天主教郭得勝中學交流區

杰杰媽媽

我仔都唔記得左, 一知道會即刻話你知

杰杰媽媽

冇精英班, 有一班中文班(跟中文&普通話&志願入)

班名係ABCD, 亦都有校訓做班名, A=忠, B=恕, C=誠, D=明

杰杰媽媽

我仔就係小學6年都係普教中, 宜家中文作文先算幾好.

所以到中學都想佢入返普教中班 (最大原因係佢普通話完全唔識拼音, 講就天下無敵, 寫就無能為力)  

杰杰媽媽

我真係好開心阿仔上左中學會自動自覺拎本書出黎溫 （佢話今日有2個 quiz +1 個默書）, 雖然係一路溫一路睇片， 但佢自己攪得掂， 成績又唔太差， 唔洗我好似小學咁9萬吹已經非常好啦。

呢間學校我覺得算好少功課， 佢好多時平日都係學校做晒， 係放假先多 d， 我支持少功課

我都好想知間間學校都係咁多 quiz/dict, 但點解阿仔學校可以令到佢一上中學就自動自覺溫書， 好似佢間一條龍中學咁個個學生都上堂打機唔讀書更加唔溫書（band 2a)

杰杰媽媽

我仔今年 f. 2 咋， 上年係 將軍澳區 band 1b 成績誇區考入kts

杰杰媽媽

咁快出左既， 岩岩上去都仲未見

杰杰媽媽

仲有KTS  PE堂係唔洗帶晒D衫褲鞋返學校換, 因為可以著住返學放學, 以前我地個年代間間都一定係咁, 真係好死重. 小息LUNCH都冇晒時間.

我知宜家有一半既中學都仲係要帶PE 衫返去換.

杰杰媽媽

我仔都冇宗教啦， 呢樣係中學係冇咩分啦， 最緊要---成績+面試

杰杰媽媽

我地成家都係無神論， 我仔都唔太鍾意做宗教功課， 所以呢科都係岩岩合格， 我冇咩所謂

杰杰媽媽

我地學校自行收生睇成績%冇人地咁高， 所以當年對我仔有利，  課外活動個10分一定滿分， 面試語文都應該好高分 （佢勁 talk得唔寫得:;pppp:呃晒當年見佢既老師）


我估我仔當年唔係成績高分入既

杰杰媽媽

你仔仔平時既 quiz/ dict可以嗎？ 如果合格以上=佢有溫書， 只係好似我仔咁，返學途中已溫好晒， 我仔平時睇上黎都係 勁 hea, 唔係放假就好少好少功課做， 但少功課做唔=唔識， 我仔今次統測都係好 hea咁自己溫好晒所有書， 我只係提下佢仲有咩未溫。

今日派左成績表， 佢好開心咁話我知佢考到： above average

如果成績合格， 相信你既小朋友， 只要間中問下佢：多唔多測驗呀？ 係咪好多默書呀？（我仔就會申聽日有幾多幾多樣要測， 唔引佢講真係以為佢冇測驗／默書， 好少見佢溫書）

杰杰媽媽

我仔上左中學後， 成績唔可以再好似以前小學咁， 成為蕉點， 因為所有同學都好勁。 知道佢有少少唔開心， 但尋日佢好開心同我講：佢對唔住英文老師呀， 問佢點解， 佢話原來英文老師又想搵佢幫手開放日英文 counter, 但因為一早應成左中文老師所以 reject左英文老師 lu

各科老師俾好多機會佢地行出黎 ，我感覺到佢開始有返自信

杰杰媽媽

只係中一時必需留校食， 但我仔今年頭一個月試左出街買飯返學校食， 到最後都係訂返飯算， 出出入入， 又排下隊得返幾個字食飯， 訂飯拎飯快好多。

杰杰媽媽

尋日知道名次， 個衰仔今次幫得佢最少，居然考得最好， 只係英文仲係好差:;pppp:

要諗諗計

杰杰媽媽

永遠都唔會知級名次， 中考&大考會有大大張成績表， 成績表背面就寫晒每科考頭25%／50%／75%名次既分， 所以正時都大約估到


。。。。有時統測老師會講你個班係全級排1234,  咁大約都估到係級既位置

杰杰媽媽

我就係我仔由細到大既補習老師囉        佢唔係真係太差我都唔會俾佢出去補習（我仔唔可以操練式讀書）

杰杰媽媽

我仔上年頭半年ABOVE AVERAGE, 下半年BELOW AVERAGE, TOTAL IS AVERAGE

今年第一次係上左中學以來最好既, 只係衰左英文, 如果英文可以好D佢就可以上到頭20/級, 到揀科時就可以讀到佢自己鍾意既全理 (暑假時我同佢講定, 話佢知上唔到頭40都好難讀到全理, 佢好似好緊張咁問我係咁既咩        )

希望佢知道發生緊咩事, 希望佢快D開HILL, 自己可以改變自己既人生。

杰杰媽媽

等我返去搵下 d file先， 唔記得有冇留底， 我仔都好緊張日日做每日一編   佢仲要話我知佢每日打機前已經好快咁做好晒啦

杰杰媽媽

每年學期尾會叫你上 eclass填返外面上既 course/ 獎， 成績表只會 show reference 體藝 A/B/C

杰杰媽媽

原帖由 alicetong 於 13-11-12 發表
本帖最後由 alicetong 於 13-11-12 12:28 編輯

杰杰媽媽,

我只係份 maths有留底， 一陣 send 俾你