2009年9月決定讀禮賢, 不如過黎相認下先啦

喧嘩

唔緊要啦, 今次好在未開始寫喺欠交果度, 仲係適應期, 同埋都好在有你個女陪我個女, 如果唔係我諗佢地真係唔知點, 得自己一個, 我仲問亞女咁你地邊個舉手同老師講冇帶書先, 佢話一齊喎, 好在佢地調左位唔係一齊坐, 如果唔係兩個坐隔離都冇帶書, 都幾攪笑
係呀, 幫你同carcar相認下先, 你地d仔女係坐前後gar
仲有呀, 聽日開始有聯課活動, 記得著pe衫, 帶所需用品
家長會你地去唔去? 我填左兩個去

原帖由 童童媽咪03 於 09-9-16 19:55 發表



我都好唔開心,因為我每天都好小心替女兒檢查書包,但這次真的棋差一著.我唔記得所有day 幾 set 好哂,已為打風就順延.好失策呀!唔得,喧嘩,你可否pm mobile no. 給我,等我可以問下嘢. ...

喧嘩

等等先, 乜嘢19/9 個talk? 我冇寫低, 乜黎gar? 定係我冇參加? 有冇人話番我聽? 幾點鐘? 洗唔洗報名參加? 唔該晒
另外請問有冇人參加果個學校音樂節? 我想幫亞女報琴, 係咪可以自選歌曲? 定係要選佢果d? 報名費係咪$100? 我睇唔明, 有冇人幫到我?   

我諗住join果個iclassroom, 有冇時間上就報左先算, 亞女今日做個grammer練習我已經嘔血, 個心唔知飛左去邊, 教極都唔識, 問佢上堂明唔明, 佢話唔明, 因為全程講英文, 問佢點解唔問老師, 佢話全班都冇人問, 好靜gar, 你地d小朋友英文堂明唔明? 死啦, 點算好? 我一路同自己講唔好忟, 唔好罵佢, 真係忍得好辛苦, 亞女訓左之後我同c6講, 要大家互(禁), 千祈唔好罵, 但係佢好似個腦塞左咁, lee頭講完果頭唔記得, 點樣先開(曉)ar?

原帖由 fi-fi 於 09-9-17 08:45 發表
我都差d忘記了19/9果個talk呀!!!

另外,你哋有無join果個iclassroom呀?我見三百幾蚊,所以join嚟試一試得唔得,我個人就幾like網上學習嫁!

喧嘩

喂, 早晨呀, 啱攪掂亞女, 唉, c6 而家連早起身送個女落樓下都唔掂, 閙鐘今日響左成十次, 熄完又響, 熄完又響, 佢都唔起身, 仲話未夠鐘喎, short short地, 未夠鐘較咁早做乜鬼, 原因係超級懶囉, 想訓耐d喎, 唔搭校車, 痴線gar, 成日晨早流流打俾個司機話唔搭車, 我話人地查緊車唔好打, 司機唔見就會走, c6話廢時人地等, 又驚下次真係遲左落樓, 個司機以為唔搭, 一唔見人就走喎  
原來係英文網上果個, 我記得啦, 我冇報名ar, 因為我估我一次都唔會上去, 係咪同琴日派果個唔同gar? 我join 琴日果個喎

原帖由 童童媽咪03 於 09-9-18 06:34 發表
係英文網上閱讀計劃簡介會,係要報名架,初初咪有一大叠通告嘅,其中一張(Ref:E02)呀.

喧嘩

又唔係日日, 暫時試過幾次啦, 通常一個星期朝早實有兩日唔搭, 次次都係c6唔願起身, 唔係個女囉, 佢成日阻住人地揸車, 話晒都車住d小朋友, 雖然有藍牙啫, 分心就唔好啦, 我亞媽幫我湊女前都做媬姆車媬姆, 果陣乜都係我媽做聯絡人, 但係lee個校車全部都係個司機做, 點解唔留個媬姆電話俾我地呢? 咁有乜事都唔洗阻住司機叔叔啦, 而亞女星期五放學就通常都唔搭, 等個女可以再早d放, 去玩下, 輕鬆下 ,哈哈, 我地兩公婆係咪好好呢 , 間唔中親自接送   

原帖由 fi-fi 於 09-9-18 08:41 發表
喧嘩,

你老公咁型呀....日日都打個電話比司機話唔搭校車!!!

