18個月囝囝懷疑自閉.. - 自閉寶寶

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 自閉寶寶 › 18個月囝囝懷疑自閉..

查看: 6209\|回覆: 16	go 18個月囝囝懷疑自閉.. [複製鏈接]

wilyun

別墅

Rank: 4


	774

1^#

發表於 12-11-21 11:58 |顯示全部帖子

我個仔都係似你個情況,我就早過你排左CAC做評估,現在個仔25個月,我呢段期間就同佢去協康同心橋做D小組訓練,另外,政府果度就排早期,我個仔都現在都唔識講架,久唔久佢就會講一D野,但你叫佢跟住講,佢有時又會講到D音出黎囉!你可以帶佢去心橋度做言語小組訓練,幫佢訓練安坐同眼神接觸

仲有,協康會有D係小組訓練,專FOR我地呢D小朋友,社交咁.你有無同個仔排埋入N班呀?你一定要帶佢入N班讀下書,接觸多D人.

你個仔21個月比較細,我都覺得你可以唔好針灸住,等佢足左兩歲先,因我個仔都係25個月我先比佢去試針灸(雖然未針,但我覺得應該有D效用!)

平時多D同佢講野,比多D唔同種類的玩具佢玩,唔好只比單一種類佢玩呀!

我自己就係個仔20個月大就QUIT左份工,自己跟返,現在佢的理解能力已經好左好多!

我都有同感,D男人同D老人家唔多願接受呢個問題,但我地做家長,應該要正面D面對,知佢有事,就更加要幫佢盡快適應生活,因佢大D要面對的,比我地家長還要多,唔好因為怕人地講,你就唔帶個小朋友去接受治療呀!呢D病真係早D發現早D可以幫到佢架!

返回頂部

wilyun

別墅

Rank: 4


	774

2^#

發表於 12-11-22 15:43 |顯示全部帖子

回復 Vichang 的帖子

都唔係話偉大架!都係迫到埋黎,始終自己小朋友最重要,錢無左都可以搵過,最多咪洗少D囉~ ^^

我個仔評估左出黎只係話佢語言遲緩,但我都覺得佢係有D自傾,因佢真係唔多理人,就算係我,都係講要有著數先會做,佢本身就無乜話狹窄興趣,可能我迫佢乜都要玩下喇!又少眼神接觸,不過我呢四個幾月自己揍返之後,眼神接觸多左好多,我又密集帶佢去唔同地方,佢係改善左好多,而且開始明白我講野,會做D簡單指令!

我今日帶左個仔第一次去做針灸,佢都有喊,但喊一陣就OK了,可能第一次係試針,只有五針係個頭度喇! 哈哈!

返回頂部

wilyun

別墅

Rank: 4


	774

3^#

發表於 12-11-22 15:44 |顯示全部帖子

回復 CMH 的帖子

佢無駁電架!但拔針果陣都有流血喎,係咪正常架??

返回頂部

wilyun

別墅

Rank: 4


	774

4^#

發表於 12-11-26 11:51 |顯示全部帖子

回復 Vichang 的帖子

我覺得私校都無所謂,只係睇下間學校收唔收佢啫!同埋我個仔最輸蝕就係唔識講野... >.<

返回頂部

wilyun

別墅

Rank: 4


	774

5^#

發表於 12-11-26 11:51 |顯示全部帖子

回復 CMH 的帖子

佢果度幫小朋友拔針果陣會有舊消毒棉幫佢抺下架~ ^^

返回頂部

wilyun

別墅

Rank: 4


	774

6^#

發表於 12-11-26 12:03 |顯示全部帖子

回復 Vichang 的帖子

唔好話你喇!其實我都無係人面前"yim"飾個仔的問題,我會覺得,有邊個父母想個小朋友有事先,就算小朋友有問題,要話都係話我地大人,唔可以怪個小朋友,個小朋友都唔想,我都好憎一d家長,自以為自己個小朋友聰明,就係度扮晒野,

好似昨日咁,我老公帶個仔落去樓下,點知個仔扭抱,屋苑有兩兄弟見我個仔扭計,佢地係度扮我個仔係度扭計,我老公果陣就即刻抱我個仔走,如果我在場,我一定會話果兩個小朋友,我個仔細,唔識野,但佢地兩個大,已經識得好多野,但都要咁樣,佢父母也在場,也不覺得什麼事似的,好彩就係,我老公唔會鬧人,但我覺得我地呢d父母,個小朋友唔識得保護自己,就由我地大人去保護他吧,我老公第一時間就係好似覺得自己個仔咁,令自己好無面...但其實我覺得佢兩個細佬扮我個仔,佢有無諗過,我個小朋友乜野感受先,大家做父母都係想教好下一代,唔係做就佢地兩個大細佬係度摸妨,如果情況係相反,佢個父母會點諗先?唔該d人,個細佬唔識,個大人都要負返責任先喇!佢地咁鐘意摸妨,佢係咪又會學人講粗口,學人打人先!! 佢父母應該諗下,切身處地,佢兩個細佬係街度扭計,人地其它細佬扮佢係度扭,跟你會唔會覺得仲火上加油先!!!

返回頂部

wilyun

別墅

Rank: 4


	774

7^#

發表於 12-11-26 12:06 |顯示全部帖子

回復 Vichang 的帖子

做人要正面d,唔識講野到時咪最多教佢做手語囉! 我唔覺得唔識講野係代表個小朋友好差囉! 係在hk先會有咁樣分grading d小朋友啫! 只要佢地識得表達, 時間耐d就耐d,我會比多d心機教個仔0既!

返回頂部

wilyun

別墅

Rank: 4


	774

8^#

發表於 13-1-3 18:52 |顯示全部帖子

回復 Stone媽媽的帖子

我都係由BK媽媽介紹我去仁愛堂針灸咋~ SO FAR針左七次,已經見到效果,可能我個仔仲細(26個月),佢又有返N班,佢現在識得跟住唱一句歌仔了,雖然仲係講得唔多清,但係已經好好,仲有,成日會指住講呢D,同埋識得問佢好唔好,佢如果唔好就會擰頭表示,教佢有野求我地要講唔該,佢都識得做動作同講"該",咁已經好好,最重要係認知,理解能力好左!如你有需要可PM我,我盡量講你知詳情! ^^