我真係好唔開心！

pinkdoll

政府有冇安排你見社工? 如果情緒真係好大困擾 你或者同醫務社工講你想社工跟一跟個人情緒 雖然綜合家庭服務中心啲社工好忙同流失率好高 不過佢哋都有啲板斧既 但初我情緒唔好 政府安排我見綜合家庭服務社工 佢都幫到我分析到啲嘢 當然我明白你最大需要係要有人幫手 政府應該有家居保姆可以轉介(免費) 你問一問先? 雖然幫助不多 可能一年得一至二次 但都好過冇  

原帖由 davis_mav 於 11-4-2 19:59 發表
我簡短d寫, 個story太長了.
我24歲, 有個到4月就3歲既女, 由於我同46都要返工, 個女平時0係幼兒學校返學,我放工就去接佢放學,由於冇家人support, 所以個女都係我湊. 年三十果日帶個女去做評估, 先知個女有自閉症. 呢 ...

pinkdoll

其實我哋真係有苦自己知 其實我唔識安慰人 因為我自己有時情緒都唔係咁好...... 又唔係咁搞得點個仔

我細孖就咁望落去真係同普通小朋友冇分別 識行識走識食飯識飲水 人哋根本唔會明自閉症係乜?(講真 我自己小朋友有自閉症 家陣都未完全瞭解同掌握到啦) 你解釋俾佢哋聽 佢哋又唔想聽喎 但又會用好專業口吻咁話你方法唔啱 好搞笑

我有個朋友 佢一聽到我話細孖智力重未發展到 佢一聽就話你轉奶粉啦 有啲奶粉加咗啲乜乜乜乜成份 應該會有幫助架 你聽到佢咁講係咪想反白眼

其實我哋一定有情緒架 一定會唔開心架 所以我哋一定要接納咗自己個情緒先 知道人係有開心同唔開心 感覺到唔開心係正常 並唔係做錯事 但記住你並不孤單 有好多同路人 或許大家情況不會完全相同 面對既問題又不一樣 但一定有好多人支持鼓勵你 同埋有好多機構都有支援自閉症人士家庭 你願意的話可以去參與一下 識多啲同路人 講真一人計短二人計長 或者聽下聽下可以有啲唔錯既提議建議呢 你又可以去啲家長資源中心借啲有關書籍返屋企睇 可以瞭解多些 咁樣會有系統啲 幫到小朋友做下啲簡單訓練 再深入啲既 就真係要專業人士幫手先得

[ 本帖最後由 pinkdoll 於 11-4-4 01:17 編輯 ]

pinkdoll

普通人都有好多嘢煩 好似我舊同事咁煩住個仔入边間名校 個小朋友入唔到個間名校 個樣重灰過我 都唔緊要 我明白做人父母緊係想自己小朋友入到間好學校 擔心係好正常 之但係我呢位同事睇我啲事就覺得完全冇嘢咁 重好平淡咁同我講"俾個仔入s位啦 冇乜嘢架 好小事啫" 但係佢個仔考唔到心儀學校 個天就好似趺咗落嚟咁 猛咁同人呻 自己好慘 人哋問起我2個仔情況 佢都搶住講佢個小朋友情況好慘 考咗幾間學校都冇人收...... 俾佢吹到啤一聲 我都收聲唔再講...所以我家陣都好少同人提起我2個仔啲嘢 人哋真係唔會明 唔會係你角度想 只會認為你咁都睇唔開

原帖由 pipi331 於 11-4-4 14:51 發表


家家有本難諗經, 呢句話無錯.
只不過我地部 "仔女經" "家人經" & "錢銀經" 比普通人難諗好多.

您自己都話系辛苦過, 我系10萬9穿7都未開頭. 無心無力又無時間..... ...

pinkdoll

所以我要訓練自己要看自己擁有那些 不要去看沒有那些 盡量不要和別人作比較 人就自然會開心很多 互勉之

原帖由 davis_mav 於 11-4-8 23:27 發表


冇錯...人地考慮既野會比我地唔同好多...其實我地都好想望子之龍, 但既然做唔到, 就只好退而求其次, 但求佢追上其他小朋友既進度, 就已經超開心