馬鞍山靈糧幼稚園 及 聖母無玷聖心幼稚園 你會怎選擇？

luckyveronique

開心的學校，都唔係只係玩玩玩到顛 我囡係今年靈糧K1生，日日都有小肌肉訓練，為日後寫字做準備。另外，學校有中英文字咭、普通話詞咭， 家長亦可響內聯網上瞭解英文同普通話的月度學習內容同埋進度。

仲有，學校訓練閱讀也都有自己一套方法，這點十分重要，因我相信，人生流流長，一個人從閱讀當中獲得的知識，要比書本中廣泛的多的多！

因此，靈糧所教內容如果全部都跟到的話，亦是十分足夠的！

BTW，我理解的happy school，是將知識以更生動、更吸引小童的表現方式教比幼稚園學生，以讓小朋友記憶深刻，并完全理解。完全唔係僅僅在學校傻玩

跟唔到小學的小朋友，其實屋企人都要反思下吧

luckyveronique

回復 leehimhim 的帖子

K1功課只有“請聽我讀”計劃，每兩周學校派發兩本書，一本由家長讀比小朋友，家長讀一遍簽一個名，叫做“親子閱讀計劃”；另一本簡單D既，需由小朋友向其他人讀，小朋友每讀一次獲得一個簽名，10日內獲得24個簽名，壓力其實都唔小。我囡幾次都自己揀（或者老師派發）了英文圖書，亦在這個活動當中學到唔少英文句子。

另會有一D不定期的親子勞作，此外，K1無其他書面作業。其實那些畫下線、涂下色咁既作業，家長在書局太易買到啦，無需學校再派發喇~~

英文堂無記錯的話，每週2節，NET教（兩班共享一位NET老師）。但同時NET老師都會經常在活動區域或小組活動教學當中出現，所以小朋友接觸英文的時間無法準確計算。

luckyveronique

之前我同囡囡參加過一個生日會，大都係第一次見面的朋友們。其中共有來自5間幼稚園的十幾個小朋友，有super神級的，又有一半係分別來自幾間靈糧的。通過我接觸十幾個孩子們發現，靈糧的小朋友普遍膽子比較大同自信，敢於同可以信任的陌生成人有溝通、有眼神交流，可帶住比自己小的小朋友一起玩。後來靈糧小同學們仲一起唱校歌，感覺他們對學校較有歸屬感。