7住喺學校，佢哋有責任睇住管理嘅所有學生。但係學校資源係有限嘅，特別係夜晚。一間boarding house頂多一個housemaster加一個matron睇住幾十人，如果有一兩個有咩特別需要佢哋根本冇可能夠人手照顧。一早講明，其實即係一早叫佢reject，連見都冇機會。如果你報嘅時候唔講，佢肯見又pass到interview，咁到時起碼佢哋見咗個小朋友有覺得適合，就算你到時話有SEN問題，佢哋reject嘅機會就細好多喇。

2. 而且你係海外生，唔同local英國學生。有咩依郁問題，佢想叫家長嚟學校接返個仔唔係咁容易，你搵嘅guardian亦未必能夠解決突發問題。佢唔想博都情有可原，未必關歧視嘅事。

3. 以我所知，英國要斷症為SEN，其實要經過好長好嚴謹嘅過程，個report幾十頁紙咁長。相比香港就兒戲得多，求其見吓醫生寫兩隻字就開藥（英國醫／藥分家，醫生唔會靠開藥賺錢）。所以對英國啲學校嚟講，斷咗症嘅SEN係大事。但係有唔少香港斷症嘅SEN學生，其實喺嗰邊根本只算係輕症，甚至唔算。學校唔知就當係一樣，咁佢都要衡量可否應付。

我都係建議：
1. 你自己報名，或者心儀嘅學校自己email去陳詞。
2. 報名時先唔好講有SEN需求，過咗interview，收咗offer先慢慢同學校講。（其實大部份學校收咗之後都有好多文件要填，到時啲文件都會問有冇SEN需要，到時先講都未遲）
3. 考唔考UKISET係你嘅決定。如果有學校要求咁考係正常，但係諗住考咗先，用成績嚟博學校收就未必係明智。一嚟真係唔係間間學校都用UKISET，就算有都未必睇。二嚟你都唔知考成點，可能搞完一大輪，考得唔算特別好，又幫唔到（咁到時你會唔會逼小朋友再考過呢？）

當然全部都係我個人睇法。