不過你佬都做得啱嫁,唔啱校車係要同司機單聲嫁,否則佢會等你哋一陣,或者會call你哋睇吓發生咩事嫁~

...

喧嘩

我都見到果三首歌, 但係又見到乜乜自選歌曲表格喎, 咁咪要特登練過首歌同埋買書囉?
唔係咁大鍋ar? 如果高年班開始有人fever, 可能真係h1n1喎, 唔想停課ar, 已經好耐冇返學咁, 又唔返?
有個朋友仔讀sfa, 今個星期已經默書, 每個星期中英默各一次, 佢問我乜唔正常咩? 下, 我地一個月各一次炸, 唔怪得佢地考中學唔洗煩啦, 如果我個女讀sfa, 我諗第二個月已經俾人踢左出校lu

原帖由 fi-fi 於 09-9-18 08:34 發表
喧嘩,

校際音樂節....我記得應該係指定曲目三擇一,如果要帶譜出賽,記得記得要是正本,如果是copy就會取消資格嫁!
我今年唔會幫個仔報呢個比賽住,因為.....我覺得佢仲未彈到d details.....如果要我傷和氣咁迫佢練習, ...

喧嘩

下, 係咩? 乜唔係中英默成個學期得四次炸咩? 係喎, 仲有david本書, 等我再睇清楚d先, 新手媽咪係咁上下gar la
得閒去接下個仔啦, 可以順便識d同學仔媽咪, 我都識左個亞女個朋友仔媽咪, 都唔可以講識, 叫做見過面, 打下招呼咁囉, 不過亞女果班全部都等校車咁濟, 可能真係間學校太隔涉, 我屋企同我亞媽屋企都冇直接車去

原帖由 fi-fi 於 09-9-18 12:42 發表
喧嘩,

我哋係一週一次默書,中默英默隔住嚟嘛!

而sfa...我同事話,係成日都默書小測...佢話小一時,佢都會迫個仔溫,但發覺...呢d分數唔入成績表後就唔鬼理,淨係主攻計分果d測驗/考試囉!

...

[ 本帖最後由 喧嘩 於 09-9-19 22:01 編輯 ]

喧嘩

唔好咁講啦, 我地都要你多多指教
而家豬流感都好普遍啦, 中招機會真係好大, 你自己都要小心d , 唔好俾仔仔傳染到, 不過放心啦, 仔仔食藥再休息下就冇事gar la, 希望佢快d好番啦

原帖由 glory 於 09-9-19 09:16 發表
唔好意思, 入黎搭訕...

有發燒同喉嚨痛要好小心呀, 我仔仔星期二喉嚨痛, 第二日高燒, 尋日確診左係豬流感, 依家在家中康復中, 醫生就比假到今日, 星期一有發燒先再覆診, 不過呢隻病來得快去得快, 醫生話知道確診左 ...

喧嘩

求救!!!!!!!!!!!!
手冊上的:::有冇人知英文果行get乜嘢booklist 呀?我搵唔到
仲有呀, 英文張ws 唔係好識點做? 四粒星星寫完之後, 下面make a sentence, 係咪將上面d星星作晒句子? 即係my name is xx. i am six years old. i am a girl. i like dogs. 咁呀? ws中間write one p.12-21, 係咪俾我地睇gar? 乜黎gar, 有冇人可以教下我?

喧嘩

唔好意思, 問漏左嘢
今日聽完個TALK有冇用呀?
想問下聖默係背默金句, 定係只需背金句?
我老公同個女背左課文, 我今日睇完先知, 佢仲話唔係背咩喎, 我記得我細個都係要背金句, 點可能背課文, 有冇人聽過老師點講
唔好意思, 問題媽咪上

喧嘩

我反轉左個書包都搵唔到喎, 咁我係咪寫返喺手冊上面問呢? 都唔知亞女攪乜鬼, 仲有張飯餐表個名又唔係佢喎, 我唔理啦, 我晝左人地個名寫返亞女個名上去

原帖由 童童媽咪03 於 09-9-20 10:45 發表
This is a English Reading Scheme PI Book List in which there is a list of title.
We need to do the book reports after reading. If you can't find it, I think you have to ask for English Teacher.

