考小一未到一半已信心盡失，點算？

Jayann

「有信心唔一定贏，但無信心就一定輸」呢個道理你無理由唔明~
浦得BK都應該見到唔少例子都係玩到最後有好消息。
呢個遊戲唔單止鬥能力，仲係鬥運氣同耐性。
第一輪你預左實係收左好多實力派嘅神童，而學校同神童父母都預左大家互hold一大輪之後都未必讀，然後係咁call waiting，放榜後有好多幾好嘅私校又再招生，然後又call waiting，直資又call過，叩門又玩一大輪，個音樂椅轉到頭都暈，小朋友叻唔叻反而其次，我地父母對佢嘅信心真係唔可以減，你見中國D運動員實力固然有，然而面對外國好多超強對手時，比賽期間個「心理質數」好重要，中國運動員呢方面好強，所以就算比人騎住個勢一樣可以表現出水準，贏到比賽。
哈哈！我用中國運動員做例係因為佢地永遠都係默默咁努力，唔會咁容易比周遭環境影響，即使中途突然失凖失左D分，但依然一步一步咁行到最後，甚至力壓對手拎埋個冠軍！
玩左成年「小一音樂椅」，我真心體會同經歷到呢個遊戲嘅重點係「認真便輸了」呢個道理，因為中間太多變數，父母萬萬不能夠比眼見嘅「初步結果」嚇壞，心血少所以要更加保持冷靜，唔好比D「假象」拋窒自己，宜家只係熱身賽，睇定D！加油呀！

Jayann

msyoyolam 發表於 16-8-6 10:04
謝謝你意見！其實我而家咁失望就係因為我對小朋友太有信心！我初頭的目標係就算最後冇offer,有waiting 就好 ...

對小朋友有信心固然重要，不過面試呢D嘢都無得齌講實力，好多嘢都要計埋「天時，地利，人和」，同group 同D咩類型小朋友一齊in，又要睇in嗰位老師鐘意邊類型小朋友，有時學校prefer，都要合個老師眼緣嘅～ 佢唔鐘意你就唔鐘意你，佢唔駛向你交代（呢D唔通佢會話你知咩係咪?）所以我覺得唔好將頭幾間失落左offer嘅學校，當係之後考其他學校嘅indicator~ 無直接關係嘅，我朋友個女考「優才」唔收但「救恩」收左，咁代表咩？無得咁比較嘅～ 係咪？