TKO東華三院王余家潔紀念小學ge家長入黎傾

MaMaEva

Hello

我個女都係讀呢日小學架, 佢喺1D班, 不過佢成日話比前面個同學騷擾佢, 整爛支顏色筆, 搶左佢工作紙跟住仲撕爛埋, 有一次仲將本數學補充用原子筆畫花左.    唉, 每日放學後都有投訴, 同班主任講佢話已經有2位家長投訴過, 而個學生ge家長已經安排佢去做檢查係咪'過度活躍'喎. 阿女話無得再換位, 老師又唔想isolate 個學生. 仲話如果有問題叫我個女舉手同老師講.  我覺得老師聽得多都煩啦, 唔知有乜好方法解決呢個問題, 真係頭痛.

MaMaEva

原文章由 yy02 於 07-9-27 22:08 硐表
[quote]原文章由 yy02 於 07-9-27 22:07 硐表

ALL,

親子旅行你O地去唔去呀?

我去唔到啦, 成8個月肚, 去完隨時生得啦..   我叫左我個妺陪佢去囉, 通知左老師la.

係呢, 你地個小朋友係讀邊班架.

MaMaEva

原文章由 嵐嵐21 於 07-9-28 22:30 硐表



我個小朋友都係讀1D 我都知有個好曳的小朋友成日騷擾d同學 真係唔知學校會點解決呢？

我打電話同老師講, 佢話同訓導主任商量過會換2個男同學坐佢後面喎, 第二日我問阿女有無換位, 佢話無換位.  都唔知學校想點... , 再係咁我真係要約校長見吓面先得.

仲有呀, 嵐嵐21(真係好你都係1D班), 星期五嗰日我個女唔夠時間抄份英文Pen A 生字, 可唔可以話比我知今次係寫乜生字呀, 佢成版紙係空白架 (除左有日期). 我話你可以問其他同學借來寫, 佢話老師唔比問人借喎... 真係比佢激死

MaMaEva

原文章由 yy02 於 07-9-29 00:01 硐表
[quote]原文章由 yy02 於 07-9-28 23:57 硐表

呀女今日又帶漏功課返屋企呀
都唔知點先令佢記得帶齊功課
佢仲要同我講"唔緊要"  ...

YY02 阿女係咪抄唔齊手册先帶漏功課呀, 如果係你就要同其他家長交換電話先得.  咁有問題可以打電話問吓.  我都同另一家長交換左電話喇, 互相幫忙嘛.  其實我每次同阿女執書包前都會double check 做好功課未, 做好就喺手册上加tick號, 跟住放入功課袋, 咁就唔會帶漏. 你都可以試吓.

MaMaEva

原文章由 嵐嵐21 於 07-9-29 13:20 硐表


MaMaEva : pen A 生字

We are in the park.
I am running.
I am jumping.

嵐嵐21
真係唔該你, 如果唔係又欠功課 .

MaMaEva

yy02

你唔好心急呀, 要慢慢教佢先得架. 因為開學初期我個女都成日帶漏嘢, 同欠交功課, 仲要我放工返屋企先開始做. 唉! 我又心急要佢做快d, 又成日話佢慢, 攪到佢做親功課都喊.  跟住我老公叫我唔好鬧, 慢慢來. 好彩我自己都反省吓個問題, 所以依家咪慢慢同佢做
law, 佢已經比開學時快左好多, 間唔中放工返到去佢做好功課tim.

所以你都可以試吓, 每日同佢返到學校門口時提佢, 放學後要檢查柜桶, 有無帶漏書/功課,  起碼提一星期, 跟住唔再提, 睇佢仲記唔記得law. 我都係咁架. 希望對你有幫助啦.

最緊要係唔好鬧, 因為佢已經唔開心, 你再鬧佢, 佢會覺無助. 更加唔聽你講. 希望我ge經驗對你/其他媽咪有幫助啦.

我無入家教會呀, 因為自己都安排唔到時間, 細b又就快出世, 所以無參加. 希望日後有時間再報名啦.

MaMaEva

原文章由 KakaWinnie 於 07-10-3 23:01 硐表
你們有無發覺on-line功課表同學生手冊啲功課唔同? 今日阿女手册有英文功課做, 但on-line功課表無喎!!  都唔係第一次唔同喇.

