St. cat interview好唔開心

RabbitPeter

我個大仔今年係St.Cat.讀緊K1, 而細女剛剛於星期六2:30面試St.Cat..  根據我兩次經驗, 有幾點想同大家分享的:

1. 唔理你有車好, 有工人好, 千祈唔好成村人咁一齊去, 無人會覺得你好威的, 而事實我又真係唔知咁樣有幾巴閉.

因為果到人多車多, 唔係老師想趕人走, 而係果到本身已有好多"咖啡"(交通督導員, 我2:30pm時見到有5個). 點解會有咁多"咖啡"? 99%因為有人投訴囉, 咁你話D老師緊唔緊張叫人快D散開呢?

我兩次嘅做法都係, 自己一個(我係爸爸)同個仔/女搭的士, 早10分鐘去到學校門口落車就ok.  必要時可以call定架相熟的士, 話定佢知路程, 有咩野事佢都識得預時間及路線.

我會比較建議由爸爸帶, 因為有時小朋友係媽媽面前係特別扭計的.  而且在落雨日子, 爸爸可以一手拿傘, 一手抱B, 機動性強.

2. 如果好似我咁早10分鐘去到學校門口, 我相信10分鐘內你必定可以入到學校內.  係就係要再遊10分鐘花園, 但小朋友第一次來到, 你指下東指下西, 好快過.

3. 跟住應該入課室註冊及等安排, 過程可能有15分鐘, 呢個時候就係考驗你自己嘅功力. 你可以就班房內的人及佈置分散小朋友, 但15分鐘唔易過, 係你個袋內應有些如"的嗒糖"的物體, 仲要搵藥丸袋仔分開袋, 每個袋只袋3粒, 必要時唔知唔覺低調拎出黎, 要用拖字決, 最多食晒3位就話無.

4. 上樓玩lego, 最父母由得佢玩便是, 基本上你無野可以做, 除非佢地打交.  另外, 你地自己唔知, 但第3者睇落去有時D家長會過份緊張搞到怪怪的.  我覺得呢個環節不論大人同細路, 最緊要平定, 因為根本無話一定要點樣玩先有分, 上年我個仔一樣有過檯, 唔過份就由得老師去控制.  如果連佢都唔控制比佢過檯, 你緊張什麼?

5. 最後入到面試室, 我唸你會見到自己條隊前面有幾多小朋友, 順住好就ok啦. 如果唔係順住去, 又或出左狀況而"kick"實左, 你可以好大方地搵老師談, 我唸咁樣唔會排得多過20分鐘囉.  呢20分鐘, 做父母嘅要繼續應變保持小朋友集中力, 另一邊要睇住有無什麼唔對路之事情, 必要時可以靜靜地攞多1-2粒"的嗒糖"出黎.

6. 小朋友答問題聽天由命, 老師面唔面黑係睇你嘅感覺.  簡單講, 你凡事向好方面唸, 你就唔會覺得面黑, 因為人地根本未必係面黑, 只不過太累啫.  就算佢有少少面黑, 你一路微笑, 熱情地帶住個小朋友, 一來佢都無可能太面黑, 而且你亦可保住個氣氛等你個小朋友去完成個interview.  記住, 當中係有2個大人, 就算個老師cool到得0分, 而你hot到有100分, 個氣氛依然可以有50分warm.

7. 最後, 點解要由爸爸去, 係因為老師多數係女人.  人對住異性, 氣氛通常係會比較正面的......我唔詳細講, 明就明, 唔明就算.

最後in完, 佢唔叫我走我都雞咁腳走啦, 貪人多熱鬧咩.

其實小朋友interview, 父母在前前後後要針對小朋友的性格做好多準備功夫.  我會覺得成個過程關鍵性, 小朋友佔30%, 上天安排佔30%, 父母佔40%.  前面咁多人講的唔愉快, 有好多其實係有辦法改善的.

RabbitPeter

唔建議再分多幾日interview.

因為再分多幾日in, 一係老師要OT星期日返工,  一係就係學校停多幾日課.  就今年interview, 學校已停左2日課.

如果要做到所有家長滿意的安排, 好可能要停10日課.

RabbitPeter

原帖由 an~gel 於 10-11-15 11:29 發表


甘...好像我甘...出現了學校唔見咗面試資料及"人球"現象...又如何處理呢?...我反而覺得係70%天意!

Int SC 絕對不是70%天意, 我相信如果你一發覺條隊唔順住就出聲, 點都會比現在好少少.

作為過來人, 上年我大仔只報左3間幼稚園, 一間係SC, 一間係英基, 一間係培正.  英基我地係cat2無得int, 培正因為SC收左int都癈事去. 今年我只同細女報2間, 一間係SC, 一間係GH. 報多一間都癈事, 因為咁細個B, 主要係考父母如何handle小朋友, 自問工夫做足, 使鬼報咁多間.

我之所以認為30%係天意而70%係人為, 因為還有好多可控制之人為因素影響interview之結果, 亦即係收唔收. 年年都有一些人interview未必答得好好都最終都收左, 點解?

因為除左我之前講那些臨場處理外, 有好多事前工夫都要做足. 簡單如留意interview前的天氣, 唔好int之前比小朋友病留鼻水樣衰, 以至小朋友及自己的打扮都要下一些工夫. 特別是今次天氣突然凍左, 之前唸好的安排要變一變.

如果你有int過, 你就知成班小朋友企埋一齊, 總有一兩個小朋友特別醒目順眼. 而今次我細女interview個batch, 我就只見到我個女同另外一個女仔的配襯比較醒目. 而我望左果個女仔媽媽的打扮亦唔錯, 我就知呢D小朋友未int已經先贏左一半. 簡單來說, 小朋友要著得醒目, 爸爸去的話就要smart casual, 媽媽去的話smart casual之外亦可以少少elegant.  D衫唔好沉色, 而且最好係1-2個月內的新衫. 最緊要稱身及配搭得宜, 名牌與否完全不重要.

[ 本帖最後由 RabbitPeter 於 10-11-15 17:55 編輯 ]

RabbitPeter

今年大仔報左CCKG, 考呢間野就真係70%天意, 30%人為.

由今年年頭開始至現在, 我能做的工夫都已經做晒, 雖然現在仍未int, 但我覺得我個仔仍然少過25%機會入到.