上緊通利音樂班的家長可以傾吓嗎

htcmama

整個課程為期二年, 分4本書. 所以唔駛怕老師會拖慢來教, 因為佢地有規定幾耐上完一本書. 我囡囡呢個星期會上BOOK 3 的最後一堂了. 二月開始BOOK 4. 佢真係返得好開心, 每次都係由我倍佢上堂, 呢個係親子MUSIC COURSE, 其實有D家長成日話無乜用, 寧願單對單學琴, 快D. 無錯, 如果你真係只想小朋友學琴, 呢個COURSE 真係唔啱你, 我見有D家長每次都係搵工人同個小朋友上堂, 其實真係晒咗. 呢個COURSE 比得家長參與, 其實有佢嘅用意. 以我為例, 我自己之前對音樂(音符)一D都唔識, 上咗呢個COURSE, 唔單止阿囡學到嘢, 連自己都學埋一份, 返到屋企仲可以一齊研究. 真係好開心. 一齊上堂學嘢呢D機會唔係度度有, 佢地大咗更加小, 趁呢段時間好好享受吓多D親子活動, 都幾好吖.

htcmama

我係報沙田的, 等咗一年.

htcmama

whatever,     同你激吓掌先.  

htcmama

whatever,
係呀, 老師成日考佢地, 同埋唔好睇少佢地的能力. 好多嘢佢地做到, 我地已經為時已晚喇,   
上星期六完成book3的課程, 今個星期開始book4喇. 老師話完成book4會有一個正式的test 同埋音樂會比佢地參與. 唔覺唔覺又學咗年半了, 真係快.

htcmama

RICEMAMA,
我都係沙田友喎, 你返星期幾呀? 我返星期六架.

htcmama

唔明白點解每次有人開tom lee 呢個topic 都會有人入來長編大論咁惡意中傷佢地. 其實跟本就係2樣嘢. tom lee 係一個親子的音樂班, 佢地無講過會係堂上專門咁教授綱琴知識同技巧, 就算係堂上接觸的都係電子琴. 我都識得有人又上tom lee 的 jmc, 有係出面單對單學琴, 都無問題, 跟本係2 樣唔同的嘢.
無錯, 家長真係要諗清楚. 如果你要學綱琴, 就去搵一個正式單對單的老師(但都要搵d有愛心, 有教無類的), 唔好搵d自己認為自己好好, 但又話拒收某d學生, 又話人唔識呢樣, 唔識嗰樣, 如果樣樣都識都唔駛比$$你教啦.
如果你係想同小朋友一齊開開心心咁接觸音樂, 令佢有音樂感同節奏感的, 咁音樂班係一個唔錯的選擇.

htcmama

無錯, jmc 所教的真係唔單止一樣咁簡單. 小朋友的聽力真係唔講得小, 佢地唔係麻木咁對住個譜來彈, 佢地仲用隻耳. 老師彈過的歌, 佢地唱過之後再彈番出來, 佢地知道邊粒音先至係啱, 一彈錯就即刻聽到, 知道唔啱音.
各位家長要努力, 一齊完成個課程, 唔好因為人地的說話而影響自己的決定, 要用自己的智慧去看及作出選擇.

htcmama

123BB,
基本上如果你堅持要試都是沒問題的, 因為老師如果知個工人唔識聽, 都會用英文講比佢地聽, 但只限於重要的通告, 教緊邊首SONG咁, 同埋功課. 但我個人就唔係太認同呢個安排, 其實佢係一個親子互動的COURSE, 你指意個工人, 個小朋友學過咩有時只能靠個小朋友講, 但一堂裡面都有好多個部份, 有彈琴, 有唱歌, 有聽音, 有做動作加唱歌, 有時又有樂器分享與介紹, 小朋友邊樹記到咁多, 而個工人仲要唔識聽, 好似晒咗, 你又唔知個小朋友係堂上的進度同領吾咗幾多. 我小朋友已經讀到BOOK 4, 一路都係由我帶, 令願每個月交多百幾蚊都要選WEEKEND 上, 結果都無選錯. 因為眼見好多由姐姐帶的小朋友上上吓都無返, 因為只靠小朋友, 真係吸收有限, 你一定要從旁協助同鼓勵. D姐姐好多時都只係坐係度, 有D仲一齊坐埋(前後位)細聲講細聲笑, 都無心機聽個老師講乜. 所以我認為如果你話一堂半堂就無所謂,  如果長期都係咁, 就無謂浪費$$, 選第二種形式的MUSIC COURSE 好過.