一個5歲左右的小朋友，學琴半年左右會去到咩程度?

lillymarie

原帖由 crystalwsm 於 10-11-26 03:41 發表
我剩係想知道囡囡的情況, 如果太慢, 我情願放棄唔好浪費時間

佢鍾意就俾佢學啦
我個囝進度非常慢, 我曾有與你類似的想法, 覺得唔cost effective, 不如唔好勉強了. 但見佢又真的好似好鍾意, 雖然一樣要提先去練琴. 同埋我見你係另一處問考APA, 相信你囡囡的進度應該都幾好?

lillymarie

有無驗眼？需要帶眼鏡嗎？我細囝有好深度數，只看一行譜都辛苦。
另外，讀譜和讀書的進度差不多，如果讀書速度快，讀譜速度亦會有進步。我囝讀譜都慢，但又真的發現佢後來讀書快咗，讀譜都有進步。
我細囝又係，學了兩年琴，仍在拉隨意弓。講到我口水乾！不過我唔想俾壓力俾自己和佢，之前執佢搞到我自己好大壓力，囝都怕咗我，每次練琴前都問我會不會閙佢，慘！現在不再執佢，留給老師教算了。佢拉完一首歌我就拍掌。

lillymarie

原帖由 crystalwsm 於 10-12-1 01:51 發表
呢個禮拜會睇醫生架，多謝關心

希望你囡囡健健康康！
最近叫個仔練琴叫到好勞氣，同老師傾好，我唔再逼佢練琴，但要求佢每年都進一級，不然我就唔俾錢佢學，等佢大個自己俾錢學。阿仔即刻話：咁叫老師狂俾我考試啦。我話：唔係喎，唔只三首考試歌，要彈到個個級數的歌先算喎！
一年升一級的要求應該都算是合理吧？

lillymarie

原帖由 crystalwsm 於 10-12-15 03:09 發表
其實我係膽粗粗自己教, 但太耐無彈有D脫節, 所以想問下D進度, 而且想睇清楚阿囡鐘唔鐘意, 先決定搵私人老師!

佩服你的毅力! 自己教真要EQ好高先得!
我只係陪阿仔練琴都噴火.......今日先同個仔講, 以後都唔再理佢練琴練成點, 有問題上課問阿sir好了. 免傷感情.

lillymarie

原帖由 crystalwsm 於 10-12-16 03:43 發表
其實我唔係教咗好耐，不過真係要EQ好高，因為我都成噴火 阿囡又唔係醒，好多時都鬧到佢喊     唉，我都唔想，鬼叫佢無記性，晌五線譜D練習薄識讀個音名，但同一個音搬咗去琴譜就唔認得，我都唔知點解 真係要好 ...

其實你囡囡仲細, 讀譜的問題, 同讀書一樣. 阿仔試過有段時間, 認得D字咭, 但就唔認得書上既字. 都係幼稚園時期出現.

我現在驚嚇怕阿囝, 所以唔敢再咁認真睇佢練琴了. 想起自己細個時, 其實好鍾意學琴, 但我阿爸成日企係我後面睇我練琴, 一錯就鬧, 我當時因為壓力太大, 就搵藉口唔學了. 現在諗返都有少少遺憾, 雖然成年後有再學過, 但手指都硬哂, 而且亦無咁多時間去練習. 可惜!

lillymarie

原帖由 miffy 於 10-12-16 12:44 發表
我認同你咁講。我覺得小朋友彈琴, 彈得好那些, 都是對彈琴有興趣, 如果每天有人在咦咦哦哦旁雞蛋裡挑骨頭, 真係乜興趣都無晒。

我仔阿sir在初級時, 從來唔注重技巧, 只要阿仔彈得出首歌, 阿sir便讚佢。我自己觀察到 ...

