今年10月29號派表啦,有冇人去"瞓街"呀??

爆炸人

hihi~我之前都訓過街, 俾d提意你!!!如果你29號派表, 其實你28號早上大約8點到去, 都可能排到20位左右~~
要睇你係咪一定要上午班喇, 如果係就一定要早d~~我果年好似排到3x-4x號+我囡囡係細b, 收左我下午班...當時好唔開心, 但囡囡讀左2年, 原來下午班好ok~因為d時間就到學校興趣班架, 到時你入到金麗, 就會明白點解我咁講~~
如想入下午班架媽咪, 就可以28號晚, 食完個飯先去排都未遲~(最好就搵時間去睇睇門口情況多唔多人黎決定喇)
以上為個人意思, 年年都唔同, 最好就27號開始行下學校門口, 睇下情況而定喇~~
祝大家好運~~成為金麗一份子~~


午

原帖由 chelchel0126 於 10-9-28 01:50 發表

睇之前D人講,要早幾日架
我唸住27號就去瞓啦
不過都要睇老公放到幾時,,

爆炸人

我當然記得喇~~hehe, 認得你張相喇~~
油塘多唔多人上黎讀我就真係唔知, 因為我都係返工~~
嫲嫲帶囡囡返學, 佢話有3-4個媽咪好勁架~~係上環...過海地方住, 去到藍田金麗讀...佢地由小朋友入學校, 就坐係公園等佢地放學, 因為住得遠~~走又走唔到~校車又唔到~
如果油塘上黎, 行好遠架, 應該係坐小巴...幾號就唔記得, 我只係記得有2架, 一架係油塘開, 一架係三家村開出, 在康雅苑下車, 行入去就到~(好似24號定27號綠色小巴)
我估油塘都有人讀掛, 坐校車喇可能~~
我估計, 真係唔駛2日前去排....如果接受下午班, 就一定唔駛咁早去~~排得前, 多數只係想入上午班~~
不過你信我, 有時間的話, 下午班真係好d~~由其你呢d, 住得唔近, 要坐車.到時有興趣班, 如果你俾小朋友學的話, 下午班時間, 就可以一次過(早1小時或遲1小時接送).
但上午班的話, 你要先接佢放學, 等1小時后返去或等下午班放學后返去)總知就一定要接送2次回校~~要坐車的話, 你到時會好唔方便~~

原帖由 chelchel0126 於 10-9-28 16:15 發表

你好呀爆炸人,我地之前都傾過架,你記唔記得有個媽咪話要去公厠化妝呀??咪我low
其實我下上午都冇咩所謂,最緊要係入到low,唸住早d去,比多d誠意,等人地好感d咋
想問一下你呢,我住油塘架,好似唔多見金麗嘅校服仔喺呢頭 ...

[ 本帖最後由 爆炸人 於 10-9-29 15:53 編輯 ]

爆炸人

係呀, 但係k1得2樣野學. 我個囡囡k1就抽唔到佢喇!!

原帖由 meowli 於 10-9-30 15:11 發表
想問下興趣班係咪K1已經會有呢?

爆炸人

咁又真, 有時間又有心讀呢間學校, 收到已經好開心喇~

原帖由 chelchel0126 於 10-10-3 02:03 發表

我都唔唸咁多啦,上又好,下又好,收到就最好

爆炸人

當年, 我本人係真正訓街~~有看更會不定時睇下櫈仔主人在不在~~如果佢行過2次都無人應, 佢會抽出櫈仔去掉~~當然喇~如你想去下廁所, 買個飯盒..行開一陣, 你左右隔離都會幫你話你行開下~~(如果長時間行開, 左右隔離都會開聲喇)!!

興趣班一定係下午開始喇!!hehe, 就算有班在上午班返學前上, 哈哈~我估小朋友都無可能咁早起到身喇~
講多次喇~~興趣班係會在下午班返學前或下午班放學后開始. 簡單講, 如下午班學生, 即早1小時或遲1小時接送小朋友就可以. 但上午班的就要行4轉了~~

爆炸人

1日1夜, 24小時左右喇~~我早一天去排, 早上8點15分到, 見到D小朋友返學, 之后到第二日又見到佢地返學~小朋友入晒學校, 我地仲有茶點食KAKA, 食完就放我地入去行過圈, 之后拿表格~~走得~~

原帖由 stefi 於 10-10-5 15:42 發表


爆炸人,
你果時去瞓左幾日街呀?

