這是為什麼？沒有更好的方法嗎？這算不算體罰？

jjasmine

今日聽啊仔講老師要佢以後日日都“mao”系地下寫手冊，原因系佢寫得慢。

我想請問其他家長有無發生過咁既事？點解個班主任要咁做？會唔會過分左？

jjasmine

啊仔讀緊1年E班，我開頭都嚇左一跳，點解唔罰企而要‘mao’系度。咁樣點睇到。後來打電話俾同學媽咪，佢問個仔先知道，原來我個仔眼訓，所以老師罰佢。家長日時個班主任同中文老師都已經好強調我個仔好慢，話佢自理能力都唔得，仲叫我最好帶佢去check下，因為佢專注力好唔集中。而且仲同我講為左小朋友既將來，我都想佢有個開心既童年，呢間學校可能對佢來講深左D，叫我考慮下。
我同班主任講，第一我個仔唔係特登來考呢間學校既，系政府派過來既。第二，我個仔啱啱先系體檢度驗到佢有遠視同散光，可能系因為呢個原因佢睇唔清黑板。跟住我話，我個仔都同我反映過唔系咁鍾意呢間學校，但系佢一話唔鍾意我就幫佢轉校，對佢以後成長會有影響，遇到挫折就會放棄。
仲有，我同班主任講，佢已經有好大進步，從剛開學咩都唔知連中文都唔識寫，到宜家可以10分鐘背好中文，已經好大進步。但個班主任同我講，識背有咩用？識寫先的架。。我真系無野講。。
我可以點做。。？

jjasmine

啊仔讀緊1年E班，我開頭都嚇左一跳，點解唔罰企而要‘mao’系度。咁樣點睇到。後來打電話俾同學媽咪，佢問個仔先知道，原來我個仔眼訓，所以老師罰佢。家長日時個班主任同中文老師都已經好強調我個仔好慢，話佢自理能力都唔得，仲叫我最好帶佢去check下，因為佢專注力好唔集中。而且仲同我講為左小朋友既將來，我都想佢有個開心既童年，呢間學校可能對佢來講深左D，叫我考慮下。
我同班主任講，第一我個仔唔係特登來考呢間學校既，系政府派過來既。第二，我個仔啱啱先系體檢度驗到佢有遠視同散光，可能系因為呢個原因佢睇唔清黑板。跟住我話，我個仔都同我反映過唔系咁鍾意呢間學校，但系佢一話唔鍾意我就幫佢轉校，對佢以後成長會有影響，遇到挫折就會放棄。
仲有，我同班主任講，佢已經有好大進步，從剛開學咩都唔知連中文都唔識寫，到宜家可以10分鐘背好中文，已經好大進步。但個班主任同我講，識背有咩用？識寫先的架。。我真系無野講。。
我可以點做。。？

jjasmine

今日同班主任傾完，終於知道發生咩事。我個仔固然之有問題，就系太慢同埋成日發夢。老師叫佢“mao”系度寫，就系唔想佢比其他事情影響，否則佢又抄唔晒手冊。原因系老師已經試過好多方法去對付佢希望佢專心寫手冊但系又不得要領，所以出此下策。事情搞明白我亦唔反對。畢竟我個仔真系可能比其他小朋友適應能力低。我唸要等智力測驗出左報告再對症下藥。
但，起碼個仔宜家已經無同我講唔鍾意番學而且可以自己上網做每日一篇，比佢做其他練習都睇到中文進步好多，因為要比佢追番中文，我已經停晒出面所有活動。最多有時間剩就同佢去行山，或者比佢系公園跑下。
我真系唔知香港小朋友讀書會咁辛苦既。。不過都會比佢讀埋呢個學年再睇下有無需要轉校。
都要多謝老師無放棄佢，仲要不斷唸方法對付佢添。。真辛苦。。

當初為什麼會揀呢間學校，系因為我睇到佢地教學語言系英文。我唸唔會全部中文，咁對我個仔來講系比較容易。而且學校地方就腳，唔使搭校車，其他咩深唔深，名校與否，我就唔知啦，因為我地以前唔系呢度住。直到同事問起我小朋友系邊間讀書，我先知道這麼一回事。

宜家同老師達成共識，有咩事寫手冊話比我知，我亦然。因為打電話同親身到學校，對我來講有D難度。
希望個仔好好地，唔好再咁麻煩，咁我就滿意啦。