2009年9月決定讀禮賢, 不如過黎相認下先啦

喧嘩

HIHI,  我8月1號會去交學費, 買校服啦, 我問左校車, 要6:55上車, 好早AR

喧嘩

唔洗等啦, 雖然未有結果, 啱啱in完, 嚇親我, in足兩個鐘, 不過全部考筆試, 中英數, 深到嚇死你, 有家長見到數學係一年班下學期的文字題, 而其他小朋友都有講番d題目, 數學雙位加數, 10+_+_=22, 英文就who take care the patient?跟住答nurse, 好多好多超深題目, 自知亞女一定唔識, 就算俾佢入到都會讀都太辛苦, 佢又辛苦我又辛苦, 算啦, 都係 培養佢讀書興趣緊要d, 我怕佢怕左讀書, 橫掂佢咁鐘意禮賢, 最近我見樓市ok, 試下放樓, 有人上黎睇, 亞女問做咩, 我話買樓, 因為禮賢要交學費, 冇$$, 佢竟然話寧願買樓都要讀禮賢, 咁咪算囉, 唔好煩啦
其實讀禮賢我只係胆心中學, 不過如果讀書叻, 就唔洗驚, 希望佢會俾心機讀書啦

原帖由 chengwaiking 於 09-7-18 00:55 發表
HI 喧嘩,
你唔係等埋天神的結果先,才決定嗎?

喧嘩

我記得你AR, 你真係一心一意讀KRS喎, 我訛皮鞋一對都應該夠, 同埋好快會唔啱著, 冷衫當然買啦, 我諗朝早校車上都要著, 唔知一個星期有幾多日著PE衫呢?

原帖由 fi-fi 於 09-7-20 20:13 發表
Hi all,

多謝"喧嘩"開呢個post呀!

8月1日,我都會帶埋個囝返學校買校服+鞋+書
想問吓你哋買1對or2對皮鞋呀?另外買唔買長袖冷衫呀?

喧嘩

NNGG,
幾日前pm過你, 請問收唔收到?

喧嘩

龍柱,
八掛問下你係mama定係daddy? 個名好man, 乜野著舊果套PE衫? 同幼稚園一樣咩?

喧嘩

FIFI,
     恤衫好易殘, 起碼兩件啦, 我諗我買兩條裙, 兩套PE衫, 一對皮鞋,冷衫應該都會買, 我成日覺得無袖冷衫唔暖, 我鐘意包埋隻手臂果D(長袖), 好似暖D, 唔知PE鞋係咪要跟學校款呢? 平時著開有D牌子白色波鞋得唔得呢?
亞女選左佢超鐘意的
1.紙黏土,          1. 羽毛球
2.兒童畫              2. 體操
3.水墨畫           3. 小型網球
紙黏土亞女一直好鐘意, 啱啱先幫佢報左暑期紙黏土班, 聽日上第一堂, 如果佢真係仲好鐘意, 咁會繼續選佢第一
另外, 可能會轉游水, 亞女而家學緊, 睇下佢想唔想繼續學, 佢就好想學溜冰, 我唔俾, 因為佢而家學緊暑期班, 我就每堂都心驚担跳, 女仔黎GAR, 好怕溜冰鞋果把刀, 好鬼危險, 快D學完個COURSE就好啦

我亞媽佢好鬼煩, 好唔鐘意我地俾個女讀lee間, 日日都搵d嘢講, 好煩ar, 救命ar, 希望我冇選擇錯啦, 如果唔係我一定俾亞媽煩足我一世, 亞女千祈要生生性性, 如果唔係派唔到間好中學, 我亞媽又繼續話我, 洗咁多無謂錢讀私校, 到頭黎........

喧嘩

我知krs係循環週上堂, 我以前小學年代一星期兩日pe堂, 唔知佢六日有冇兩日係pe堂呢? 如果有兩日再加一體日咁就真係有兩三日要著pe衫, 唔知幾時先有時間表出呢?

唔知你仲記唔記得我, 之前有個POST俾你教訓過, 我最初有小小小睇唔起KRS, 完全冇諗住讀, 直至LEE半年來一直去了解KRS ,先知道咁適合亞女,  所以我都唔怪我亞媽, 當佢唱歌囉, 不過好煩, 因為係佢湊亞女, 亞女D事佢最清楚, 第日亞女有乜行差踏錯, 佢一定會借題發揮, 希望亞女升左小學之後, 佢可以體驗到果幾仟蚊係值得啦
我統一派左第二志願, 其實都OK, 係BK都見到有好多人去叩門, 不過我覺得完全唔適合個女, 好多新移民, 好多功課, 老師惡, 註冊果日已經要求買左兩本練習+要做十本讀書報告, 放完暑假交, 痴線, 又唔係乜嘢名校, LEE種方式我一D都唔鐘意
我係一個好懶而不稱職的媽咪, 我老公亦都係, 成家都懶蟲上身, 希望各位第日多多指教

喧嘩,

裇衫係"的確涼"料,如果係同幼稚園果條圍裙同質料,咁就相當"come新",所以我諗我都係買一件先!

游水,本身我都想比個囝學嫁...但因為佢仲細嘛,我擔心上水沖身換衫果時亂七八糟,所以都係P2至算喇!