爆炸人

張櫈一定要有名, 仲有個NO. , 自己坐的~~你唔好諗住走左去, 一俾人發現, 一定會掉左你張櫈, 即係你個NO.都會無左~學校唔會俾表你, 你可以由頭排過~~
至於張櫈, 佢會同你講, 如果想執返的話, 請到對面找~
不過講真, 有心為小朋友, 都係一日姐, 問心講, 人地有諴意的就排了一日, 但有D人都無排過, 到早上見到無左個名就係到嘈!!!其實學校都係想公平D姐~

原帖由 stefi 於 10-10-5 15:43 發表


我會o係張櫈度寫住名, 費事俾人坐錯~

爆炸人

鬼咩, 我果時一心諗住自己請左2日假~又唔駛老公排, 又唔駛奶奶排, 全程都係我~~

不過呢間學校真係好嚴架, 我囡囡K2, 聽奶奶講, 話有D小朋友渣筆手勢錯和唔識寫字, 要留堂俾老師教佢地寫字架hehe好彩, 我囡囡寫字都ok~~hehe~

原帖由 chelchel0126 於 10-10-6 01:14 發表


嘩,好pro呀

爆炸人

對我地好簡單, 問佢這個係咩色呀~~俾一個玩具佢玩, 睇佢識唔識玩, 睇佢入去同走時會唔會叫老師~~

我個囡當時都唔多採佢, 都收左佢~~

原帖由 chelchel0126 於 10-10-6 01:19 發表

你嗰陣考咗d咩呀??

爆炸人

放心, 到時左右隔離會成為你朋友架喇~~到時去廁所, 咪叫人幫你睇睇, 到人地去, 你咪幫返人睇羅~~
不過大家記住, 廁所要去到平田商場地下先有~~晚左無咩人行, 媽咪們就要小心d喇~~
到了半夜, 管理處會開放廁所俾家長借用, 係果到就會安全好多喇~~
希望幫到大家喇~~

原帖由 stefi 於 10-10-13 13:57 發表


我係諗住自己去排既, 但我驚行開去厠所/買少少野, 會俾人坐左/拎開左, 我都請左1日假, 由28號早上開始等, 希望到時唔會已經排左好多人啦~

爆炸人

27號晚.... 唔駛咁早喇~~不如你27號晚去視察下咩環境先喇~~28號早d去, 我估應該一定拿到表格架~~

原帖由 chelchel0126 於 10-10-14 15:58 發表

我都係自己去呀,比個囝啊媽湊住先
我會27晚,或者28一早去low

爆炸人

係呀, 係呀~今年好過份呀D人, 25號已經有人放野係到排隊, 但人就唔見左~~咁樣真係好唔公平羅=_='
大家要點知做, 自己決定喇~~

原帖由 louiseter 於 10-10-25 22:06 發表
唔係要親身排隊咩? 點解鞋盒都可以?

爆炸人

我又黎喇~~老師有惡有唔惡~~呢d去到邊到讀都會有~~
小朋友同老師都要講緣份~~我個囡係學校到入到跳舞班, 我當然開心, 唔駛錢, 係要小朋友跳得有天份學校先會叫佢入. 出面學要HKD170/堂架~~
不過我囡囡學左2W后, 喊住返黎同我講唔想學, 因為老師鬧佢, 拉根好痛!!
但我個人感覺 : 玉不啄, 不成器~
我仲想講多少少個人意思, 現今社會咁多青年自殺!!!都係因為現今社會d人生得太少, 搞到d小朋友全都都係寶~唔鬧得唔打得~到大左~佢地要自己面對社會, 但社會係好現實, 無人會再當佢地係寶. d青少年就會接受唔到~~
可能好多人唔認同我呢個想法~~

