高幼vs.玫瑰崗vs.救恩 how would you choose?

smalltigerwly

我仔仔同樣有呢三間OFFER, 一樣頭痛中。有個問題想搞清楚, RC 校長於INTERVIEW 簡介時講過, 答唔到會收番幾多高幼生, 只係話盡量向高小爭取60-70個位收高幼學生, 如果上下午班合共180人, 即1/3機會。係唔係BK 家長見今件5X K3 學生中, 有2X 幾人上到高小, 因此誤會了有一半機會? 其實當2013入K1收足180人, 而同時上高幼又只得如校長所說, 俾盡得70個位的話, 機會係低於40%, 請問我有沒有搞錯?

smalltigerwly

我曾打去高小問過，佢唔似蘇淅，教恩咁，承認高幼係其幼稚園，佢話高幼唔係高小高中同一辦學團體創辦，同佢地無關係，只係大家同屬一個港區天主教，佢地用左高主教個名創辦左間幼稚園，設計左一個能銜接高小的課程。我再問，既然無關係，為阿interview 當日有高小學生維持秩序，對方說高幼同高小只係有很多合作機會，因此高幼生是否入高小，仍很視乎interview 表現，讀高幼亦唔一定會有得second in,  只係當高幼生與外來生interview 表現差不多時，高幼生有個bonus point,  因為高幼生完成了銜接高小課程，所以高小會收後者。直覺上高小都好似有啲保留，一句都係睇番interview 表現，唔似其他龍校咁，會承認其幼稚園部，亦更加唔講會收番幾多高幼生。收線後覺得，難怪高幼校長都說只盡量爭取60-70個位，感覺上好似高小對高幼仍在觀察階段，從來都無應承高幼俾幾多位佢地。所以都好煩，都唔知值唔值得博。

smalltigerwly

贊成，我聽完都好confuse,  我直頭問，咁點解間學校叫高主教書院幼稚園部, 接電話那位職員話中小學係同一團體，但幼稚園唔係，但大家同屬一個港區天主教，呢間幼稚園用左高主教個名，設計左一個可以銜接高小的課程，但要入高小始終係睇interview 表現，但讀高幼就肯定有個bonus point,  當大家差唔多時，高小又會收番高幼，好模稜兩可。

smalltigerwly

我一直都好唔明，當日高小個職員點解咁答我，堂堂一個學校名，可以俾人用左開間幼稚園，又有咁多高小生在interview 日來維持秩序，然後答我，只不過係高小高幼好多"合作機會", 既然咁多"合作機會"，個名又借埋俾人，究竟真係無關係，定暗地裡其實都有啲關係？可能高小想自保，俾自已多啲餘地，答得模糊啲，觀望下高幼生standard,  他日高幼生水準唔啱心水，收番少啲都唔怕影響自已間學校？但我就肯定高小唔似其他學校咁，人地會講到明收番自已幼稚園生先(可能某一個percentage) ，先再收出面學生。呢度係大家一樣interview,  不過高幼生有個bonus point,  我諗好似同宗教會收先咁。

smalltigerwly

我其實好混亂，當初收到offer 係想入高幼，但我無諗過打去高小問下，個職員會咁答覆，都動搖了信心，所以而家先煩惱，十五十六，唔知值唔值得博，高幼又咁新，如果同高小無關，咁辦學質素又點呢？所以都想多啲讀梗高幼，高小的家長分別向兩間學校了解再分享一吓。

smalltigerwly

原帖由 Gerard 於 13-01-23 發表
本帖最後由 Gerard 於 13-1-23 08:33 編輯

那很有可能70個位當中，要扣埋阿哥家姐高小讀，爸媽係舊生，天主教徒，七除八扣，所剩可爭的位無幾多。

smalltigerwly

原帖由 hophopbunny 於 13-01-23 發表
其實實際來説，如果港島，男仔根本都沒有龍校選擇，如果高幼可以有差不多一半升小（都算有band 1中學 聯係 ...