你個女讀邊班呀, 其實我已經成個星期無睇on-line功課表, 因為我要試吓阿女有無寫齊, 好彩每次都寫齊. 但英文Pen A & B 就話唔夠時間抄生字/句子 , 昨晚又要打電話問其他同學.  唉 真係攪唔掂. 有乜辦法呢. 點解其他同學又可以抄齊呢

MaMaEva

原文章由 yy02 於 07-10-3 21:41 硐表


mamaeva,

我都知唔急得,但你果個都會話唔記得帶功課會唔開心呀,但我個女唔記得帶仲倒轉來同我講唔緊要 我反而係想佢緊張下 好似今日又帶漏啦

我今日開始同佢講,如果佢再帶漏我會扣佢貼紙,因我一向都 ...

yy02

我預產期係12月4日, 會喺11月20日放假啦.  呢個係第2個小朋友, 阿女話好想佢快d出世, 可以快d做家姐喎 :loveliness: . 希望到時唔好話細b煩就好喇.  至於安排時間真係到時先算. :D

MaMaEva

嵐嵐21, yy01及各位家長:

你地係咪收到英默結果呀, 唉, 我個女話都唔係默生字, 係默句子, 所以佢好多都唔識. 因為老師派"Dict. 4"生字, 我以為只係默生字, 所以無温習句子囉. 原來除左我之外, 仲有另一位家長昨晚打電話問我知知呢件事, 仲以為係小朋友上堂無留心老師說話, 所以問我個女成績如何.  我答佢: 係好差得32分. 不過我無話佢, 我話下次要比心機温書囉.
我都覺得其怪點解老師無講話係默句子, 所以我想問吓你地個小朋友係咪都一樣默句子?? 而你地事前又知唔知呢? 對於今次默書結果滿唔滿意呀(有幾多分呀)? 嗰位家長話會問英文老師原因喎, 希望我都會打電問吓老師. 你地有無其意見交流吓呢.

MaMaEva

原文章由 嵐嵐21 於 07-10-9 14:08 硐表


MaMaEva :  我個女話默句子wor, 今次默書結果都幾滿意la!

嵐嵐21
你就好啦, 即係你個女默書成績ok啦.  其實係咪老師上課時講過會默句子呢? 我個女無同我提過默乜, 淨係話唔識默wor, 攪到今次成績咁差 , 我驚佢上課唔留心聽老師講jar.
係呢, 你個女喺學校有無比蚊/蝨咬, 我個女咬到成手都係, 仲係咬左手, 而右手就得少少幾粒, 對腳就無事 (咬得好其怪 ).  我已經同佢搽寶寶金水/用蛟貼先返學, 但都咬到成手都係...  唔知搽d乜先無事.

MaMaEva

原文章由 嵐嵐21 於 07-10-9 22:56 硐表


MaMaEva : 之前鄺sir話過係會有d唔知咩....蝨 提過我哋d家長記得同小朋友搽防蚊水架!我就同呀女搽香水law(試過咬咗2粒)

嵐嵐21
我都有同佢搽過花露水, 但都係咬到七彩 , 連手背, 手指都咬, 好恐怖. 等我都試吓用香水係咪會好d.
今日打咗電話比英文老師, 原來佢上課時有同學生講默句子, 真係我個女大頭蝦 無同我講. 依家知點同佢温習. 你就好啦個女咁細心, 唔使好似我咁每次都問係咪要帶呢樣/嗰樣等.
明天去旅行喎, 玩得開心d啦 :D :D

MaMaEva

原文章由 yy02 於 07-10-10 23:32 硐表
[quote]原文章由 yy02 於 07-10-10 23:26 硐表

另你O地知唔知究竟溫習"常識"係要溫D咩,點溫呀 無理由又要默晒D字呀 定係要TEST D咩呀?????????????

...

温習常識 無範圍wor, 最多問吓佢作業d問題, 佢講答案law, 要佢留心吓喺學校/屋企發生既事等等. 通常都係咁掛. 到考試時係睇佢自己識幾多law. 如果其他媽咪有心得, 記得分享吓

MaMaEva

原文章由 yy02 於 07-10-10 23:26 硐表


我幾日都上唔到bk呀,成日都係甘

MAMAEVA,

講起個英文默書,我又發巔啦,本來我既"小一入學抑鬱症"已經開始好O架啦MA,點知就係個默書攪到我又發巔啦!
我之前都係同呀女默生字,諗住一定無問題啦,點知到 ...

yy02
唔好咁 , 平常心啦, 我個女下星期一要補默呀, 我都唔敢迫佢,
只係一年級上學期, 等佢/等我地習慣吓先啦, 老師都話佢地喺K3階段轉小一, 係要慢慢識應(其實我地都要), 有人快有人慢. 我都同意架, 阿女成日都大頭蝦咁, 咪提多d囉. 上次數學工作紙佢係學校做好交咗比老師, 第二日, 老師喺本手册度寫欠交, 我都無話佢仲話可能老師唔記得你已經交咗wor.  咁佢又無乜野, 最緊要信佢, 就算知佢係錯, 咪話你返去問老師, 因為老師會更正嘛, 到時你可以話係咪呢我都話架啦, 你又唔信. 試多幾次佢都會聽你講ge.
我試過有一次手册寫要數學補充, 佢係都話使做, 到咗第二日返學前我再提佢, 佢咪即刻做咗(用咗2分鐘時間), 跟住同佢返學. 放學後我問佢係咪要做呢頁呀, 佢先話係. 所以, 有時大家都要比d時間冷靜吓, 唔可以迫得咁緊.
你唔好咁緊張啦, 學習放鬆, 如果唔係, 大家都有壓力咁就唔好啦. 我個女淨係肯比我同佢做功課, 爸爸同佢做, 佢話唔得, 你d字我唔識睇, 我要媽咪同我做. 你話我咪仲無耐. 真係到我生bb時, 都唔知邊個同佢做功課 , 有可能要同佢請幾日假, 等我出院先返學