喧嘩

即係果張英文工作紙, 我唔明佢話作句係咪作番上面星星果四句, 跟住成張工作紙的正中間就有write one p.12-21, 我見佢d中文工作紙會叫你參考番中文書第幾課, 咁佢lee張p12-21係咪有原機呢\?

原帖由 童童媽咪03 於 09-9-20 10:50 發表
我唔明什麼"ws中間write one p.12-21"喺邊度睇到架?

喧嘩

唔該晒, 記得得閒入黎指點下

原帖由 chanst 於 09-9-20 01:05 發表
喧嘩,

聖默係背默金句.

喧嘩

係咩, 有本叫做write one咩?咁我諗係參考佢啦, 我寫左手冊啦, 寫番喺果日果頁, 唔知老師見唔見到呢 , 我果日叫亞女背唐詩俾老師聽, 跟住佢無端端話你個女好叻gar, 全部識背晒, c 啦, 我自己同亞女都係識兩首咁大把, 睇黎, 我地要加倍努力先得
我今日太累啦, 攪完亞女訓得番, 啱啱先起身, 可能琴日捐左血, 本來佢地今日要打針, 亞女驚到cc下, 咁我咪帶佢去睇我同c6捐血囉, 點知今日又唔洗打

原帖由 童童媽咪03 於 09-9-21 07:10 發表
我想應該係參考write one p.12-21, 但嗰本write one好似唔係我哋個度喎.

喧嘩

龍柱: 學校網講gar, 係全級都唔打針住, 要另行再通知, 可能真係豬流感攪亂左
carcar: 我琴日寫左手冊, 但係今日都唔見張booklist返, 我用鉛筆寫左喺每日簽名對上個大空格, 可能老師見唔到, 我今日又再寫多次, 叫埋亞女同老師講, 睇下聽日點

各位: 我都唔知係d小朋友唔睇名, 定係老師亂咁派, 點解我地果班同bb豆果班d 嘢都係亂晒龍? 我覺得唔係佢地唔睇名囉, 亞女張飯餐紙唔係佢個名, 佢一返黎就話俾我知, 佢仲話人人都唔係自己個名喎, 咁我咪信佢, 晝左佢寫番亞女個名上去就算, 今朝交左, 仲夾埋張支票, 點知今日亞女又攞返佢自己個名果張飯單返黎喎 , 但係琴日錯名果張同埋張支票又俾人收左喎, 想點呀? 咁鬼亂

仲有呀, 你地d小朋友有冇試過派左餐? 我亞女有一次返黎同我講佢個餐好難食, 跟住我睇番張餐單, 明明我一定唔會選果個餐(明知亞女唔食), 而且睇返張飯餐我亦都冇選錯, 係佢地派錯左, 之後亞女記得都會問我聽日食乜, 不過就算派錯左, 我諗佢都唔夠胆出聲

喧嘩

又唔係餐餐難食喎, 我個女係超級鐘意食嘢果種, 我諗佢前世係餓死, 但係有d嘢佢就唔洗, eg: 蕃茄, 菠蘿, 所以如果選錯左,  挑得出黎都仲好, 如果唔係果餐就唔洗食, 亞女今次叫我有包果d千祈唔好選, 好難食, 唔知係咪麥包呢? 方包佢應該ok, 聽fifi講係自己攞餐, 等我問下亞女先, 因為佢唔係日日都記得問我食咩, 所以都係老師話佢知, 我地張飯餐紙放左喺屋企, 亞女話 下個月果張要夾喺手冊喎, 要知道自己食咩喎, 等我問下亞女點解果次會俾錯餐先

原帖由 童童媽咪03 於 09-9-22 00:11 發表
我個女都有提到話難食,我以為係我個女難服侍,原來所言非虛.

喧嘩

點解我從來未聽過?

原帖由 龍柱 於 09-9-22 13:00 發表
maggie, carcar:

我地勇班, 每借一本書, 同學就可以揀一張工作紙, 答完老師會俾分. 俾分會上閱讀龍虎榜...  你地信/望班無咩?  

