16網小一選校 (2010-2011)

kikiboy

原帖由 曲曲 於 09-9-14 15:17 發表
培僑嘅負面我都聽過，幼稚園同學仔家姐係培僑讀。

曲曲,
唔問詳情咯. 但事情嚴重嗎? 對小朋友有傷害嗎?

kikiboy

好驚呀! 唔知做錯咩呢? 使唔使轉校呀?

[ 本帖最後由 kikiboy 於 09-9-14 21:23 編輯 ]

kikiboy

原帖由 MANUfans 於 09-9-14 21:20 發表


我想凡事應認真了解事情始末再作批評是較合理的, 不可片面的把那部份放大..........變得以訛傳訛.

小女現就讀培僑小三, 未曾聽聞有類似事情發生(不敢說是絕對), 師生相處融洽, 學生愛戴老師, 學校多以輔導來代替 ...

Hi MANUfans,
多謝你分享令大家多了解培僑, 好多人都話讀得開心.
我諗曲曲都係講果位家長講嘅嘢啫, 佢冇添油加醋. 9月20日我都會去參觀.

kikiboy

Thanks patpat234!!


口氣睇左唔知幾多版....

我舊年係咁揀...

1 培僑
2 祟真
3 官立>>>筲箕灣定係愛秩序灣?

我完全無填救世軍韋理夫人..因為佢地個唔知乜乜主任,話自己學校係融合教育,但竟然完全唔知新制同舊制分別...應該係話佢直頭唔知有分新舊制.
>>>我都有諗過佢, 所以都問過其他人意見

如果你小朋友需要st,培僑有st.
佢地比較特別,有舊制亦有新制,係區內做融合教育做得好好o既學校.

但正正因為咁,所以亦有好多學生需要支援,其實學校可以得到政府o既支援已經去到上限.

我仔都要st,另外佢有自閉症傾向,學校開學至今已經分別有st同自閉小組比佢報名.另外係未開學前7月頭,學校社工同老師已經分別見過晒我地呢d小朋友,亦早早作出合適配合.

我只知道阿仔返學咁耐未試過係學校發脾氣,相信佢地真係有一套方法(我仔脾氣好好好勁,以往每日有10次以上)
>>>我都聽聞融合教學培僑做得好, 幼稚園老師都大力推介叫我報, 9月20日睇埋開放日先. 原來st要報名o架? 我以為係學校安排添, 咁利咩時間上st堂呀? 行為同情緒我個仔就冇問題, 但係講嘢就真係..., 我唔驚佢蝦人, 最驚人蝦佢, 好林架佢, 不過小朋友越來越大都係要放心佢保護自己.

佢地今年小一有3班普通話中文,呢樣亦係我心儀原因.
因為需要st o既小朋友,一般寫作都比較弱,如果普教,係可以訓練到佢地寫作.因為普通話冇廣東話o既口語化,習慣左普通話寫作可以話得心應手.....
>>>普通話班係咪要考試先入到o架? 如果係幫佢補吓先.
可惜我仔入唔到....

另外崇真做融合都好好,校長亦好包容.
只係因為對我黎講要坐車....no la
曾經有一位過來媽媽分享,佢打去問校長有關融合教育同學校情況,校長可以隔住電話同呢位媽媽去傾,實在好難得.
>>>崇真我都參觀過, 都唔錯, 都著重融合教學. 但課室同課室之間你覺唔覺空氣流通唔係幾好呀? 佢係兩排課室面對面咁樣, 好似公屋咁囉, 即係小休時小朋友望唔得遠, 不過空中花園就好好風景.

如你小朋友需要st,佢本身依家有冇係咩機構跟緊?
>>>讀緊i位, 之前另外自費在協康上st上咗兩年, 而加冇咯, 留返d時間學第二樣

呢個時候應該會有好多小一入學講座,融合教育講座.
>>>我要返工, 可以聽嘅都會去聽

[ 本帖最後由 kikiboy 於 09-9-15 08:58 編輯 ]

kikiboy

原帖由 patpat234 於 09-9-14 23:01 發表
如果你同明德校長講,你小朋友需要支援..佢可能會:quiet:

因為阿仔中心曾經有個家長打個電話去問...跟住即刻煩小間:excited:

我都同校長"交過手".

kikiboy

原帖由 patpat234 於 09-9-14 23:40 發表
我有填.

因為學校唔會因為你有填而去選擇唔要你.
學校除左扣門位外,佢地係冇得選擇,
所以呢隔填唔填都影響唔到派位結果.

之後我乜都冇做...只係比阿仔返訓練中心小一適應班.

到學校收左阿仔,佢地會自動同我地聯絡 ...

我個仔係"言語發展遲緩", 應該填編號7, 對吧? 定係填8再注明呢?

kikiboy

原帖由 臻媽 於 09-9-15 00:58 發表
咁10月交表後起到ROUND 2派位前有否收到教署通知要再作評估??? 如有....由入表到出派位結果, 封信會寄往我家嗎??? 有D咩會寄到我家??

5歲有一次升小一評估, 我個仔填咗問卷, e生睇過要安排5歲半做評估, 呢份報告主要係交到佢第時讀果間小學.

kikiboy

原帖由 臻媽 於 09-9-15 09:23 發表
如喺醫院睇開st, 呢份問卷係醫院主動俾嗎???