MaMaEva

原文章由 yy02 於 07-10-11 21:54 硐表
[quote]原文章由 MaMaEva 於 07-10-11 15:15 硐表

KAKAWINNIE,

係呢,你個小朋友係邊班呀?

Mamaeva,

咪默書有補默?幾多分先會補呀,甘係咪計補默果一次分呀 ...

yy02
我個女唔及格先要補默, 我諗唔計掛, 補默意思係要佢試d字/句子啫. 老師話過今次默書係唔計入考試分估喎. 所以都無咁驚.

MaMaEva

原文章由 KakaWinnie 於 07-10-13 22:41 硐表


yy02,
我呀女讀1E班的. 你們呢?

kakawinnie
我個女讀1D,

MaMaEva

原文章由 yy02 於 07-10-16 22:58 硐表
另你o地覺唔覺得校長好似真係幾肯聽意見bor,上次我o地家長會要求小一上網check功課可以延續就真係順延了,而上次有家長話默書方面,今次又真係改少了,真係抵讚
甘先叫做開心學習呀ma,默少d甘小朋友先有時間 ...

噚日打針我個女都無cry, 佢話一d都唔痛, 但係佢話有幾個同學
cry.  仲話12月要打打多一次wor. 咁我咪讚佢叻law.

死啦, 明天又英默, 都無時間同個女温習. 佢成日要等我放工先做功課, 又要沖涼又要食飯, 做完都成10點幾(手腳慢), 跟住又話要 . 唉, 睇怕今次默書都係死梗 , 你地有乜方法可以教吓我呀.
我已經成日打電話提佢快d做功課 (真係山高皇帝遠), 當我無到.

MaMaEva

原文章由 yy02 於 07-10-17 21:12 硐表


MaMaEva,

我噚日聽完NLP講座,我今日就同呀女用佢既方法教佢,甘今日佢就可以8:30溫完D默書,當然要到明天才知佢係咪真係記得晒!

個導師叫我O地串英文生字,用其中2-3個英文字形象化佢,eg:peanut,就用其中nu:係花生 ...

yy02

好等我下次都試吓呢個方法, 睇吓係咪好d先. 多謝你

MaMaEva

原文章由 yy02 於 07-10-24 21:58 硐表
[quote]原文章由 yy02 於 07-10-20 18:39 硐表

ALL,

本來諗住今日可以同呀女做晒d功課,點知放工返到屋企發現佢發燒呀,立即同佢落去睇醫生,好彩行快一步,個 ...

yy02
你個女無乜野呀, 係咪近日天氣涼左冷親呢. 我個女都有幾聲咳, 即刻唔比佢飲凍野, 喉嚨又乾喎, 所以今日叫左姐姐煲蘋果雪梨湯潤吓law, 你地有時間都要煲d滋潤湯水飲喎.  呢d天氣大家都要小心保重呀.  有乜好湯水記得介紹吓.

MaMaEva

原文章由 yy02 於 07-10-25 21:36 硐表


mamaeva,

佢今日仲嚴重了,仲係有燒,明天應該返唔到學了:cry:

我今次真係大頭蝦, 唔記得左26號數學測驗 , 佢放學之後打電話同我講 "媽咪, 今日數學測驗呀", 我跟住話"係咩, 唔記得同你温習tim, 你識唔識呀", 佢話"全部題目都填滿晒呀, 唔識咪數手指囉" .  等我25號嗰晚淨係温習英文默書...., 唉, 唯有等星期一先知結果. 希望佢及格啦

MaMaEva

原文章由 yy02 於 07-10-30 21:47 硐表


mamaeva,

我個女都好大件事,TEST果日仲病緊,所以上午都無返學,下午見佢精神D所以同佢返學校TEST,但我諗成績都.......
結果呀女今日先可以正式返學,無返2日,唔知D野跟唔跟到 ...

yy02

無返2日學唔會跟唔到, 佢地d課程唔係咁緊張, 唔使驚. 但係今次咁耐都未派測驗卷喎 , 所以仲未知成績如何. 今日萬聖節你個女有無扮巫婆/其他角式呀. 我本來買左套巫師袍比個女, 點知佢今朝先話唔扮巫師喎, 比佢吹漲 .