阿仔暫時攞過20, 40 & 60分的工作紙.  其實好不容易, 上周末才做了20 & 40 分的工作 ...

喧嘩

哦, 嚇鬼死我, 我地背左兩首炸, 有一首仲要係幼稚園果陣背的, 咁我地都係慢少少啫, 我要努力努力, 最衰我冇乜時間啦, 有時要電話搖控, c6又(love)頭(love)計, 琴晚食飯果陣打俾個女, 亞女問我係咪可以返屋企, 我話唔係, 佢好唔開心, 仲叫我, 媽咪, 不如你退休啦
haha, 我都想

原帖由 童童媽咪03 於 09-9-22 00:03 發表
我都想呀,佢背咗三首咁大把咋,重有三首重未背呀,邊有咁多時間呀,重有好多故事書未睇都唔知點算.遲啲重話要做book report,咪喺我哋做,唉!

喧嘩

死啦, 我真係發緊夢, 我完全冇印象喎, 要睇下carcar同童媽知唔知先
唔知lee度有冇全職媽咪呢? 退休對我黎過真係好好好長遠, 我都想跟足晒個女d 嘢, 鬼咩, 又釣唔到金龜, , 我諗我起碼做到亞女玩完個三三四, 先有得諗下退休lee家嘢, 不過唔緊要,  最緊要悉心裁培個女, 返工咪返工囉, 你叫我日日喺屋企, 咪dum懶我

喧嘩

好彩啫, 我仲以為我成日遊雲太空, 我諗下次開家長會先同我地講掛
童童媽咪, 我好慘呀, 又俾老師寫手冊啦, c啦, 一個月未夠就兩次, 自問都跟到好足啦, 今次話我個女份剪報好多字都唔識讀喎, 叫我跟進好d , 其實亞女已經知道份報紙講乜 ,不過我就冇逐隻字教佢囉, 我諗住明個意思咪得囉, 跟住寫左句讀後感, 都有教亞女讀, 可能教左一兩次, 所以佢唔記得, 你地係咪教晒佢睇成篇報紙? 係咪得我一個俾人寫手冊呀?
我覺得lee兩次寫手冊, 一次係寫佢daddy, 一次係寫我囉

我攞返張英文booklist啦, 唔好意思, 我老人痴呆, 請問要做乜嘢閱讀報告? 做邊本? 幾時交, 我又好似聽過老師講, 但係又好似冇喎
亞女今日帶左張中文圖書個list返去, 我叫佢試下圖書堂借果d書返黎, 睇下佢借唔借到先, 我有d驚佢連果張紙都唔見埋

問左亞女飯餐點派, 佢話係叫名xxx A餐, 然後小朋友就取餐

原帖由 童童媽咪03 於 09-9-22 22:54 發表
我都唔知喎,淨係好似聽過閱讀龍虎榜,但唔知有工作紙這回事,係唔係每班唔同架.

喧嘩

攪錯呀, 亞女幼稚園都有做開lee種報紙分享喎, 我都係咁炸喎, 我都唔明點解老師話亞女好多字唔識讀, 真係寫晒手冊喎, 可能佢知我懶, 俾d壓力我, 等我學下glory教果招先, 唔該晒, 希望唔好再俾人寫手冊啦
琴日我俾左份中文借閱圖書果份嘢亞女, 叫佢借d書返黎, 掂喎, 佢真係借啱兩本, 佢仲話想借埋xx, 但係佢已經額滿, 因為有書未還, 跟住唔知點解, 可能老師見佢又帶番張list返去, 亞女手冊就寫, 收返圖書張list(不過今次就亞女自己寫)
carcar:
我諗住訂i-xxx果個囉, 睇落好似好吸引, phonics唔訂啦, 亞女學緊, 喺果度訂左d碟開都未開過, 真係24小時都唔夠佢用, 另外你講果個英文booklist係咪之前我收唔到果張? 我只係知有日期要做report, 詳情我就唔知啦, 真係on 居居

另外唐詩果度, 我地跳黎教個女, 跟住佢今日背俾老師聽, 但係老師只接受一首, 仲有一首亞女話未教唔洗背俾老師聽住喎, 乜唔係我地返屋企自已背咩?老師會教咩?