不過我早幾年排, 早一日去就ok, 琴晚返屋企時, 嘩!!見到一年比一年過份, 其實校長真係諗下方法解決喇~我有個朋友去排, 好似27號早上7點左右到, 排10x....過百人~~好驚~~問心, 要我排2日, 都真係唔會讀, 又唔係無學校~~

點都好喇~~到了今天, 要拿表格的, 已經拿到手了~~面試當日, 加油呀大家~~唔好俾壓力小朋友呀~~hehe自然就ok架喇~~

原帖由 winglongyan 於 10-10-29 11:58 發表
學校係好.但我小朋友與它無緣.已退學.
老師惡/不惡好個人感覺.
今天妳取申請表及明天面試,有機會見下面,自己感覺下惡/不惡.

爆炸人

我老公都係兆強畢業, 但我聲人講都要睇彩數, 睇你果年多唔多有分架小朋友, 多都可能收唔到, 咁就要抽籤!
但本身有多個原因. 才會非入本校不可~~

1) 校風好~~官塘區無咩人唔識呢間學校~一定有佢原因係到~
2) 近~我唔想咁細個小朋友坐校車, 在可以行路情況下, 可以帶到小朋友返學~~太好太好了~
3) 聽人講, 兆強喜歡收金麗學生~

但對排隊拿表呢個作風, 我就好唔認同佢喇~~咁先進架社會, 都要我地D家長咁做~~唉~~

原帖由 beanean 於 10-10-29 15:29 發表
老公今朝七點去到....攞到18X籌....但聽日interview同第二間幼稚園撞期....點算?....如果我本身係李兆強畢業....咁係咪讀邊間幼稚園都無所謂呢??...會唔會有分都入唔到李兆強呢? ...

爆炸人

SORRY 呀, 我真係唔係針對人架~~的確我係好喜歡呢間學校~但我剛才都講明, 真係有好惡架老師, 我意思只係話, 睇下大家用咩觀點去睇~咩都有人鍾意或唔鍾意的~~
你唔好介意.....
我只係想同大家傾下計, 我自己LIKE間學校, 可能我講野會幫左學校那邊~~
但我也只是將所見到的說出黎~我也有說不是的事情呀~~

上次的事, 我也不記得我說過什麼, 如你覺得我言語下令你誤會的話, 在此和你說句 : 對不起~~

大家也是為兒女著想, 不要說到開火那麼嚴重~~

原帖由 winglongyan 於 10-10-29 17:27 發表
爆炸人我知妳好喜歡此學枚,對學校好有期望,見到人家對該校批評都會說出是父母問題(在別版內見過)多於學校.希望妳在末清楚人家事情時不要去批評.我只講出我當年所見之事,易禮貌地回覆別人問我之問題.無批評個學校及老 ...

爆炸人

winglongyan, 你咁話完我, 留言后, 我再看看剛才我所打說話~~是不是你想多了!!我剛才講到明, 是有惡老師, 還令我小朋友喊著回來說不學~~
我沒有說她好話呀...問題係, 你是不是不順眼我呢~~話不好不行, 話好的更加不行~~那我就不在此多說話好了~

原帖由 winglongyan 於 10-10-29 17:27 發表
爆炸人我知妳好喜歡此學枚,對學校好有期望,見到人家對該校批評都會說出是父母問題(在別版內見過)多於學校.希望妳在末清楚人家事情時不要去批評.我只講出我當年所見之事,易禮貌地回覆別人問我之問題.無批評個學校及老 ...

爆炸人

呵呵~~我記得你早1年前已經開始係到問我地金麗點, 但到最后都係無去呀~~
其實你可以試下29號早上來, 有可能拿到表, 但係咁后就唔一定收羅~~可以做後備!!!

咁你現在去那裡報名呀~~其實有次我去行街, 見到油塘有間幼稚園, 又大又靚, 好似係新校, 不過我唔知咩名~~佢校舍我好like~~但就唔知好唔好~

原帖由 chelchel0126 於 10-10-29 22:28 發表


希望你地成功呀^^
不過實不相暪,我冇去到呀..