宣小好差？

Daisy媽咪

原帖由 goodmama2003 於 10-2-22 22:20 發表


個傳聞無錯，真係學校叫你學邊樣樂器便要學邊樣樂器，無得揀！= 錯晒!
學樂器要填同意書, 你寫不同意學, 就什麼也不用學 !
樂器是次科, 次科一科零分都不會留級!
音樂零分, 都不緊要, 沒人會責怪你.
中英數合格者, 可由 ...

其實有好多學校都有正面同負面既評語. 我身邊只有一個不太熟既朋友讀宣小, 所以我都唔敢作任何comment, 不過宣小既老師冇愛心我反而有所保留.  因為聽我朋友講, 宣小既老師相比起其他谷既小學, 包容性較大.而以下是我本人今年同仔仔考宣小既情形 :
當天我病得天旋地轉, 又暈又嘔, 仍硬着頭皮坐的士送個仔去面試, (本想放棄, 因為之前太多失敗的經驗) 最後都送左亞仔入禮堂.
當我坐係禮堂等時, 我又再暈又嘔, 等待其間, 我經禮堂行上去女廁我相信超過十次 (我估果幾位當值小學生都會懷疑我仲乜上上落落.) 到最後一次我再嘔完番入禮堂坐, 不久又嘔了. 我一鼓氣衝去樓梯 (因為怕弄污個禮堂), 有個老師暫住我 (我相信佢都係senior, 因為個樣幾嚴肅同比較成熟). 佢問我去邊, 我同佢講唔舒服要嘔, 佢即刻叫個女學生扶我去女廁.  我嘔完已經周身軟哂, 行出廁所, 果位老師就係門口等我, 仲問我覺得點, 然後叫我係旁邊個長椅休息, 之後佢又law 左兩個膠袋同埋藥油我搽, 仲叫我如果真係唔得就出聲, 佢會帶我到校務處.
不久, 佢再行來問我有冇事, 我就同佢講ok, 不過我個仔應面試完要接番佢, 佢就問我 law 左個準考証, 叫我唔好走, 坐係度休息. 不久, 佢就帶左亞仔落黎.  佢原本叫我行落禮堂走, 不過佢再叫停我, 帶我由另一邊坐life走.

整個過程我覺得老師處理合當, 我相信小朋友在此學習, 都會得到適當的照顧 ! 所以我相信老師不會太冇愛心.

雖然宣小收了亞仔, 但我仍未決定;原因為 :
1. 強迫性學樂器, 有點接受不了.
2. 學費偏貴, 如果以學生人數相比.
3. 學樂器的價錢很難預算, 雖然質素好, 但分分鐘貴過學費.

但我相信宣小的質素是不用置疑, 但又怕自己身為 working mom, 仲有個家姐要跟, 唔知跟唔跟到亞仔.

所以真係難決擇 !