會唔會做IQ TEST?

anidacat

查實呢，我以前係中大讀心理學嘅，好記得讀到 IQ test 時，professor 已經話，韋氏 IQ test 係過時同埋唔全面，因為太過著重語言能力，好多自閉症但智力正常嘅小朋友會被界定為弱智。所以後來先有心理學家研究多元智能，因為 intelligence 應該包含好多範圍，包括但唔止係語文同邏輯推理能力。

估唔到十幾年後，仲有咁多私人機構 sell IQ test... 個人認為，你要知小朋友嘅潛能同點栽培佢，睇九型人格都好過做 IQ test! 你接受到的話，皮紋都可以睇到資質（只係資質，唔代表成就，要睇你點教）。聽到好似有學校話要睇 IQ Test report, 高過幾多分先收，就更加不齒！而家呢個年代，IQ 高又如何？冇好嘅 EQ，唔識同人相處，遇到困難唔識自己想辦法解決，唔通會成功嗎？各位家長真係唔好再信呢d 數字啦⋯

anidacat

咁佢話哂有咁多年歷史，點都有佢嘅價值係度，佢的確可以 test 到某方面嘅 IQ。只係，係呢個年代，IQ 已不能完全代表小朋友嘅能力，因為係呢個 test 之後，已發展出其他如多元智能嘅理論。所謂嘅過時係咁嘅意思。如果有間學校要睇你小朋友嘅 IQ test result 先決定收唔收，咁只得一個可能性，就係佢地係一間扮嘢嘅學店！