唔好意思，一直想問點解咁多媽媽話有一半機會？因我聽校長簡介，一直無承諾收幾多，只係說向高小爭取60-70個位，咁照計數最樂觀爭取到70,都係得1/3機會，想問下係咪有其他資訊我唔知，實際真係收到一半？呢個point 好影響各位媽媽的選擇。

smalltigerwly

原帖由 Gerard 於 13-01-23 發表
因為我們今年的K1都是唔多過120人，就算計埋插班150人，收到70人都有半吖，但如果人數如來年K1有180人，那 ...

gerard,  唔好意思，想問下你大仔是否正就讀高小？如果你地高小家長問番高小，會點收番高幼，答案會唔會比我地自已打去高小問準確很多？對不起，恕我冒昧，確實為小兒選校問題煩至睡不著覺。

smalltigerwly

allysharlin 發表於 13-1-23 15:59
其實大家入高幼先不要期望入高小有任何優先權，當係一間較為深的幼稚園讀，我自己覺得會好d，唔會梗大壓力 ...

似乎總合大家意見,  高幼高小關係唔算密切, 高幼校長盡量爭取, 高小卻承諾唔到俾幾多位高幼, 就算讀高幼對入高小有優勢, 都仲要扣除有世襲、同宗教的小朋友, 小朋友亦要KEEP住成績於前幾十名, 先叫有些希望入高小, 呢個遊戲好似好艱辛。 我同時有RHS 同 KY OFFER, 大仔, 天主教徒, 應點選擇?

smalltigerwly

原帖由 cowboy_mama 於 13-01-23 發表
回復 longbear 的帖子

我見高幼同高小既資料寫辦學團體都係"天主教香港教區", 想問辦學團體有咩唔同呢? 唔 ...

我決定明日打多一次去高小問清楚，我都想知會唔會係上次個職員問題，明日再update 大家，大家都好想搞清楚。

smalltigerwly

原帖由 ce_leung 於 13-01-23 發表
會唔會都打去高幼，或者用其他方法請高幼校長解釋一下同高小既關係、同高小係咪有溝道中？
我覺得好難要求 ...

agree!  我一直都諗唔明，叫得幼稚園部，點都有少少關係，點解個職員講到咁含糊，所以我決定明日打多次去高小問，睇下會唔會係上次個職員有問題，你知有時唔同人接電話，答案可以差很遠。

smalltigerwly

原帖由 hophopbunny 於 13-01-23 發表
本帖最後由 hophopbunny 於 13-1-23 23:16 編輯

想請教一下高小上高中機會是否很高？

smalltigerwly

我今朝再打去高小問多次，今次呢個職員態度好過上次，佢今次解釋得好清楚。首先，高小，高幼其實都屬同一辦學團體，係港區天主教。

我問點解上次我朋友打嚟，有職員話小學同幼稚園無關係既？點解高小高幼之間關係好似好含糊既？職員解釋，正確咁講，現時高主教書院幼稚園部，前身係聖猶達幼稚園，唔係高主教書院的中學或小學部所創立，本身係無關係，但聖猶達用左我地高主教書院改左名後(職員係exactly 咁講)，現時幼稚園與我地小學屬有"聯繫"學校，但唔係直屬學校，因此小朋友不能直升小學部，仍要interview.  但高幼生有很多機會與小學合作，例如，參觀小學等等，而高幼學生對入小學係會有個優勢，因為完成高幼課程的小朋友上高小係容易啲pick up 到。(呢個答案比起上次答我那個職員明確又明朗好多)

我問，個優勢係咪例如會有second in 的機會？職員答，唔一定，一樣視乎表現，如first in 表現唔好，都無second in.

