德望 = 失望 !

cattylui

德望係一間出名好學校，今年第一年搞幼稚園。我地帶過囡囡去睇校園，佢鍾意到唔捨得走，令我地好想考到呢間學校

7/11 interview，有去in家長都講得出當日有幾混亂，場地好嘈，音響又差，安排失當

我係大喇叭受害者，叫左我地入房in。出面又叫我個女個名，我老公話入左去成半個鐘喎，先發現我個女係班房in，佢份資料漏左係出面 唔怪之得老師無咩點問我個女問題！我問老師咁使唔使in多次，佢話唔使啦，老師都觀察到架啦。咩叫都觀察到

我一直都好擔心，究竟佢地有無睇過我個女？終於都係打電話去學校問。初頭個老師死都唔認份資料有埋marking scheme, 直到我可以好詳盡咁話俾佢知當時情況，咁佢都O哂咀 只係話要問下校監再覆我，仲叫我唔好講出去。

覆覆覆,一直都無覆 最終我地梗係收到reject信啦 你唔收我唔緊要，但我真係想搞清楚件事，係我個女表現不如人，定你地根本當佢透明 我寫信去俾校監，想佢了解下，最好可以俾個答覆我地。成個星期啦，鬼影都無覆

德望由始都終我都相信係一間用心辦學教會學校，勢估唔到佢地係咁黑箱作業，態度傲慢 咁多年歷史，都係浪得虛名

cattylui

多謝各位爸爸媽媽相勸！正如ceciliadaddy講，有邊間kg唔黑箱作業？ 我都明白就算我寫信去打電話，德望都可以耍我，甚至唔理我(宜家就係！)！但作為媽媽，見到個女受到「不公平」對待，一定會據理力爭，盡力而為，係咪？

大家都係為小朋友著想，唔使立高衫袖 我認我係有standpoint，係咪吃不到的葡萄是酸的？我唔敢講話無。但我講全部都係事實，就算今日校監出來對質，我都講同一番話。

我想提出及針對係學校安排:;pppp: ，唔係教學質素。就算我個女入唔到，我都相信德望仍然係一間好學校。我朋友個女係度讀，真係又叻又純品。我只係好驚訝，佢地對我，對佢地不妥之處可以當無到

正如bk 另一個topic，真係難為現今父母，完全係貼錢買難受咁去撲學校

仲想講多句，BK係父母交流區，係俾大家互通資訊，交流意見，動口不動手，千祈唔好變做戰場，大家共勉

cattylui

6321

多謝你鼓勵！我都明白宜家德望忙緊做註冊，根本唔會得閑so我。大家都係想囡囡做個有學識又有教養女性，我對德望依然充滿誠意。或者過多一個月，等佢地admin 做好哂，我會再試下接觸學校。一如你所講，就算今年真係唔得，都等佢地有個印象，出年再試過！

原帖由 6321 於 09-12-1 11:17 發表
Fujitasze,

I am glad to know you give up your offer coz my daugter will study there. I know GH may not be the best but for sure, not as bad as what you said.

Do let me know if you have not informed ...

cattylui

jnasally, ahchungma,twinsstar及各位爸爸媽媽，多謝你地勸勉及支持 聽完咁多位意見，我心情巳經放鬆番好多，無之前咁激動。唯有用誠意試下打動學校，直到佢地話我好煩為止 ，盡左力就無遺憾。

你們提出一個好好point係咁做會唔會對囡囡係負面教育呢？我有攝高枕頭反省過。所有interviews我都係對囡囡話去同新朋友仔玩，無係佢面見講過邊間好邊間唔好。(反而老公受左好多氣 )盡量唔好俾到壓力囡囡，我以後會更加小心處理。謝謝提點！

我都明白，我想佢考到唔等於人地一定收佢。唔好睇得自己太高，我個囡有其他學校收，亦都有學校reject佢，讀唔到德望係學校損失定我地損失都未知！由始到終都係執著於阿女得唔到一個公平面試機會，完全係「不戰而敗」

我相信德望除左校風純樸之外，以我所知所見，德望家長都係理性而有修養 。呢個topic引至節外生枝，實始料不及。但我希望大家可以stick to the topic, 大膽講句，話不投機半句多。如有其他家長認為德望不好，其他高等學府更好，完全無問題，各自表述，自由選擇，唔需要踩低人地抬高自己，好唔好？

cattylui

GHcat, 謝謝你的建議。我會與德望保持聯絡，雖然我都有hesitate成日寫信,，人地又要花時間去睇，會唔會覺得我地好煩而做成反效果 但寫信似乎係現在唯一可以做到。

我會再send follow up信，直到開學前。In case學校咁都無反應，就心甘生命抵啦

我好欣賞你可以企出嚟幫母校講說話，証明你對德望好有感情，亦都反映學校教導有方，培養到學生歸屬感！

原帖由 GHcat 於 09-12-3 11:32 發表
As a past student, I really feel bad to see so much negative comments about the school. No err is human, to forgive, divine. I think the school management is eager to learn from mistakes but there is  ...