崇真小學暨幼稚園

silvia_ng

原帖由 octopus481 於 09-10-30 17:36 發表
好奇想問會唔會是你家庭背景好, 即做醫生, 教師, 填份問卷又好詳細ah..........

我唔覺學校有好多專業人士家長喎...反而我覺得家長當日對老師既態度, 是否誠懇, 尊重等等...都有可能影響收生。

我見同學仔既家長都係有草根, 有中產, 我都係非常草根架。so...學校冇呢樣偏重。

silvia_ng

原帖由 加菲 於 09-11-3 17:35 發表
唔好意思, 又真係問得長咗啲嘅, 其實我做哂功課架, 之前啟思 / 崇真 / 禮賢open day都有去, 又有朋友讀緊york / 樂基, 又有朋友教又一村。但個個都有唔同意見, 反而令我更混亂, 其實我想小朋友响一個開心, 程度不需 ...

如果讀津校, 你預左小朋友會花好多時間做功課。所以自小培養佢肯自動做功課係好緊要。

silvia_ng

原帖由 VIVIANSHUM 於 09-11-3 23:18 發表
我其實想讀SC
但又鐘意崇真有好好的課外活動同一樣係國際班

同埋有好多課堂以外既野比小朋友參加, 好似懇親會, 小小大會堂, 未必有咁多機會比小朋友培養自信。不過SC真係夠出名, 考直資 / 私小的確有著數, 但SC考不到心儀學校的亦大有人在。所以小一面試都要睇小朋友能力, 不只睇幼稚園。

silvia_ng

原帖由 Karen2009 於 09-11-3 23:53 發表


其實我都鍾意崇幼, 因為平靚正, 不過如果考出面d 私小, 又好似無 Kowloon Tong D 幼稚園考得好但如果讀返佢地小學, 學費又貴加上讀國際班, 升中時又唔知點喎, 感覺有D 無寧兩可甘.....都好似好難決定吓 ...

其實好難講佢地考小一考得好唔好。因為好多家長自己去返自己個地區讀 OR 抽大抽獎, 而唔想坐咁耐校車。但崇幼平靚正, 又有咁多興趣班, 都仲會吸引好多家長黎。而出名既九龍塘幼稚園, 可能大拿拿羅幾千蚊交學費冇學卷CLAIM, 如果佢唔出名既, 家長都唔會真金白銀羅出黎啦。但我PREFER用呢筆錢比我小朋友學第二D野 / 買玩具 幸運地我小朋友都考到間不錯既直資小學。感謝主 + 感謝崇真老師!

silvia_ng

原帖由 鈞堯媽 於 09-11-4 14:15 發表
想問下大家揀崇幼, 唔係諗住一條龍上埋崇小 & 崇中架咩 ? 崇小 & 崇中有咩唔好所以大家都諗住小學又轉後呢 ? 請分享一下意見, 謝謝 !

因為崇真小學貴囉 我地唔係公務員, 冇得CLAIM....
但崇小係一間好好既學校, 所以冇錢都冇辦法啦! (我兩個小朋友呢)
崇中(你應是指長沙灣新果間), 我地通常叫"基崇"。新開不久, 未知入U率多少...
但沙崇(沙田崇真)就係一間BAND 1英中。

silvia_ng

原帖由 beegoo 於 09-11-4 18:51 發表
係呀，TT真係平靚正，Interview 時我仲答個miss，TT國際班有學券都幾吸引。如果sc收，我地都應該會選TT。哈哈，不過sc競爭咁大，都係唔使諗咁多。

如果首選sc, 入到當然選佢啦。唔好睇小自己小朋友呀! =)
另學卷之外, tt既課外活動都好平, 大約55-60蚊左右一堂。如果坐開校車既, 仲會不另收費接送小朋友。呢樣都係我好鐘意佢既原因。=)
good luck呀!!!!

silvia_ng

原帖由 dadaada 於 09-11-4 23:02 發表


唔好意思,想問吓咁如果係崇小畢業之後,係會升上基崇or沙崇o架?

基崇好似有多d聯繫。而家佢地呢個校長, 係前沙崇校長過去, 因為想攪到基崇係崇基會既龍頭中學。所以崇小入基崇係有分加同埋面試好似唔知考頭幾多名就直入。
而沙崇今年都好似收左9-10個崇小學生。呢d應該都係住沙田大圍等既學生。不過呢間要考既(自行/誇網抽)。

silvia_ng

原帖由 斯藝 於 09-11-4 23:27 發表


silvia, 請問你仔仔係咪考左去保良局陳守仁? 間學校好唔好? band 幾? 難唔難考架?

是的....學校好...(不過係呢個topic讚其他學校好似怪怪地, 想知多d可以pm我), 佢地今年有3080人考, 收生175人。應是全港直資報名人數最多既學校。

silvia_ng

原帖由 VIVIANSHUM 於 09-11-4 23:39 發表
恭喜你仔仔考到心儀嘅小學，不過相信你唔只考呢一間，請問你考其他直資OR私立的小學成功高唔高呀?
最緊上多了BK睇，之前INTERVIEW崇真見好多人IN，唔通真係好多人LIKE又放第一志願，點知原來都好多人考來做後備，大部份人都係擔 ...