講開老人家, ... [/quote]

喧嘩

我又要返工, 返學, 考試, 做功課, 又鐘意上網, 真係冇乜時間, 就算有都唔想郁, 亞女幼稚園d功課我地從來唔睇, 由得佢, 佢會自己攪掂, 有時會寫錯, 不過都仍然唔會幫佢check功課, 唔會問佢做左未, 手冊都成日唔記得簽, 佢每星期都要剪報, 我地兩公婆都冇幫過佢, 全部都係我亞媽幫佢, k1-k3我地都冇乜理, 真係超懶.
我個女係d超級主動的小朋友, 佢一見到有小朋友玩緊, 佢就會走埋去問可唔可以一齊玩, 老師評語係話佢有講不完的話題喎, 我完全唔担心佢識朋友, 好多小朋友都鐘意同佢做fd, 而且佢係一個好鬼熱情的人, 希望佢可以同你地d小朋友做到好朋友啦

原帖由 龍柱 於 09-7-22 13:34 發表
喧嘩,

哈!哈! 好欣賞你咁坦白, 話你兩公婆係大懶蟲!

但從今日開始, 你們要 "微調" 吓喇! 禮小好著重親子關係和家校合作... 禮小有今日的名聲, 相信唔係單靠學校的努力, 就可以有今日的成就... 其實任何學校皆是也. ...

喧嘩

nngg,
唔好意思, 我又再pm過你

原帖由 NNGG 於 09-7-22 23:19 發表
幾日前pm過你, 請問收唔收到?
NNGG, yes.

If possbile, better to buy two uniforms.  For me, I am a working mom, no time to help them to clean and iron.

喧嘩

我成日覺得我個女係我個妹, 乜都係我亞媽攪
我只係叩左天神一間學校, 考完都知唔得, 今日終於收到信, 可以一心一意, 乜都唔洗諗, 安心交個女俾krs
係呢, 唔知幾時偏班呢?

喧嘩

咁到時大家第一時間上黎睇下同唔同班, 我希望同班啦, 有個照應, 照應下我lee個乜都唔知, 乜都唔識的媽咪

原帖由 fi-fi 於 09-7-27 18:47 發表
喧嘩,

啱啱拎返張書出嚟睇,原來....8月18日前老師會電通通知班別嫁

喧嘩

hi,多d上黎啦, 西利, 大抽奬都唔玩

原帖由 maggie2008 於 09-7-27 16:51 發表
hi!
我就係其中一個無大抽獎同學仔的mami啦，我仔係愛理。

喧嘩

我聽日1000會去到學校買書, 交學費, 睇下有冇緣會見到你地

喧嘩

好呀, 22號之前已經會有老師致電讀邊班, 我1號買書果陣順便幫襯買埋包書套, 搵笨, 都唔係FIT得晒, 差幾本唔夠套, 又要特登買包書膠黎包番餘下果幾本, 22號記得帶番D書返學校(藍圈果D),學校話要貼LABEL喺面頭右上角,上面寫名, 班, 學號喎

3 13:58 發表
喧嘩,

大家都唔知咩樣! 有緣都無用啦!

如果有緣同班, 不如24/8一齊食早餐呀!

[/quote]

喧嘩

我都想用公仔label, 傳統白色label好似好肉酸, 我諗用公仔可以的, 不過要包晒中英文名, 班別, 學號, 同埋應該貼喺書上, 即書套入面會冇咁易爛
[quot]原帖由 hinhinmami 於 09-8-4 15:15 發表
請問名字label可以用有卡通公仔的一款嗎?彩色得唔得?
[/quote]

喧嘩

我果日問間校服d staff, 佢地話唔會再黎,. 但係喺通告到話22號仲有校服買, 都唔知邊個真

原帖由 hinhinmami 於 09-8-6 09:49 發表
我只買了夏季校服同運動衫,未買外套! 請問你地知唔知8月22日家長會個日學校仲有冇得賣?

喧嘩

我都係喎, 多D上黎交流下啦, 想問下信班個信係咪LEE個信? 我驚寫錯貼錯D 書

原帖由 carcar 於 09-8-17 16:40 發表
各位好,
我報到先.
剛收到班主任電話, 我仔仔是一信班. 唔知有無同班同學呢?

喧嘩

好似有三班, 係呢, 你係咪禮幼上?
同埋有冇媽咪知道洗唔洗攞番津校果張註冊証?
事緣我果陣諗住叩門, 所以要去所派間學校註左冊先, 並且好快話佢知我唔讀, 佢果陣又冇講乜, 琴日打黎話我冇去考偏班試, (留口訊), 跟住我今日覆佢, 我話我之前講左唔讀, 佢話要我LEE兩日過黎攞番張証, 我話我唔得閒, 佢話都要我寄信過去話唔讀, 點知我亞媽今日又收到佢地電話, 叫佢番學校攞嘢, 我亞媽同佢講唔讀, 佢話都要返, 咁佢就返左, 點知佢又冇睇, 返到屋企原來係通告同手冊, 我媽已講明唔讀, 都唔知佢地攪乜, 打黎留口訊我已經印象好差, 因為佢喺電話度讀左兩次我亞女個名都讀錯, 佢仲自稱X老師, 我亞女個名個字好簡單, 佢都讀錯, 好似唔係咁好,好在冇讀佢, 我媽要我好黎好去喎, 叫我去過, 我覺得佢地好煩囉

原帖由 carcar 於 09-8-18 17:18 發表
一年級有幾多班呢?

喧嘩

我都好開心AR, 起碼開頭有個照應先啦, 唔洗盲中中, 希望有多D人同我地同班啦, 22號冇叫著校服喎, 只係要帶D書, 而24號就會著校服, 帶個細背包, 因為佢個書包牛龜咁大

原帖由 carcar 於 09-8-18 20:39 發表
hi 喧嘩:
我仔仔唔係禮幼的, 好開心係bk識到人同亞仔同班.
係呢, 你地22號會唔會著校服呀?? 24號又帶唔帶書包呢?

喧嘩

hi, 你好ar, 以後多d關照關照

原帖由 dns828 於 09-8-20 11:53 發表
我個女讀一信班(1F)
班主任係 （簡老師）Miss Kan