男仔操作得B,成績頭十。地區名小校!

Band5

操行係冇標準嘅！學校鍾意俾幾多個A都得！唔俾亦得！

我兒子六年小學都係級一或二，但操行卻未攞過A，也無被老師投訴或缺點，問過老師，老師話佢上堂有時傾偈或唔留心，兒子解釋話因為教得重複同悶！當然有警戒兒子，但無見老師鬆手！

我自己覺得B+已可接受，佢已肯定乖過自己讀小學時候！我覺得（純粹自己感覺）得老師歡心嘅多數係女仔或者文靜形男仔！我兒子則係活躍形！

當年自行兩間1A學校都有得in，最後入咗自行一。校長亦有offer可以幫寫spcc推薦信，即係校長覺得操行無A都可值得推薦！

記得英皇曾經講明要操行要A先有得in，但到我仔果年已取消咗！聽唔到其他學校有同樣嚴格嘅要求。

操行無A嘅學生唔要得？我唔認同！我自己小學到中學從來唔係乖乖學生，未攞過亦冇諗過攞操行A，亦冇要求過仔女攞A，只係唔覺意揀咗個操行一向係A嘅老婆！

Band5

操行只係其中一項計分標準，我估多數學校都有晒唔同嘅對比，知道點計分！有學校計重啲有計輕啲！操行唔夠人高，就要喺其他項目攞番高分！

如果知道有學校計得好重，我提議要考慮下至報，唔收你浪費咗個名額事小，收咗你適唔適合至大件事！如果你個仔太活躍，又改唔到，學校睇重操行唔會淨係收生標準，中學如果過分嚴謹，6年非人生活，想有心機讀書都難！