我其實考得三間咋...不過其中一間只係答應比個仔入去玩一次, 所以都唔開名啦。
另外就係英華, 小兒入唔到2nd in。最後係讀陳守仁。我當日冇考崇小, 因為自知冇能力每月花成萬蚊供兩件化骨龍, 所以唔會浪費佢地既學位。我曾經幫過學校做小學部義工, 同佢地考tsa口試mock, 發現小三同小六既小朋友, 普通話同英文都very good, 令我好impressed! 國際班更甚呢.....

而幼稚園我仔女都係讀主流, 我覺得佢地ok啦。普通話麻麻地啦....因為佢地鐘意英文多過中文。不過呢d都好睇家長同埋小朋友平時係點教 / 學。學校每日只教佢3個鐘, 但家庭就stay 10幾個鐘, 所以學校只係其中一個教好小朋友既地方, 但家長更重要。

silvia_ng

在此想與各家長有小小分享，幫小朋友報學校，首先要知道自己想要乜。例如 - 要近屋企, 要多野學, 要學費平, 要名氣大....

當日我與老公決定幫小朋友報幼稚園時, 佢第一句就話"唔去九龍塘讀架"。所以我地唔要名氣幼稚園。我再搵一間好多野比仔仔玩, 比仔仔試既學校。最後終於搵到崇真。又近我屋企, 又多野學, 又唔貴(以前未有學卷架)。我仔仔呢三年讀得好開心, 我所接觸既老師個個都好好。學校環境又好(雖然要行條斜路係幾羅命), 又好有多學校活動比家長選擇參與, 以我咁八掛既性格, 真係合哂我心水。因此我先可以知得咁多。

我唔會盡信網上人家所數既缺點, 我會自己再睇再搵答案。道聽途說係冇意思, 大家亦都唔好信哂我地崇真家長講佢既好處。

在此祝願大家既小朋友, 好快得到心儀幼稚園既取錄信，同埋身體健康 =) 如果大家仲有崇真問題, 我估靚太太或者其他崇真家長, 都會好樂意為大家解答。

silvia_ng

原帖由 porporwong 於 09-11-9 20:24 發表
Does anyone know whether we can use Education Voucher for TT Int'l stream ?

Thanks.

yes. you may claim the voucher.

silvia_ng

原帖由 koala小寶寶 於 09-11-9 19:56 發表

我睇崇真o既資料已經睇左年幾, 上年已經去埋佢個open day, 我真係好想好想呀女入到呢間kinder嫁~~~


silvia & 靚太太, pls check pm.

replied...

silvia_ng

原帖由 koala小寶寶 於 09-11-10 13:22 發表
silvia:

我收唔到....你可唔可以再send過~
thx!

已再send。

silvia_ng

原帖由 avisf 於 09-11-11 14:19 發表
我囝囝在29/10interview,星期一收到信收主流下午部.真是既開心又茅盾.

其實我同老公都好鍾意呢間學校,喜歡它的師資,環境及校風,特別因為我們是基督徒,都想自己d仔讀基督教學校.它的學費平,但因要搭校車加上參加校內 ...

比我一定讀PLK, 因為唔洗坐校車, 又差不多唔洗錢。不過你千其唔好收為PLK小學會收多PLK幼稚園學生(只有少少分加), 如某些PLK既直資小學都冇咩呢支歌仔唱。

silvia_ng

原帖由 bellabella_oh 於 09-11-11 14:00 發表
請問有mo人知道幼稚園部和小學部學費分別多少?

聽人講小學好貴

小學3600一個月, 小學國際5200一個月。(10期學費)

silvia_ng

原帖由 rickyfkm 於 09-11-11 15:44 發表
嗯! 原來小學都有分國際同唔係國際既咩? 我一直以為係全英小學....! (我見學校本介紹冊都係話祟小係全英小學喎) 請問如果囡囡讀祟幼主流, 將來有無機會轉祟小國際班架? 我希望佢小學可以英普教學呀!

...

佢國際有行IB。同時要學埋法文+日文，仲有本地課程。

主流小學係普通英文小學。

silvia_ng

原帖由 avisf 於 09-11-11 16:36 發表


多謝你的回覆,我明白PLK吾一定收番.係呢,你指的加分是叩門的印象分還是自行分配學位時都有加分?

其實自己最心儀是小學是基督教的,加了宗教分有20分.假若真是讀PLK幼稚園,吾知用20分考基督教小學著數定用15分考番P ...

只加叩門的印象分。

至於自行真係要睇你心儀果兩間小學既競爭者有多少。如果大部份都有宗教分, 就即係大家都冇著數。最後大抽獎就係睇邊個小朋友好命水。THAT'S IT!

silvia_ng

原帖由 靚太太 於 09-11-11 16:55 發表
蕭亞姨
解答得好詳細呀！！
唔知幾時我地有機會見面呢？？
我好想認識你呀,幾時學校有活動搵我呀！！
我其實都好想參加上次煮o野食的活動呀,但可惜又要返工 ！ ...

哈哈....遲D家教會有旅行, 搵你做車長義工(應該係星期六既)。實有機會見既....我女而家先K2。哈哈....

silvia_ng

原帖由 leunter 於 09-11-11 17:19 發表
聽聽下, 國際小學都唔錯bo...
不過主流班祟幼入國際祟小. 機會會唔會小的?  小朋友會唔會好難適應??

我仔既同學仔都係主流畢業, 而家讀國際部小學, 都OK喎。崇小永遠都比PRIORITY比崇幼畢業生, 只係我地有冇當佢係我地既PRIORITY JE....