train亞仔朗誦比賽, 私人一對一還是出外參加機構朗誦課程好?

喵媽

第一次,我覺得join班好, 因為可以比小朋友睇下同學仔個個都係若無其事咁喺課室大大聲朗誦, 咁佢就唔覺得驚, 朋輩影響好過你成日叫佢唔駛驚, 唔駛怕...! 等佢第一次比賽後, 覺得有需要先考慮一對一吧!

喵媽

dragonball0301 發表於 12-7-9 17:49
謝謝你的意見.  我仔仔都參加過一次比賽 (搵老師一對一練), 但我覺得水準同人地差好遠, 無論聲線,語調, 動 ...

其實朗誦呢d野都要睇下小朋友鐘唔鐘意表演, 語言能力, 表達力等, 呢d都可以慢慢鍛鍊既! 我覺得老師亦有差別!
你說小朋友比人差好遠, 咁其他人會唔會已經比賽過, 唔係第一次呀? 個個小朋友既第一次都會差少少既, 不要介意, 比d時間同心機, 一定會有進步!
你住邊區先, 如果唔同區就無謂介紹, 因為唔想比人覺得我係想介紹老師...

喵媽

回復 dragonball0301 的帖子

我仔在荃灣學, 佢既老師教得好好, 亞仔比賽以來經常3甲, 不過老師都話, 就算佢教得好, 都要小朋友本身有條件+興趣(字正音準, 表現力強)先可以成日拎到獎, 因為佢都有好多學生, 並不是個個有咁好成績!! 我唔想大家唸住跟某D老師一定有獎, 都要小朋友有興趣同努力, 因為我亞仔都好努力日日練習的! 你明白我先pm資料比你吖!

喵媽

回復 Briana0133 的帖子

其實我覺得老師都要睇夾唔夾. 搵到個夾自己既老師, 咁就係最好既事!!
不過因為我唔多識普通話, 我係完全依賴老師咋...雖然有晚晚同亞仔唸, 不過d音啱唔啱就真的不知了!
多謝祝福! 你依家咁大個, 都應該冇再比賽了?

喵媽

回復 Briana0133 的帖子

原來你係廣東話, 我覺得好少地方學廣東話朗誦喎! 之前比亞仔參加唱歌比賽, 唱學校廣東話歌, 我自己同佢揀, 雖然都拎到獎, 不過評判居然話要注意咬字... 即係我聽唔出亞仔咬字問題....  

喵媽

回復 Charlotte_mom 的帖子

同意, 朗誦絕對是表現藝術, 看似簡單, 但要拎到高分不易!
亞仔k1下學期開始, 那時好易拎獎, 咬字正, 大聲, 淡定就拎到.
到k2, 個個都咬字正, 大聱, 淡定, 就要有感情!
見有dk1拎開獎, 到k2已經拎唔到, 因為佢地未識表達感情, 只靠字正已經唔得了!
由其在大賽, 真係見到小朋友既水準已經好勁!
所以如果唔鐘意表演, 用朗誦黎練膽就好了, 不要強求攞獎!
你自己train好叻呀, 我就完全不懂, 幾時快慢, 高低等...真係等老師教算了!

喵媽

MSBOY 發表於 12-7-12 13:25
Very very agree!!最近同呀仔參加弘左比賽, (主要係PTH), 知道左評分準則...亦見盡不少家長, 係小朋友未RE ...

我覺得如果小朋友喊晒口, 當然唔好迫佢地. 等佢地睇下人地表演就算了.
但如果係細聲, 緊張, 我覺得試下無坊吖, 唔比小朋友去見識下就唔知人地既水準, 而且試下試下, 自然有進步!
仲記得亞仔第一次都有緊張, 雖然佢表現得好好仲拎到獎, 不過身為亞媽一睇就知佢緊張...係第一次見佢咁緊張...因為佢係一個咩都唔緊冇所謂既人...
第一次之後, 就完全另一回事, 百多人面表演都好自如, 所以不可睇小朋友既成長呢!

喵媽

MSBOY 發表於 12-7-12 13:43
朋友同我講過同一番說話呀......
呀仔又正係K1....又係最近先玩比賽, 都有D收獲, K2都會kEEP住, 睇下佢有 ...

無錯, 到K2, 你就見到女仔係幾咁勁, 好多K1表現平平既女仔, K2可以勁得好緊要, 男仔叻既真係唔多, 女仔就好多!
到K2, 一定要領略咩叫感情, 我仔都係K1暑假先開始識...佢話佢係上堂見到一個好勁既小學姐姐(佢個centre係混齡上)就開始知道了...
所以有d人介意大細混埋一齊上堂, 我就唔介意, 反而覺得咁先比亞仔見識到小學既水準, 會進步得仲快! 當然前提係亞仔好鐘意朗誦, 因為佢話上堂時如果唔係佢唸都會睇人唸...上其他班, 得閒時就會喺度玩或傾計...

喵媽

MSBOY 發表於 12-7-12 13:53
咁你仔仔好叻喎~~

同小學混齡上真係唔錯WOR...不過我仔係單對單, 要靠老師既講解同呀仔既領悟~~

其實多數都係只幼稚園生一齊上, 有時亞仔掉堂or小學生掉堂先混到, 不過我覺得睇多d高水準既進步會大d同快d!
單對單既好處, 就係老師可以捉隻捉隻字教, 對音準幫助好大!
不過我仔唔鐘意單對單, 佢話要人同學先開心, 而且單對單好貴呢!

喵媽

Charlotte_mom 發表於 12-7-12 16:52
哎呀無辦法啦, 女仔係不嬲語言天份好d, 不過小學分男女, 無所謂了

我識教個女點去表達, 點表情,  ...

係呀, 校際比賽男女分開其實係啱架, 男仔真係冇得同女仔比!

就咁聽demo都可以勝出比賽, 你女既普通話一定係好, 我依家成日都聽唔出亞仔話我讀既音同佢讀既音有咩分別...唯有信佢咋!!

我見d高小既誦才, 成課書咁長, 要背都唔少時間, 仲要一字不錯又唸得好, 真係唔易! 所以朗誦看似簡單, 接觸過就知不是人人可以朗得好! 我同亞仔講, k3比少d賽玩多d, 佢居然話唔好...唔知佢真係咁鐘意定玩作對, 因為佢呢期興同你唱反調!