試升小二或留班？

fitceo

我想分享小小經驗:
小兒小2時評有讀寫障礙, 當時在津校就讀,都好似版主咁學校無社工跟進,同時學校好多抄寫, 佢又係寫字好慢既人, 所以當年就決定同佢轉私小重讀小2, 而當年佢係中文唔合格,以往幾年佢既中文成績都係剛好合格,今年小5,剛考完呈分試中文唔合格,私小要佢重讀,我覺得既然佢本身讀寫在中文方面比較弱,就算repeat 小5,意義不大, 但學校堅持, 所以決定同佢轉校, 呢兩個星期,就在希望失望中渡過,全部小學都唔會收小6插班生, 唯有去教署登記,等安排,在教署安排下,又考了兩間津小,都係因為中文唔合格而唔收, 想問下有經驗既mami ,如本人堅持小兒讀小6, 是否最終教署都會安排到 ?
而家反覆思量,其實在小兒p.2時,作左一個錯誤的決定, 以為佢既讀寫障礙對佢影響不大,只想搵一間愛心小學令佢有興趣學習,問題就會解決, 而家佢正因為中文一科令佢又要重讀, 其實呢科永遠都係佢既弱項, 若果當年肯接受現實,同佢搵一間融合小學, 就唔會有今日兩難的局面了.