優才(楊殷有娣)書院 會考成績2010

Imouto

我都覺得優才教學真是愉快,少功課,少壓力, 而阿仔亦一直都無補習但成績都ok(其實我要求都唔高,一般都可以接受了),都自覺無選錯學校. 但上年全年成績明顯下跌,老師很關心阿仔的情況,給我意見,阿仔的上課情況等,亦比好多意見. 而建議的方法係乜野呢?
1. 係屋企比多d練習佢做
2. 睇多d書
3. 一得閒就同佢串下字,默寫下
4. 找個補習老師補習下....等等
其實我一向都會幫佢溫下書,睇下書,唔係無理佢架.不過就唔係一放學就密集式訓練.


我好疑惑, 即係我阿仔成績下滑係因為少咗呢d野? 我係咪太過依賴學校,太信學校的少功課,開心學習? 引致而家根基打得唔好,而要作出各式各樣的課外補救呢?
而家突然有呢d問題出現,做家長當然緊張啦!咪立刻安排一連串的補救功夫,但你地又估下阿仔d反應又會係點呢? 一向輕鬆慣的他,又點會咁順攤同我做咁多乜乜物物呢!! 所以一邊同佢argue, 一邊解釋, 一邊都好後悔, 令阿仔變成懶散的人. 想追反上去一d都唔易..... 阿仔而家覺得自己好可憐,有時更一邊做一邊喊,我好心痛...