咁我再問，明白要interview 睇表現，但高小會唔會同高幼align, 收番一定比例既高幼生？因為我地聽過高幼校長講爭取60-70個位？職員答，其實我地小學校長都講過，小學部本身都真係唔知會收到幾多高幼生，一切視乎嗰年小朋友表現。

再問，咁以今年來說，apply 的高幼生收唔收得番一半？職員答，都有一半。

再問，但我見高小得140個位，高幼2013 有180個位，咁到時又會唔會收有一半？職員很老實回答，咁真係未必會收到一半，所以家長要自已衡量，最重要係到時自已小朋友interview的表現。

希望今次幫到大家決定。我自已亦無咁混亂。不過都好想高小職員睇到呢個post,  回答家長查詢，以後唔好再咁草率，好似上次個職員咁，講得唔清唔楚係會令家長好confuse,甚至令人做錯決定。希望大家正在選擇的家長，而家有進一步了解。

smalltigerwly

原帖由 florence.lau 於 13-01-24 發表
本帖最後由 florence.lau 於 13-1-24 12:20 編輯

very good question.  我都想知高幼教學有什麼做得好，有什麼做得唔好。其實大家都係客觀分析，理性討論，無需太刻意維護，或太刻意講差學校，大家都只係想知道facts ,而幫自已小朋友選擇。

smalltigerwly

原帖由 Heima10 於 13-01-24 發表
真相大白！咁大家係唔係最後揀高幼呢？

暫時都係首選，其實一早都諗住讀，係上次打去高小問完覺得好confuse,  先十五十六，昨日的職員解釋得好清楚，釋除了我的疑問。當然，我都好想知，高幼課程深，但老師教得好唔好呢？小朋友明唔明呢？係咪屬活動教學，定要坐定定上堂呢？其實教恩係活動教學，幾好，但基督教，我prefer 天主教學校，而我仔仔卻是較活躍，不知道是否适合高幼教學方式，始終牽涉關乎小朋友學校選擇，可能諗得會比較多，見諒。

smalltigerwly

原帖由 florence.lau 於 13-01-24 發表
對我嚟講，高幼上高小如有30%，我是收貨的，因一早知不是guarantee 的。
本人更關心是學校質素，因還有KV  ...

你可以睇番之前家長gerald 的post,  佢有小朋友讀完kv 入高小，而家細個位小朋友讀高幼，佢有提過兩間學校的分別。

smalltigerwly

原帖由 gillgillkwok 於 13-01-24 發表
其實心裡面係好想揀高幼！但是，因為我有兩個小朋友，供起黎，的確會有點吃力！亦因為咁，高幼升高小嘅比率 ...

咁又好明白，但如哥哥上到高小又曾讀過高幼，細佬咪更加容易入？但確實如有兩位小朋友都要俾學費加補習，其他興趣班支出，再加兩位小朋友都讀私小，確實有點吃力。

smalltigerwly

原帖由 BBQQmomi 於 13-01-25 發表
點解個個都係講RC 同 RHS 而冇乜人提KYS嘅? KYS 同依兩間冇得比咩?

KYS 同另外兩間教學方法完全唔同，如果你有去簡介會，你會好明白佢吸引之處，我亦有朋友讀過，佢唔似一般學校，坐定定教生字，行活動教學，著重體驗，小朋友係會明哂老師教既野。例如小朋友k2已經要環繞一個topic做project (當然家長要幫手), 小朋友明哂内容，再由小朋友自已出嚟做presentation, .另外很著重閱讀，每星期要睇一本書做報告，家長自已要花時間陪小朋友做project 同閱讀。不過小朋友train 出嚟大部份識廣角度思考，轉數快，我朋友話對面試有幫助，當然學術方面都要出去補習，朋友個仔最後考到港大同學會。據講大慨有一半會上到小學，而小學四，五，六年級行精英制，力谷小朋友，其聯繫中學係匯基(band1). 不過，亦有人話佢幼稚園課程教得淺，我所知係咁多。對我而言，間學校係幾好，但因宗教原因，本人較傾向選天主教學校。

smalltigerwly

原帖由 florence.lau 於 13-01-25 發表
Your comment is very detailed. And that was why my preference was RC. Some schools train up academi ...

really?   咁我又放心好多，一直只見到家長話教得深，但無提老師點教，很擔心RC 係好傳統，坐定定式教學，佢地有著重presentation skill?  因我十分著重教學模式。

smalltigerwly

原帖由 florence.lau 於 13-01-25 發表
本帖最後由 florence.lau 於 13-1-25 12:24 編輯

sounds great!  i like this prespective very much!  可唔可以問下你朋友，佢地上堂係唔係活動式教學？