今日阿囝以為自己練熟了, 竟然想提早收工去打機. 我嬲嬲地, 猛捉佢錯處, 逼佢練埋剩低時間. 事後佢竟然話鍾意咁! 忘記了早前哭住叫我唔好睇佢練琴, 唔好鬧佢. 仲倒轉頭話我無幫佢, 搞到佢係阿sir面前拉錯哂! 我頓然領悟到: 佢未練好前, 不要去執佢. 等佢覺得自己練到好好啦先執佢. 不過, 呢樣應該係老師去做, 而唔係阿媽去做, 所以結論都係盡量唔理佢, 留返俾阿sir 教好了.

lillymarie

原帖由 crystalwsm 於 10-12-19 13:25 發表
可能我都要學下呢種方法先得，但係阿囡真係唔叫唔練琴!!!

你有無set個時間表? 我將做功課和練琴安排在一起, 囝囝做功課時, 自己就會練埋琴. 每日的時間都一樣, 所以我只需要話: 夠鐘開工. 佢地就開工. 但其它時候就唔會自己去彈琴囉.

本來想叫細囝去考音樂試, 但佢話好唔鍾意考試, 一諗到考試就好驚, 驚唔合格, 驚去到唔識啦喎.......我現在唔知點好........屋企人話有張cert可以俾佢自己一個肯定, 又確保佢進度全面.......唔使考? 考低一兩級? 按佢程度考?

lillymarie

原帖由 crystalwsm 於 10-12-21 02:18 發表
我都有特定時間叫阿囡練琴，每晚飯後彈個幾鐘，但要我晌屋企先得，因為先每次都係坐晌佢旁邊教佢彈，我唔坐晌旁邊或者我唔係屋企佢就唔彈，激死 ...

會唔會係因為未夠信心, 驚自己彈錯? 又或者認譜方面未熟習, 所以覺得無你幫佢就彈唔到? 呢D係我兩個囝頭兩年的情況. 阿sir教我慢慢放手, 先讓佢自己練10分鐘, 然後先去睇佢練成點. 逼佢自己睇譜, 自己嘗試解決問題. 其實你囡囡都好乖, 可能亦喜歡彈琴, 練個幾鐘, 唔係個個都得!

lillymarie

原帖由 carol878 於 11-1-8 13:52 發表
hi 大家好,我個三歲半囡囡又係學緊琴,學左幾個月嘞,老師成日話佢唔專心,又問我點解,平時係咪都係咁.唉我都唔知點答佢好,不過佢又真係唔係專心既小朋友,叫佢唔好學佢又話唔好.同佢去第二間試堂,佢既然成日話要去果個 ...

太細了。一係請位有經驗的老師，一係等多一兩年再學。

lillymarie

原帖由 carol878 於 11-1-10 16:52 發表
好多謝你地既意見,我諗我會比佢繼續學,因為佢都好鐘意,同埋我問過個老師話佢係咪太細唔識所以唔掂,佢又話佢都唔係唔識,佢都彈到佢係識, 只係上上下堂大約15分鐘就開始唔專心,又同佢講下一陣去邊玩,鬧佢就好啲,不過次 ...

3歲半, 可以專心上堂15分鐘已好叻啦!
試下搵個有經驗有耐性的老師啦.

lillymarie

原帖由 Rose^^ 於 11-1-10 23:09 發表
大家好,我小朋友四歲半時學琴大半年,因當時見他興趣不大,而且當時的鋼琴老師又不太好,所以停左年幾了,呀仔現在升上小一,學校主張小朋友要學一種樂器,所以我想再比呀仔一次機會,請老師返來教佢,有無媽咪有類似的經驗, ...

我大囝的情況和你差不多.
但我大囝當時係喜歡學琴的, 只因佢唔肯練琴和下課後完全唔記得老師講乜, 所以我停咗佢的學習.
到小一下學期, 再問清楚佢, 真的喜歡, 亦答應肯每天練琴, 才讓他再開始學.
大囝學了三年多, 一直保守諾言, 每天都肯練琴.