我個仔係咁樣嘅, 1.5歲至2歲就由健康院轉去兒童智能中心評估跟進, 當時已告訴我升小一前有評估要做, 之後入讀I位, 到佢差唔多5歲我見冇人揾我, 咁我就打去問, 佢哋話要排期有先後順序的, 咁就寄咗份問卷來填, 家長填一份, 老師填一份, E生睇完視乎情況再安排, 就話要到今年12月份, 即係我個仔就來5.5歲. 佢哋話份報告唔係for 我揀邊間小學, 而係for 佢第時讀小學時需要d咩支援嘅, 佢哋會將份報告交去教育局, 然後會交去小朋友就讀的小學.

kikiboy

Friendly reminder, 今晚有冇人去柴灣聖米迦勒聽家長講座呀? 記得帶埋封信呀!

kikiboy

原帖由 Charlotte_mom 於 09-9-15 16:25 發表
你仔讀s位定i位?
我仔讀i位, 佢係speech delay, 經過幾年訓練情況大有進步, 上星期六in左第一間直資, 都仲ok(掛?!)
i位小朋友無assessment, 我問過社工朋友, 佢都話無架, 你發晒爛剷晒地話覺得有需要佢咪用lor!
而且 ...

讀 I 位, 最終安排要到5歲半先做評估. 我個仔都係speech delay, 咁你參唔參加自行派位呀, 編號你填7定係8呀?

kikiboy

Charlotte_mom,

你答唔答到臻媽個問題呀?

原帖由 臻媽 於 09-9-15 12:47 發表
小朋友讀正常幼兒園, 排咗一年終於由早2個月開始可於醫院接受言語治療(評估結果只有發音不準問題, 表達能力超出歲數9個月, 已做咗3次, 約每月一次), 咁而家應該點做, 請指教!!!

...

kikiboy

原帖由 cincin 於 09-9-16 16:12 發表
我當日都有聽簡介會, 上午校校長話每年的出生率都低左, 佢地d學生有d都無細佬, 細妹, 所以未必用得曬那30%的世襲位, 希望幫到你. cincin

關於世襲生, 我本書有數據, 等我返去睇咗話比你哋知.

kikiboy

原帖由 paltiBB 於 09-9-16 16:07 發表
俾你地選擇兩間基灣(舊校和愛秩序灣), 你地會揀邊間?? 點解??

我揀新果間, 新o架嘛, 哈哈…… 講吓笑咋!

kikiboy

原帖由 kikiboy 於 09-9-16 16:21 發表


關於世襲生, 我本書有數據, 等我返去睇咗話比你哋知.

以下數據係講09年自行收生階段, 數據準確性/可信性有幾高就唔知喇, 就以下學校而言, 手頭上兩本書只有兩間學校有一個額的差別.

Quote
           學額     取錄人數       差額
明德     60       60               0
韋理     50       53               -3
培僑     63       64               -1
柴米     60       64               -4
舊基灣  60       62               -2
崇真     50       53               -3
丘佐榮  75       75                0
勵志會  63       67               -4
愛官     75       77               -2
新基灣  60       68               -8

Unquote

差額係世襲生超出嘅人數, 用統一派位學位補上, 換言之統一派位學位數少咗.

[ 本帖最後由 kikiboy 於 09-9-16 21:26 編輯 ]

kikiboy

原帖由 小心女人 於 09-9-16 17:24 發表
kikiboy,
好呀好呀, 多謝你同我地分享呀.......
等你.........hehe~

唔好意思冇講清楚, 講的係09年自行派位.
你好似講北循喎, 以下數據又係講09年.

Quote
                 學額     取錄人數       差額
北循上午     50       54               -4
北循下午     50       50               0

Unquote
差額係 0 嘅, 唔知世襲生有幾多個.

kikiboy

原帖由 小心女人 於 09-9-16 21:28 發表
PAMLAM,
多謝你提點.  我打算博一博, 唔得先響統一派位選返救世軍, 應該都仲有機會.

既然你中意呢間, 點解唔o係統一派位博埋呢?

kikiboy

原帖由 cincin 於 09-9-17 14:53 發表
hi kikiboy, 唔好意思可能我太蠢, 我唔係好識睇個表呀, 可唔可以簡單講解一下呀, 我想學下睇(驚理解錯左) ?!  係唔係自行派位所提供的"學額", 各學校都收曬甚至乎"爆左少少" coz of 世襲.  仲有一半的位就放在"統一 ...

不如攞兩間來講啦, (假如本書資料正確)

           學額     取錄人數       差額
明德     60       60               0
柴米     60       64               -4

明德: 一共有120個學額, 自行派位就有60個 (當中有36個預留給世襲生, 24個給計分者), 佢差額係0即係自行階段收足60個學生, 但當中有可能世襲生36個+計分24個, 又有可能世襲生35個+計分25個, ..........), 當然留給統一派位就係剩返60個位.

柴米: 一共有120個學額, 自行派位就有60個 (當中有36個預留給世襲生, 24個預留給計分者), 由差額 -4 個可以睇出佢最終收咗世襲生40個+計分24個, 統一派位因為有4個位比咗世襲生, 所得剩返56個位大抽獎.

kikiboy

原帖由 cincin 於 09-9-17 16:32 發表
hi kikiboy, 多謝你的細心分析, 明好多了, 多謝多謝 !~!  那可以証明其實統一攪珠實際上可攪的位真的不多, 仲有個別學校又留返少少位比叩門生呢 ~~ cincin

...

叩門位唔係由統一派位度留學位架, 而係一班多收幾個學生, 大班最多33個, 小班最多27個.

kikiboy

原帖由 cincin 於 09-9-17 16:54 發表
一般的活動教學幼稚園就應該係無的

我個仔讀間幼稚園咪係咁囉, 連分數都冇架, 只係比個剔, 我個仔常日話做得好送個剔, 做得唔好送個 "X"

kikiboy

原帖由 cincin 於 09-9-17 17:25 發表
kikiboy, 你個仔讀邊間幼稚園架 ?!  cincin

猜燈謎: 富欣花園全日制.

[ 本帖最後由 kikiboy 於 09-9-17 17:31 編輯 ]